*嚴禁劇透* *粗口自行過濾* *可瘋狂話戲屎但免人身攻擊* [1230隔夜超短劇評][TVB][跳躍生命線 EP17] [讚] 今集張文慈solo咁濟，大部份角色今集都圍住佢去轉，包括咗在哥，仁哥， 仲有Man同埋祈祈，加埋出咗一吓場嘅戴耀明，都幫咗麥愛花呢個角色，推動佢去行。
編劇係勁嘅，之前...
*嚴禁劇透* *粗口自行過濾* *可瘋狂話戲屎但免人身攻擊* [1230隔夜超短劇評][TVB][跳躍生命線 EP17] [讚] 今集張文慈solo咁濟，大部份角色今集都圍住佢去轉，包括咗在哥，仁哥， 仲有Man同埋祈祈，加埋出咗一吓場嘅戴耀明，都幫咗麥愛花呢個角色，推動佢去行。
編劇係勁嘅，之前咁多集都有講話Diana係冇腦但心地善良，仲用埋Man把口話畀觀眾知，令到觀眾內置咗Diana其實都係好人嚟嘅感覺，所以今集佢就算冇收好個happy drink畀諾兒飲咗，再去到坐喺春嬌橋自拍搞到消防警察齊齊出動，我都覺得嬲佢唔落，因為編劇已經為我做好咗心理建設。到佢最後因為受到男朋友唆擺而影咗裸照，我居然唔係怪佢低能，而係同情佢，同情佢因為想同男朋友一齊而影呢啲相，又同情佢因為都想搵吓錢唔使成日靠在哥而去做KOL博出位搵錢。兩樣嘢都係講Diana唔想人唔記得佢，其實真係好慘。
張文慈喺演繹上做得到，明明係好煩好白癡，但係你又好似明白佢，又覺得佢都係慘，而其實佢係繼續無腦低能。要做到咁又唔反感仲覺得佢都幾可愛，真係好艱難。佢喺屋企俾馬神質問，仲有喺酒店俾馬神叫佢返屋企嗰兩幕都做得好。
Pinky之前喺IG話睇完今集就可能覺得麥愛花唔係咁可愛，但唔使擔心啦，你嘅演繹仲有劇本，都令到呢個角色好正。話時話，Pinky喺《我和殭屍有個約會2》演金未來，陀住滅世魔星尼諾已經好好睇。我仲記得佢同肚裡面嘅尼諾傾偈，大概話全世界都唔愛你，媽媽都愛你，然後企圖殺咗佢嗰吓，又愛佢但又要殺佢，真係好正。
另外，Luna同愛姐嗰段都好睇，Luna瞞住愛姐都要揸電單車原來係掛住老豆。愛姐擔心佢重蹈佢老豆嘅覆轍叫佢一係交低車匙一係交低屋企門匙嗰吓，羅蘭同陳瀅都做得好正。
最後陳瀅旁白話放手就能夠擁有更多，喺Luna、Diana、俊仔身上都貫穿到。何廣沛同李成昌嗰幕沖涼戲都係好睇。 [彈] 俊仔因Luna同埋愛姐，再加上接到個call係獨居老伯唔敢打搞個仔，進一步接受返卓裘。上幾集幫裘哥換燈膽，今集再進一步幫阿爸推貨、去士碌架飲奶茶。呢個緩慢嘅接受過程係唔錯，好真實。但今集俊仔幫裘哥推車嗰吓我就嫌短咗少少，連李成昌咁好戲，啲戲都睇唔到。仲有首插曲，真係插兩三句落嚟就算，依家好阻住個情緒，好似唔播仲好。 [唔知讚定彈]
某啲對白仍然係好造作，尤其係Man同在哥食宵夜嗰段「好田種出蒸生瓜」，係就係講明咗點解在哥咁錫麥愛花，又講到點解麥愛花會有咁嘅性格，但啲對白真係聽到打冷震。不過又咁講，兩個潛在戀人傾偈，呢啲文藝對白都真係有機會出現嘅。 [演員表] 馬德鐘 飾 麥在田 / 何廣沛 飾 卓家傑 / 郭子豪 飾 陸昊然/ 張彥博 飾 呂劍雄 / 張曦雯 飾 文暉 / 劉佩玥 飾 章可祈 / 陳瀅 飾 向滿月 / 羅天宇 飾 譚家俊 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 陳偲穎 飾 麥諾兒 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔建邦 飾 羅應佳 / 張國強 飾 魯永健 / 楊卓娜 飾 游子嵐 / 羅蘭 飾 李英愛 / 蘇恩磁 飾 何鳳蓮 / 楊卓娜 飾 游子嵐 / 謝雪心 飾 湛小蝶 / 鄭佑男 飾 童年俊 / 謝進 飾 童年傑 / 戴耀明 飾 James
#1230隔夜超短劇評 #無綫 #TVB #跳躍生命線 #馬德鐘 #何廣沛 #郭子豪 #張彥博 #張曦雯 #劉佩玥 #陳瀅 #韋家雄 #張文慈 #李成昌 #歐瑞偉 #陳偲穎 #李霖恩 #陳偉洪 #李日昇 #崔建邦 #張國強 #羅蘭 #蘇恩磁 #楊卓娜 #謝雪心 #莊思明 #鄭佑男 #謝進 #戴耀明
