【長文慎入😅】
呢張係我今年五月尾影嘅相，剛剛完成減醣餐單第一個cycle🙌🏼

記得嗰日好開心，完成第一個cycle，減咗15磅，正值open week，着咗條好耐冇着過嘅褲（因為以前好窄🙈），同好朋友食咗個美味嘅午餐😋💛，perfect池。😌

多謝大家話我瘦（實情係同瘦仲有一段距離🤪），亦好多網友叫我分享餐單，好想呀！只不過初頭食嘅時候，唔知自己有冇成效，所以想有啲成績先分享，食到宜家我差不多完成了🤩，大約減咗24磅，仲有啲上落咁，我覺得叫做對得住鄉親父老😂可以分享下喇！🥳

其實唔係咩秘密，我係跟咗倩揚❤️嘅減醣餐單，主要少食澱粉質同糖（但不是完全唔食），我喜歡呢個餐單因為佢夠人性化，唔係要捱餓、乜都唔食得嗰隻，每個星期有open day，想食乜嘢可以嗰日食（重點：☝🏼放鬆但係不放縱），而每8個星期（稱之為一個cycle）又有兩星期open week，我覺得係比較friendly、唔算辛苦嘅！試問如果每日都食唔飽、或者淨係食無味嘢，又點堅持到落去呢？😭

只要揀啱食物、計啱份量，就可以自由安排餐單食物，我試吓簡單講講：

☝🏼食物分四類先
✅綠色蔬菜
✅非綠色蔬菜（菇、三色椒、蕃茄等）
✅蛋白質（所有肉嗰啲）
✅原形澱粉質（蕃薯、南瓜嗰啲）

✌🏼然後計啱portion就ok，我自己咁樣食法：
📣早餐
✅蛋 1-2份
✅水果 兩個拳頭份量
✅奶或無糖豆漿（會加chia seed）

📣午餐（呢個要分8星期裏面嘅第幾星期）
✅Week 1/2/5/6：50%綠菜、10%非綠菜、40%肉
✅Week 3/4/7/8：綠菜、非綠菜、肉、原形澱粉質各25%

📣晚餐
✅ 我只食菜🤪任何菜🥦🥬🥒🫑
其實餐單話可以加啲肉嘅，我開頭就試吓唔加先，唔加我又接受到喎，於是就冇加🤡
又因為午餐食得夠晒飽，晚餐又唔會覺特別餓～過到關✌🏼

重點！要飲好多好多嘅水！💦💦💦
係體重kg x 40ml就係你一日要飲水嘅份量😌
見字飲水💦💦💦

餐單建議食三個cycle，而每個cycle係有少少variation嘅，可以之後再詳細講～

點解我會開始食呢個餐單呢？係因為身邊一位好朋友突然瘦咗好多，原來佢就係用咗呢個方法減咗成30磅😱，所以我好感謝佢帶咗我入坑😂 love you 😘 @jesuisfoodie

當然亦都要好感謝教主（唔係Anson Lo🤪）係呢個餐單嘅教主Skye陳倩揚🥰 陳倩揚 Skye Chan
佢設計咗呢個餐單出嚟，又無私同大家分享，其實我以上嘅資訊全部都可以喺佢嘅fb group「你得我得行動組」度搵得到 你得我得行動組 by Skye，只要你俾啲心機爬下文，可能仲會知得多過我🤪🙌🏼快啲去睇下💨💨💨裏面仲有好多好鼓勵性嘅case，等你知道只要唔放棄，一定得㗎！💪🏼我得你都得！👊🏼

另外我仲要感謝屋企嘅工人姐姐🤩Thank you Ana❤️（點解我好似講得獎感言咁😂😂😂）我要食呢個餐單，就要麻煩佢每日煮我要食嘅嘢，要同佢溝通得好好😌run順咗之後佢都熟晒我要食乜😂佢都係呢個餐單嘅expert喇👏🏼👏🏼👏🏼

身邊有任何朋友問我，我都會將我所知嘅全部話佢聽，因為我輕咗之後，真係會連心情都好咗！🥰只要搵到舒服、適合自己嘅方法就得👍🏼唔係話只係不斷追求個瘦字，而係要追求個人開心！❤️我想大家都可以得到呢個開心，所以問我咩我都會同你分享！只要我有時間！我會努力💪🏼你哋都要努力啊！💪🏼💪🏼💪🏼

今日好似寫得太長😅驚你哋睇到攰，吸收住以上嗰啲先！漫漫長路，慢慢再講！🤗

#阿之媽減 #朱FunFitCheck
#我得你都得 #你得我得行動組
#我仲未食完㗎 #大家可以一齊努力
#唔會睇完我寫就瘦咗㗎
#自己都去爬下文你會更了解
#最緊要搵到自己適合嘅方法🙌🏼
#睇返幾個月前張相
#塊面都仲脹卜卜🙈#但係都好滿足😁
#好長氣呀我
#再傾😉

近來在香港，如果你聽到身邊女性（好吧，也許有男性）在談甚麼「減醣」（是醣，不是糖）的話，他很有可能已經join了陳倩揚的「你得我得減肥團」fb group。

減醣，籠統來說，就是降低飲食中的碳水化合物份量。這種減肥方式，其實單是在台灣已流行了好一段時間，書籍、網頁、影片，你要幾多有幾多。

陳倩揚這次，可說是將當中概念本地化，使香港人更加易入口。大家都知，減肥這題目，是女人永遠有興趣的課題。成功個案一多，大家覺得真的「你得我得」，效應就會瘋傳。

說到keep fit，某嫂，自然非常熱衷。在她示範、勸導、引誘（嗱，真係冇威迫既）之下，我也試試跟著奉行。不經意地，就已經兩個月。（但group，我是沒有進的，男人老狗入乜鬼）

成績如何？大家一定想問。

答案是：我兩月下來減了約6.8kg，體脂降了2.4%。體重非重點，體脂下降了，倒是高興的。

成績是有一點，但稱不上驚人，甚麼對比照就無謂獻醜了（舊果張一定搵張有咁核突得咁核突，新果張就實係chok到黃金光線角度perfect兼吸晒氣縮晒肚。除非前後真係相差好遠，否則實際意義不大）。

減醣如何執行，自己上網查，或是去陳小姐專頁找吧，我無謂在這裡重覆了。今次想談的，是幾點感想。

1. 曾經以為自己不吃粥粉麵飯會死，但到頭來卻原來不是。就好像以為沒了某個人一定不行，離開了之後才發現他其實沒那麼重要。告別粥粉麵飯這回事，不得不說，像極了愛情；

2. 計劃中每周有一天所謂「open day」，在這天你喜歡吃甚麼都可以。我很欣賞這個「唞氣位」，它使你六天的努力有了盼頭，而不是茫無止境的狂奔。這樣，事情就相對變得容易成功。當然，其餘六天，你咁大個人，當然要識自律；

3. 由於要吸收足夠蛋白質，肉反而比以前吃多了，有時甚至覺得「好多嘢要食」。也許自己連斷食甚麼的都試過，所以這次個人來說可算是最不辛苦的一次減肥；

4. 這套方式，沒有餐單，只有原則。要成功執行，你必須對食物有更深認識。所以，這兩個月也算是長了點知識。對我來說最大的改變是生果，以前以為它健康、卡路里不高就狂吃，卻沒有看到醣的問題；

5. 另外一大改變是晚餐時間大大提前（可能不到六時就已經在吃），而且晚餐份量大減，我相信這也是降脂的一大關鍵。當然明白，我們兩人都在做，天天只有兩人一起吃飯會比較容易實行。

就是這樣吧。戴定頭盔，深知自己性格，極有可能減到一定程度又來自滿，又會放肆亂吃。尤其冬天，氣溫一降，就會甚麼也忘記。不管了，而家減定先好過無。

亦舒名句：「我知道金錢只可以買到床而不是睡眠，但躺在床上失眠，總比躺在街上失眠好。」疫情加社會現況，我知係好灰好無力。不過瘦住灰，點都好過肥住灰，對吧。

唔爭在抄埋杜汶澤早前評論網上流傳某綠裙跳舞女士的一句感言：40歲都可以好正，千祈咪做「年齡加速師」！
----------------------
蝦叔IG：http://www.instagram.com/hasuk42195
蝦叔網頁：http://hasuk42195.com/

Monday talk:給自己一個從未有過的課題：學習愛自己💕

🏋🏻‍♂️米媽減重進程，米媽正能量又來喇！😊

每一個時期都是我。每一個時期我都喜歡我自己。
🥊但生活不會因為有了小朋友而成為忽略照顧自己身體的借口。

#45吋肚145磅

陀花花時，坐月時，餵母乳時，一切當然以花花的營養為最重要。米媽簡單是豬一樣，把自己食的滿滿的。 陀花花時，肚皮由24吋？撐到40幾吋，肚皮花了鬆了，磅數也去到高峯145磅。

#為自己自豪
這時，米媽也是為自己自豪，因為我在做一件很值得的事，皮肉之軀的痕跡也是見證著我的經歷。

#可以照顧自己身體的只有自己
但米媽不會停留太耐，唯一一個可以照顧自己身體的，只有自己。別人不能代表你去幫你段練體能，去幫你強化身體。 別人容易幫你喊話，也容易鼓勵你食得是福，且食且享受，生活已多瑣碎雜事家務女娃不消停，為何不休息一下，食塊薯片飲杯珍奶，令自己開心點。出發點是好，但自己當經常吸納這些，自己會愈吃愈空虛，身體也會很累贅，機能也會因為沒有選擇性地吃，沒有運動而退化。 每每望著肚腩的五花肉，大腿內則會磨擦的熱感，穿衣仍然在穿大肚衫褲。其實，你並沒有善待自己。 這些，都會拖垮了你想做的事，你的行動力，最後，變成阻礙你愛自己，欣賞自己，過美好的生活。

#學習愛自己是一個很大的課題，因為，我們往往會為家庭，為愛的人付出，當忙完後，真正留給自己的時間，也充當只是每一天一些分分秒秒湊出來的空檔，或是晚上忙完後攤在床上或沙發上疲憊的自己。 那會想再虐自己。 愛自己，不用每天太多時間，開始選擇健康食物，進行小小的飲食控制，comfort food就留待你非常想食時都盡情的來一口不是罪。 每天抽5-10分鐘給自己的身體熱熱身運動吧。 我們不對自己身體負責，誰會。
日子有功，你會發現，你愛自己不會變得更累，也會影響你身邊的人，也會影響你的小朋友。

#愛自己不只是身體上更多的更是其他方方面面善待自己，自己幸福起來，才能令身邊的人幸福起來。 這課題以後有機會再分享

米媽仍然有很大的空間再去強化身體，當然體形及體能，肌肉仍然未去到生花花前啦..米媽要繼續努力，即使走走停停，但有朝著目標不回頭，最後都一定會到美好終點。 我期待，可以兩手抱起米米花花的時候。

磅數不重要，重要的是自己的內心有多想愛自己
不拼一回如何對得住自己身體,大家一齊加油💪🏻
#呢條牛仔褲產後其他有一排點塞都塞唔落😂

#米媽產後減重日記
#欣賞自己欣賞自己的身體愛自己

點樣係屋企減重，瘦身？
#無單一瘦肚腩只有全身瘦時就會減到
#飲食控制
#有時間就運動
#youtude幫到你
#不用太戲劇化一點一點的改變飲食習慣
#米媽仍然有好多時失控狂塞零食入口既時候
#但平日清醒時盡量食健康啲
#呢排陳倩揚減肥谷非常好唔跟都可以受影響有動力減下

(這條片是我低醣減肥一個月的紀錄，濃縮為15分鐘都有少長，但如果唔介意都想邀請你觀看我這一個月的努力呀，THX)

我剪左勁耐終於剪好了呢段低醣減肥片，大家久等了～～！一邊剪一邊覺得很神奇，只是戒了精製澱粉質，短短30日我竟然真係減左咁多磅！體脂，BMI等都改善了(真實減左幾多，請收睇影片)，這減肥法真心見效！！講真一開始我都以為我呢個大飯桶一定會捱不過，真係估唔到過程一點也不辛苦，重點仲係飽住瘦！一個月眨眼就過，宜家成個人健康左同舒服左好多，我真心覺得呢個低醣飲食幾好，所以即使現在完成了，我都KEEP住食少D精製澱粉質。

多謝過去一個月大家係FB和IG支持我，又唔嫌我煩日日都POST一日三餐，見好多觀眾和朋友都問我低醣減肥的要點是什麼？其實我呢個30日簡易低醣飲食減肥法的要點好簡單，我綜合左以下6點：
1. 不吃精製澱粉質（即粥粉麵飯麵包等)
2. 可食原型澱粉質（蕃薯，薯仔，南瓜，粟米，藜麥等等)
3. 多吃蔬菜和多飲水（每天飲水量是自己體重X40ml)
4. 每星期運動2-3次
5. 每星期有一日CHEAT DAY放縱日(可吃任何自己喜歡的食物)
6. 早瞓(每晚12點前瞓)

而餐單方面其實無咩特別，如你有睇開我FB和IG，只是不吃精製澱粉質，其他食物基本上都照食，因為不吃精製澱粉質還是有很多替代品，食多左原型澱粉質，又食多左不同的蔬菜和蛋白質，加上飲好多水，餐餐都好豐富和飽足，大家有興趣可上返我IG/FB參考下我食咩呀！！

今次的低醣減肥體驗真係幾開心，ANYWAY如果大家喜歡今次呢條減肥片幫我麻煩CLS，分享給更多人收看，如有任何問題歡迎係下面留言給我，我都會盡量以我經驗去逐一解答～

＊YOUTUBE高清版本在此，也請多多支持CLS：https://youtu.be/MNdwNDVnKfU

■興趣知道更多低醣減肥嘅話快啲加入我嘅MeWe低醣減肥群組啦????■

https://mewe.com/join/easy_way_for_low_carbohydrate_diet

??‍♂️ 順手加埋我個MeWe 專頁 「為食小樂 」Foodie_siulok

https://mewe.com/p/%25E7%2582%25BA%25...

________________________________________
■其他減肥片■
⊿【低醣飲食Q&A】減肥後如何維持？在喪食勁多豐富大餐後到底我有冇反彈呢？逐一解答觀眾問題https://youtu.be/MfPe5m65BKM
⊿【懶人瘦腰】日本瘋傳UP and DOWN懶人減肥運動｜每天2分鐘不用節食｜連續做7日竟然有這效果？！！
https://youtu.be/sEzgQYzZkUI
⊿【減肥實測】連續一星期每天跳繩20分鐘身體有什麼變化?｜減肚腩｜瘦身消脂
https://youtu.be/t7M_bFdQ6lc
⊿【懶人減肥】真的躺著就可以瘦？？！！超神奇骨盤操運動，做5分鐘腰圍即時減了3CM！連做一星期後我減了多少？？
https://youtu.be/FDqntOkRWqk
⊿【輕鬆斷食】減肥都可以繼續吃美食？！進行168斷食法30日後有什麼效果？?一次無痛減肥的體驗分享
https://youtu.be/pt4PLG9lZg0
⊿【超有效減肚腩】吃貨如何在30日減走10磅大肚腩｜腰圍狂減9CM｜減肥｜配合322運動不用捱餓都減到！！！
https://youtu.be/g-Qev1ORCps

但凡女生也有過減肥的辛酸史，節食、運動甚至服食減肥藥，羨慕鎂光燈下身形苗條的女星，一副不吃人間煙火的模樣，與肥胖二字沾不上邊。不過褪下明星光環，眾生平等，曾為港姐亞軍的陳倩揚在產後體重一度升至130多磅，但靠自創減醣飲食餐單（編按：醣即碳水化合物），毋須節食亦不須運動，三個月內輕鬆減去20磅。今年初，她在社交網站設立群組大方分享減肥心得，短短數月已吸引逾萬人加入，倩揚坦言：「鏡頭後我是個普通的母親，也是別人的妻子，我希望告訴大家，我做到的你們亦可做到。」

果籽 ： https://hk.appledaily.com/realtime/lifestyle/

相關影片:
【港版國安法】續領英國BNO懶人包加疑難解答 持BNO入唔到日本境因印錯國籍 (https://youtu.be/44aJ_QjXzB0)
【逃走他鄉】BNO移民英國$12,000租三層獨立屋 銀行中層變餐廳侍應 居英權二代：要接受由低做起！(https://youtu.be/FLFGdaKUtPo)
【逃走他鄉】居英港人移民自白：BNO平權千年一見，蘇州過後冇艇搭 (果籽) (https://youtu.be/qMufEfTaJWY)
【街市尋寶】旺角明星海鮮檔 罕見有證蘇眉＋當造黃油蟹＋刺身 仲有上門煮海鮮服務！(飲食男女)(https://youtu.be/9YEBSQJPdPU)
【元朗消夜王者】神級鑊氣炒飯檔重開 日賣70盒 $50/盒即叫即炒 老闆炒到手骹移位：冇理由因為賺多啲而一次過炒 (https://youtu.be/-DjDZdrM1o4)

#減肥 #減肥餐單 #果籽 #StayHome #WithMe #跟我一樣 #宅在家