［太美好的東西　會走　還未愛夠了你　怎放手］告羅非士打，梳士非巴利。置地本無樹，記者亦非台。Bankers Club？新一代以為講粗口呢

繼續全無公共性嘅長文，亦同投資或市場無關。三千幾字，意識流，跳嚟跳去，慎入。

TLDR：人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。我在Bankers Club食過碟海南雞飯，16年後仲記得—而我連第一次性交係咩感覺都已經唔係好記得（睇鹹古可以著返條褲，成篇文都冇再講性交）

1. 見 職場心經 講起，我又講兩句（幾千字咁咯），相我同用埋同一張。唔係抄，係致敬。畢竟我地就真係在置地幽會過！（但唔係Bankers Club）。同咩辰衝唔同，我又唔會乜都破舊立新，話冇乜值得懷念。Bankers Club絶對係小眾嘢，有幾多人去過？三十歲以下嘅有冇？

2. 拿，本人就去過啦！呢啲就邱月清個家姐邱月感啦。去過，當然唔係咩有朋友擺酒，或者股東會，業績會之類去過啦（呢啲，我全部都去過）。

3. 就梗係要坐低叫飯食，對住個夜景指點江山（唔通推車？嗰度停車場好貴的），懷念下英殖真好，講下西德馬克之類。結尾仲要係簽返個名，但唔使畀錢。呢啲就邱月感啦

4. 「不過，我都係跟人衫尾啫」。請噓，但即係至少我試過畀球王通坑渠咁，你估人人有資格跟人衫尾？

5. 甚至嚴格嚟講都唔完全係跟人衫尾，故事係咁的，由標哥講起（長期讀者可能知）．未睇嘅，睇返medium舊文（https://bityl.co/3dH5），好長氣咁講埃汾蘇花嘅職場生涯，雖然未必順序。

6. 同本文有關嘅，呢篇（https://bityl.co/3dHA），齋睇下半截都得，講我。埃汾英國讀Master後返香港雙失，頭兩份工都係教書，然後轉投銀行，再轉股票。但邊個咁破格，在銀行請個教書佬呢？就係蕉行嘅標哥。

7. 固然人工唔高（2004年嘅萬二蚊都係唔高，之後一年被草裙到萬八，還不錯）（＊），但首先標哥教咗我唔少嘢（咁我當年都仲係一個蕃薯，勝在可塑性哥），最重要係，佢算係親手帶我入行—雖然成件事誤打誤撞，我當時乜工都搵，佢亦請咗第二個，只係再有人走，佢又懶唔想登多次廣告唔想見多次人，先搵我執二攤。我又咁啱遲咗教書份工，都未搵工，八號風球入緊機場收到佢電話，就請咗我。未必係必然，但佢就算係改變咗我大半生，畢竟佢大可拎我份CV去包橙皮（打後我成日都見佢做呢樣嘢）

8. 當時，2004年，我在蕉行香港嘅資金部，Treasury，做刁拿青衣（我知係讀D拿，你唔知即係你冇做過銀行）。部門又俗稱「炒房」，但我地炒嘅，好似小學雞啲STEM玩具咁，根本玩唔出咩樣—我唔係笑蕉行小兒科，係感恩。正係因為點玩都唔會點爆大鑊，標哥好放心畀我玩。加上佢又hea，乜都踢晒畀我做—interbank 港紙美金我又做過，外匯我又做，Interest rate swap我都成日做（＊＊），basket credit link note我買過（即係一籃子六間嘢冇一間出事就有高息）—甚至連CDO我都買過（有機會貼啲歷史文件）。

9. 所以睇你點睇，我可以扮廢老講句：有啲人覺得老細乜都唔做踢晒畀你日日白逗人工正仆街，但我覺得係學習好機會，worst situation is the best training。況且標哥只係hea，唔係廢。佢脾氣差，但唔會鬧下屬（只會掟爛自己位部公司電話）。況且佢唔hea，佢就登多輪ad，根本唔會有我。整體佢都係一個相當好嘅上司。雖則我在蕉行只係一年半。

10. 由於我乜都做晒，標哥又大牌，亦都令我要接觸好多人。例如我講過，雖則我A Level英文有個B，Master又在英國讀，但去到2004年我啲英文已經退化七八成。嗰時但凡有鬼打嚟，我都會有啲緊張，因為隔離電話有時聽唔到人講乜，加上金融界啲鬼先唔會好好耐性重覆一次你聽。但標哥例牌唔聽電話，有時望到鬼佬打嚟我接遲啲，仲會串我「聽啦，鬼佬打嚟唔敢聽呀？屌，大學生喎」。於是我唯有硬著頭皮包皮咁聽。「拿，又有進步」

11. 最重要係，佢事無大少都踢畀我，有一期只係得我同佢在刁寧房。咁我地做trade，當然可以揀好多唔同對家。所以好多時其他行嘅sales都搵我地—但標哥只得兩個原則：佢本身識嘅，就唔使傾，經我口話OK。佢本身唔識嘅，就搵我去同啲友傾一輪先，好彩嘅，你第二次先可能會見到佢本尊。擺明係扮晒嘢，好似大明星演唱會咁，推啲奀星出去暖場，我就係暖場嗰個。

12. 暖場除咗令我知道好多術語，知道啲金融人嘅氣場（並加以模彷），亦令我啲英文同普通話由極低嘅基數進步外—仲有令我有好多好嘢食。係食飯，唔係食女。

13. 頭先講過，好多其他行嘅sales嚟巴結標哥，但因為本尊唔會咁易出現，我就等於係狐假虎威。所以佢地會巴結我。點巴？都係飲茶灌水。反正2004年，pre雷曼時代，全行都仲係幾好賺，匯豐股價150蚊（後生嘅以為我講大話）。佢地仲有唔少嘅entertainment budget，衰啲講句，最大嘅當然唔係洗在蕉行身上，但食到月尾，我食餅碎都夠。

14. 餅碎食過乜？令當時萬二蚊人工嘅我，可以去Ritz Carlton（舊址，而家中環AIA定建行嗰度）食日本嘢，當然係sales請。可以請我去河內道唱K（發誓，正K，兩條佬唱，冇其他嘢）再去新東記打邊爐。可以令我有唔少月餅券，當年我阿麻好老懷安慰，覺得我卒之都捱出頭來。但對我嚟講，更重要係，演唱會飛—當然演唱會飛佢地唔會送（除非家燕媽媽），亦唔啱規矩—但，佢地會拎到拎飛。而我亦會足數畀返佢地。有乜用？就梗係，拎嚟溝女啦。睇容祖兒坐到頭幾行喎。

15. 但最重要嘅係，Bankers Club

16. 標哥，係Bankers Club會員—當然係出蕉行錢，但佢有本事叫到公司幫佢出錢，或者係公司有幾個Quota就畀咗一個佢。但我就唔係，而呢啲會員嘅嘢冇得狐假虎威，亦冇得借畀我用。不過標哥自己係會員，佢啲行家都多數係，所以，我狐假虎威做代表，都會去Bankers Club食飯。

17. 好記得第一次，對家想要我地生意，某英資銀行。標哥就叫我放工去Bankers Club，搵呢個人，「老燒豬」（係真名，不過咁多年我估佢都唔會介意，況且佢應該知道個個都咁叫），一個叫Lucille （冇錯係姓朱）嘅女人。

18. 去到Bankers Club，老燒豬當然一早到咗。見到我呢個黃毛小子，都係發下功洗下我腦，叫我記得在標哥面前美言幾句。言談間，都同我講返起，「我一入行就聽過你老細大名啦」「嗰時佢直頭係四大惡人呀，邊個唔識佢」，但弦外之音亦都係，每個人都有佢嘅時間，我老細係威過，但已經回塘，到佢地呢代上位。

19. 我衣衣哦哦咗一輪，都唔知自己講咗乜，都係話佢知其實我都話唔到事，佢話當然明白，但我美言幾句就得。

20. 然後，開始閒話家常，佢就問我有冇嚟過Bankers Club，可能係我啲行為舉止已經出賣。佢就叫我「叫嘢食啦」

21. 於是乎，我就食咗人生中最好食嘅一個海南雞飯。

22. 當然，回憶中嘅味道梗係美好。後來標哥都有再同我去Bankers Club，但就當然老細發辦點菜，好似都冇再食過海南雞飯。

23. 後來，當然仲有去過Bankers Club，股東會呀，有人擺酒呀，有人榮休呀咁。但亦真係冇再食傳說中嘅海南雞飯。

24. 所以就係人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。

25. 港大年代，學到嘅實在冇乜。唯一係貪得意去聽岑逸飛講佛，講貪嗔痴，「求不得苦」。食唔到，好想食—都未係最痛苦。到食到啦，念念不忘，再想食多次，已經冇機會—可能已經最好。排除萬難，再去食多次，發現拎唔返嗰種感覺，返唔到轉頭，要搵更勁嘅嘢，好似毒癮咁，越踩越深。好多嘢都係咁。海南雞飯又好，虛榮又好，愛情又好。

26. 關於Bankers Club，除咗海南雞飯，實在已經講完。不過最後容許我補多段懷念標哥（未死的，退咗休啫），畢竟佢改變咗我大半生。

27. 當時標哥，過時過節前就請我地食飯，都食唔少好嘢。亦都見識佢簽個名就走人，唔使簽卡唔使畀現水嘅豪氣。有時佢仲會請食晚飯，咁有啲同事就當然唔多願意，覺得好似加班咁。我就冇乜所謂。

28. 飯後，標哥例牌捉我地去陪佢聽歌。係聽歌唔係唱歌。去邊聽？多數係酒店，有 Live Music嗰啲。標哥同我講 Santana，講Deep Purple，講Dire Straits，講Pink Flyod，講Led Zeppelin（！）。其他後生同事當然唔多識理佢，唯獨我搭到嘴。

29. 但，點解？「因為我老豆聽！」。聽到呢句標哥就有啲唔高興，「講到我做得你老豆咁喎」。但事實係，因為我老豆十八歲生我，其實仲後生過標哥。

30. 第度唔知，但當時聽啲Live Music，十居其九都係賓佬賓妹唱。

31. 而其中一個賓佬，就係Joey Vidal．乜水？就係衞蘭嘅老豆！亦係衞詩嘅老豆！我點解知？因為我拎過衞蘭嘅CD畀佢轉交個女簽名！

32. 簡直不能相信，咁就16年前嘅事。

（＊）當年係因為有教書舊同事去咗太古城地利亞，拉我過檔，兩皮嘢個月。我返去蕉行辭職，獲標哥挽留（因為佢怕煩，咁當然亦因為我唔係十分非常差）。就match 返我個人工。點解係18500 唔係 20000？舊文有寫。但呢個短故事已經話你知三個職場法則：第一，識人好過識字（舊同事介紹我去地利亞）。第二，好多老細係怕煩嘅，又唔係佢嘅錢，加你人工冇你想像咁難。但第三，第啲行業我唔知，但金融圈，你想人工加得快，得兩條路。A，你轉工，跳嚟跳去彈出彈入。B，你拎個屙化兇你老細加人工—Either way，你都係要有個屙化在手。

（＊＊）你可以睇下日鳩日講咩港紙爆煲呀聯匯乜乜呀嘅所謂KOL呀，專家呀，記者呀，有邊撚自己炒過IRS．乜嘢IRS？稅局呀？

—————————————————————
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

【水上樂園級⭐️公眾游泳池】名單

難得學校假期，幾乎包場玩水上樂園級公眾游泳池，狂玩水🏊🏻‍♀️🏊🏻‍♂️！所有嬉水池同大小滑梯**十一月**就關閉直到四月，趁未轉涼好快D去玩番轉啦！

全港43個公眾游泳池，當中約一半有戲水池/嬉水池/滑水梯/水簾/射水/噴水設施，而且入場費極低：
星期一至五- 成人 $17, 小童等$8
星期六、日及公眾假期- 成人$19, 小童等$9

以下係推介有嬉水池的公眾游泳池, 有⭐️的為水上樂園級：

【香港島】
⭐️港島東游泳池 (室內外嬉水池！)
堅尼地城游泳池
柴灣游泳池

【九龍區】
⭐️斧山道游泳池 (室內外水上樂園級嬉水池！)
⭐️何文田游泳池 (室內外嬉水池！)
九龍公園游泳池
大角咀游泳池
大環山游泳池
九龍仔游泳池
佐敦谷游泳池

【新界區】
⭐️大埔游泳池 (6條超長彩虹大滑梯！)
⭐️馬鞍山游泳池 (4條九米高大滑梯！)
⭐️將軍澳游泳池 (4條大滑梯,水上樂園級嬉水池！)
賽馬會仁愛堂游泳池
屯門西北游泳池
天水圍游泳池
城門谷游泳池
荃景圍胡忠游泳池
青衣游泳池
上水游泳池
顯田游泳池
西貢游泳池

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🎁 送【TechbobDiscoveryCentre入場/機械人/工作坊】
>>http://bit.ly/2McTdkw

【非一般的「飲茶」放題】😋
>> http://bit.ly/2pJKBua

🎁 Travelababies 旅遊產品
獨家95折優惠碼「annie19」‼️
>> http://bit.ly/2mQ19Q0

Website [www.livechildhoodagain.com]
more on [ http://bit.ly/2RMObOi ]
親子共讀會: [ https://bit.ly/2BJ5U1t ]📚

#hkblogger #快樂童年 #livechildhoodagain #swimming #hkpublicpool #pool #waterland #hkmommyblogger #hktravelblogger #waterfun

紀念 · 由此「#喜」
#彌月宴 #百日宴 #生日派對 #壽宴 優質場地 🤓

上星期難得與婆婆、海馬仔一起 #3代同堂 出席了 東海飲食集團 East Ocean Gourmet Group x 我愛Mama 合辨的派對~享受了一頓美味的宴會美饌及精彩小活動!

東海其實本身是我家的飲茶、宴客首選場地，環境、食品、服務水準高! 我們常常都去 #TheONE, #北京道一號 和 #青衣城

東海除了有多款全新百日宴/生日派對/壽宴菜單供選擇外，仲提供多項優惠及一站式配套服務，包括 #主題拍照佈置、 #宴會請柬、#汽球佈置服務、 #即影即有相…方便哂各位忙碌的爸爸媽媽們!

即日起至2018年10月31日前，於指定分店預訂及享用宴會更額外享：
🎈百日宴/生日派對：額外送「可愛寶寶連身衣」乙件
🎈壽宴：額外每席送紅酒1支
🎈凡預訂百日宴/生日派對或壽宴滿5席，可享「家庭攝影服務」(價值$1,500)

菜單詳情: https://goo.gl/Yk1G2L
優惠受條款約束，詳情請參閱店內及網上宣傳品

今次派對上除了美食、遊戲玩，仲可
🎊試玩 尚尚簽•蜜蜜簽 電子簽到服務 - CP Photobooth 即影即有及特製嘅即印氣球 影底我地3代同堂照!
🎊試食 Smokey Ice 最正的噴煙雪糕~當日仲有4款口味的雪糕，小朋友和媽媽都非常興奮!
🎊試讀 Oxford Path 牛津幼兒英語 的發聲書 ^^

#東海飲食集團
#我愛mama
#尚尚簽蜜蜜簽電子簽到服務
#smokeyice
#OxfordPath牛津幼兒英語

青衣城（Maritime Square）是香港大型商場之一，與香港新界青衣島青衣站相連，於1999年4月1日開張，商場面積達500,000尺，屬港鐵公司旗下的物業之一。而青衣站的上蓋物業除了青衣城外，盈翠半島亦是青衣站的上蓋物業。商場地下設有青衣島內唯一的戲院，名為「GH青衣電影城」，由嘉禾娛樂管理。地下近青衣海濱公園位置設有多間食肆，包括元気壽司、丼丼屋食堂、Pizzastage、Mr. Steak西餐廳。中式食肆包括稻香酒家及譽居。然而，扒王之王潛艇世界前身為潛艇餐廳，餐廳在2002年結業後，由扒王之王接手經營，部份潛艇裝飾得以保留，可惜最後扒王之王於2012年結業，由Pizzastage代替。青衣城設計獨特，當年引進了「Shoppertainment」的美式娛樂購物概念，主題以海洋及航海為主，承襲郵輪的特色布置，遼闊的流線型走廊、以及色彩繽紛的航海旗桿，亦是其特色之一。自2008年至2010年開始翻新後，青衣城大部份原有的設計概念及特色已經蕩然無存，取而代之為各大名牌店舖。
青衣海濱公園沿青衣島東岸，由翠怡花園開始，經過青衣碼頭、宏福花園、青衣城、灝景灣、長發邨伸展至青衣東北公園，全長超過2,000米，佔地6.6公頃，並設有閘口連接青衣運動場及私人屋苑—灝景灣和宏福花園。此公園上空有一條行車大橋及一條鐵路橋，名為青衣北橋和青荔橋。青衣海濱公園面對藍巴勒海峽及荃灣，種植了多種植物，是青衣區居民運動以及休憩的好地方。事實上，每天均有市民在此進行跑步及舞蹈運動，甚至練習太極一類的健身操。公園更設有健身設施，因此市民除了進行跑步之外，更可以享用這些設施鍛鍊自己。此外，更有多個兒童遊樂場，讓小朋友也可以在這個設於海邊的公園，盡情玩樂。青衣海濱公園另一個特色就是其眺望臺，讓遊人可以從一個更好的角度，眺望對岸荃灣及深井的景觀。另北部連接東北公園,為不同年齡的市民提供多種康樂設施：包括一個十一人人造草地足球場及可容納二百名觀眾的看台、兩個籃球場暨排球場、門球場、單車徑、兒童單車徑、滑板場。其他康樂設施包括兩個兒童遊樂場、足健徑、露天廣場、海濱長廊、設有健體站的緩跑徑、長者健體園地及園景區。