兩個星期時間，過得好快。 1）呢兩年嘅情況，加上只有一個鐘時差，今屆奧運，全城睇得特別投入。 2）支持香港隊，係無可能因為運動員勁，而係香港人嘅身份，正常不過。 經過呢兩年嘅洗禮，對香港人身份認同感越來越強烈，但係有啲藍絲運動員，好矛盾。 3）以往有好多香港人支持某國，但係今屆就有唔少人轉呔，變成捧某國嘅對家，就算支持都唔敢出聲，起碼喺我Facebook，真係無乜點見有朋友支持。 我識得好多人，以前捧中國女排，今屆齊齊食花生睇住佢哋出局。 4）香港隊先苦後甜，羽毛球手著黑衫俾建制派上綱上線，女子劍擊失準未能拿牌，男子組卻拿下廿五年來第一金，游泳屬於主要項目之一，何詩蓓一舉拿下兩面銀牌，真係諗都諗唔到，香港運動員可以在泳池上分一杯羹。 遲啲有無機會見到香港選手，踏上田徑頒獎台呢？ 5）以前香港乒乓球，主要係靠入藉兵支撐，我中學嗰代係陳丹蕾齊寶華，之後高禮澤李靜，都係來自大陸，今次女子團體賽拿銅牌嘅三人，全部香港土生土長，不過有個係藍㗎呢。 （教練李靜支持國安法，男子組黃鎮廷直頭幫過何君堯助選添啦。） 6）只此一屆空手道，劉慕裳的一面銅牌，足以名流青史。 7）李慧詩在速度賽，再一次得到銅牌，賽後訪問她好奇怪，點解傳媒會著眼佢年屆34？ 現代人比以前襟老，足球場上有C朗，伊巴，保方，仲有貨賣，三浦知良唔講啦。 不過點都應該係佢最後一次參加奧運喇。 8）如果蘇炳添喺十幾年前出現嘅話，應該會有好多香港人支持，全亞洲跑得最快嘅男人，兼且係講廣東話。 雖然佢做出嚟嘅時間，三十幾年前Ben Johnson已經做得到（不過後來被揭發食藥），但係已經好撚犀利。 9）姬菲芙過咗身廿幾年，佢喺漢城做出嚟嘅100米奧運紀錄，等到今屆先有人改寫，跑出牙買加三重彩。 10）意大利人成為男子100米飛人，對上一次由美國／中美洲以外嘅選手贏男子100米，已經要數到林子祥唱世運在莫斯科，超過60個國家杯葛嗰一屆。 11）英國跳水神童戴利，終於有金牌落袋。 12）巴西足球又攞金牌，愛華頓嘅李察利臣，喺決賽射失12碼。 13）唔再夢幻嘅美國籃球隊，都係攞到金牌。 14）大迫傑最後一戰，無功而還，第六名已經係亞洲第一。 15）三年後，巴黎接手，對上一次巴黎奧運，剛好相隔一百年。 16）話唔定，下屆我會同小寶喺巴黎睇現場。 17）英國去巴黎，好快啫，就算喺英國睇直播，都係一個小時時差。 18）下星期，英超開波了，過多一個月，馬季開鑼了。 19）呢兩個星期，難得大家都高興。 20）明天仍要繼續。

【 東京奧運／有線電視及香港開電視專業評述IG名單 】 _ 港隊勁揪！！ _ 香港運動員於今屆東京奧運愈戰愈勇，先後憑張家朗（劍擊）、何詩蓓（游泳）、杜凱琹＋李皓晴＋蘇慧音（女子乒乓球團體）以及劉慕裳（空手道），獲得一金兩銀兩銅的成績，是自香港隊於1952年首次參加夏季奧運會（芬蘭赫爾辛基舉行，派出四人參賽），近70年、合共16屆以來的最佳成績，破盡本地體壇紀錄；事有湊巧，因政府以公帑購入奧運播放權，讓全港三家電視台與兩家收費電視台都能夠直播賽事，配合點播技術普及，真正能夠做到貼近百分百覆蓋，加上東京與香港僅一小時時差，觀眾無需捱更抵夜睇直播，上述所有因素都將香港人睇奧運的情緒推至前所未見的高峰。 _ 體育是一項專業，比賽評述亦然，兩者關係密不可分，畢竟邊看直播邊向觀眾清楚講解運動員表現和賽事規則，又要腦筋轉數快，又要熟知歷史地理科學，而且要令人聽得舒服，需要經過長時間的投入訓練，誠如前有線新聞體育記者陳漢威 @chanhonwai 在個人社交平台感嘆：「平時理鬼你，奧運搵體記，係0到1000嘅差距，唔期望佢奧運後半年，維持到300，頂得住100都好吖，唔好咁快變番0。」所以當大家全力支持香港運動員之餘，亦應該趁此機會好好認識本地專業運動賽事評述員。今日（7/8）推介有線電視與香港開電視的主持及評述團隊，以下為他們的Instagram帳戶。 _ 有線電視： 奧運601台 —— 梁雨恩： @cathy.leungyuyan 吳詠希： @_nicolegogogo 邢安邦： @yingonbong 李海光： @kwong007007 _ 奧運602台 —— 劉舜文： @laushunman 江卓儀： @kongsonia _ 開電視： 《奧運直擊》—— 陳欣欣： @yychan398 張志豪： @hoho71133 《直擊奧運營》 —— 許煒森： @vincci.hui 吳毅豪： @patrickng06 卓麗馨： @kristy_laihing _ 《開電視睇奥運》—— 李莉： @leeleelily1224 劉健基： @laukinkee _ 兩台評述員團隊及記者 —— 何柏霖（足球及各項精華）： @berlinhooo 郭海𣿭（東京駐地記者）： @diamondkhy 任栩燕（籃球）： @huiyinyhy 陳佩琪（田徑）： @chanpuikeii 江忞懿（游泳）： @manyi8 梁誠誥（空手道）： @horryleung 謝永輝（手球）： @twfreddie 鄧俊彥（滑板）： @johnniebanana 范信基（欖球）： @se7enskei 蘇伊俊（籃球）： @so2chun 馮剛政（水球）： @garyspears_ 吳穎嵐（乒乓波）： @wingnam_ng 顏冠一（劍擊）： @ngan1 宗銘達（籃球）： @minitat708 何澤堯（馬術）： @vincenthocy 葉姵延（羽毛球） ： @yippuiyin 羅亮添（三項鐵人）： @tim.law.hk 朱灝忻（體操）： @doniaaachu 郭灝霆（單車）： @marcokwok0226 蔡芳裕（籃球）： @wilsonchoi66 曹宏誌（拳擊）： @ralftso 許培德（排球）： @huipuitak 伍婉然（體操）： @dorrng 黃米高（排球及沙灘排球）： @dj_volley _ ＊圖片由香港開電視提供。 _ （07082021） _ #游大東影視筆記 #游大東 #東京奧運 #香港開電視 #有線電視 @sportsroad.hk @sportsone.hk @01sports @hksportsinstitute #yautaitung #07082021

【 東京奧運／開電視最大弱點變成最強賣點 】 _ 政府以公帑購入今屆奧運直播權，令香港三家免費電視台（無綫電視、ViuTV、香港開電視）能破天荒同時免費直播，內容一樣，收視如何？ _ 參考無綫於周一（26/7）公布的最新一期黃金時段直播收視報告，7月23日晚上舉行的「東京奧運開幕典禮」，三台收視如下： _ 🔴 香港開電視（77台）《東京奧運開幕典禮》（18:30開始）1.3點 🔵 翡翠台（81台）《2020東京奧運開幕典禮全情READY!》（18:00 - 18:30）3.8點 🔵 翡翠台（81台）《2020東京奧運開幕典禮》（19:00開始）14.2點 ⚪ ViuTV（99台）《奧運有得揀》（18:00開始）：5.3點 _ 至於由上周六（24/7）及周日（25/7）的賽事直播收視如下： _ 🔴 77台《開電視睇奧運》（20:00開始）2.2點 🔵 81台《2020東京奧運黃金戰報》（19:00開始）13點 ⚪ 99台《奧運有得揀》（18:30開始）：4.1點 _ 🔴 77台《開電視睇奧運》（20:00開始）2點 🔵 81台《2020東京奧運黃金戰報》（19:00開始）11.6點 ⚪ 99台《奧運有得揀》（18:30開始）：3.7點 _ 表面上頭三天直播都是81台奪冠，惟直接以數字比較，絕對是慘勝，播自家內容 ── 周一至周四（19/7 - 22/7）晚上八時播出《愛．回家之開心速遞》可以去到22.8點，周五直播開幕禮立即插水，只剩14.2點，足足急跌8.6點，去到周末更貼近個位數，相當難睇，換句話講，在三台播出的內容一樣時，無綫昔日優勢已全失，加上周一（26/7）張家朗奪金牌之後爆出「陳約臨事件」，台前幕後承受更大壓力。雖然大台公布指81台直播張家朗出戰「男子花劍個人決賽」的收視有20.2，摘金一刻升至21.1點，但這場公關災難的後遺要到下周一（2/8）出爐的收視報告才有分曉。 _ 事實上，看了幾天奧運直播之後，不同頻道的觀感各異； _ 🔴 香港國際財經台（IBC／76台）── 主力播放非熱門賽事，特定直播時段才會提供雙語廣播 🔴 香港開電視（77台）── 以有線電視團隊作為基礎，全天候直播，主打港隊及中國隊賽事 🔵 翡翠台（81台） ── 以港隊及中國隊賽事為焦點，主打熱門賽事，亦會播放滑板、BMX單車等偏門賽事 🔵 J2（82台）── 以港隊及中國隊賽事為焦點，大包圍直播 ⚪ ViuTVsix（96台） ── 是為ViuTV的主力直播頻道，附設now SPORTS頻道廣東話旁述 ⚪ ViuTV（99台） ── 播放時間短，播放港隊及中國隊焦點賽事，部份熱門項目亦會直播 _ 正因為有得揀，所以會不停轉台，發現J2整體觀感最差，因為無綫直播時，仍然沒有拋開「綜藝思維」，硬要安排藝員充撐場面，太過嘈吵，而且為避免Dead-air，總是出現藝人講廢話的問題，不認識卻不做功課，聽得出「條友真係唔識㗎喎」，連帶專業評述員的水平亦被拉低，令他們變成「藝員」，影響收看情緒。實際例子：周二（25/7）看男子10米氣步槍決賽，美國William Shaner拋離第二位中國盛李豪都成兩分，結果前者得到金牌，雖然盛李豪最後一槍射到10.8環，但William都有10.2環，結果有人說：「盛好勁，但William都唔差！」── 咁講嚟做咩？不如出少句聲！ _ 反觀香港開電視，製作資源明顯輸蝕，畫面乍看有強烈亞視影子，但他們知道如何善用平台優勢：平時77台自家製作不算多，於是在奧運期間索性變成全天候直播，除了新聞時段和兒童節目時段，所有時間都改播奧運賽事，完全大包圍，相比無綫和ViuTV，香港開電視沒有藝人這張花紙包裝，只能夠主打專業評述、分析和獨家訪問，主持合作度高，資料詳盡、充足而有用，觀眾明白賽事規則，睇完有嘢落袋，結果成功將頻道平時的最大弱點，變成最強賣點，以蔗渣價錢，造出燒鵝味道，所以絕大部份時間都會選擇看77台，96台次之，沒辦法下才會看無綫。 _ 有三個例子足見香港開電視今次直播水準高：（1）張家朗摘金後，獲安排與1996年奧運金牌得主李麗珊世紀對話；（2）「蛙后」江忞懿在直播泳賽後解釋，原來奧運比賽有規例，泳手下水後必須在池邊對出15米內上水，否則犯規；（3）在周五（30/7）直播何詩蓓出戰女子100米自由泳決賽前，居然邀請多位何的前教練走進直播室，或透過視象會議講感受，包括孔志超、周子浩、崔瑋俊、陳漢業、張狄勇、趙善因、梁兆堅、黃文凱及Michael Fasching，這些心思觀眾絕對看得見，誰說競爭沒有用？請香港開電視的奧運製作團隊繼續努力。 _ 另外讀者可透過下載iCable手機App、now E手機App以及now Player手機App，收看有線奧運601至605台，以及now SPORTS 601至609台播放的不同賽事。myTV SUPER同樣提供賽事重溫。 _ 🎖圖片由香港開電視提供 🎖 _ （31072021） _ #游大東影視筆記 #游大東 #香港開電視 #TVB #VIUTV #東京奧運 #31072021 #何詩蓓 #張家朗 #江忞懿 @manyi8 @leeleelily1224 @so2chun @cheungkalonggggg @laukinkee