： 《緬甸奇遇記：特別的cultural shock篇之三》 個人覺得呢集最好笑所以廢話唔多講即刻去文！ 文字：緬甸文 緬甸嘅文字實在奇妙，我話似鬼畫符， 朋友用蛇仔字🐍黎形容，就適合不過啦。 同大家隆重介紹緬甸文嘅GREETINGS — 「你好嗎？」， 奇妙之處在於佢嘅發音正正就係 廣東話嘅「你鳩啦」:o) （我知你依家一定講緊）， 我喺緬甸日日都問候各方好友㗎。 教多你三招， 如果你去街市買嘢突然師9上身要講價， 咁你就可以駛出緬甸購物四式 ——— 1. Mingalabar！= 你好！ 2. Beh lau leh ? = 幾錢？ 3. 「死豬deh！」= 太貴！ 4. 呢個時候老闆見你master咗 就會乖乖屈服計你平啲，咁你就乖乖奉上銀兩啦。 （佢心諗，dnlm賣得咁平你班友仲要講價?!!?!??!?) 講起買嘢分享趣事一則。 某週末一位朋友喺附近嘅士多尋獲寶藏 — 海底撈麻辣香鍋湯底， 思念祖國嘅一眾好兒女當然難掩興奮之情， 決定當晚立即開個麻辣邊爐群組。 碰巧平日幫手採購食材嘅專員當日一早跟咗唔知邊個啲學生去玩， 於是派遣兩名訓到天荒地老、 無隨行玩樂嘅壯丁前往街市選購肉類作打邊爐之用。 呢兩名仁兄不諳緬甸文，要買豬肉但個老闆又無法理解佢地嘅body language， 雞同鴨講之下只係俾咗雞肉佢地。 兩位仁兄靈機一觸，決定使出絕招 — 一同模仿豬隻的鼻子及其非常symbolic嘅叫聲， 「噶噶噶🐽🐽🐽」。 老闆欣賞到活靈活現嘅表演後頓時茅塞頓開， 恍然大悟咁點點頭， 即刻奉上最優秀嘅豬肉，為美味嘅火鍋錦上添花， 眾人都讚嘆不已。 錢：KYAT Kyat兌HKD係200:1， 換言之200 kyat等如一蚊港紙。機場都未出， 一換完錢已經拎住兩個膠袋入面五大疊銀紙， 仲要每張都係$5000/10000， 成世人都無拎住過咁多錢。 COME ON，SHOW ME YOUR MONEY!!!! （無錯，我啲錢多到銀包都擺唔曬，要用膠袋裝。） 講起錢，當然要講下緬甸啲物價。 1000kyat折合hkd$5 ，香港一支水都買唔到嘅價錢可以買到一大碗麵食到個我都飽嘅lunch； 10000kyat折合hkd $50， 香港食個午餐嘅價錢喺緬甸你可以選擇食一餐邊爐放題又或者去水上樂園玩一日。 有無試過唔睇價錢咁購物？ 我地喺shopping mall（當地一間超市嘅物體） 推住㗎手推車見到咩想買就擺曬落㗎車到， 真係好似唔洗錢咁， 埋單俾錢係成疊銀紙咁fing出黎。 拿，喺呢度係唔會有選擇困難症嘅， 因為你最後只會兩樣都買曬（我要曬！！！）— 嗯，富豪嘅生活真係幸福～ 哈，開心咗兩個月振興完緬甸經濟之後， 翻到香港要適應翻香港嘅物價就。。。 無嘅，咩都乘200囉:o) 習慣： 緬甸時鐘？ 緬甸學生同你講十點喺學校gather， 我地已經十點先起身，十點半慢慢食早餐， 十一點搭tuktuk，十一點三到學校， 點知人影都無。喂講就興高采烈，人呢？過咗一陣，某學生出現向我地報以尷尬而不失禮貌的微笑， 話佢地啱啱起身叫我地等陣喎。？__________？ 哈囉，說好的十點呢？？？ Any肥，所有事情都一樣，習慣就好。 經過數次被陰到之後，我地決定採取佛系應對態度，去到無人呀，哦，咁出去周圍行下買下嘢先😂 RANDOMNESS OVERLOAD：「依家去緊邊？」 可能香港人習慣生活要好well planned/ 跟schedule做嘢， 緬甸人嘅做嘢方式 完 全 顛 覆 曬我地呢方面嘅諗法。 我間學校係無校曆表的，所有野都係。。。隨緣。 可以今日去上堂先話你知聽日放假， 最誇嗰次早上上緊堂同你講 “no need to teach in the afternoon” 因為下晏有足球比賽喎， Prep曬啲嘢嘅我都唔知笑定喊好HAHAHAHA。 第一次人地學生邀請我地去玩， 我地一開始問佢地去做咩， 佢話去某同學條村visit下。 點知上車講講下車咗我地去教堂睇人唱歌， 跟住去條村保守估計食咗三round食物， 跟住再去某個cave，跟住再去第二個學生屋企， 受到貴賓級待遇，再食。 記唔記得我上次講過話去咗個連邊個生日都唔g嘅生日會？前一日明明話去整嘢食㗎嘛， 真係好意外好驚喜呀！！ 最後，我地自此對緬甸人講嘅嘢都係抱著半信半疑嘅「持觀望態度】，因為騙徒手法層出不窮呀。 （宜家諗返起真係幸福(;o;) 故事講到呢度，下集最終回再見！ （終於見到終點，proud of myself ) #緬甸奇遇記