《食雞🐥》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
呢排氣溫急降,又係食雞煲打邊爐既季節🍲上網搵到呢間係太子同大角咀交界、新開張半個月左右既雞煲,去到先發現做緊六人同行一人免費既優惠,所以呢次人少少無福消受👉🏻👈🏻雖然餐廳位置同地鐵站有段距離,不過勝在呢度座位夠曬寬敞大聲...
《食雞🐥》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
呢排氣溫急降,又係食雞煲打邊爐既季節🍲上網搵到呢間係太子同大角咀交界、新開張半個月左右既雞煲,去到先發現做緊六人同行一人免費既優惠,所以呢次人少少無福消受👉🏻👈🏻雖然餐廳位置同地鐵站有段距離,不過勝在呢度座位夠曬寬敞大聲講大聲笑都仲可以🤭
.
👁🗨 無限時 秘制雞煲 火鍋配料任點任食 💲258
.
➰ 首先係上一個雞煲,再上一碟店家推薦既火鍋拼盤,最後可以任飲任食,無限時慢慢嘆係幾可取既🥢
.
微辣雞煲(7.5/10)
雞煲可以揀辣度,我唔太食得辣既關係試左微辣,鍾意食辣既可以自行加埋花椒,不過唔加既話食落都已經夠辣,同埋其實後尾會越煲越辣,弱弱的我唔敢想像叫小至大辣再加花椒會係點🙈😂另外仲可以揀要或者走芫茜、洋蔥、大蔥🙆🏻♀️至於雞件就好香口入味,而且肉質都幾嫩滑😌因為整體黎講,雞煲比起火鍋配料更為出色,下次再食既話會追加雞煲,每兩人份$20😛
.
火鍋配料(7/10)
食完雞之後加豬骨湯落去就可以開始打邊爐,店家推薦既火鍋拼盤入面有西班牙Iberico豬梅肉、安格斯Prime肥牛,兩者都係薄切,油脂亦好均勻,食落柔軟兼夾肉味香濃🥩極級丸類五天王,分別有頂級水晶魚丸、激爽魚片頭、港產牛丸、黑椒牛筋丸、鮮味墨魚丸、好味豬肉丸,特別要讚超級彈牙既🌟頂級水晶魚丸同埋🌟激爽魚片頭,必定係encore系列😍鮮味墨魚丸同好味豬肉丸相比之下,口感較為粉糯就無咁出色🍡白蘿蔔係比較薄切,夾上黎既時候散散地,不過食落都鮮甜無渣🥕韓國珍寶海棒就夠曬大條,而且好完整都無話散開曬🌟鬼馬扎肉片有別於坊間既扎肉片,食落又係有咬口🌟炸魚皮夠新鮮脆身無油益味😎仲有普通既魚皮餃、金菇菜☺️自己額外點左其他火鍋配料,有熱辣辣爆餡既金妹芝士腸、經典雞肉腸、比較細粒一口size既蝦皇雲吞、白菜木耳豬肉餃、田園韭菜餃、稍微有雪藏味既豆卜、生根、響鈴、百福豆腐、芋絲,仲有雪櫃自取既新鮮蔬菜,包括生菜、菜心、娃娃菜等等🥗
.
飲品(7/10)
同樣係雪櫃自取,飲品有汽水同埋茶類☕️想飲啤酒既就要全檯一齊每位加$20啦🍻
.
🔛 整體評分(7/10)
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍食雞 (大角咀)
地址:大角咀洋松街38號地下1-2號舖 (太子站C2出口)
#FoodiesDNN大角咀
#FoodiesDNN香港