昨天一切順利 確實要多謝好多人 首先是一班姊妹 絕大部份都是第一次做姊妹 但是非常稱職 整天在頻頻撲撲 讓我可以專心享受做新娘子 另外就是婚禮司儀 我把這個重任交了給 陳詩欣 @eunicechanszeyan 婚禮前她一直很緊張 因為她未做過婚禮司儀 一直擔心自己做得不好 結果她是一個滿分的婚禮司儀 既能搞氣氛又大體又美麗又懂得執生 我沒有選擇錯😎 強烈向大家推介婚禮可以找她做MC 也要謝謝 @josephtpluk 和 妹妹 @zoe_yuying 準備了兩段這麼好這麼感人的speech 余潔滢 我把你的說話能力看輕了 原來你這麼厲害 把我和其他來賓都感動到哭了 準備婚禮的各樣事宜 就要謝謝 @yoyoyotang 她簡直是我的Wedding planner 我就像一個白痴什麼都問她 當然也要感謝Jamcast 上下 婚禮前席不停四處奔波去為我送禮🙏🏻💕 能夠有漂亮的照片要謝謝 @martiness 還要拍片的 @woody.storytelling 最後還要感謝半島酒店的同事Marshall 把所有所有都安排得很好 感激不盡💕 婚禮除了感受到爸爸、媽媽 、老公的愛 還有身邊每個人的愛 要很多人的幫忙才能成事 謝謝你們的愛和照顧🥰 美麗的裙褂 @hungwan1975

* 《棟篤特工》影評 「談談香港喜劇前路」 （有劇透，慎讀） — 先君子，後小人，讚應讚嘅嘢，插應插嘅嘢，先至可以為香港電影業帶嚟一個正向嘅發展，忠言對於一間有心嘅公司嚟講，應該係會值得重視嘅。 — 首先，《棟篤特工》應該係我睇過嘅香港電影入面，運用最多網紅嘅電影，而佢哋運用嘅程度唔係路人甲乙丙，有對白，有close up，有帶動主要情節嘅作用，亦有發揮嘅空間，最搶戲莫過於係 專家Dickson同達哥 undergroundDV，亦證明咗網絡KOL開始得到娛樂界嘅重視，HMV算係主流電影製作公司嘅一個先鋒。 — 第二，對於「香港」電影製作，《棟》亦算係一套誠意滿滿嘅作品，因為電影入面運用咗海量嘅本土文化同埋香港電影嘅符號。例如繼續搵 羅蘭做龍婆、楊千嬅 Miriam Yeung做《新紮師妹》嘅方麗娟，娛樂新聞女主播 陳詩欣 Eunice Chan做被訪者、Bob Lam 林盛斌 趙永洪 Raymond Chiu Ronald Cheng 鄭中基喺地獄「龍咁威」式唱歌、去酒吧搵「初戀」、Larine 鄧月平做心機婊、Carmen Soup 湯加文做陪飲、健美運動員 蜘蛛媽媽- 鄭麗莎LisaCheng做惡妻，盤菜瑩子做女僕，行信和中心、RAP FREESTYLE、吳君如陳可辛、甚或YOUTUBER 阿聲 Singsing524等等等。作為熟悉香港娛樂圈嘅人嚟講，無可能無共鳴，亦佩服電影公司嘅勇氣，因為我相信中國大陸，甚或外國嘅人睇呢套戲絕對會睇到一頭霧水。 — 第三，《棟》嘅製作水準都係出乎我嘅意料之外，由服裝去到美指去到一啲動作設計，的確有型味，某幾幕戲都會驚嘆子華的確「打」得幾型，製作唔馬虎，算係近年賀歲片少見嘅。 — 但有誠意，開創業界潮流，製作水準高，係咪代表套戲就會好睇呢？《棟》嘅敗筆之處可能係呢類型大堆頭賀歲片嘅通病—劇本。睇得出，成個製作團隊試圖將密集嘅笑點無孔不入咁呈現喺各位觀眾嘅眼前，不論係造型、對白、歌曲、音樂、隱喻、不文、乜嘢都有，同行友人直情同我講「幾乎每一幕戲都係彩蛋，多到LOAD唔切」。 — 串星電影既要確保有大量明星客串，又要顧及成套電影，的確唔係易事，但電影入面有一啲位置的確係[做多咗](老公勸老婆東鐵車廂mode)，比觀眾一個「為做而做」嘅印象。例如有幕戲講黃子華去搵 鄭丹瑞嘅料，上演咗一幕「飲尿」嘅情節，果場戲可能有超過五分鐘嘅時間，但除咗「飲尿」好好笑之外，對成套戲嘅意義又係咪有超過二十分之一？甚或乎，情節講到C君去鄧月平間房搵嘢，結果忙亂之間隻手掛住咗粒震蛋，咁樣個喜感又會重啲？ 電影入面不乏令人哭笑不得嘅場面，必須要警醒。 — 喜劇從來都難拍，可能係世界上最難拍嘅片種之一，甚至我認為《棟篤特工》並不需要將重點放在「笑」之上，效果可能更佳。因為自身的故事設計已有相當的亮點，佘詩曼之所以咁憎黃子華，係因為佢真係好愛黃子華，而為咗世界和平，要放棄兒女私情，在正義與情感之間掙扎，這已經很強的戲劇衝突。而喜劇之所以為喜劇，係因為作品以一個幽默的形式向觀眾呈現故事，就例如極好看的《嚦咕嚦咕新年財》，也不一定要以割裂的笑彈痛擊觀眾，由割裂去到渾然天成，相信這就是編劇的功力，也是我認為當中香港電影圈最缺乏的一種人才。 — 觀影後，我很直接就聯想到同一公司出品的《西謊極落》，果時我指出《西謊極落》用文化符號堆砌出一個不是故事的故事，這種嘗試「可一不可再」，「符號的意義是在於開創」。今次《棟》一樣運用大量符號，但卻看出明顯的進步。首映之前，主角蘇麗珊話個故事「有啲嘢」，結果所言非虛。 — 事實上，我幾喜歡電影故事嘅結局，結局講蘇麗珊搞出大頭佛，錯誤在九展裡釋放出令人「做回自己」嘅「HYDOGEN」氣體，結果會場內人們展現獸性，互相攻擊，結果黃子華心生妙計，把佘詩曼「半天吊」，引出人們獸性以外的「惻隱之心」，上演了眾人救美的戲碼。 — 在觀看結尾的時候，其實我也一度被蘇麗珊的言辭所迷惑，既然HYDOGEN可以令人「釋放自己」，那又有何不可呢？黃子華在結局的舉動就是答案，他自願成為拯救佘詩曼人鏈的最後一個人，他不止救了佘詩曼，亦救了九展的全部人，「犧牲小我 完成大我」。這種犧牲的重點是「自願與否」，強迫你犧牲是謀殺，自願犧牲就是偉大，還看你的心態。這與HYDOGEN的意義一樣，「釋放自己」的原意雖好，但重點是你想不想，這種思辯在賀歲片中難能可貴的，兼具社會責任，必須稱讚。 — 總括嚟講，《棟篤特工》陣容強大，製作有質素，最重要是紮根香港本位，值得支持，但業界同時亦須思考香港喜劇電影的前路，係咪一定要群星拱照？係咪一定要用海量嘅符號？最重要嘅事，都係編好劇本，寫好對白，避免以往嘅皇牌片種逐漸湮滅。 - （如果你咁有心機睇到嚟呢度，一篇觀後感其實要寫嘅時間真係頗長同相當費心力的，正如呢篇野都過左千五字了。如果你覺得文章係寫得好嘅，我一個人嘅力量真係非常有限的，唔好吝嗇你嘅like同share吖，甚至幫手推薦比朋友知道原來睇戲之後係可以有反思的，一齊傾，一齊分享同感受。網絡的力量可以很少，一篇千文字可以只像一粒沙，但同時亦可以很鉅大的，依靠的就是你，你，和你，感激不盡！） - 2月25號旺角網聚3點至6點半，跪求大家參與， 一齊傾電影!pm!