呢個月有唔少新式綠在區區開幕，選址都靠近民居甚至係地鐵站附近，有啲舖面仲非常寬敞。或者某啲人士會覺得咁樣做係嘥錢、浮誇，但新式綠在區區正嘗試打破多年嚟墨守成規嘅環保回收形象。 . 據環保署網站，由2015年起，環保署以公開招標方式委聘非牟利團體營辦 「回收環保站」 (前稱為「綠在區區」)。 雖然呢啲回收站比起三色回收箱所能夠回收到嘅物資種類廣，但係地段往往唔係太就腳。加上去呢9個回收站，路程大部份都係露天，要拎住一袋二袋回收物資前往回收站都令唔少人卻步。 . 其實除咗呢啲好有心嘅回收站，不同地區都有私人公司做緊回收（紙、塑膠或鐵類）。不過即使有呢啲公司做填補，回收終究俾大眾幾個感覺：亂（唔知咩收得咩唔收得）、污糟（部分回收點衛生較差）、唔就腳（咩都收嘅綠在區區唔近交通網絡或民生要點）。 . 新式綠在區區回收便利點正正想填咗呢啲盲點。由2020年起，環保署提供常規化撥款，以合約形式委聘合資格嘅非牟利機構喺全港18區設立並營運22個 「回收便利點」 ，以強化社區回收網絡。換言之，而家大家見到嘅新式回收站用緊政府資助，喺較為就腳嘅地點做回收，同時增設夜間自助回收服務。 . 便利點裝潢企理、回收時間長、指示亦比較清晰（當然仲可以做多啲infographics），呢啲都係針對改善現時環保回收系統比大眾壞印象嘅切入點。 . 呢個計劃仍然有為人詬病嘅地方（益咗地產商、豪花公帑等），不過透過佢的確係普及咗回收文化，只能寄望以後會愈做愈好；） . 另外， @wanbo_hk 做咗好好嘅整合， 大家可以參考參考。 . #香港人 #回收 #環保 #綠在區區 @big_waster_hk