跑馬地Amigo 係一間傳奇法國餐廳，曾經光臨既有魔術師大衛高柏飛，多國皇室成員，油王，前港督以及好多名人紳士明星等。Amigo 雅谷餐廳亦係香港最多人求婚既餐廳，累計超過3000次，另外亦係唔少人慶祝週年紀念同埋生日既地方。餐廳樓高兩層，佔地5000幾呎，裝潢典雅，入到去彷如時光倒流70年，當然，唔好好似電影主角拎一個自己年代既硬幣然後要回到現實。Amigo 下午同晚上都分別有套餐，定期會轉換，下午有Lunch Set Menu ($430+10%/p.p.)同埋 Promotional Premium Set Menu ($890+10%)，晚上就有Dinner Menu ($1000+10%/p.p.)有四道菜。當日去到，前菜選擇左香煎法國鮮鴨肝，底下既Turnips就較為硬身，不過都中和左 Duck Foie Gras既油膩感。然後就到龍蝦周打湯，主菜就揀左牛，之前有Ribeye，最近就有Tenderloin。肉眼質感都算軟腍。整體食物質素其實普通，未見突出，不過餐廳環境算唔錯。呢幾年大概大家都明白到，好多人同埋事都可以喺不經不覺間失去，我地能夠做既，或者就係喺嗰樣野失去之前，盡力去珍惜同保護，畢竟有一種味道，叫回憶的味道。 Amigo 雅谷餐廳 跑馬地黃泥涌道79A雅谷大廈地下 G/F, Amigo Mansion, 79A Wong Nai Chung Road, Happy Valley