真心覺得ERROR世間難求，香港人值得自豪 （至少英國已經無，因為電視台無勇氣） 唔知有幾多人好似我咁，本來睇《ERROR自肥企劃》發現好上癮，然後喪睇返《花姐ERROR遊》。 係，我承認當初睇純粹因為香港由網絡到親戚朋友好多人講，作為華僑（亦係一個網絡灰塵）的確係驚死脫節先去睇嘅。初頭覺得佢地夠癲夠盡好笑所以睇落去，但睇睇下除咗覺得當中其實對香港有一份特別意義，係大家好似揾返失去咗好耐嘅真正令人响屋企對住部電視好簡簡單單笑出聲嘅節目（唔係佢搞我唔笑嗰啲得配音笑聲on9嘢），然後開始覺得根本係現今國際少見。 要人笑從來都係比令人喊難一萬倍嘅事，當大家笑ERROR或者制作團隊（無限制OT編集團）癡線到盡頭嘅時候，其實响節目當中或多或少都令觀眾感受到佢地負出嘅努力同代價。連我屋企唔夠十歲嘅「西妹」笑笑下都無啦啦講， "To be famous, they must be very brave and working very hard to do such disgusting things...so scary!"。 有人可以好L清高咁覺得無聊低能，老實講，講嗰啲根本無童年或者青春過，唔該問下自己，細過嗰時，自己見到啲同學或者朋友，會因為咩成班人笑到癲咗？唔通一齊讀書好笑？咪係自己有份做，就係見到朋友同學做（但自己無膽做）啲無聊膠嘢囉。無聊低能？唔啱香港人夾錢比講嗰啲「道德判官」試下？唔笑賠雙吖？ 再者，世間上令人大笑（唔只回心微笑）嘅笑話、節目同喜劇，有邊啲笑位咪係挑戰道德、性、種族、甚至屎尿屁㗎？從來都只係點拿捏嗰條所謂嘅底線，响現今政治正確講乜都有玻璃心取消文化嘅風氣之下，都唔好講香港，好多笑位英美節目已經唔敢做，夠膽講ERROR同無制限OT編集團嘅節目係現今世界少有為咗觀眾笑（唔笑點有收視）有勇氣挑戰各種無謂道德底線，香港有個咁無限制嘅節目係值得自豪，一個好開始。 笑下啦香港人！即係咁，如果有個長期病好痛，日日講住乜乜七七仔細形容唔等如快啲好返，耐唔耐都要食下止痛藥麻醉下，平衡下身體心靈先可以繼續面對病魔。 話時話，無制限OT編集団の行動綱領個MV（https://bit.ly/3uZ2q5u）點解仲未過百五萬？ 鄭重要求！！！ #Viutv幾時有外國版 #用VPN睇好L窒 #ERROR唔紅天無眼 #應該加英文字幕衝出國際 *************************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： Deep State、捉鬼、MI6、美女、Donald Trump、好亂呀！ https://bit.ly/3eQ7hQt 唔識點評論嘅「圍警察成功迫放非法移民」新聞 https://bit.ly/2RS2R2E 解剖英國國會開幕典禮儀式細節歷史 https://bit.ly/3eKmMto ***************************************

【 第93屆奧斯卡 】 _ 人生就是，當你以為買了VPN可以看台視直播《第93屆奧斯卡頒獎典禮》，但原來當地只限電視播放權，網上直播版本要另行尋找翻牆途徑；更搞笑是，因為返深宵班要天光才睡，以為瞓兩個鐘可以起身看直播，誰知鬧鐘一響撳熄了，真正醒來時，頒獎禮經已播放完畢。好在，有朋友「安慰」說：「今屆真係悶到抽筋！」當堂覺得走去搵周公冇蝕畀小金人。 _ 所有獎項塵埃落定，想看得獎者領獎片段，亦都在YouTube找到來看了，《浪跡天地》（Nomadland）勇奪最佳電影、最佳女主角（Frances McDormand）、最佳導演，相當正路，趙婷更是繼Kathryn Bigelow之後，成為第二位奧斯卡最佳女導演，兼第一位華裔女導演，可喜可賀，難怪無綫跟隨國情放棄直播，因為趙婷的身份和之前的言論，令到某些人太尷尬了，不直播，最安全。 _ 另一個「炸彈」是最佳紀錄短片花落誰家，結果圍繞2019年反修例運動、由挪威導演Anders Hammer執導的《Do Not Split不割席》失落獎項，由Anthony Giacchino執導的《Colette》奪獎，紀錄片講述年屆90歲的法國女人Colette Marin Catherine跟隨一名歷史系學生Lucie，返回胞弟被殺害的納粹德軍集中營，在這次旅程中，她記起第二次世界大戰期間的恐怖經歷和悲傷回憶。 _ 導演Anthony Giacchino在台上致辭時，先說：「多謝大會，今天是Colette的生日。」然後又指這套紀錄片是向抗爭者致敬，跟另外幾部入圍作品擁有一樣的出發點：「That same power of the documentary storytelling, that is going to ensure the memory, courage and resilience of Latasha Harlins（《A Love Song for Latasha》）… the innocent children of Yemen（《Hunger Ward》）, and the protesters in Hong Kong, are not forgotten（香港的示威者不會被遺忘）！」而有關「香港示威者不會被遺忘」的這句話，竟然能夠在無綫電視的《午間新聞》播出，實在有趣，也夠諷刺。 _ 【 足本得獎名單 】 最佳電影：《浪跡天地》（Nomadland） 最佳導演：趙婷《浪跡天地》 最佳男主角：安東尼鶴健士（Anthony Hopkins）《爸爸可否不要老》（The Father） 最佳女主角：法蘭絲麥杜曼（Frances McDormand）《浪跡天地》 最佳男配角：Daniel Kaluuya《Judas And The Black Messiah》 最佳女配角：尹汝貞《農情家園》（Minari） 最佳國際電影：《醉美的一課》（Another Round／丹麥） 最佳原創劇本：《超犀女王》（Promising Young Woman） 最佳改編劇本：《爸爸可否不要老》 最佳攝影：《曼克》（Mank） 最佳動畫：《靈魂奇遇記》（Soul） 最佳配樂：《靈魂奇遇記》 最佳原創歌曲：《Fight For You》（H.E.R.／Judas and the Black Messiah） https://bit.ly/2S60TMf 最佳動畫短片：《無論如何我愛你》（If Anything Happens I Love You） 最佳視覺效果：《TENET天能》（Tenet） 最佳剪接：《寂靜的鼓手》（Sound of Metal） 最佳化妝及髮型設計：《藍調天后》（Ma Rainey’s Black Bottom） 最佳服裝設計：《藍調天后》 最佳美術指導：《曼克》 最佳音效：《寂靜的鼓手》 最佳紀錄長片：《我的八爪魚老師》（My Octopus Teacher） 最佳紀錄短片：《Colette》 最佳實境短片：《Two Distant Strangers》 _ （26042021） _ #游大東 #游大東影視筆記 #anthonygiaccino #奧斯卡2021 #oscars #oscars2021 #浪跡天地 #nomadland #趙婷 #不割席 #colette #hongkonger #tvb #反修例運動

【 點先睇到第93屆奧斯卡？】 _ 造圖，諗落咩字，腦海中想到甚麼便打出來，一看，就連自己也忍不住笑 ── 「點先睇到第93屆奧斯卡頒獎典禮」，乜料？繼而想起，每年奧斯卡舉行前夕，總會分享「奧斯卡神婆」畢明 @budmingbudming 的預測文章，再例牌寫一句：「一年容易奧斯卡」！來到今年，同一句話，要再加多句：「一年容易奧斯卡之其實過去一年已經好不容易」。怎會估到，自中學時代開始，總會倒搭咁早打開電視看明珠台直播奧斯卡／夜晚一邊睇字幕一邊學英文的習慣，來到2021年竟然冇得繼續，更要翻牆收睇？ _ 身處網絡世代，閱後即焚，看直播的重點不是直播的過程，而是知道結果、得獎者在台上說些甚麼，或者留意唱歌環節，帶起話題，跟友儕討論，僅此而已，反正近年的主持及講稿質素已大不如前，收視每況愈下，去年甚至不再有主持，想起那些年親眼見證Billy Crystal，或Whoopi Goldberg，或Steven Martin，或如今已經變成乞人憎代表的Ellen DeGeneres，他們於頒獎典禮開始一刻，站在台上講一大輪，或播放惡搞短片，大放笑彈，笑到台下全部人收唔到聲，夜深偶爾也會在YouTube上找來重溫。我相信，就算大家今早不看直播，賽果也會如叫外賣般透過社交平台直接送到眼前，然而香港與國際社會脫鉤，真真正正成為中國大陸的一個沿海城市，折射政治現實和虛偽，這才是最教人痛苦吧。 _ 記得那天（29／3）一覺醒來看見《英文虎報》（The Standard）率先爆的料，指香港將會自1969年以來，首次不轉播奧斯卡頒獎典禮，霎時間有種嘔吐的感覺，連帶暈眩的反應一併襲來，我實在接受不來，這個世界真的名副其實的「黐L綫」！原本以為，HBO會是看直播的「最後機會」，可惜早幾日再向有關人士打聽，得到的答案是：「香港嘅HBO唔播！」查實台灣那邊的HBO也沒有直播，所以死心，決定買VPN算數。聽薯伯伯（Pazu）的建議，花了數十美元，買下ProtonVPN來翻牆看台視直播，作為媒體工作者，這些錢不得不花。 _ 假如讀者不急於一時，可以密切留意twitter更新，或者鎖定幾大美國娛樂網站：《Hollywood Reporter》、《Variety》、《Entertainment Weekly》或者《Vox》等社交平台，一定能夠知道誰人獲獎，更有耐性的話，Oscars的YouTube頻道也很大機會會上載得獎者領獎片段。如果大家有興趣，亦可以在早上八時開始，留意影視評論人：月巴氏 @fatmoonba 、方俊傑 @fongchunkitt 、紅眼 @redeye777 和小雨 @moviesonrainyday 於Clubhouse 的直播，今時今日，從事媒體或者娛樂事業的人，應該互相幫忙，搞旺個場，而不是分黨分派，各不相干。至於賽果，老實講，今年入圍，看了的很少，想看的又未上畫／未有時間看，故無意亂說，多等一回，便知分曉。 _ （26042021） _ #游大東影視筆記 #游大東 #oscars2021 #oscars #奧斯卡 #奧斯卡頒獎典禮 #畢明 #月巴氏 #方俊傑 #紅眼 #小雨 #yautaitung #clubhouse #entertainmentweekly #vox #hollywoodreporter #variety #26042021 @mrvinciwong @what7iwatch @what2watch2nitehk @todui9atvshow