【 賣文時間／本來話唔寫但最後都係要寫之《深宮計》】

我講過，我是不會寫《宮心計2深宮計》，因為宮廷鬥爭劇從來不是我杯茶，如果有時間，我情願預留時間在 Viu Hong Kong 睇《大叔的愛》或者用 Netflix 睇第二季《13 Reasons Why》（雖然已有朋友話睇完第二輯覺得很爛！）。不過諗深一層，今年1月至5月，大台的劇集可謂乏善可陳，疲弱不堪，如果要睇《三個女人一個「因」》，我寧願看韓國升級版的《沒關係，這是愛情》（2014），而《逆緣》和《棟仁的時光》甚至有演員私下跟我說：「其實我就覺得麻麻，你唔使睇啦！」

於是乎《宮心計2深宮計》是很關鍵，由於香港近年已幾乎沒有拍攝古裝劇，而這套是小青姐回歸大台的第一套作品，「省靚招牌」是她的唯一目標，加上又有大陸資金「企鵝影業」撐住，劇組可以拉大隊到橫店拍攝，演員陣容又有「隱形人」 Chrissie Chau 周秀娜 （第16集始出現）和演技維持「一貫水平」的劉心悠，算是有點新鮮感，如果《深宮計》無法造出煲劇氣氛，無綫高層可真頭痕，所以這套劇還是有評論的必要。

第一集的劇評，重點有四：米雪客串的功能、劇組刻意強化男人戲的比重、兩位童星 ── 黃雪兒以及陳偲穎演出真摯，全晚最感人就是這一幕，以及對白過份「撚字」，削弱演員的演繹效果。比如李隆基（ 馬浚偉 Steven Ma 飾）向韋后（ 米雪 Michelle Yim 飾）說：「妄想牝雞司晨，當第二個則天皇后」，何謂牝雞司晨？「牝」字發音又是甚麼？雖然有讀者說，這是普通四字詞，但真的所有人都明白此字之意？又何謂「滃染」？一般觀眾不是 Benjamin Au Yeung（Ben Sir），真的可以投入？又，既然故事發生在唐朝，何解元玥（劉心悠飾）向任三恕（馬國明飾）和何離（蕭正楠飾）追討五十文錢時，何離不願，更指責元玥：「你講嘢一嚿嚿！」（字幕打出：瘋言瘋語），媽，我真係睇到好亂呀～～～！

（22052018）

＃游大東 ＃游大東影視筆記 ＃深宮計 ＃宮心計2深宮計 ＃馬國明 ＃蕭正楠 ＃劉心悠 ＃港劇 快樂的 思想。隨筆 01娛樂 我睇咗啲乜嘢 See See TVB TVB H-E-J-N-O-M <=> 芒姐再現 明周娛樂 MP Weekly 在香港 ‧ 過首爾時間 浪遊旅人 William on the way