每次入嚟都開心仔。 等部私家卡啦OK就位， 袋袋叔叔一定夾！ @siumingchar @ericleung_duckfight 生日快樂。 #農曆七月十四 #賀一賀佢 #今次無講鬼故 #剩係siri講 #好應節睇陰陽路 #麥家琪呢個單元簡直係童年回憶 #紅噹噹

兩年前的年初三，懶有興致地在瀝源橋看城門河。 那天天氣很好，清風徐來水波不興。 然後帶著一份感傷，寫了以下一篇月巴事。 —————————————————— 【我的沙田關鍵詞（只是當時已惘然）】 大年初三我懶有Mood地，重遊一些以前經常去但已N年沒有再踏足的沙田地方。然後想起很多詞語。 【橋】 讀預科那兩年，突然愛上行路返學。先經獅子橋——我是在寫這篇稿時才知這條被我行了N次的橋叫做獅子橋。不像沙燕橋瀝源橋，這條獅子橋好平凡，平凡得不配特登為它起一個名字。走過橋，進入中央公園，穿過小橋流水，有條路連接通往希爾頓中心的天橋。那時候，習慣望望商場內那間超迷你戲院的電影海報，便到德興食炸兩當早餐——我不加辣醬，只會狂落甜醬（少甜醬的炸兩，感覺好唔理想）。沙田的橋，我們噏得出名的有沙燕、瀝源、翠榕、獅子，其實在瀝源橋和獅子橋之間還有一條小橋，一條好寒酸的小橋，冇名的。我曾經和某個她經常行。 【河】 沙田有那麼多橋，是因為有條城門河——以前會被稱為渠，因為臭，尤其大熱天時，Really劇臭，愈上游，就愈臭（奇在咁臭的河，依然有人釣魚）。剛搬入沙田時，好怕這條河，因為是林過雲其中一個棄屍地……已經好多年冇再望（及聞）這條河，那天，站在瀝源橋，望實條河。聞落，不臭了。 【UA6】 記憶中只幫襯過希爾頓那間超迷你戲院兩次，同樣是1997年7月1日前：一次是帶補習學生睇《陰陽路》，竟然全院滿座（在那個香港電影市道疲弱時候，要坐爆一間戲院，超難）；一次是睇《春光乍洩》，竟然包場睇。其餘時間要睇戲，會去UA6——一定要讀埋個「6」字，才能凸顯這間戲院的獨特——當年大部分戲院，一間戲院名只代表一間戲院，但一間UA6，就有戲院 x 6（後來加到10）。《天空之城》、《RoboCop》、《賭俠》、《黃飛鴻》等等睇到已經識背的戲，都是在UA6觀賞的。 【好運】 我不是壞學生，但也絕不是勤奮好學生，每日放學，都不會返屋企做功課溫書備課（話時話，五年中學 + 兩年預科生涯裡我真的從未試過備課），而是衝去好運，睇Game舖櫥窗，對比今時今日只得番一間Game舖，好運高峰時期At Least有五間Game舖（千禧後依然維持這數目）；睇完Game（真係得個睇字），就去龍城巡視出版業務，望望有冇新漫畫推出；行完龍城，如果還有時間（通常必定會有），就行埋商場內的唱片舖，齋睇那片用CD或Cassette封套拼砌成的小風景。那天重遊好運，十室九空。 【韻彙】 一間曾經在沙田市中心有三間舖的唱片舖，一間我一直唔識讀晒全名的唱片舖。人生中第一和第二隻CD，都是在新城市廣場5樓的韻彙購買。在HMV還未進駐沙田時，5樓那間韻彙，就是我見過行過最最最大間的唱片舖。後來韻彙徹出沙田，剩下九龍城廣場和星光行兩間舖，其後，一間都沒有。 【花園城】 是餐廳名，位於沙田廣場，對住馬路的地舖，我和同學咸勇黑鬼永世難忘那裡的午餐，超級好味。曾幾何時的沙田廣場，還有真得意、哈迪斯、美國漫畫舖……But Now，只有銀行銀行和銀行。 【好X迫】 今時今日沙田給我的就只有這三隻字。

好多人（其實只係幾個）叫我寫多啲生活雜文，但因為我個人真係比較乏味，冇咩生活嘢好講，諗咗幾日暫時淨係諗起一單撞鬼經歷，喺度同大家分享下： 早排有晚我因為度故仔諗極都諗唔通，所以半夜拉咗男朋友落街行下，睇下會唔會有靈感。 嗰時大約係凌晨兩三點，條街一個人都冇，除咗便利店之外，基本上所有鋪頭都關晒門。 我哋一路行一路傾，經過一條後巷嗰時，男朋友向入面望咗一眼，突然話：「我好似見到啲嘢，快啲走。」之後就拉住我跑，跑到去便利店之後，我問佢見到咩嘢？佢話見到條巷入面有一團白色人影。我話係咪人嚟咋？佢話條巷咁黑，就算係著白色衫都唔會咁清楚咁明顯，好似有少少發光咁。 補充一下，其實佢個體質係好常瀨嘢，對靈異嘢好敏感，一接近就會頭痛。有一次佢喺書檯做嘢，我坐喺佢後面玩電話，碌咗電話大半個鐘都冇事，直到我無聊click咗入一個講鬼神嘅post入面，點知佢即刻擰轉頭問我：「你睇緊咩嘢？我突然覺得有啲頭痛。」 講返嗰晚，雖然橋又未度到，但係我哋都係決定返去先。上到屋企，我就再追問佢見到嘅影像係點樣，呢個時候，我哋兩個人都好清楚聽到門口出面有把女人聲，發出啲形容唔到嘅聲音，100%係最老套嗰種鬼片會聽到，類似呻吟又類似嘆氣嘅「嗚……」，我哋靜咗對望，然後我話：「唔係跟咗我哋上嚟吖嘛……」一講完，門口嗰把聲又再響起：「嗚……」 呢個時候，男朋友好大聲咁講：「喂，我哋行過咋喎，又冇搞你，你唔好咁過份！」講完之後，把聲就冇咗。 然後，就沒有然後了，真人真事嘅鬼故往往都係咁，唔似小說咁有起承轉合，體諒下。 呢件事令我發現，原來鬼真係會發出《陰陽路》式嘅叫聲嚟嚇人，又原來好似《回魂夜》周星馳講嘅一樣，「只要揸緊信念，鬼都奈我哋唔何。」 不過寫呢篇嘢嘅時候，我都不禁諗到，如果嗰刻我打開門，究竟會見到啲咩……？ ＝＝＝＝＝＝＝＝＝＝＝＝＝＝ 新開Patreon會有獨家小說連載同雜文，三本已出版小說足本重溫：link in bio MeWe/ Fb：陳煩 IG： @annoyingchan #回魂夜 #揸緊個信念