［大師冇點你］ASML 不經不覺又歷史新高，而家2200億市值。你今日買咗未？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 有紀錄可證（遲下貼埋出嚟），呢隻嘢係2019年年尾推嘅，實情亦係我寫2020展望嘅推介之一，當時在公開講座都有講過，在觀塘講的，你冇嚟就你走寶了。因為之後就爆疫，我估就算疫情真係退晒，都冇乜人再搞呢啲實體見到面嘅講座了。

2. 但講返，呢隻ASML真係西飛利，值得我一J再J。你話升好多又唔係，寫嗰時300，而家625，一年一個開，一定畀你啲網友恥笑話升得慢啦。

3. 係咪坐得好安心？「睇一個個人咯」。喂真係有啲友買完隻嘢跌咗3%問我點算。你覺得可以點算？「唔好睇咁多股價咯」。咁事實，推嗰時300蚊嘛，舊年3月大跌市時跌足一半，得返200蚊，你玩咩「止蝕」嘅，必定打靶啦，50%喎。但阿叔唔信呢套。當然後果係有啲股票輸到total loss，但同時亦有啲嘢坐到幾倍，甚至十倍（可惜，十倍嗰隻買得好少，其實正係因為買得好少，根本唔記得咗。呢啲唔係叫有口話人冇口話自己，係話你知我誠實，我都會犯錯）

4. 但做乜咁值得J？因為呢間公司真係好少人講，你見除咗我有幾多人講？而家算做多啲，但同佢嘅市值不相配。

5. 玩個遊戲，美國最大市值嘅四間公司係邊四間？你估五六次應該都好快估到，不外乎係Apple Google Amazon Microsoft之類。中國/香港呢？咪阿里巴巴騰訊茅台工行之類，都唔太難估。

6. 咁但，歐洲呢？歐洲（計埋英國）頭四大市值公司邊四間？都真係有啲難估。我講明計埋英國，就擺明誤導你，但實情四大入面都冇一間係英國公司，「等你以為有common law好撚巴閉」。你即管可以同人玩下呢個遊戲，因為都有一定難度，已經提埋你冇英國公司。

7. 呢個Page嘅讀者，當然知道奢侈品美心LVMH，冇錯就係歐洲最大公司。仲有消費品美心雀巢，瑞士嘢。呢兩間應唔太難估。第三間可能難估啲，羅氏藥廠Roche，都係瑞士嘢，「藥廠界嘅美心」，最出名嘅係流感藥Tamiflu

8. 第四間？卒之唔係美心。之唔係ASML咯，荷蘭公司。荷蘭邊度？燕豪芬。好熟呀可？PSV燕豪芬嘛。有留意件波衫邊個贊助呀可？之唔係飛利浦，根本PSV就係 P for飛利浦SV（SV就體育會，正如德國漢堡都係HSV，荷蘭文同德文極相似）。實情PSV燕豪芬原本就係自己員工嘅隊，飛利浦總部咪在燕豪芬。ASML就係菲利浦同源嘅。

9. 呢間公司，同文中提過晒其他嘅公司唔同，你唔會接觸到佢啲產品。「因為買唔起」。成個FB Page夾錢可能得嘅。啲光刻機賣幾億美金一部喎。

10. 講乜都假，近期晶片荒，股價卒之再開車。但之前有啲買咗又話唔郁嘅就幫你唔到了。實情除咗舊年3月嗰啲大屠殺外，你見啲股價上落唔大，我好少見一日有超過5%嘅郁動，就係慢慢咁爬上去，幾好。亦因為冇乜咁大上落，更加唔會上到咩新聞。

11. 公司嘅「競爭優勢」？十分簡單，就係「我做到你做唔到」。講完。唔好睇少咁廢嘅一句嘢，要做到咁境界極難。N咁多公司都係自己打飛機講自己做到人地做唔到，或者堅持同人地唔同，但在消費者眼中，是一撚樣的。你咪講你UBER啲司機唔撚同有多支水司機會著恤衫（我在意大利，真係的士佬都著西裝樓呀）（乞兒都講意大利文添，幾浪漫）咯，但Lets Say 飛的畀我平廿蚊一程，我話知司機講粗口啦。

12. 正因為咁，啲光刻機咪賣到幾億美金部，但你唔會有間中資或乜資出嚟，我做到你七成但收你三成價錢。唔得架嘛，晶片嘅嘢，得就得唔得就唔得架啦，冇得七成嘛。

13. 講住咁多，但呢啲公司，先真係有「護城河」，唔撚係「發夢股」。隻撚柒隻講乜撚改變世界，唔好話賺錢，連收入連用戶都未有。ASML雖然貴（根本冇平過），但年年賺錢，先唔撚理你咩經濟衰退金融海嘯。舊年公司收入140億（歐元啦，都話荷蘭公司），純利37億，net profit margin 26%。而家市值2200億。60倍PE就梗係唔係平，但都係嗰句，你啲公司係改變世界咁撚巴閉嘅，「咁點解冇錢賺？」。哦OK亞馬遜之前都唔賺錢，但至少都有收入下話？

14. 最後兩句。首先大預言，公司將會成為全歐洲最大市值嘅公司。當然唔知幾時，但可能三年？五年？至於變到第三，就應該好快，分分鐘今個星期。

15. 第二，真係說好了的「新經濟股」股災。呢啲分法真係吹脹。ASML就唔係新經濟股？

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

🇭🇰香港本地品牌 #雀巢鷹嘜煉奶 兼有百多年歷史,
我真係由細食到大, 煉奶沖水飲, 點饅頭食,
去茶餐廳食奶醬多, 都一定會加句"多奶"!😍
.
最近新推出 #雀巢鷹嘜奶條 , 絕對要搶先試!
雪條超滑, 啖啖都有濃郁奶香味, 甜甜地,
食一支好似飲緊一杯凍既香滑牛奶咁~ 透心涼～😌😌
煉奶終於升呢做主角喇!!!👏🏻👏🏻👏🏻
************************************************
📍購買點:
單支裝: 7-11、OK便利店、百佳
家庭裝: 百佳、惠康、各大超市
************************************************
#雀巢鷹嘜奶條 #雀巢鷹嘜 #奶味香濃 #青澀歲月裡的簡單快樂 #煉奶 #香港人回憶 #hongkong #雪條

［歐洲股市］Spot the odd one out

FT的圖，篇文其實係講英國脫歐，諗下會唔會可以維持歐盟—瑞士嘅關係模式（https://on.ft.com/32rLiHE　 Will London be Berned like the Swiss?）　。但我只係想講張圖

歐洲最大嘅股市，計唔計俄羅斯🇷🇺都冇關，因為唔上榜。係每日平均成交，但望過計市值都差不多，留意市值係該交易所所有公司，唔係間「交易所」本身。即係388就3000億市值，香港股市就300,000億市值嘅分別

英國🇬🇧最大唔奇，英國並唔係歐洲最多人口（明顯），亦唔係最大經濟體系（你以為係？）。但因為係全球金融中心，金融業特別發達，亦都好多跨國企業上市。市值當然最大。亦所以英國股市唔代表英國經濟（你以為係？），正如美國股市不代表美國經濟（你以為係？），香港股市不代表香港經濟（你以為係？）。但在此context 下，日本韓國股市就真係代表日本韓國經濟。

德國🇩🇪第二，不用多講。歐洲最大經濟體，兼最多人口（不計俄羅斯，又，好快土耳其🇹🇷過頭，如果你當歐洲。土耳其仲係北約美國外第二大軍力，膽正命平，所以你見又獨裁又乜都冇人敢搞）。

法國🇫🇷作為三哥亦係好易估到。

四五係小國，但瑞士🇨🇭又係金融中心，亦都多跨國企業上市。荷蘭🇳🇱不太算金融中心，但都有唔少跨國公司，經濟體系亦唔細。

第六名就過癮啦，居然係西班牙🇪🇸馬交所。即使以歐洲標準，馬德里/巴塞羅那都並非金融中心，亦都冇乜跨國公司（Inditex嘅Zara當然都賣全世界，但我講係 Shell，雀巢或者聯合利華之類真係「冇祖國」嘅公司）

有乜唔妥？一路個講法係歐洲迫科（你要迫快乎都得但冇乜人講），英德法⋯⋯仲有就梗係唔係西班牙。歐洲頭四，計經濟體系計人口，都係嗰四大，冇西班牙份。正如最早嘅七大/八大工業國 G7 G8，都係迫科，西班牙冇份。G20都冇西班牙。

咩話？你上個月見到西班牙首相同侵侵傾計？哦，西班牙拎外卡啫。係guest。

係好多guest，但其他東盟非洲盟係輪流揸莊，今年尼日利亞下年尼日爾（just saying ，又，非洲咁多國家，好多輪到2047都未到）。不過其實關係不大，因為係以個會嘅身份，唔係你國家嘅身份出席。但西班牙就年年外卡永久嘉賓，唔知咩玩法。好似長期散工咁。

而除非世界大戰，否則可見將來都好難見西班牙上返G20。後面一堆泰國伊朗埃及尼日利亞（台灣就⋯⋯你懂的）。根本G20呢樣嘢就係因為去到千禧年前後，大家發現你不能再無視中國印度巴西印尼東盟非洲之類，到金融海嘯後正式成功「奪權」。你講全球央行救市講排放，唔搵中國印度搵西班牙咩！所以西班牙都有自知之明，官方取態係唔要求入G20，但求保住個永久外卡。有得睇就夠。（而其實計經濟規模西班牙暫時都仲入到頭20，但又係歷史原因了，迫科冇佢份就G7G8冇佢份，所以G20又冇）

講咗咁耐，缺席嘅，你估到啦。登登登，當然係歐洲小強意大利。明明就係迫科，爛船都有三斤釘，衰咗咁多年，其實仲係歐洲迫科，亦係G7 G8 G20。但股市就特別不振。原因嘛，我都唔知。地下經濟特別活躍掛（咪講笑，黑社會度度有，但好似黑手黨咁大規模仲要行埋老正嘅實在唔係咁多，黑手黨唔止奸淫攎掠賣老翻，仲倒埋垃圾賣埋蕃茄出埋陳醋賣全世界，最新搞作係做埋潮童玩Supreme Italia，即使日本嘅暴力團都唔係嗰回事）