阿公係一個道士，佢接到潘叔請求，去咗佢屋企同佢個女見面。 潘叔話…佢個女瑋晴有少少唔對路。 「我可唔可以同佢傾吓？」阿公。 「但…佢受咗傷，唔太肯講嘢。」潘叔。 阿公第一眼見到瑋晴，佢下半臉都被繃帶包紮住，根據潘叔所講… 前幾日，瑋晴一個人留喺屋企嘅時候，偷偷拎起露台嘅小仙人掌，大啖大啖咁擺入口食，刺到成口都係傷。 「唔緊要，我係想同『佢』傾。」阿公嘅焦點放喺瑋晴身後，潘叔都未回應，阿公就喺迅雷不及掩耳間用一塊黃色絲質嘅布蓋住瑋晴個頭，再用手指畫咗一道符。 「講啦，你點解要咁做？」阿公問。 「因為？好玩啊～」 潘叔覺得訝異，因為完全唔似瑋晴把聲。 「好玩？邊個教你咁玩？」 「媽咪教嘅～」 阿公暫停問話，纏住瑋晴嘅相信係遊魂小鬼，夜晚遊樂場關門之後聚集埋一齊玩。 呢隻小鬼指嘅「媽咪」肯定唔係潘叔嘅老婆，咁到底係邊個呢？ 「潘叔，你有冇辦法夜晚帶我入荔園？」阿公。 「我…盡力…」潘叔。 年紀細嘅讀者，可能未聽過荔園遊樂場，喺1946年開幕，算係香港人嘅集體回憶。 雖然樂園喺1997年倒閉，但都曾經係香港最大規模嘅遊樂場。 八十年代尾，荔園因為受到另一大型遊樂場「海洋公園」影響，假日入場嘅客人銳減。當年無網絡，相機攝錄機亦未普及，遊樂場鬼屋「神秘寶洞」發生咗一宗嚇人嘅兒童被靈體拐帶事件。 由於園方拚命將事件隱瞞，連傳媒都沒有報導，只有當時在場少數人知道。 所以，受害者唔止瑋晴一個。 事件嘅起始，發生喺荔園快要關門嘅黃昏時間… 家寶、小鈞、婷婷三個讀同一間小學，三人嘅父母剛好有生意來往，有時假日會約埋一齊聚會，久而久之三個人就成為咗好朋友。 家寶身型比同年紀嘅小孩壯碩，眼睛細細，一頭刺刺嘅陸軍裝，頂住一個小肚腩，同佢父親簡直倒模出來嘅迷你版一樣。 對比起來，小鈞瘦到成隻馬騮乾咁，單親家庭長大，但佢好聰明，好細個就意識到自己出生喺有錢家庭。婷婷有一雙靈動嘅雙眸，笑嗰時會露出像一對兔仔門牙。 今日佢哋嚟到荔園，天氣悶熱得令人窒息，從遠處就可以聞到動物園大笨象嘅氣味，雖然汗流浹背，但不減三個小孩嘅興致，一入場就東奔西跑，消耗體內多餘嘅精力。 佢哋嘅父母拖住腳步緊隨其後，一手拎住枝水，每隔一段時間就幫仔仔囡囡替換掛喺後頸嘅小毛巾。 「樂園就快閂門喇，我哋走啦。」家寶嘅父親係個大肥佬，成塊臉都爬滿汗水，上衣胸口沾咗一個汗印。 「未走得～仲要玩神秘寶洞！」家寶。 「係啊！我們特登等到天黑先玩！」小鈞附和。 婷婷沉默不語，佢本來就好驚玩鬼屋。 荔園嘅「神秘寶洞」外牆上有一個巨型浮雕，一個青臉長髮女鬼，一條齜牙咧嘴嘅大白蛇，背景係地獄嘅景象。 佢同一般鬼屋唔同，遊客需要坐喺一架小型路軌車進入鬼屋，內部連一個扮鬼嘅工作人員都無，路軌兩旁有好多造型恐怖嘅人偶擺設，配合燈光同音效嚇人後 後段會駛入一個漆黑一片嘅房間，突然有一束好似頭髮咁嘅嘢迎面掃過你塊臉同肩膀，之後就到達出口離開鬼屋。 「唔得～我哋要一齊坐～」三個小朋友喺鬼屋門前扭計。 本來打算一個父母帶住一個小朋友入去，但三個絲毫唔肯退讓，最後父母都無佢哋辦法，反正喺鬼屋入面全程都要坐喺車上，應該沒咩危險，只好由得佢哋去。 臨入鬼屋前，三個回頭向外面嘅父母揮手尖叫，非常雀躍，父母望住佢哋入去之後，便繞到鬼屋嘅出口等待。 小鈞嘅母親拎著相機，想捕捉佢哋出㖩嘅一刻，會唔會嚇到喊呢？定係一臉不在乎，婷婷咁細膽，佢應該會喊到收唔到聲～ 但係，十分鐘過去，都仲未見佢哋架路軌車嘅蹤影。 父母們開始覺得唔妥，就搵工作人員詢問，出口處有一個拎住掃把嘅工作人員，佢就係潘叔，負責荔園關門後清潔鬼屋嘅。 「請問，鬼屋通常要玩幾耐？」婷婷嘅父親問。 「……」潘叔皺眉，一臉呆愣咁望住佢。 「你聽唔聽到啊？我們個小朋友入咗去好耐喇，都係未見佢哋出嚟，我們驚有意外。」 「哦，我去叫人嚟幫手。」潘叔放低掃把，搵其他工作人員嘗試過由員工通道望入去，但無發現三個小朋友嘅蹤影。 「會唔會佢哋已經出返嚟喇？」工作人員試圖敷衍了事。 「無可能，我哋一直喺出口等，都無見到佢哋。」小鈞母親擔心得雙眼發紅。 婷婷父親係律師，佢指住工作人員話：「你最好即刻停咗個機械，如果唔係我有權告你！」 工作人員只好將列車暫停，同排隊嘅客人講機械故障，將鬼屋入面嘅燈全部打開，沿住路軌搵返三個小朋友。 （太多字 下張圖繼續）

舊式理髮店，北角區長大的不會陌生，小學時期會固定找一位老師傅去飛’陸軍裝’ (回想起都有點手震震) 。 還記得是坐到木板上，理髮師會先送上熱毛巾，臉上拍爽身粉，鬢髮會特別用剃刀刮，舊式熱風筒吹出虎虎熱風。 一連幾個帖子會走入時光隧道，回到不同年代的皇都戲院，有興趣看嗎？ 彩蛋: 圖三會唔會太似Sammi😂 . . #ootd: @_demo_official. . . #discoverhongkong #hkiger #hkig #followme #f4f #l4f #likeforlike #likeforlikeback #followforfollow #fff #followforfollowback #instalike #like4follow #l4l #styleblogger #wiwt #mensfashion #fashion #menswear #streetstyle #streetwear #streetfashion #menstyle #outfitinspo #ootdmen #outfitoftheday #vintage #salon #oldhongkong

睇返以前細個個樣都幾搞笑🙎🏾‍♂️ 小學果陣我係田徑出身， 去到小六攞第一個學界獎， 九龍西區甲組100米冠軍， 假假地全港賽第六。😳 不過最搞笑都係果陣剪頭髮， 老豆帶我去剪果啲$20髮廊， 每次唔係剪游水裝，就陸軍裝， 邊有依家啲細路咁型🥲 #回顧 #又黑 #又大舊