感恩（有粉絲知道我係呢一間花店買花，特意叫老闆娘，話如果我下次嚟買花！嗰束花她一早俾錢了，千萬個唔好意思因為我今次真係買咗好大束花，「我以為係自己俾錢，到最後有人送」所以10萬個唔好意思）
多謝粉絲嘅愛錫
好靚呀
我好鍾意
感激靚女老闆娘，下次唔好啦！

書生捕獵團（上）
　　
落魄嘅書生，路過一個小鎮。

佢遇上一個富家小姐，欣賞佢嘅才華，以身相許，兩個人私訂終身。

小姐仲畀晒自己嘅私房錢，畀書生做盤纏。
　　

書生得到愛情同金錢嘅鼓勵，信心滿滿咁上京趕考，順利考到狀元。

赴過瓊林宴，打馬御街前。

書生不忘舊情，大紅花轎迎接小姐。

小姐成為官夫人，人人艷羨，兩個人幸福快樂咁生活落去。

耶！
　　

嗱，呢個就係「書生與小姐」嘅理想故事。

呢個故事我已經聽咗一百次，但故事依然未實現。

自我介紹一下，我叫露珠，係一個丫環，我自細就同小姐一齊長大。

小姐自然係富家小姐，靚女一名，老爺係做生意嘅，都算有錢。
　　

老爺點樣有錢都好，佢始終係商人。

係呢個年代，商人就係俾人睇唔起嘅，滿身銅臭。

所以，小姐自細嘅心願，就係嫁畀一個做官嘅男人，成為眾人艷羨嘅官夫人。
　　

小姐長大後，先發現呢個心願有幾難。

官員之間會聯姻，大家都要面子，根本唔會娶一個富商嘅女。

就算有啲官員等錢洗，大把巨富之家嘅千金，等住嫁去做官夫人。

相比之下，以老爺副身家，真係排隊都輪唔到。
　　

所以，小姐嘅計劃都有所變動。

既然冇可能嫁畀「已經做官嘅男人」，唯有喺男人未做官前，趁低吸納，建立感情。

換句話講，即係要溝考中科舉嘅男人，狀元榜眼探花嗰啲。
　　

小姐嘅「書生捕獵計劃」正式開始。

小姐吩咐我收集資料，了解路過呢個鎮，上京趕考嘅書生。

要了解佢哋嘅年紀、屋企有冇老婆、性格、愛好，最緊要係成績好，有潛質考中科舉。

有錢洗得鬼推磨，我哋好快就整理咗一本「書生記事錄」，仲不定期更新。
　　

小姐嘅目標，就係年輕單身、成績優異嘅書生，實現「書生與小姐」嘅美好未來。

計劃嘅第一步「勾引書生」，往往係成功嘅。

想像吓，當你一貧如洗，寒窗苦讀嗰陣，突然有個美麗嘅富家小姐，話仰慕你嘅才華，願意以身相許。

十個男人，九個都唔會拒絕。
　　

到目前為止，小姐已經成功勾引咗十八個書生，送埋盤纏畀佢哋上京趕考。

但問題係，到目前為止，仲未有一個書生考中科舉，返嚟娶小姐。

應該話，都有三、四個書生考中咗，但佢哋全部都唔認數，仲有人喺京城娶咗大官嘅女。

當小姐託人寄信去京城，要佢哋兌現承諾，勿忘白頭之約。

嗯，每一封信都石沉大海。
　　

有一次，小姐唔服氣，仲千里迢迢去咗京城，拎住訂情信物，搵中咗舉嘅書生。

但嗰個書生居然唔認數，話唔識小姐，激到小姐爭啲嘔血。

唉，冇良心嘅人實在太多啦。
　　

小姐好困擾，突然有一日，小姐問我：「露珠，你話我係咪應該……生個小朋友呢？」

一直以嚟，小姐雖然對唔同人以身相許，但自己都有小心避孕。

小姐嘅意思係，佢唔再避孕，咁書生中舉後，就可以抱住個小朋友，去逼書生認數。

「小姐，如果你生咗，但個書生冇中舉呢？個個都知你做咗阿媽，你點樣去識下一個書生？」

我一連拋出幾個問題，小姐啞口無言。
　　

呢啲道理小姐都明白，只係佢年紀愈嚟愈大，仲未搵到書生埋單，開始慌張。

我同小姐情同姐妹，見住佢勾引一個又一個嘅書生，一次又一次咁失望，我都好心痛。

我終於忍唔住講：「小姐，不如放棄啦。」

做官夫人雖然威風，但做唔到丫嘛。
　　
下集：https://bit.ly/3nXfac7
　　
Patreon訂閱即時睇下集，快人一步：https://www.patreon.com/tomato28
　　
#短故 #短篇 #小說 #陳美濤 #廣東話 #粵語 #tomatochan #書生捕獵團

屈機文字．厚積薄發的女科學家 By 阿暖

各位好，我係阿暖。我想喺度同大家分享一個『屈機』嘅故仔。

咁屈機有好多種。

今次呢種屈機呢，如果有睇阿暖嘅小說，應該都好熟悉⋯⋯叫『厚積薄發』。

話說有位女科學家啦，大家如果鍾意，可以幻想到佢又靚女又性感咁（邊個無後生過？）

呢條女係一個好固執嘅人。

佢好後生就決定咗一生嘅研究方向，覺得呢樣嘢，最終係對世人有用嘅。

咁『呢樣嘢』呢，當時科學界曾經認為好有前途，但後來技術無咩突破，卡住喺個瓶頸度，令好多同行都中途放棄咗⋯⋯

但呢條女一啲都唔珍惜青春，係都要研究落去。

咁佢讀完博士之後，就喺研究所全職研究啦，點知後來間嘢倒閉埋。咁佢係匈牙利人嚟，見喺國內再無研究機會啦，就變賣家產，舉家搬去美國，繼續追夢！

但去到美國之後啦，佢四圍走去申請研究基金，都唔批。

後來或者佢個領域真係太冷門，佢論文發表不足，仲俾大學降職減人工。嗰時好多同行勸佢唔好咁執著，以佢料子，轉去啲熱門題目，好容易攞到資助。

但佢唔肯。

結果連佢返工嗰間大學，都關埋佢水喉。

後來佢終於搵到人合作，研究有咗突破性成果，終於有資金可以繼續研發落去，但始終無法達成佢嘅心願：就係用呢樣嘢去廣泛造福呢個世界。因為無公司肯吼佢個成果。

幾年後，佢終於搵到三十年來第一份穩定嘅工作：入咗一間叫BioNTech嘅公司做嘢。

然後到2020年，新冠肺炎大爆發。

佢個團隊用咗幾個鐘頭，就用咗自己已有技術，研發咗而家被稱為『復必泰』嘅疫苗出來。

啊唔記得講，條女個研究題目，叫『信使核糖核酸』即mRNA技術。

當我睇到呢個故事時，我心諗：

佢肯定唔會喺30年前，就預言到會有新冠肺炎吧？

呢啲就叫做厚積薄發。唔係有30年不懈積累，點可以幾個鐘頭就研發到個疫苗出來？如果無呢條女，可能到呢一刻，都未出到第一隻mRNA疫苗呢。

最後利申：

阿暖無意喺本文建議你打或唔打疫苗，我想講嘅係關於一位坐咗30年冷板嘅科學家，最終影響世界嘅『屈機』故事。

呢下屈機，係用咗30年時間去準備。

我覺得好值得寫落嚟，對嗰啲一直堅持自己做啱，但仲未見到成果嘅人嚟講，呢個係好大嘅鼓舞。

最後呢位科學家叫Katalin Karikó，我叫佢『條女』只係想口語化啲，絕對無不敬意思。反正大家都唔會記得呢個名，佢自己都唔指望你記得，但佢會希望你記得mRNA疫苗。

就係咁。

多謝大家收睇。我係阿暖，以後有值得一講嘅『屈機』故事，再同大家分享。

#屈機文字 #暖島出版 #阿暖 #BioNTech #復必泰

《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study

從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講： 

細佬：阿哥一齊創業喇！我哋去賣梳比和尚。

阿哥： 你傻㗎，和尚個個光頭，邊度洗梳頭。

細佬： 佢哋係光頭，但佢哋都要搵食㗎！

阿哥：咁關你乜事

細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。


阿哥： 咁即係點呀？


細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。


阿哥：阿李根興咁nice，梗係唔係咁嘅意思啦。


細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。


阿哥： 細路， 善哉、善哉，係喎。


細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。


阿哥：咁點賣呀？


細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。


阿哥： 好喎，我星期日教堂有100個兄弟可以嚟幫手。


細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。


阿哥： 細佬，你係哈佛大學真係學到嘢喎。


細佬：咁好嘅「和尚賣梳」idea,  你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。


我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset  承擔責任感: What do  believe 你嘅信念係乜, Have you acted on it 你行動左未, and Add Value to Others 為其他人增值.  


有嘅，執行再講 Vision 願景 , Priorities 優先重點 and Alignment 言行一致.  如果你做齊以上七樣嘢，你就可能係個好領袖， 好大機會人哋會跟住你行同埋做出成績。


(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。


(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？ 


(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？


(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。


唔好講到咁複雜，睇返個哈佛兄弟你就明。


Xxxxxxxx (重複部分內容)



有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment. 


(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。


阿哈佛兄弟嘅Vision 呢？ 

 

(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。


阿哈佛兄弟嘅Priorities 呢？ 


Xxxxxxx (重複部分內容)


最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？


又聽多次哈佛兄弟點？ 


Xxxxxxxxxxx (重複部分內容)


聽完以上七樣嘢，ownership mindset, what you believe in, take action, add value to others, vision, priorities and alignment.  你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。

好開心可以去到中學分享 除左係分享好有意思既歌之外 更重要係想法上的分享。 希望同學們抱著希望相信路絕對唔只一條 ，遇到任何困難或者低潮，記得生命最原始的快樂，能夠來這世界走一趟其實已很值得感恩，任何高低只是這過程的一種色彩。其他的一切總可解決，留得青山在，不怕無柴燒。

立即訂閱文靜的頻道：
http://www.youtube.com/subscription_center?add_user=h0346445

瀏覽文靜的最新課程資訊：
https://goo.gl/0wQ0O6

追蹤文靜的Instagram→更多學生實證與教學分享：CLAIRE_MAN
如何在DSE爭取中文科5**（五星星）佳績？報讀文靜的中文課程，輕鬆戰勝DSE！你也可以是下一個DSE中文科5**（五星星）！期待在課堂上見到您❤
=================================================================================================================
其他相關教學短片:
https://goo.gl/rCDZuC
https://goo.gl/ejisBb

搞笑教學短片:
https://goo.gl/L8jKb5

=================================================================================================================
短片文案:
DSE指定篇章其中一篇係莊子嘅逍遙遊，裡面嘅精粹就係無用之用呢個精神。
你知唔知乜嘢係無用之用？
由唔明變明，好似好深變車其實咁易，覺得好悶變其實都幾funny吖!
兩分鐘搞掂，來啦喎!

文章裡面惠子介紹左一棵叫做樗嘅樹，投訴佢樹幹擁腫枝幹捲曲唔能夠做作為建築材料或製作任何器具
莊子答：古畫上文句。
句子嘅意思就係大樗因「無用」而不會被斧頭砍伐，沒有東西侵害它，沒有甚麼可用之處，便不會有困苦禍患，免於受損，得以保身全性。
俗Ｄ來講即係：
佢都冇用，搵鬼要咩，放心啦，佢好安全！
認真諗，其實人生追求Ｄ乜吖？最基本要生存先啦，冇人害你，搶奪你，可以自由自在咁生活，唔係幾好咩？
（註：道家的主張，與同時代的其他思想家，大異其趣。 道家主張無為、自然，與儒家、法家、墨家各派的入世思想不同。課堂上之文化教學會作深入論述）
呢個咪就係無用之用囉？
呢個聽落去好冷門嘅哲學觀念，其實響日常生活都會見到，
就好似女朋友將原本靚靚仔仔高大威猛嘅男朋友糟肥一樣，女朋友：肥肥膩膩搵鬼要咩，放心啦，佢好安全！

來一個深Ｄ嘅好嘛？
道家思想認為世俗所有觀念都只係一種相對嘅比較，就好似有醒目仔先會發現另一個唔夠醒，見到靚女先會知道另一個唔夠靚，但呢種比較係冇絶對嘅標準架，就好似拍埋林志玲(圖)度我梗係豬排啦，但係同ANABELLE(圖)比我應該好睇過佢掛……
所以有用冇用，都係一種世俗嘅觀念，將嗰棵世俗人睇唔起嘅大樹種響寬曠嘅郊野，可讓人在樹旁徘徊，或在樹下逍遙自在地躺卧。邊個話樹嘅唯一用途只係用來當木材用？打破固有嘅思維方式，世人眼中無用嘅事物，自有另一種用途，等待我地去發掘。

如果鍾意呢條短片，請你按個like!
Subscribe 文靜嘅youtube channel 裡面會有更多DSE中文同埋生活上嘅有趣分享 
現代教育文靜中四至中六中文課程現正招生，想試堂感受上文靜嘅教學威力可以按呢個播放清單~
想聽下文靜門生嘅心得分享可以按呢個播放清單~
片尾會有課程時間表，亦可以按下面嘅文字簡介，裡面有課程章程嘅傳送門~
期望響課堂上面見到你地



關鍵字搜尋：文靜、DSE、DSE中文、DSE英文、中文補習、補習、補習社、補習老師、補習天王、補習miss、補習老師、Tutor、五星星、現代教育、寫作、作文、寫作技巧、閱讀理解、文言文、白話文、聆聽綜合、小組討論、、指定篇章、DSE指定篇章、
DSE2017 、DSE2018 、DSE2019、香港、廣東話