［今日寫啲乜？］係喎，要驚嘅，乜都可以驚啦。通脹又話驚（較合理），抽水潮又話驚（襟芒，碧桂園同微盟嗰200億），加密貨幣大跌又話驚（驚都冇驚過，雖然錢已死）。但喂，正面嗰啲你唔講？債息唔升仲要跌，1.6厘樓下，咁真係好驚通脹？另外，人民幣3年新高添呀。然後升又話驚影響出口競爭力呀可，跌又怕走資。

渣cash 最好呀可？有冇話你知，聯儲局資產負債表，下年年尾會去到9萬億美金？即係點呀？用人話講，即係舊年3月嗰浸印嘅錢，多過晒美國立國咁多年印嘅錢加埋。你有睇Patreon咪知

咁你話，我都明。但，你估係咪靠你飛嚟飛去就搵到錢？你買到幾多？我就百萬百萬咁買落去的（港紙啦，唔係越南盾，可惜未係美金）。舊年固然好易玩，（只要月冇畀人震走），但今年暫時都唔難玩。今年都話唔掂嘅，到真係大跌時你點算？而呢一日一定來臨的。你話你避得到？祝你好運

呢篇另外跟進咗一大堆Core List 同 Monitor List上嘅股票（都係有推，主要分別係……我買咗同未買嘅分別）。咁有部份呢，FB同IG我都成日貼啦。Core List嘅，BlackRock 同JP Morgan之前講過，ASML有一排都成日講，LVMH 同愛馬士就呢排講得多。（其他我買咗乜都會公開）

LVMH 大股東不經不覺，就變咗全球首富了（福布斯榜，同彭博計有啲唔同）。Yo，使乜好high tech？樓上呢堆差不多全部係舊經濟股（當然Big Tech我都買）。我甚至都未得閒寫 Domino Pizza 股價上市以嚟，跑贏同佢一齊上市嘅一間公司—嗰間嘢叫Google。

ASML嘛，之前寫過一排。最新玩法在韓國開間廠，咁當然係各自表述。韓國人就當民族勝利，日本人就酸（不過日本都有光刻機，但唔係嗰回事），台灣人就覺得咪又係幫台積電打工，大陸好友就覺得偷偷地供貨畀大陸（邊有咁易？），大陸淡友就覺得殺埋中國啲光刻機 —但對我嚟講，呢啲討論冇乜意思。你冇買嘅，講乜都假。砌機佬車房仔發達未？邊個話我要讀個PhD in 光刻機先可以贏錢？你睇香港有幾多人2019年已經講ASML？（當然有，但唔會多）。

仲有，Lionsgate亦都新高，都係大併購潮，但文入面話埋你知仲有邊啲公司有機會被買起。

至於雀巢同Kraft Heinz，亦係之前寫過，FMCG民生股嘛，大品牌，通脹咪加落你度，唔通你去轉食麥麗素？（我知麥提沙冇上市）。不過我心水反而係更殘嘅幾間公司。

留意，以上講咩ASML 愛馬士 LVMH 雀巢，知唔知有乜共通點？全部係歐洲公司！你話港股差，美股勁，但今年歐洲股仲勁過美股。台灣你都仲話有台積電，但歐洲股市近乎係冇科技股的。一個字：估值。你啲友咪恥笑人地low tech咯，但贏錢到呀，點丫？一來一回，今年跑贏你啲發夢股四五成。嚟緊勞蘇基金嘅mandate都會買歐洲股日本股。

最後有介紹下三星（資產運用啦，唔係電話）兩隻ETF，咁你大約都估到邊兩隻。FANG+嘅我就未必買，但有啲人唔開美股戶口，或者唔想捱夜嘛，況且，買齊嗰10隻都要6萬蚊港紙。

反而另一隻 亞太REIT，之前我都有寫，覺得不錯的，可惜我都冇買。主要就日本新加坡澳洲。「買唔起樓或唔想買樓嘅考慮下每個月收租」，同埋真係分散到部份地理風險（雖然，都係亞太區）

BTW，講明，唔係廣告。係廣告就唔會寫咁短。同埋Patreon我係唔落植入廣告的，讀者畀咗月費嘛。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

【狗狗上一次驗查牙齒係幾耐之前啊？送免費牙齒檢查✨】
要維持愛犬牙齒健康，除了刷牙和進食潔齒零食之外，定期檢查亦非常重要。PURINA DENTALIFE®舉辦的「健齒體驗活動」，由專業獸醫免費為狗狗檢查牙齒，完成後更可獲得狗狗潔齒棒一包 (價值港幣$280)！

⭐PURINA DENTALIFE® x VET01 免費健齒體驗活動⭐

活動與 Vet01 一愛寵治療中心 合辦，註冊獸醫會於2021年3月14日（星期日），為30隻狗狗提供專業牙齒檢查及護齒建議，並會教授主人正確的刷牙方式。每位參加者的諮詢時間為15至20分鐘，完成後更可獲得PURINA DENTALIFE®狗狗潔齒棒一包(迷你犬或中型及小型犬裝)。

有意參加的狗主，請填妥參加表格 (網址︰https://purinaxvet01.simplybook.asia/v2/# )。活動名額共30個，先到先得，額滿即止。

～～～～～～

截止報名日期：2021年3月10日

～～～～～～
條款及細則︰
1. 是次專業牙齒檢查及護齒建議活動是由雀巢香港有限公司（“雀巢”）贊助及由“VET 01 VETERINARY EMERGENCY AND THERAPAUTIC CENTRE ”之專業獸醫進行檢查。
2. 參加者須於活動網址 (https://purinaxvet01.simplybook.asia/v2/#) 登記，方可參加此2021 PURINA DENTALIFE® x VET01 健齒體驗活動。
3. 成功登記的寵物可獲得免費獸醫牙齒檢查及 PURINA DENTALIFE®潔齒棒一份(迷你犬或中型及小型犬裝)。
4. 是次活動只限於提供專業牙齒檢查及護齒建議，以及PURINA DENTALIFE®產品贊助。 (不包括其他額外身體檢查、牙齒口腔診療及藥物等)。
5. 參加之寵物主人需確保寵物牙齒檢查當日, 寵物之健康狀況良好, 獸醫亦會因應寵物當時健康及牙齒口腔的健康狀況而作出專業判斷寵物是否適合檢查; 寵物主人不得另議。
6. 於VET01獸醫診所檢查時，主人須出示及如實提供個人資料、寵物的健康狀況及針卡(正本)，以便獸醫進行檢查。
7. 如寵物被診斷出嚴重之牙齒口腔健康問題, 如: 嚴重牙周病, 牙齒牙肉發炎等症狀; 當值獸醫將保留該寵物是否適合參與是次活動的最終決定權。ii) 倘若您需就其寵物作檢查以外的牙齒或其他治療, 此乃為您與VET01的協議; 與雀巢香港有限公司無關。
8. 寵物必須為一歲或以上，體重5磅或以上方合資格參加本活動。
9. 如有任何原因或不可歸責於雀巢之理由(包括電腦、網路、電話、技術問題)，而令參加者所登記之資料有遲延、遺失或錯誤等情況，雀巢不會負上任何法律責任，參加者不得異議。
10. 參加者參加本活動之同時，即同意接受本活動之活動條款及細則之規範。如有違反條款，以不誠實手法進行本活動或造假者，雀巢有權取消其參加資格。
11. 贈送之PURINA DENTALIFE®潔齒棒乃非賣品，如被發現買賣，主辦方保留追究權利。
12. 雀巢有權隨時取消本活動並更改參加條款及細則，怒不另行通知。如有任何爭議，雀巢及VET01將保留最終決定權。

13. 參加者所提供之個人資料僅供是次推廣活動之用，雀巢將按照《個人資料(私隱)條例》處理所收集的個人資料。詳情請閱讀雀巢私隱聲明(https://www.nestle.com.hk/info/privacypolicy) 。

= = = = = = = = = =
【MEWE: MoCity 毛城城】
【Facebook: https://www.facebook.com/MoCityHK】
【Instagram: https://instagram.com/mocityhk】
【YouTube Channel: 毛城城MoCity】
= = = = = = = = = =
一站式 #寵物 資訊平台
✨想分享溫馨動人毛孩故事，或者得意相片影片？
歡迎FB Inbox #毛城城 或者 IG DM❣

【 暖男爸爸／阿榮便利店為咗𢯎Sponsor？】
即Like大東IG：instagram.com/yautaitung

近來同一時間追看三套劇：美劇《The Queen's Gambit》、泰劇《I Told Sunset About You》（https://bit.ly/3ketPKl），還有由鄭中基與張可頤擔正的ViuTV劇集《暖男爸爸》。

《暖》自首播以來，無論人物、故事、對白、場景，都成功引起觀眾討論。有網民留意到，「Konbini Mart便利店」與保險公司的場景（羅芷明的工作地方）經常於劇中出現，而此劇既有「FWD富衛保險」冠名贊助，又有「地捫」（Del Monte）、「雀巢咖啡」（NESCAFÉ）、「楊協成」、「嘉士伯啤酒」、韓國食品品牌「Binggrae」等產品贊助，難免令人聯想到劇組是否為遷就廣告客戶，才刻意於劇本裏加插上述兩大元素，令產品置入（Product Placement）很聰明地跟畫面糅合，看起來順理成章。然而身兼編劇、導演、監製三職的戚家基（Peter）直言，一切都是觀眾想太多，「我最初Propose呢個故事嗰陣，已經係有保險單同埋便利店，呢兩樣嘢係我人生最低點嘅救生圈。」

妻子「鯨魚」余超瓊（余香凝飾）突然離世，令林世榮（鄭中基飾）難以接受，霎時間墮進絕望深淵，完全自我放棄，就連兒子「暴龍哥」（賴柏綸飾）的日常生活也無法應付，終於在好友Lantau（強尼飾）和「鯨魚」的保險顧問羅芷明（張可頤飾）協助下，阿榮的生活回正軌，學習照顧兒子，又按照亡妻的意願，用她購買保險而獲得的賠償金開設便利店，名為「Konbini Mart」。參考ViuTV日前公開的劇集拍攝花絮，於中環奧卑利街取景的「Konbini Mart」，完全假戲真做（https://bit.ly/38qU8uy），除了裝潢跟真正的便利店沒有分別，店內擺放的大量熟食，比如燒賣、咖喱魚旦、關東煮、炸雞統統都是食得落肚，而雪櫃亦擺放大量飲品，包括阿E（章尾而飾）用來「潑走」阿Chok（曾贊學飾）的罐裝咖啡，以及Lantau其中一位女友Jennifer（陳欣妍飾）用來製作「抹茶香檳芭菲」的枝裝香檳。

便利店有嘢賣很正常，但Peter笑言，於劇中加插便利店的元素，絕對不是為了贊助，保險公司的設定亦然。先講便利店，Peter透露，設計劇本時之所以要讓阿榮開便利店，是基於「呢盤生意人人都做到」的角度考慮，繼而呼應故事主題 ── 由一個修成正果的暖男爸爸，以旁觀者身份，看一班依然在城市裏身陷感情地獄的各種癡男怨女。「便利店係24小時營業，各種唔同階層嘅客人都有，佢係同庶民生活最貼近嘅。另一方面，打理一間便利店，由櫃檯收銀到執貨倉，就連清潔都要兼顧，係一份好Humble嘅工作，加上便利店拍出嚟，（畫面）都會係色彩繽紛。」Peter坦言，這個故事構思背後，源自7年前在台北生活的親身經歷。

由柯震東擔正做主角的《打噴嚏》，塵封多年之後早前終於在香港上映，而這套電影的其中一位導演就是Peter（另一位導演是柯孟融），他因此曾於2013年至2014年間於台灣暫居，「我樓下有間Family Mart，我成日會睇到舖入面嗰個店長做嘢，佢哋（公司）有提供好全面嘅照顧俾員工，例如真係有親子營），嗰陣時，我對便利店嘅生活印象好深刻，佢係一個避風港，客人可以喺入面避雨、等車、等人，就好似Edward Hopper啲畫入面嘅地方咁。」Edward Hopper是19世紀美國著名畫家，透過畫框散發城市裏的孤獨情緒和疏離感覺聞名於世，「《暖男爸爸》有一集，芷明就同Brandon（柳俊江飾）提起Edward Hopper嘅畫。」Peter說。「我覺得如果鯨魚要安排一條路畀阿榮照顧暴龍哥，佢會知道開一間便利店係丈夫可以做到嘅一件事，所以絕對唔關Product placement嘅事。」

至於保險公司這個設定，Peter解釋：「保險公司嗰樣嘢，（設計上）對男主角嚟講係要意想不到，（寫劇本時）我覺得喺呢個Case入面，比較難話佢老婆平時儲咗筆錢喺度，最方便嘅處理係佢老婆死咗，當佢真係以為乜都冇晒，然後有個消息喺個天跌落嚟，突然間有人話，你老婆有個咁樣的安排。」說穿了，這是Peter的親身經歷。多年前，Peter與已故的導演陳木勝開公司跟嘉禾一同開合資公司，「我哋打算開發一個叫《108+》嘅Project，當時計劃係有電影、電視、遊戲開發等等，但後來做緊籌備嘅時候科網爆破，嘉禾又清盤，我欠落一筆債，因為長時間冇收入，生活支出又好多，我有向前妻借落一啲錢，大概廿幾萬。」人在絕處，灰心難免，正當Peter面對未來日子不知如何是好時，某天突然收到保險經紀的電話。「我講到明唔幫襯，佢話唔緊要，出嚟傾下偈啦，咁我就出去同佢傾。」

對方果然是來聊天的。他提醒Peter說，原來這家保險公司幾年前因為上市掛牌，向客戶派發股票，「佢問我仲有冇揸住啲股票，我話我完全唔知道有呢件事。佢就話，如果你一直都冇處理，啲股票就等於佢哋公司上市後一路揸住，佢話而家真係唔知升咗幾多倍，叫我查一查。」被人這麼提醒，從來不理會那些資產收況與銀行信函的Peter，決定扚起心肝了解，並將持有的股票完全出售，「總之折讓咗嗰舊錢就係廿幾萬，係能夠幫我還咗筆錢畀前妻，嗰次對我嚟講係一次好大嘅經歷，我覺得冥冥中個天真係安排，已經鋪定咗一條咁嘅路，我自己係完全唔知，直到最絕處、最需要幫忙嘅時候，就出現咗呢件事。」柳暗花明，絕處逢生，所有事情重新開始，大概是人生必經，Peter深信這些事，能夠勾起觀眾共鳴，所以決定將自身的經歷變成劇本，造就今次《暖男爸爸》的出現。

【 延伸閱讀 】
＊張可頤參演《暖男爸爸》：https://bit.ly/2VH6uYN
＊金像獎最佳新人獎得主Crisel Consunji再拍劇：https://bit.ly/3lZ4JkD
＊劉江驚喜現身《暖男爸爸》：https://bit.ly/2SDoAbz
＊劉江爆粗鬧鄭中基？：https://bit.ly/3mpewQs
＊「小暴龍」JuJu可愛到爆：https://bit.ly/327ZXsH
＊《暖男爸爸》第三集的劇本強弱：https://bit.ly/32hbg1R

（09112020）

＃游大東 ＃游大東影視筆記 ＃暖男爸爸 ＃港劇 ＃鄭中基 ＃#thequeensgambit #后翼棄兵 ＃Itoldsunsetaboutyou 做乜膠睇電視 港人講電視 快樂的 ViuTV 港女講劇 今晚睇咩好 Ronald Cheng 鄭中基 暖男爸爸 Single PaPa Running Team 機動娛樂 強尼 Suzuki 一五郎 李建邦 章尾而 jamie 余香凝 Jennifer Yu