尖沙咀#黃店 特色果醬Cafe🍓 終於食到依間，想食好耐喇😌 依度主打自家製果醬🍊，有成10種口味，叫飲品/鬆餅/窩夫就可以揀1種味，選擇困難症實好煩惱🤣 . 立場鮮明，餐廳店內店外都貼滿連儂牆🎨 未入到去都知係黃店 💛 依間一起果醬經常參與罷工，之前又有義載，請手足食嘢、休息 最近老闆仲喺旺角開咗一間樓上台式Cafe，名為雞蛋屋，旨在支援學生，有多個地方休息，兼且聘請同路人💛 . 每枱都貼心放咗memo喺餐具籃，不過啲memo好易甩，最好問店員拎膠紙貼實😛 入面都幾大間多位，不過燈光較昏暗，相機食先效果一般 整體來說食物質素OK，價錢唔貴，仲係良心小店，絕對要懲罰啊~~ _______________________________________________ 我地仲叫咗幾款招牌菜，人均先$90，一啲都唔貴啊👍 🍓士多啤梨果醬燒豬肋骨 $99(Half) 豬肋骨肉質軟腍，但唔入味，就咁食會覺得唔係好夠味 不過隨碟附上一樽士多啤梨醬，酸酸甜甜 加咗真係好食好多！！ . 🍎玫瑰蘋果醬單骨雞翼 $39 一份有8件單骨，價錢合理 脆卜卜的雞翼當然好食啦 表面上睇唔到有咩醬汁 但其實蘋果醬的甜味已經滲透雞肉裡面😋 ______________________________________________ 🍵飲品🍹 . 🍍熱帶風情沙冰 原價$44 用上由菠蘿、百香果、芒果製成的熱帶風情果醬 沙冰果味濃郁又幼滑，應該係用咗大量果醬，先會咁濃味又夠甜，啱晒我😍 . 🍐桂花雪梨茶(Cold) 原價$39 依杯有粒粒桂花雪梨，好清甜，我都鍾意依杯👍 . ☀️冰糖木瓜雪耳(Cold) 原價$39 依杯有家的味道，似平時媽咪煲的木瓜雪耳糖水，不過冇咁甜，怕肥怕甜的朋友可以試吓依款🌝 木瓜和雪耳都養顏抗衰老，杯底仲有好多雪耳碎，幾足料，味道清甜滋潤，不妨一試👌 #一起果醬 地址：尖沙咀松山道15-17號地下D舖 (近佐敦站D出口) 分店：西貢市場街9號地下 View More Here #yantung尖沙咀 #yantung佐敦