［賠率速遞］奧斯卡2020 唯一看點 — 韓片《上流寄生族》拎最佳電影

1. 又標題黨啦，其實唔係唯一看點，但都會係一大看點。

2. 本人雖則鍾意睇戲，但不見得好有深度（睇下同咩人比啦下），況且只要係返工呢，其實好多時都唔夠訓，偶然都入場恰眼訓。所以我多數都揀啲冇乜人嘅戲院，廢事影響人。特別係啲 「悶片」 「長片」，就揀星期六日精神啲先睇。

3. 不過我自己經驗發現，眼訓指數呢，最大影響固然係片長，但第二大就唔係內容—我睇 《轟天猛將》The Expendables都訓著。比較大關係可能係語言，一般睇港產片冇咁易訓。

4. Anyway，所以都唔係咩權威，「但即係就係睇多你少少」，齋睇港產片都多過你睇成年戲。但篇文都係講奧斯卡2020

5. 你心諗，名單都未出喎！係！就係名單都未出先好玩。正如你可以買定2022世界盃邊隊捧 ．「到時如果入唔到決賽周咪好戇鳩？」係！就係咁好玩。當然亦都代表你賠率會高啲。

6. 同一道理，奧斯卡1月2號先投票，1月13出名單。到時歡迎再返嚟抽水。

7. 但都講返，看點，就係 韓片《上流寄生族》拎最佳電影。

8. 你心諗，你老味你痴邊條筋？你想講外語片咋？（其實今年改咗叫「國際長片獎」，但是但，明就得）。

9. 根據我嘅research （即係，Google頭幾個結果），外語片係連賠率都好似未有嘅，可能實在係冇乜人理。而加上其實同其他獎唔同，個評審提名機制亦都唔同（不詳解了），而非評審嘅喱文其實真係好多唔會睇過，盤都唔知點開。

10. 但去到呢一刻，其實已經有咗十強，就係上面呢十套。除咗《上流寄生族》外，我一套都冇睇過。但，咪撚玩啦，呢個獎應該《上流寄生族》係拎梗。唔係武斷（係喎，未睇過另外九套），而係你睇影展嘅鬼佬口碑，其他細獎嘅結果，或者睇啲影評人選十大，已經估到。相當多鬼佬影評人放佢入全年十大電影（http://bit.ly/2Flud7L）—係所有電影十大喎，唔係外語片十大。仲要唔少係放到第一。奧巴馬都放到全年十大（當然佢唔係影評人）。所以拎最佳外語片，應無懸念。

11. 而如果信市場嘅，《上流寄生族》拎最佳電影，真係唔係吹水。部份莊家放到去最熱，唔係最熱都放到次熱，基本上就係佢，同埋《愛爾蘭人》The Irishman之爭。嘩。《愛爾蘭人》我冇睇，不過留意馬田史高西斯Martin Scorsese其實拎過最佳導演（《無間道風雲》The Departed），但冇拎過最佳電影．會唔會敬老呢又？不過睇賠率，今年好似咬得幾緊，真係好似幾套都有機會。

12.留意，奧斯卡史上，從來冇一套外語片拎過最佳電影。畀《上流寄生族》拎到，韓仔J到出血都得．外語片拎最佳導演就試過，正係上屆嘅《羅馬》Roma

13.去到最佳導演，你見，其實都係最佳電影嗰班友。亦係《愛爾蘭人》馬田史高西斯，同《上流寄生族》奉俊昊之爭。其實都咬得緊，但比較大機會就會係一人拎一個。而上面講過，外語片拎過最佳導演，但未拎過最佳電影，又睇下點

14.仲有可以提下嘅，《小丑》Joker在最佳電影賠率有頭五，但導演係拉到好落先見嘅，正如本人舊文話頭，係靠男主角救返套戲，編導係二流水平（http://bit.ly/364YfZm）。《Little Women》小婦人評語好似幾好，但最佳電影賠率極冷，反而導演Greta Gerwig就不太冷。當然實務上，10倍賠率嘅好少跑出，正如世界盃都N咁多年冇一隊係超過10倍賠率捧盃（對上你估唔到，係1998年法國主場捧盃）（賠率係計決賽周名單出晒）。市場都係幾有效率嘅

15.其他獎，快手講下。男主角啦喎，《小丑》華堅馮力士Joaquin Phoenix熱到爆，唯一對手係《婚姻故事》Marriage Story（未睇）嘅Adam Driver 。即使《小丑》套戲在美國其實有啲批評聲音，相信男主角冇乜問題，唔使咁政治正確。

16.女主角啦喎，一樣，亦係一支獨秀。久違了嘅BJ Renée Zellweger，新片Judy相當叫好（票房就算啦）。但我估有暗湧，賠率次熱就係《婚姻故事》嘅Scarlett Johansson—但我睇好冷冷地（其實都未夠十倍），《爆炸性醜聞》Bombshell嘅Charlize Theron．唯一不利係套戲唔係個人發揮晒，而當然Renée Zellweger鹹魚返生嘅故事比較動人。Just saying

17 呢篇文原本係2019年尾寫，結果等到香港時間1月5號先出。因為同一日會有金球獎（香港時間就1月6星期一朝早），照計會對啲賠率幾大影響，到時又再睇下。不過留意，金球獎最佳電影名單係冇《上流寄生族》嘅。
________________________________________
18.總之，有啲後悔冇在飛機上睇多次《上流寄生族》。最佳外語片已無懸念，當然都有得J，韓片咁多年都冇拎過最佳外語片。但奉俊昊期望應該唔止係咁，至少係最佳導演或最佳影片拎到一個吧。

19. 之前都簡略講過《上流寄生族》。風評咁好，我估因為社會不均，貧富懸殊，真係世界問題，鬼佬都睇得好有共鳴。奉俊昊之前嘅《末日列車》Snowpiercer，英文片，主要都鬼佬演員，一樣風評幾好，票房亦都OK（好重要的說），亦係圍繞類似主題。

20. 再講一次，拎到最佳導演或最佳電影是但一樣，都係韓仔／韓片嘅大勝利（我未大愛到會講「都係亞洲人」）。每次我寫韓國都會重覆一樣嘢：我輩港男，多數認為韓仔嘢膚淺，日本文化先係王道，韓國產品就抄人（有一定道理），韓劇狗血，韓仔女人型，韓妹就只係整容隆胸（但照J），MV就腿張開扭籮袖。

21. 但like it or not，韓國文化的確好有影響力，特別係韓片。以一個小國（其實計經濟規模或人口都唔算細）嚟講，好堅。你見真係日本片中國片港產片印度片，都未有咁嘅高度，可以鬼媒齊齊認討論，選做十大甚至最佳電影。

22. 但係咪完全因為《上流寄生族》係神片？未必。我係鍾意呢套戲，但唔係當到神作咁—至少我都冇睇第二次。我自己認為奉俊昊嘅戲（我都睇唔少，佢唔算多產），最出色反而係早期嘅《殺人回憶》同埋《韓流怪嚇》。前者可以當係韓版嘅《殺謎藏》( Zodiac，但留意殺人回憶仲早幾年），後者其實同而家上緊嘅 《白頭山：火山浩劫》主題相似（朝鮮民族之情，韓國人自救，政府正仆街，美國人正仆街，中國人都係仆街）

23. 好產品都要有好marketing，其他電影再好，都好似去唔到咁層次。我認為就係韓仔深耕細作嘅結果，在鬼媒一早搭晒線，亦多得好多海外韓人不停寫文，仲有在social media 度做好多嘢。韓國人嘅「民族意識」的確好強，我見嗰啲美藉甚至海外成長嘅一樣好強調個身份認同。我睇嘅鬼媒長期都有好多評論寫韓國，睇名就知係韓裔，仲要成篇文啲link都係韓文。你見咩Wonder Girls 之類一樣上Billboard極賣得，同一道理。就係因為唱英文？又唔係喎，《上流寄生族》都係完全嘅韓國戲，《江南Style》都唔係英文。

24. 舊評重貼：關於「上流寄生族」嘅message係乜，都仲有啲爭議。奉俊昊刻意唔拍得好清晰。有人話套戲係「批判富人」「揭示社會窮富不均」，有啲表面。睇佢舊作（西片）《末日列車》（Snow Piercer），其實係有啲相似，以火車喻社會。畀你打到大佬，去到最前一卡，同上流一齊食牛扒，你又會點？同樣地「上流寄生族」入面，朴社長全不可憎呀，地底人日日多謝社長（當然你可以話係反諷剝削者被剝削到感恩）。反而係窮人偷呃柺騙，仲要自相殘殺，拎到少少甜頭就壓迫其他窮人，所以呢套唔係一套仇富嘅戲。當然亦有話，「係因為佢地咁有錢先咁好人咋」。

25. 但，朴社長其實只係高級中產（從來冇講佢點發財，甚至連做乜都唔知），同權貴都仲好有距離。我自己嘅演繹，反而係好不負責任嘅「社會嘅錯」(留意主角一家完全勝任工作，只係因為佢地出身先要講大話呃入去）．另外就係宿命論，就好似蠍子過河嘅故事咁，本性難改。最後朴社長做乜畀人拮死？咪因為不由自主咁，都係覺得窮人有陣味。留意呢個係佢嘅本能！甚至佢唔係想羞辱任何人。但有錢人就係同你不一樣，最好都係唔好過界。

26. 真係最後，寫完文先發現英國衞報都有寫 《上流寄生族》拎奧斯卡最佳電影嘅機會(http://bit.ly/39AOtQV) 。留意英國其實未上。

1106-#午間頭條搶先看
高畫質直播看這裡 >> http://bit.ly/2DjVtW5

「國境之南」有感！讓屏東有大醫院　蔡英文替榮總分院動土
>>http://bit.ly/36C8t3P
禁巴拉刈保護農民！蔡英文回屏東　陳吉仲父到場挺蔡英文
>>http://bit.ly/36z08Op
韓國瑜苗栗固嘸樁　水利會、派系大老都缺席！早被小英拔樁
>>http://bit.ly/2PNCM1H
蔡英文準備好了！17日成立全國競總　最強副手是他
>>http://bit.ly/2WONDcZ
韓國瑜遭爆買7千萬豪宅　王定宇：錢哪來的
>>http://bit.ly/2JQBLlC
差32歲「父女戀」！名醫李光輝曝子涵曾是「地下情人」
>>http://bit.ly/2PQ7xTz
子涵美乳「攏係假」！名醫前男友爆：20萬隆胸李進良操刀
>>http://bit.ly/36vT5Ge
遵照張榮發遺願？長榮老臣掌權欺少主　張國煒：妳背叛我
>>http://bit.ly/2rhHjze
見警壓制酒醉屁孩嗆警「台灣沒法治？」　反遭網友打臉刪文
>>http://bit.ly/2CpMTC5
獨／急煞油漆全翻！路口一片「白茫茫」　溼滑害外送員慘摔
>>http://bit.ly/36D45BE

⛷🎿🏂尋鰻試鰻嘆鰻🎍過年拜神搵達磨⛩

😂😂又到無聊幾粒鐘時間喇！😂😂今次一定悶死你哋😂😂
玩雪嘅日子好快就過咗，仲响市區溶咗兩日雪，熱到顛咗，天氣真係話變就變，今日溫度茅啦啦跌咗7、8度，衫就梗係着唔夠啦！今朝出去食 Brunch 時雞乎凍瓜咗。

今次搭靈魂機出門，落雞時真係三魂唔見咗七魄；响車站 Lock 好細軟，時間真係太早，冇商店冇商場冇百貨冇超市，惟有揼住波鐘漫步去話搬又唔搬嘅街市閒逛。人真係唔少，尤其係廣東話人，佢哋去晒啲長龍寿司、長龍店 😨😨 真係唔好預我，個核突 cheap 爆昆水飛雞餐都仲未落膈，但路過長期人龍玉子燒居然冇龍喎！😳😂來！小二，快來兩個「震」店之寶！🥚🥚
我哋呢啲老公錫到燶嘅，就梗係去想去嘅地方啦！大佬，我哋掛住佢掛咗成十年喇！舊年老細返屋企先，自己又唔記得路，今次仲唔搵翻佢出嚟咩 🤣🤣 去關東，掂會食關東煮架，真心谷主煮仲好食啦！😝😝 鰻魚營養豐富骨膠原又高，日本人用備長炭燒來添加嘅炭香，我呢啲唔識食嘅下等人，我真係掛住佢嘅香味掛咗十年囉！ 關東之內，如此平民價又有質素嘅，我。。。覺得啲焦香同魚香🙄🙄🙄 今日食個成田 No.1，要等成個鐘嘅都比唔上佢😋😋 出山後去拆多餐係必然嘅😂
隊完個掛足十年鰻魚飯，散下步去雷門。。。 No啦！呢啲哋方邊係羊咩咩去架 😂😂 穿過仲見佢細，去一個入得去就唔識出翻嚟嘅鬼地方 😈👹😱 合羽橋道具街，真係唔好去呀，入到去你會不知月日，到老闆收工黑面趕你出門口你先會清醒 😱😱😱 乜天黑嗱！？我仲未買咖啡豆架 😭😭

說時遲，那時快 🕐🕒🕕🕗 #Asama2000 的行程開始喇，勞煩雪場的職員 #Aya樣@Asama2000 協助同專車的司機大哥，帶我同老細上山喇😂😂 小諸淺間山2000 米高啲 Asama 2000 スキー場 ，地方不是很大，但風景一流。對我哋呢類一年只有一兩次機會玩雪，又唔好名牌的香港人來說，Gala 同長野好出名，去過了，但人太多，反而喜歡在人流不多，路徑斜度低又寬廣的細場地練習，口講玩雪，實情欣賞環境，空氣、天色、美景，對我來說真係perfecto 架 😅😂 一早的天氣十分好只是有點大風，在藍天下白色的雪地上馳騁，十分開心，走上走落十幾廿轉，攪到全場大人細路工作人員都知我淨係得幾句咋😂😂😂 都話天氣真係話變就變喇！天色還是美得得嘅時候，Gondola 突然停駛😱😱 噢！吹8級風😱😱😱😱 喂！我啱啱 sir 落嚟咋，就在自然呆呢刻，嘩！啲風雪兜口兜面勁打落我豎，差啲企唔穩，好痛呀😵見一個二個入晒間吹到搖下搖下嘅屋仔，咪扮晒二仔底照跟囉 😂😂 Google translate 神係時候出場喇 😂😂 在神的幫助下，我認識了幾位小學老師，佢哋用僅有嘅英文生字話我知風太大，太危險，困响屋仔，我又用僅有嘅架文同佢哋一齊說說笑笑😂😂 等到有雪車來「車⋯⋯」我哋返上去。
#Aya , I'm very glad to see you. I'm so sorry that I rushed to get on the bus, I forgot to take a photo with you 😭😭 I want to tell you , you are so sweet 😘😘😘Thanks for your help, I have a nice day at #Asama2000 .

新年流流，去下寺廟求下神祈下福是常識吧📿 #少林山達磨寺 #明治神宮 #成田寺
，是值得一到的寺院。達磨寺係達磨之地，帶佢返屋企又是常識吧😂😂其他寺院都有達磨，點解要去嗰度帶佢返歸？因為🙄🙄🙄除左寺自家兩個銷售祈了福的御同達磨外，冇其他小店，又冇收費入場費部份，仲有佢哋好衰，貼磨磨紙仔⋯⋯囉🙄🙄🙄😝 另外兩處呢！⋯⋯大囉！宏偉囉！尤其成田山，他的公園真的很美，拎轉身就是另一個靚景，日式自然派園庭，跟美美奐嘅高級庭園截然不同。 P.S. 除美術館收費外，其他部分，包括成田山公園都是不用收費的
🙄**勞煩自己垃圾自己帶走，我啲垃圾帶到家下講講下先醒起，仲响袋喎😂😂就落機喇🤣🤣🤣

Ling，我都有自家炒啡豆嘆呀！今次有預你架😂😂但係件老細都讚嘅自家清新芝士蛋糕我吞咗喇，誇啦啦！我會努力去試整架喇🤣
食就真係唔好漏咗呢樣，迴転，搵間似樣嘅迴転寿司，嚟！過年唔使轉風車，去間好啲嘅迴転啪十件八件入口即溶兼冇渣嘅堅大吞拿魚寿司轉個好運😂😂

返歸喇！家下隆胸公司每人俾30kg你load，但又靜靜雞加價兼服務勁降呢喎😡整！搵我笨架！我呢啲死窮鬼那有咁多財買咁多嘢，結果咪又係一人廿 k！回水呀😠😠😠😤

備忘錄：
無聊還無聊，熄晒燈一個二個休息時，好跟風咪開燈發神經玩無聊幾粒鐘喇🙄成日俾人點中🙄🙄

～～ 長編1600字，慎入😂😂😂😂😂😂

|人在清邁宵禁第16Day|
|泰國5月一| |即將解封|
|帶大家看現時實況|
|People in Chiangmai Curfew 16 day|

其實在泰國窮的人民達到80%
有太多很悲慘的故事和新聞
在國外的人無法知道
太多事不能告白......
緊記[身在福中~不知福]

聯絡方式：
Line: tonytonyau
WeChat: TonyTonyAu
Facebook:Thai Tony
E-mail:chakchak0213@gmail.com

|thai Ton|:
w.facebook.com/Tony-1282216018571134youtube▶https://www.youtube.com/user/DeepDeep...
Instagram▶https://www.instagram.com/thaitonyau/
Facebook▶https://ww/?ref=bookmarks

Facebook 專頁
https://www.facebook.com/ThaiMin.com.hk/

拍攝器材:
Canon : M5,M6,
收音咪: RODE