: 《緬甸奇遇記：特別的cultural shock篇之一》 都係嗰句，純粹想喺到紀錄翻一年前嘅趣事， 費時自己唔記得啲咁jeng嘅嘢，有興趣就繼續睇啦。 1; 緬甸衣著範例 2; 男仔都係著裙㗎～ 3; 街市!!! 4; 牛雜檔位處嘅夜市（唔係呢間xd) 5; 課室個水兜LOL 6; 特別嘅餅 🤡🤡🤡 - 飲食 (下次先分享美食特輯) - 講故時間，話說教書間學校附近有個夜市， 我同啲朋友好鍾意放學就去掃街食飯。 有間牛雜檔係得一張檯中間有個煲滾住啲湯， 然後串串嘅牛雜就放曬喺入面煮， 你要邊串就自己揀完拎出黎點啲醬食， 類似日本關東煮嘅概念🍢，而啲人就圍住張檯咁食。 本身驚內臟呢啲嘢喺緬甸唔衛生， 但有位朋友食完話好食， 於是外賣黎拎俾大家分甘同味，hmm， 又真係幾好食，幾似清湯牛雜。 某日興高采烈掃街ing之際， 身為食盡nightmarket團隊其中一員嘅我 發現呢間嘢我竟然未食過堂食， 於是就同團隊其他成員坐低啦， 要一探究竟呢間咁正嘅牛雜有咩奧秘。 咁啱上一批人食完就啱啱起身走， 老闆嚟收拾檯面嘅嘢。 令人震驚嘅事情出現啦， 我地見到佢將檯面上嘅竹籤拎黎吉啲新嘅牛雜， 再擺翻落兜湯到。 望住眼前滾到冒泡嘅牛雜湯， 我同朋友頓時食慾大失，嚇得六神無主， 過隔離食翻碗雞麵定一定驚先。 又有笑話。某日去試間新餐廳， 有位仁兄一打開個menu，咦，咩話，見到竟然有個漢堡包🍔，好奇心驅使之下就叫咗黎試下。 其他朋友缺乏呢位仁兄嘅勇氣， 都係叫翻啲大路嘢咩咖哩呀炒飯呀， 好快就到咗有得食。 唯獨呢個神祕嘅漢堡包喺全部人食完之後都未黎， 我地開始喺度估佢幅圖係咪求其上網google翻黎， 又或者個廚師google緊個漢堡包點整。 萬眾期待嘅漢堡包終於登場。。。 全部人嘅目光都聚焦喺呢個緬甸漢堡包上，erm， 點解個包係方包嚟嘅😂😂 。 大家笑咗一陣就叫呢位仁兄快啲食， 是但啦，咪當三文治，食得就得啦。:o))) 第一日教書入到班房見到最後面有個類似陶製嘅有蓋兜，上面有隻小杯，我心諗，哦，一定係用黎洗手。 第二日上上下堂有個學生無啦啦走去最後， 拎起個杯打開個兜伸隻手入去畢啲水， 喺我心裡面彈出十萬個問號之際， 佢喺呢個千鈞一髮間已經拎起隻杯飲咗啲水。 哇，長知識了，原來嗰個係飲水兜， 全班share㗎，share埋隻杯添。 呢班人仲成日無啦啦遞隻杯埋黎問我飲唔飲水，你地咁樣係唔會令到我驚㗎！我係自備水樽㗎！ - 服裝 - 男人都著裙？？係呀，男男女女都係著傳統服飾longyi — 用一塊布包住個身形成類似裙嘅物體！ 呢種傳統服飾唔單止係日常嘅穿搭， 正式場合都係著longyi㗎~ （唔同款啦當然，有啲靚好多， 金色呀銀色呀幾浮誇都有。） 又有趣事一則。某朋友間學校要求老師去assembly要著longyi，咁朋友第一日到步就走咗去買預備第二日opening ceremony著。 買完一打開，咦，一塊布黎嘅， 大家對呢條裙要點樣正確地著都摸不著頭腦。 於是朋友就打開電腦google啦， 仲跟住條片好認真地學習咗一個時辰點著件longyi同點打個結，聲稱學識嘅佢仲沾沾自喜咁展示俾大家睇佢嘅新技能喎。 點知第二日opening ceromony到一半， 朋友突然感到longyi有啲鬆，仲差啲跌落黎； 焦急無助之際好彩細心嘅學生留意到佢神色有異， 及時帶走並指導佢正確地穿著longyi， 先不致尷尬嘅事情發生。 （冷靜，入面有著褲嘅HAHAHAHHA） 至於我地平日著咩？上身就係拎曬我地喺香港嘅睡衣 ie fac tee hall tee program tee camp tee 日日著出街LMAO，驚人地唔知我地黎自一大嘛， 緬甸fashionista當之無愧。 下身男仔就照著得短褲，女仔就要著長褲， 唔係牛仔褲呀，著牛仔褲包你洗完成個禮拜都唔乾，緊係著泰國褲啦:)))))) 泰國褲真係舒服到痴線，又薄又透氣又快乾（廣告時間）， 我翻到香港都仲成日著，最緊要係平， 買曬俾全家做手信都仲得:3 由於緬甸成日落雨，當地人全部都係著拖鞋。 唔好以為拖鞋係啲low class hea嘢， 官員開會接見外國賓客都係著拖鞋㗎。 連續著咗兩個月拖鞋發現拖鞋真係好好著好好襯好方便，同埋翻到香港發現自己唔識綁鞋帶。 夜啦，今日講到呢到，下回再續，好戲在後頭，萬勿錯過。＼＼\\٩( 'ω' )و //／／ #緬甸奇遇記

【@girlstyle.mag】3個簡易步驟就可連線玩！⠀ . ⠀ 跟一班閨蜜好友聚會、開party玩Switch絕對是一個好活動，不管是講求合作的《overcooked》，提高心肺功能的《Switch健身環大冒險》或是可以秒炒熱氣氛的《Just Dance》都很受歡迎，但如果家中沒有Switch都不要緊，因為《Just Dance》有網頁版《Just Dance Now》，只要有手機就可以玩到！⠀ .⠀ Switch未必每個女生都有，個手機就一定人人都有，網頁版《Just Dance Now》只要用手機下載App就可以玩到，而且玩家數目無限制，想跟閨蜜好友一同battle舞技不妨玩網頁版吧！⠀ .⠀ 想玩《Just Dance Now》首先用手機下載《Just Dance Now》App，再登入Just Dance Now網頁，就會見到跳舞房間號碼和左上角的QR code。⠀ .⠀ 之後《Just Dance Now》App會跳出提醒通知，掃描QR code後就會連接到跳舞房間。再於手機上選擇一首歌就成功啟動！⠀ .⠀ 只要用右手拿著手機，就好像是拿著joy-con一樣，可以跟住電腦上舞者一齊舞動，不連接電腦，使用Apple TV、平板電腦、Google Chromecast都一樣可以。⠀ .�而其他人只要掃描跳舞房間QR code，或者輸入顯示房間號碼，就可以一齊入專屬房間跳舞，跟好友、家人要連線跳舞就是這麼容易。�.�《Just Dance Now》App係免費下載，有超過500首歌可以選擇，而初次使用可獲得200個金幣，跳一首歌需花100個金幣，如果沒有購買VIP，24小時後會補充金幣。下次跟朋友聚會，可以玩網頁版《Just Dance Now》啊～�.⠀ #女生玩樂誌⠀ .⠀ FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

我嘅職業係：網絡獵人（下） . 點知有一日，賓仔喊住放學。 . 賓仔話，佢同學阿祥喺Facebook見到，佢喺條片度又喊又打滾，就笑佢。 . 賓仔忍唔住鬧咗阿祥兩句，阿祥就話，下星期番學，要畀條片全班同學睇。 . 我嚇咗一跳，攝影師已經無正面影賓仔，但佢啲同學同佢日日見，認得佢嘅背影身形都唔奇，點解我之前諗唔到？ . 如果因為我嘅錯誤決定，搞到賓仔喺學校無法立足，俾人歧視，點算？ . ， 我好慌張，即刻去搵林小姐，呢啲網絡野係啲後生先有辦法。 . 我問，可唔可以刪咗果條片。 . 但林小姐話，條片已經「瘋傳」咗，大家有「backup」，刪都無用。 . 我諗咗一諗：「可唔可以諗方法，嚇下賓仔個同學，令佢唔好亂講野？」 . 哼，蝦我個孫，咁無家教，一定要罰下你。 . 林小姐答：「公司嘅收費，係根據目標嘅身份而定。比如要抹黑個女明星，好簡單，女明星喺街捽眼都係失儀；抹黑老師只須引佢講粗口；但要抹黑一個搬運工就難啲了。同時，抹黑男人易過女人，後生易過老人，因為網民同情弱小。」 . 我唔係好明：「即係點？」 . 「即係要抹黑個七、八歲嘅細路，係好難，收得好貴。」林小姐猶豫咗一陣：「不過妳為公司服務，可以畀個員工價妳，保證令果個阿祥自顧不暇，唔再蝦賓仔。」 . ， 為咗賓仔，我一咬牙，將我呢排儲到嘅錢，畀番公司。 . 過兩日，林小姐畀「成果」我睇。 . 佢地搵咗個三、四歲細路女，喺街度推阿祥，細路仔好易嬲，同個女仔推撞起黎。 . 個女仔仲向阿祥吐口水，激嬲佢，女仔人小力弱，好快被推落地下打。 . 阿祥父母當然想阻止，就被細路女嘅「父母」有意無意咁擋住，直到條片拍完。 . 然後，剪接員將阿祥掂到女仔胸、腰嘅片段剪出黎，細路仔打架，邊有諗咁多，標題就變成「稚年色狼當街非禮女童，我城教育汲汲可危？」 . 林小姐得意揚揚：「阿祥弱小，我地就搵個更弱小嘅，都話網民會幫我地。」 . 我覺得有啲唔妥，你話推撞下鬧下，好似無乜野，但「色狼」咁大罪，會唔會過份咗啲？ . ， 但條片已經出咗街，賓仔好開心咁同我講，阿祥無找佢麻煩了，阿祥似乎心情唔太好。 . 我以為件事就咁告一段落，點知過兩日，賓仔面有難色咁講，話啲同學個個都叫阿祥做「色狼」，問係咪關我地事。 . 我唔知點答，敷衍過去。 . 一星期後，阿祥自殺。 . ， 我害死咗個細路？點解會咁？ . 我從來都唔上網，所以一直以黎，我都唔覺得公司做嘅野有幾大影響。 . 喺電腦度俾人鬧幾句啫，又唔會少忽肉嘅，我呢個年紀嘅人，大部份都係咁諗。 . 我好想知，我到底做咗乜野。 . 我報咗個老人速成電腦班，用最短時間學識用電腦、Google search、Facebook...... . 我先發現，原來我以前「經手」嘅片，好多都被「瘋傳」，上埋報紙。 . 有事主嘅個人資料被擺上網，日日被網民騷擾，甚至因此失業、身敗名裂。 . ， 我從來無想像過，我會造成咁大嘅傷害。 . 我決定為死咗嘅阿祥，為社會做番少少補償。 . 真正嘅毒瘤，係果間公司。 . 我決定，以其人之道，還治其人之身，你地唔係好識用網絡嘅威力咩？ . 我花咗好多時間，日日戴老花眼鏡研究網上論壇、分享、點樣隱藏IP，唔俾公司發現我。 . 終於我出咗個Post，揭露咗呢間公司嘅運作，網民一片嘩然，亦如我所料咁瘋傳，推上報。 . ， 聽講有人報警，警察去查呢間公司，但完全無結果。 . 公司入面，只有簡單嘅攝影器材，而電腦......有啲網上瘋傳嘅影片、有大家上FB留言嘅記錄，全部都唔犯法。 . 網民更加憤怒，將公司嘅高層起晒底，日日喺網上痛罵。 . 見到咁嘅情況，我都有出氣嘅感覺。 . 但過咗一個月，我發現間公司繼續運作緊，而我嘅爆料Post已經被視為舊聞，沉咗底。 . 我搏命出新Post，但公司聲名狼藉嘅同時，又好似無受到任何影響。 . 我終於明白，真正嘅罪犯，根本唔需要介意網絡欺凌。 . 強盜俾人鬧無品，唔通老闆會炒佢？殺人犯會驚俾人鬧唔讓座？ . 用聲譽黎攻擊，傷害最大嘅，係啲平時品行良好，著重形象嘅人。 . －完－ . #短故 #短篇 #小說 #陳美濤 #廣東話 #粵語 #網絡獵人 #tomatochan