【YouTube 美齒大法好: 想美白牙齒你要睇】

周不時見到呢種留言:「佢個咀想點？棚牙勁黃勁核突」。

因為我棚牙哨哨地，大牙肉，下排門牙細個整親所以好深色，本身牙又唔算白，所以成日都唔知點俾表情，笑得好尷尬，終於今年的起心肝整吓啲牙喇，等我開心分享吓先yeah yeah！
・・・・・・・・・・・・・・・・・・・・・
回顧我嘅整牙大事記:
9歲 // 撞到下排門牙，導牙根後無好好打理所以好深色
18歲 // 媽媽俾錢箍牙，傳統鐵線箍，花費約4萬
26歲 // 結婚前想將下排門牙再箍好少少，自費4萬Invisalign
(勁多人以為係R Sponsor其實自己俾㗎)

不過搞過咁多嘢之後，都係牙黃，少哨，下排依然唔整齊。

29歲 // 今年5月去做牙套，20年後，下排門牙嘅大小及齒色終於同其他牙齒接近喇，花費只係1萬! 早知晨早就去做牙套!!!!
・・・・・・・・・・・・・・・・・・・・・
做完牙套之後笑多咗，對棚牙開始有要求，嘗試唔同嘅美白方法，最基本嘅美白牙貼、美白牙膏當然有用啦，正想買埋韓國啲藍光機之際，台灣 簡.雅緻 牙醫診所 就搵我喇，一樣啦只接受Treatment sponsor不接受稿費，上個月就赴台試試呢個聲稱做一次就即刻白嘅冷光美白療程。

去到首先會照X光，之後醫生會細心講解接住落嚟嘅療程，跟住醫生勁好會幫我洗牙，洗完牙就開始喇～

其實過程好簡單，就係搽美白劑，之後照冷光15分鐘，重複3次以上步驟就得，一次已經好白好白！療程前後，醫生會影低相，又會用色板對比，可以非常清楚地觀察到牙色嘅轉變。

完成之後醫生仲要超Sweet咁教我刷牙，好似小學牙科保健咁，Old school得嚟好親切呀喂，最後最後，仲會送埋美白牙套，Keep住用仲白過做Treatment呀！因為一次療程，再有效都不及好好保養，除咗刷牙同勤加用美白牙套，記得唔好食咁多咖喱、麻辣、可樂煙酒等等，效果就會更加持久。

因為我係Blogger所以先有咁多服務？無啲咁嘅事，只係港幣約$4700，喺台北就可以做到呢個牙齒冷光美白療程，仲有美白牙套送，平過香港！而家啲牙白咗咁多真係好開心！如果你啲牙同我一樣都唔算靚你一定明我感受！

有興趣可以google吓台灣Blogger啲Review先，永遠唔好睇完一個Blogger就信，做個精明消費者。
無興趣都可以去Youtube睇埋我另外5個美白牙齒心得，無廣告睇得更開心: https://youtu.be/LhMk5zMdbY0

係咁多，報告完畢，Bye!