30本好看的種田文推薦

種田文定義：普通人平凡的生活，主角不是萬能，也沒有太多勾心鬥角的故事，就是平淡的生活瑣事。大多是變種的穿越文。

好看言情小說推薦(有心得文、文案|甜寵文為主)連結：以下藍色字體

1《八零工會小辣椒》作者：秋十八【長篇+穿越+年代文+種田文】何如月X豐峻

2《三夫侍》作者：拾三果茶【古代+NP言情+有肉+女主穿越+種田】

3《嬌娘春閨》作者：笑佳人

4《美人與獵戶》作者：木妖嬈

5《隔壁的小書生》作者：少地瓜【長篇+古代+種田文+美食+甜文+溫馨+武俠+女主是江湖人】

6《咸魚穿進末世文[穿書]》作者：奶香味噠【短篇+末日+穿越+甜寵+男配X女配+有肉】

7《賣油娘與豆腐郎》作者：青雲上【古代+種田+甜寵+小人物的日常溫馨】

8《女博士宅門扯淡日常》作者：莊九兒【穿越+年代文+先婚後愛】

9《侯門嬌香》作者：李息隱【古言+先婚後愛+種田+一夜情+高嫁】

10《我在年代文裡吃瓜》作者：芷柚【穿越+宅鬥+有肉】

11《二人森林》作者：浴火小熊貓【長篇+末世+男主是女裝大佬+美食+種田文+無喪屍、無異能、無空間】

12《末世第十年》作者：扶華【短篇+末世+種田+治癒文+無男主】

13《我的店子通地府》作者:小時你個渣渣

14《屠戶家的美嬌娘》空煜錦

15《表妹有光環》作者：安碧蓮

16《全家重回末世前》作者：人間觀眾【長篇+末世+種田文+異能+重生】

17《繼承位面餐廳後我暴富了[美食]》作者：home毒步天下【長篇+現代+美食+種田+爽文+基建+女強】

18《求求你了！我們這是個戀愛遊戲》作者：狸花貓插花【長篇+現代+種田文+遊戲網游+甜文+爽文】

19《我把後山上交國家》作者：雲舞輕【短篇+現代+無CP+種田+爽文】

20《我給男配送糖吃(快穿)》作者：五朵蘑菇【快穿(穿越多個世界)+拯救男配】

21《嫁給迂腐書生》作者：冬嬈【古代+穿越+姐弟戀】

22《福氣包六歲半[九零]》作者：異雀【種田文+甜爽文+女主土著，女配穿書】

23《我在古代有個崽》作者：禪貓【古言+穿越+小包子】

24《全星際的凶獸都寵我》作者：蒹葭深深

25《庶女畫棠》作者：棲晚【古言+穿越+種田】

26《[基建]被誤認是神明以後》作者：安靜的九喬【穿越+基建+種田】

27《我的老公是凶獸》作者：妖霏

28《嫁給病嬌惡狼沖喜》作者：沐沐良辰

29《陶二奶奶》作者：薑生芽

30《春時恰恰歸》作者：申醜

#蒼野之鷹看小說，#蒼野之鷹，#言情小說
含短評、文案、心得文連結推薦網址
https://pse.is/3dnvc6

【我是榮恩‧衛斯理，我想說的是…】
　
在大家心目中，哈利波特係一個點樣嘅角色？大家都以為哈利係完美主角，不如等我榮恩揭穿佢真面目！
　
哈利波特喺我眼中，只是一個戴主角光環，含住金鎖匙，靠父母名聲橫行霸道，四圍食女嘅二世祖。
　
我榮恩•衛斯理擁有純種血統，屋企有五個哥一個妹。亦因為呢個原因屋企變得好窮，我用嘅都是哥哥二手貨。就連寵物都係哥哥用過嘅肥老鼠，佢叫斑斑。點知原來佢係佛地魔僕人，為咗等主人復活竟變做老鼠潛伏我屋企十二年，你話係咪痴線…
　
相反哈利波特，只屬於半純血統，佢老母莉莉‧波特係個垃圾麻種。但哈利依然受萬人擁戴，全因為他母親發動「母愛」技能打破佛地魔連殺記錄，淨係喺額頭上留有閃電形疤痕。
　
而哈利亦因此而自豪，成日不經意露條疤出黎等其他人知道佢身分，同古惑仔露條刀疤炫耀戰績無分別！
　
我第一次遇見哈利波特，係去緊霍格華茲嘅火車上。我零用錢例牌少得可憐，唔夠錢買零食，哈利見狀二話不說就掏出一堆金幣將零食車全包，盡顯二世祖風範。
　
題外話，去到霍格華茲，我先發覺好多巫師都係痴線…
　
大舊佬海格成日發動高登仔技能，周街執啲怪物放喺森林養。個老女人又特別鍾意變貓偷窺學生，不得不提當然係溝唔到哈利老母嘅石內卜，佢視哈利為眼中釘，我亦因此而受不少苦頭。
　
講起石內卜，佢簡直係喪心病狂「中二病」患者，姑且唔討論佢髮型、語氣、舉手投足都乸味濃郁。最「中二」係佢喺教科書上稱呼自己做「混血王子」，痴線邊有人會叫自己做混血王子…哈利仲拎住本書日睇夜睇，真係諗返起都打冷震。
　
哈利嘅絕技就係害死身邊嘅人，從頭到尾害死唔少無辜嘅人同動物。首先喺火盃考驗害死學長西追，西追死後做咗吸血鬼，拍咗套《吸血新世紀Twilight》溝死唔少女。又有一次因為衰衝動同佛地魔隻揪，點知最後害死天狼星。
　
到後期，全世界都追殺哈利，正氣師打算用變身藥水變成哈利的樣子，以為可以分散敵人注意力，痴線！都唔知邊個天才諗出黎！點解咁多人唔變，要變一個所有敵人都追殺嘅目標？！
　
其實只要哈利一個飲藥水變成平民就可以，何必搞咁多花樣？！順帶一提，呢個天才計劃害死咗單眼佬「瘋眼穆敵」。
　
後來，哈利又自以為諗到條絕世好橋，叫我同妙麗飲變身藥水潛入魔法部偷肥婆條分靈體頸鏈…邊個肥婆？七集入面最黑人憎嗰個肥婆囉！唔係唔知嘛？！
　
講返哈利個計劃，點解佢有隱形斗篷唔用，要用變身藥水呢？最後雖然都成功，但搞到我衝入傳送隧道逃走時成隻手臂被撕開，好L痛啊大佬！好彩我老婆用晒啲藥水醫返好我…

然後，明明可以用魔杖射出死光同佛地魔單挑嘅哈利，竟然畀一排嘍囉捉走，最後關頭好彩得意多比黎營救，但亦因為藥水用晒，救唔返多比…全套戲最惹人喜愛嘅多比就係咁死咗，哈利攬住佢喊，我真係想衝埋去鬧佢：「喊乜春啊殺人兇手！我隻手臂仲隱隱作痛啊！」

正所謂不怕神一般的對手，只怕豬一般的隊友。校長鄧不利多一世英明，百幾歲人生最錯就係帶哈利去搵分靈體，看似好重要嘅哈利其實只係行行企企，幫手拉船同盛水，呢種事可以搵海格去做，鄧不利多點解要揀哈利同行？
　
鄧不利多為搵出分靈體逼住飲坑渠水，飲完臭得濟想話飲杯清水漱口啫！咪叫哈利去拿水囉！
　
點知識用魔法變水嘅哈利變完出黎用貝殼裝極都裝唔到，又唔識直接用魔法射落鄧不利多個口，走去裝啲海水畀校長飲，真係天才！結果仲叉錯腳畀邪惡人魚扯落水底，勞煩半死嘅鄧不利多拚盡條老命使出火龍捲救返佢，返到學校以為終於可以飲啖水休息返陣，點知就被中二病石內卜殺死，陰公……
　
要數到哈利嘅卑劣人格當然不止於此，佢喺校內係出名嘅『七彩食女王』，點解叫七彩？有一次被肥婆佔領學校，大家喺密室秘密練習魔法，哈利就搭上黃皮膚張秋。後來喺麻瓜世界嘅一間地下鐵快餐店又勾搭黑皮膚女侍應。最後又同我妹金尼結婚…佢玩晒啦。
　
不過呢…
　
「老公～」背後突然傳來妙麗叫聲。
　
我一掉轉頭，見到妙麗著住絲質半透明睡衣企喺房門口：「仲唔入黎訓？」
　
「訓？妳著到咁點訓啊？！」
　
不過呢！我就娶到妙麗囉！Now～ Tell Me Who’s the Boss ？！
唉，其實我咁窮，係因為我老豆生太多…但妙麗每日都咁樣嘅話，睇黎我個仔都會好窮。
　
ig：BlueGodZi
專頁：http://www.facebook.com/BlueGodZi

讀者投稿《又要威又要戴頭盔奶奶篇》

我同老公拍拖十幾年，奶奶極品事情，三日三夜都講唔完。以下係最近期嘅精采事情。

1) 英國環球遊

我同老公希望喺英國舉辦一個好小型嘅城堡婚禮。 主要淨係想喺英國註冊。 賓客淨係諗住雙方父母兄弟姊妹出席。 我老爺奶奶喺美國，老公個妹喺紐西蘭，而我爸爸媽媽喺香港。

我爸爸媽媽聽到好開心即刻話自費去英國。 我同老公都諗住出機票錢。 點知我奶奶發脾氣， 佢話好唔滿意我哋淨係出由美國去英國嘅機票錢 。 佢話一家人一定要齊齊整整出發。。。佢要求我同老公出老爺/奶奶/老公細佬由美國飛返香港嘅機票錢，等佢可以同老公妹妹喺香港會合。之後再由我同老公出錢請佢哋由香港飛去英國。 本來我哋都無奈接受要出機票錢，點知奶奶老爺再加多個要求--- 我同我老公要包佢哋成家(4個人)兩個星期英國嘅食宿兼洗費。

我老公梗係唔肯啦。 之後奶奶係咁講佢覺得好遺憾冇得睇個仔註冊。 老公覺得自己個婚禮，但係得我爸爸媽媽去好遺憾。 結論我爸爸媽媽費事令老公難受佢哋放棄去英國，而我就放棄喺英國註冊， 淨係搞小型古堡婚禮。

2)奶奶係新娘

我同媽媽奶奶去揀掛。 佢一入到鋪頭 好大支嘢 嘅語氣 同職員講:" 我淨係會著绣咗金線銀線完全冇布顔色既褂。 普通嘢我唔著， 太醜。"

咁我媽咪好快揀咗件啱價錢又靚，就落訂啦。而我奶奶就不停喺度睇下邊條最多金線銀線。 之後仲話我媽咪嗰件太寒酸，因為見到棗紅色布。

因為我老公知佢一定揀啲好貴嘅嘢，所以一早同佢講唔會畀錢佢租褂。點知道要畀錢落訂嘅時候發覺佢揀嗰件要成八千幾蚊。 死啦，奶奶又要威但係又唔捨得畀個八千幾蚊喎。 咁佢就望住媽媽嗰件問人哋幾多錢。 人哋話只需三四千。 奶奶又即刻話佢好鍾意我媽媽嗰件。 職員話淨係得一件咋喎， 奶奶即刻好想我媽媽讓畀佢。

平時奶奶點樣蝦我我唔介意， 我係後輩我可以忍佢。 但係我媽媽同佢係平輩我唔會畀佢蝦我媽媽。 本來我媽媽真係準備約佢嗰件俾佢， 我即刻撳住阿媽同我 奶奶講 我媽媽已經畀咗訂， 唔會改㗎啦。

最後我奶奶唯有死死地氣落訂定番嗰件啦。

好戲在後頭 1: 個老字號職員走過嚟同我講話你奶奶好煩, 我一毫子折頭都唔會畀佢。 將來你有排辛苦呀。 我平500蚊畀你 媽媽。
好戲在後頭2: 擺完酒之後有一日老爺都笑我奶奶。 原來奶奶著嗰件掛同楊怡和雪雪bb 一模一樣。 老爺問奶奶係咪當自己係新娘。 奶奶瀨落職員度話佢自己淨係話要奶奶褂，係職員畀錯佢，唔關佢事。 大佬呀! 邊有奶奶著到咁閃 咁金咁銀。 人哋梗係攞新娘啲褂畀佢啦。好戲在後頭3: 之後嗰一個月 啲人見親我都話我奶奶係咪以為自己再嫁。連daddy啲朋友都話我呢個奶奶唔嘢少應該好難服侍。。。

多得奶奶當晚有好多其他 嘅精湛表現, 而家 所有人都同情我, 對我特別好.

3)斟茶夾硬來

擺酒前兩星期我已經不停同奶奶跟進斟茶 名單。 佢不停同我講番唔會有野改. 我仲畀個rundown佢 話呢個係斟茶既次序， 同佢講嗰日時間十分緊逼不能突然添加或者更改。 佢話絕對唔會改。 仲串我話有幾多親戚，咁緊張，點會唔記得呀。

到結婚嗰日，我哋順利準時完成斟茶儀式。 突然之間奶奶跳出嚟話未斟曬。 佢叫我即場跪低斟茶俾佢個寶貝細女。我話佢係後輩我唔使斟茶唔使跪低。奶奶好堅持。現場所有人都話唔需要㗎喎， 除非一早溝通好。奶奶話所有傳統都係咁。 好彩我啲好姊妹即刻話冇曬乾淨杯，啲茶又倒曬，洗緊個茶壺。。。

原來我奶奶個寶貝女即係我嘅姑仔，好想人跪低斟茶俾佢， 所以同佢阿媽講要我跪。佢阿媽知道於理不合所以諗住用群眾壓力叫我跪低。點知我唔肯，仲有其他人幫我。最離譜係姑仔知道佢奸計唔得逞，竟然即刻跑去同我阿媽投訴我唔跪低斟茶畀佢。

其實 佢根本就之於禮不合所以先一直隱瞞我， 諗住我唔敢喺當眾反抗。 以為事件不了了之? 擺酒之後嗰兩日，我奶奶喺老公面前話我唔跟傳統跪低斟茶俾佢個寶貝女。。。最後我做咗好多資料搜習畀我老公畀奶奶睇，等佢知道跪低斟茶畀姑仔係好少數嘅傳統，亦都通常要喺事前同新娘溝通清楚，而並不是好似奶奶口中個個都做嘅傳統。

因為我本身工作係做資料搜習所以太詳盡，所以奶奶入唔到我 。 於是佢唯有喺雞蛋裏挑骨頭 。擺酒結婚後嗰幾日不停了結婚當日嘅嘢嚟話我。我老公知今次係奶奶野蠻無理所以都有教訓返佢媽，叫佢唔好再搞事。

所以一定要嫁個好老公。

#退一步海闊天高
#我的極品四大長老
#第一次聽要跪低斟茶俾後輩

👇設計圖片