前排工作到有點頹，同 日港遠戀到同棲生活 既FIONA訴左陣苦，個時已經想約佢出來幫我諗諗計解決社長前輩同我既關係😔😔可惜因為無止境加班，導致唔小心放佢飛機，幾GENTLEMAN都好真係幾唔好意思。🙇🏼🙇🏼🙇🏼

再到早幾日收到個另一個朋友出完TRIP係美國返左黎東京，滿心期待可能會收到做手信👉🏼👈🏼就順手問問不如三個人一齊食餐快飯，當識下朋友囉！哩種「佢都係我同鄉喎！」既感覺，真係要人在異鄉先會FEEL到。

因為差不多到糧尾，我地月光族都唔敢去食放題同居酒屋（好想去肉橫丁大食牛肉）咁啱諗起上次同青梅竹馬們食過位於渋谷MARK CITY既壽司屋。梅丘美利登係好多旅遊書同 TripAdvisor 都大力推介😎👍🏻人氣極大，就預左要排長龍～我已經早7點攞飛，個時仲好天真咁自動代入香港邏輯，雖然前面仲50張枱，實有一半人會唔等走人！好可惜，我地8點45分才入座😱😱😱

入到去見到價錢真係好驚訝！！點解750円(HKD55）可以食到個SET？極上壽司SET由1200-2000円（HKD80-145）真係可以用「平靚正」形容到😍😍😍丫仁大力推介大赤蝦壽司同蟹膏味噌軍艦，價錢都只200円／貫（HKD15) 築地都未必做到哩個價錢呀～

驚唔識日文，唔知點叫邊種魚？係得遊客區，有中港台員工是常識吧，除左渋谷，係銀座／赤坡／吉祥寺都有分店，唔鍾意排隊但又想食好西的港豬豬們真係要諗清楚。

梅丘美利登官網
http://www.sushinomidori.co.jp/index.html

PS：皆因朋友說美國既可樂係日本／香港既味道完全唔同，可惜.....丫仁黎左東京成年，由於一日一支放縱喪飲可樂，結果個肚腩仲勁過日本人既啤酒肚😱（戒緊）

Mr. Wally似乎長駐渋谷，幾次黎到哩到都見到佢Busking

#工作遊記 #大丈夫 #丫仁 #tokyo #日本 #東京 #working #holiday #工作假期 #期間限定好友 #香港人 #廣東話 #無止境加班 #月光族 #糧尾 #佢都係我同鄉喎 #MARKCITY #渋谷 #美利登 #蟹膏味噌軍艦 #梅丘 #築地 #食好西 #青梅竹馬 #TripAdvisor #Busking #MrWally