[食物比拼系列20-黑糖珍珠鮮奶] 又嚟到星期日評論同比較一下唔同店鋪既同一類型食物/飲品 當然啦 始終每個人既味蕾同喜歡/不喜歡既因素都唔同 所以市面上任何食評或者係我既食評最多都只可當作參考 今次揀近期大熱黑糖珍珠鮮奶嚟評論一下先 選擇左最出名其中九間 人人口味唔同而每日出品亦可能有偏差 以當日出品為準 •第一行左面珍煮丹既黑糖珍珠鮮奶😍 台灣既珍煮丹海外第1間分店終於登陸香港! 主角黑糖珍珠鮮奶 ($30) 搖勻後飲黑糖味同奶味都較為淡 不過黑糖珍珠尚算入味 質感亦都頗為煙韌 但有點水準不穩既感覺 一次珍珠太腍亦唔算入味lol 呢間可以自選冰量同甜度 評分: 6.5/10 📍珍煮丹 銅鑼灣利園山道15號 •第一行中間既髒髒黑糖珍珠鮮奶($43)😍😱 不過可惜既就只係望落吸引 撈勻之後飲落呢...首先黑糖味就好似你好重視既一個人 你地相處一段時間諗住可以更進一步拍拖之際 對方竟然可以突然間消失得無影無蹤... 至於奶味亦都非常之淡 成杯飲落係同部分人既人生一樣 - 完全係淡而無味 但如果要將呢杯既珍珠同我做比較既話 直情硬過我條命 🙂 咬到牙都軟 唔夠煙韌 評分: 3.5/10 📍茶聊 Tearapy 旺角砵蘭街189號1樓 •第一行右面黑糖珍珠鮮奶($27)😍 呢間開左幾個月既小店除左有抹茶同紫薯之外 人氣之選就有黑糖珍珠鮮奶 可以自己揀冰量同甜度 記得搖勻後飲 珍珠其實ok 都幾煙韌 不過我覺得成杯野飲落味道好淡 黑糖味淡 雖然用上明治牛奶但當日既奶味係難飲到想扔左佢 評分: 5.0/10 📍小茶堂 TeaDays 旺角花園街2-16號好景商業中心地下22號舖 •第二行左既黑糖珍珠鮮奶($28)😍 深水埗名店 甜度固定左 店內除左有普通珍珠同黃金珍珠之外 呢杯就配上黑糖珍珠 珍珠同黑糖一齊熬煮 而質感都幾煙韌 黑糖鮮奶 黑糖味帶甜但未夠香 入口還算順滑不過奶味較為淡薄 但整體都okay 評分: 6.0/10 📍圓圓 Double Bubble 深水埗欽州街74A號地下3號舖 •第二行中間黑糖鹿丸鮮奶($28)😍 我記得呢間一開既時候反而唔係太多人排 我當時飲另一款就亦唔覺得好飲 點知之後愈來愈多人排 今次就飲另一款飲品 排隊排左45分鐘 lol 黑糖鹿丸鮮奶 奶味較淡 黑糖味道同樣地較淡 不過珍珠都算幾煙韌 但要排隊飲我認為唔值得 評分: 6.0/10 📍鹿角巷 The Alley 尖沙咀彌敦道27-33號良士大廈地下F舖 •第二行右黑糖珍珠鮮奶($22)🤔 太安樓人氣小店一直都賣芋圓同刨冰 最近加入戰團 新推出 黑糖鮮奶固定左甜度同冰 飲落嚴重過甜 虎紋唔算好深 黑糖味有但都係較為淡 珍珠似食緊膠 評分: 4.5/10 📍來來小吃店 西灣河筲箕灣道57-87號太安樓第二街A33B號舖 •第三行左黑糖青蛙撞奶($29)😍 元朗既人氣飲品店 不過熱潮減退左 大概都係因為質素問題 🤔 飲落黑糖味同奶味都係較淡 固定糖固定冰 飲落幸好唔算過甜 但珍珠份量少而且唔夠煙韌 比較硬身 評分: 4.5/10 📍春風撞奶舖 元朗鳳琴街15號鴻運中心地下74A號舖 •第三行中間銅鑼灣人氣黑糖波霸鮮奶($30)😍 雖然台灣方面被踢爆用焦糖色素加上非手炒 但飲落確係算香港做得最好嗰間 其實波霸較為腍身 未算好煙韌彈牙 不過虎紋好靚 除左鮮奶外面層有一層奶霜 黑糖幾香 與奶味並重 整體唔算過甜 黑糖波霸鮮奶 ($30) 評分: 7.5/10 📍老虎堂香港店 銅鑼灣渣甸街36號3號舖 •第三行右黑糖粉圓鮮奶 (L:$33/M:$30) 🤔 評價兩極既飲品店 出名既除左有水果茶仲有每日限定一百杯既黑糖粉圓鮮奶 飲落黑糖味有但同奶味一樣淡薄 珍珠略帶煙韌 整體香港固然有其他更好選擇 評分: 5.5/10 📍一芳台灣水果茶 Yifang Taiwan Fruit Tea 尖沙咀彌敦道132號美麗華廣場一期1樓G109A號鋪 另設 沙田 荃灣 旺角 銅鑼灣 中環 鰂魚涌 葵芳 大埔分店 - 暫時個人認為整體嚟講老虎堂係香港較好既一間 黑糖同奶味都幾香濃 但波霸質感有進步空間 雖然老虎堂被踢爆非手炒同加左焦糖色素但飲得呢啲都預左唔會健康 如果有concern 最多全部都唔飲🤣 不過當然 時間最重要 好多間要排隊其實都唔值得 _ 會幫食物create hashtag #黑糖珍珠奶茶_foodiexblogger 以及 #食物比拼系列 下次大家想我講咩食物?😁