2021抹茶卷蛋懶人包🌱 1️⃣ Jenjen Bakery Love 以芝士奶蓋同海鹽焦糖雙重鹹香襯托濃茶忌廉，鹹甜甘澀彼此融合，味道豐富立體好好食🤤 2️⃣ 悄悄食堂 前後試左兩次，蛋糕體都係比較鬆散，忌廉以奶味為主，茶甘單薄，整件蛋糕未能體會到又玄懾人魅力 3️⃣ Natsbake 配料方面有奶凍同蕨餅助陣，忌廉苦味輕微，回甘鮮明，明顯食得出用左中階級別茶粉 4️⃣ Lamlam脷 抹茶屬於大眾化濃度，有芝士奶蓋加持，$38件定價平易近人，質素對得住呢個價錢有突 5️⃣ Lucy Coffee & Food 應該係坊間唯一一件唔係用丸久小山園而我又覺得高質嘅抹茶卷蛋！如果偶爾想擺脫一下最熟悉嘅丸久味道，Lucy提供左絕佳機會俾你體驗其他不一樣抹茶風味，真係要好好珍惜非主流小眾選擇💕 6️⃣ Numerous Cups 賣相超精緻，但灑喺面嘅茶粉帶有濃烈海藻味 7️⃣ Shiro Bakery 城中結構最獨特嘅抹茶卷蛋之一💚講究地用上五十鈴忌廉，芝士同手指餅徹底還原番tiramisu概念，成品完整度高，創意滿分 8️⃣ 習作 蛋糕質地較粗糙，忌廉打得輕盈，澀味後勁強而有力，有麻糬陪襯 9️⃣ Cruising Coffee 蛋糕口感略乾，麻糬軟身黏口，忌廉茶味薄弱 🔟 Wake and Bake 有心思地用奶香濃厚原味忌廉烘托甘苦抹茶忌廉，好喜歡呢種鴛鴦配搭，中間嚿麻糬好厚身巨型。喺今年咁多間初次相遇嘅抹茶卷蛋之中，呢間會係我首選🌟 1️⃣1️⃣ Missing Link 以五十鈴忌廉拍住青嵐蛋糕，味道圍繞住柔和甘澀茶味，熱愛重苦味人士請迴避 1️⃣2️⃣ 櫻侍 稠身濃茶忌廉專為重口味茶控而設，茶味營造出變化唔單調，吃罷口腔留有餘韻徘徊不散 1️⃣3️⃣ Happy Roller 青嵐孖住若竹組合而成，原條卷蛋只賣$138，話佢係全港數一數二最抵食相信無咩異議 1️⃣4️⃣ Flow 上年食果陣忌廉回甘充沛，留下唔錯印象，今年再食覺得失色左，變成甜味主導，蛋糕亦有點乾散 1️⃣5️⃣ Rosey Bakery 雖然唔係今年食，但我特意留一個壓軸位置俾佢，藉此表達我有幾咁想念Rosey嘅抹茶豆腐卷蛋😊真心覺得做得非常出色，係我個人top 5心水，絕對會想一年回購幾次！店主佛系經營我只好佛系等待….最後想表白多句，就算隔左接近一年，我心底裡都從來無忘記過佢😚😚 #抹茶#matcha#rollcake#matchaholicshardow