該住戶家中陽台玻璃無故爆裂，後建商無償賠償這片玻璃修復，但掉落下的玻璃砸毀中庭雨遮

建商不願負起連帶責任修繕中庭雨遮，所以收到管委會發函通知；中庭雨遮因住戶陽台玻璃掉落造成損害，要住戶負責賠償修繕雨遮。

要9萬1仟元。

建商名: 總瑩、總誼、總圓
其它建案在竹北，四季繪，靚公園(公園苑)，大家買屋前，請三思考量建商吧!!!

里奧叔叔在台灣的第一個自住物業

住洋樓養番狗一直係里奧叔叔既人生目標，可惜里奧不才，如果係香港可能勞碌半生都未必可以完夢，有機會移民嚟到台灣仲要住南部就盡力幫自己完夢。

為什麼House叫透天？

台灣人口中的「透天厝」簡單說就是樓房的意思(可通透到天上) 。依家透天厝越建越靚，大豪宅別墅連泳池都有，不過里奧叔叔好易滿足，有一橦實實際際可以一家人住得舒服既屋仔已經心滿已足，等我今日同大家分享下選擇購買自住透天既心路歷程。

剛到步高雄時我都係先租一間四房既apartment 面積大約實用1300呎，位置於高雄左營區，街市、超市步行2分鐘就到，離捷運站都只係步行5分鐘，極度方便。

4年前曾經接受過TVB訪問有關我當時住緊既地方，有興趣既朋友可以睇下面既link 👇👇👇

https://youtu.be/xYzygWjXluw

用咗一年既時間融入台灣既生活，得閒時就兩公婆週圍去睇樓，係台灣睇樓好簡單，因為週圍都有新盤開賣「大樓與透天」，而且台灣既新樓盤唔會有超額認購，幾年前既樓市比依家靜，絕大部份既建案都係賣現樓為主，睇樓 成為咗我兩公婆生活既一部份。

半年裡面，高雄捷運沿線既新樓盤幾乎都被里奧參觀過，高雄既樓價唔算高「同香港比就叫抵到爛」，里奧家原本考慮用$2000萬台幣以下買一間全新既四房單位連車位，面積考慮在實用1500呎左右，呢個面積對於一家四口嚟講，里奧本來覺得已經超額完成。

靚盤都睇曬啦，仲未決定到？

係，真係好過份，半個高雄市區既新盤都幾乎睇過曬但都未揀到心水，而且大部份既四房格局都差唔多價錢亦都係咁上下，里奧家就計劃縮細範圍，重點揀幾個樓盤去傾下價錢。

里奧叔叔有一日同老婆講，其實係咪可以去睇下透天呢？

里奧嫂話：透天咁大又冇工人「係香港有印傭姐姐，但台灣冇」，抹都抹死，係咪你抹呀？

Errrr......去睇下啦又唔洗錢，比較下啫。就係咁，里奧得閒就捉埋奧里嫂去睇透天，透天新樓盤大細不一，有D得兩三橦，有D大盤有幾十橦，又有D好鬼大仲有電梯花園，真係花多眼亂睇到頭暈暈。

除左頭暈之外就係腳軟，因為大部份新既透天都有4-5層，每次去睇樓都要行幾層樓，有時候賣樓姐姐仲會拉里奧睇幾個唔同既格式，睇完幾個格式之後都咪話唔攰，而有電梯既透天面積好多都成4-5000呎，5000呎又冇工人幫手既情況下係咩概念？相信大家都可以幻想到😰，所以睇嚟住洋樓既夢要破碎了。

皇天不負有心人，竟然比里奧發現有一個快完成既建案，呢個建商到處都睇到佢地既樓，上網查過下都有唔錯既口啤，而重點係佢地有面積只有80坪「2800呎」但有電梯既格式，有左部私人電梯，咁就幾多層都唔怕啦🤣🤣.

台灣九成物業係屬永久地權

呢個係台灣物業最值錢之處，同香港「香港島外」有土地使用年限的法規唔同。台灣既「透天厝」，即獨立屋總之只要係頂天立地的一幢，建築物既所有權，從地下到地上所有樓層，所佔地面面積，土地百分百係自己既。至於大廈住宅，土地權會平均分給所有業主，每人所持既土地份數唔多，所以台灣，尤其南部，會鍾愛「透天厝」。

重劃區有規劃具升值力

重劃區是指之前為農地、住宅用地或工業用地，由市政府主動規劃重整，由於必定預留公園用地，道路會加寬，電線地下化，生活配套完善，而且公共設施布置有序，樓價除咗能保值，還有升值潛力。

最後，里奧家基於以上兩點，再加上要完成里奧要住洋樓養番狗既目標，最後再經過一輪講價之後就成功買咗，成為呢個樓盤既第一個買家，一直住到依家，而有關抹屋既問題，里奧嫂已經唔記得咗😁

開始咗我地既「抹屋人生」🤣🤣🤣

#里奧叔叔
#移民台灣
#投資移民
#創業移民
#日希移民

［是但噏］
撤辣，供樓差餉及稅務優惠只適用於primary residence，再收exponential上的空置稅。等等。

收棕地和私人會所地(咪搞郊野公園)起公屋，靚地賣造私樓補貼公營房屋建築成本；再填海造新市鎮，再輸入外勞減低建築成本。等等等。

Easier said than done- 不知有多少個既得利益集團會跑出來反對：收租的，發展商，承建商，曬太陽的地主，私人會所會員，勞工，等等等等。

所以香港要樓價跌？只好等。等單大野，外來好自爆好；否則大家繼續溫水煮蛙，做旅行青蛙。

//樓市升極都唔識停，政府辣招可算是一大功臣。當初政府錯誤判斷，誤以為樓市主要被炒家弄高，於是重點壓制樓市需求，以為讓人買賣及換樓變得困難之後，樓價就應該唔會升了；結果當然是完全無效，辣招愈加樓市就升得愈快。這主要犯了幾個嚴重錯誤，包括：

（1）政府不了解樓價上升的原因。樓市上升的三個因素，是供應短缺、低息環境及環球QE放水；政府及媒體成日以為炒家推動樓價上升，這是1997年的主因，但今天已經不是了；

（2）樓市需求是沒可能壓制的，愈壓制，人就愈想買樓，這就是人性；

（3）辣招讓二手供應大減，換樓人士不再換樓，收租佬不捨得賣樓；

（4）二手沒有供應，結果益晒發展商，一手新盤賣得滿堂紅，愈賣愈貴，再反過來推高同區二手樓價。

政府不懂經濟學而出招錯誤，但全港市民就要承受後果。由於辣招沒有對症下藥，結果出現了好像追女仔的情況，就是「愈追唔到就愈想追」，有樓就是身份象徵，冇樓就冇社會地位；樓價升到癡咗線，買樓已經從自住需求，變成「擔心遲啲買仲貴」的需求，就算今天摸頂都要入市。

要解決樓市問題，就必須對症下藥，從供應方面入手，而不是壓制需求。土地供應專責小組搞了半年，更讓人覺得政府根本冇能力搵地；近期研究組合屋及貨櫃屋，興建時間當然較快，但問題是可以提供多少供應？每年幾百間到一千個單位？概念很好，可惜數量太少，整體幫助不大。

所以我們必須用近水來救近火。政府可考慮改變房屋用途，其中一個例子是讓發展商拆售酒店當住宅賣（就好像五年前雍澄軒的例子，雖然上次是失敗收場），目前全港酒店約75,000個房間，如果政府可以放寬出售，估計很多大業主都會有興趣，立刻變成數以萬計的市場供應；當然政府可保留一些限制，例如價格、轉售、稅率等，但比起今天搵地十年後變成供應，起碼可以救到一點近火。

放寬工廈地契限制，只要搞好安全問題，讓工廈可以改建變成住宅，也是一個近水救近火的方法。目前香港私人分層工廠大廈的總面積約為1.8億平方呎，約七成位處非工業地帶，只要將十分之一非工業地帶的工廈改建成住宅，立刻提供4萬個300呎的單位。儘管發展局早年引進了規劃措施，但現有工廈重建和改裝一直進度緩慢，如果政策得到配合，將會是一個提供大量單位的方法。

對於這些「近水救近火」的建議，根據香港回歸後的慣例，當然有一些完美主義者及凡事必反的人會說︰拆售酒店及工廈改建住宅之後，又會有XXX問題，YYY影響，ZZZ壞處.....結果就什麽都不用做了。//

http://eastweek.my-magazine.me/main/78220