上一回講到我嚮圖書館中 睇到一本小童部的圖書 有講到太陽能的設計， 但因為上次無借到 所以無講到個書名， 今日有時間去圖書館一轉 影左個封面俾大家睇 而佢係一個系列的， 我今日睇埋佢同系列的其他書 其中一本講電氣， 佢本書係講電子如何發現 及電力如何使用於不同電器 仲會介紹埋好多電器的原理 包括電子鐘、洗衣機、吸塵機、 微波爐、影印機 好細緻講如何由電力 轉做其他形式以做到不同家電的效果 又有另外一本同系列的書， 好細緻介紹電話的設計 深入談到電話筒如何將人聲的震動 令碳粒受到不同壓力 再利用碳粒受到不同的壓力 令碳粒自身的電阻有所改變 再引發一連串不同頻率的電壓 再轉去另一個電話筒，而另一邊的電話筒 利用不同的電壓引發電磁力， 再利用磁力的改變 製造出另一邊電話筒的聲出黎 內容好複雜，我都唔記得有無講錯， 大約的意思係咁 睇完之後您真係會寫個服字俾班科學家 一個一個不可能的任務 佢地可以一一去克服、改良， 最後做出的產品 當然，佢講得較深入的地方就會覺得要修翻個電工課程先會聽得明 我愈睇得多、愈覺得科學家的厲害及自己的無知 果幾本書我最後都無借到 因為我知道我要睇得明果幾本書 至少要花一個月不斷上網查有關的知識先可以明到每部分的內容 我忙埋要忙的，有時間會研究一下 有機會再拍片同大家分享 或者大家有時間都可以去圖書館借黎學下 ----------------------------- HKDSE Mathematics 數學天書 訂購表格及方法︰ http://goo.gl/forms/NgqVAfMVB9 (**訂購天書，一般今日完成程序、明天寄、後天收到 (公眾假期除外)) YouTube 網上教學平台 : http://www.youtube.com/HermanYeung Herman Yeung Blogger : https://goo.gl/SBmVOO Herman Yeung Instagram : https://www.instagram.com/hermanyeung_hy