【6月28日】侵侵知衰改口，聲稱不對中國投資採取嚴厲措施，美股早段急彈，道指曾升過285點，可惜白宮顧問Kudlow發表強硬對華言論，科技股很快轉升為跌，納指跌1.5%，中概股急挫，道指埋單轉跌165點。
早前指中美準備開打貿易戰，無理由雙方股市仍創新高，短期陣痛在所難免，7月6日為中美貿易戰死線，近日美股下挫正正是給與白宮壓力，料下週死線前才是戲肉。美股進入調整仍有少量下跌空間，相反上證跌至超賣，快將出現反彈。美滙指數重上95水平，引發新一輪新興市場調整壓力，人民幣輾轉下跌至6.61，令上證再度急挫。中國透過人民幣下跌去舒緩加關稅壓力，人民幣走向成為後市關鍵。
上證尋日失守2800點，拖累港股一度急挫近600點，尾市力守28300點水平。美股早段急彈，夜期一度飆升至28700，惟未完全反映末段轉升為跌之情況。今日期低位結算無懸念，期結過後港股可望出現技術性反彈，但要留意市場波幅正在增加，升跌幅度相當大，好淡倉均要認真嚴守止蝕。中長倉可等待確認出現底部後第一枝陽燭時建倉。

#圖太郎 #圖表實戰

今日想同大家分享番生桃桃既經過

桃係桃媽第一胎
隨住時間一日一日過去
最想既就係盡快卸貨
可能桃媽個肚太舒服 桃桃到40週都未有想出離既徵狀
所以就約左下星期 （即41週）入醫院進行催生

到當日，桃媽當然緊張到冇咩點訓啦
5點幾就已經醒左
沖左個涼再嘆左個早餐就同桃爸慢慢出發去醫院

桃媽對揀醫院方面主要係幾個原則
✔近
✔交通方便
✔政府醫院
what? 個個都私家生點解你要揀政府?
well...一來價錢相宜d （事後桃桃出世後發炎指數過高留院7日 埋單都係$200😂我想像唔到私院係幾多萬）
二來touchwood有咩事都係要send番政府醫院做詳細檢查

就桃媽離講 我地揀左聯合醫院
由產檢到生桃桃都係聯合
除左等得耐少少 （每次產檢大概2小時）
佢地follow up係極好❤
(桃媽做過糖尿test同陰道test 遲下再分享）

早上8點去到醫院後
想填資料 同檢查走佬袋
之後就上房等醫生檢查 （桃爸因未到探病時間就係病房外等候）
大概9點醫生巡房檢查子宮開左幾多度時
就話我可以直接落產房打催生點滴
(我以為個個都係咁 原來有人真係完全未開 要係產前房食宮頸軟化藥 touchwood食3日都冇反應就要直接開刀）
臨落產房前 護士叫我去下廁所先因為產房冇廁所
Oh...咁就見紅啦... （感覺似m come 但比較黏）

12點落到產房
檢查完就人手穿水（唔痛既 只係用支野伸入去勾穿胎膜放水）
開始種豆同打催生點滴
好好彩 我趕得切食埋個lunch先生桃桃
食完仲睇左陣電視😂
其間只有少少少少好似m到果種痛一痛

大概2點半
陣痛開始加劇到每次都要用忍受去形容
而聯合係有《笑氣》俾媽媽們聞去減痛
護士見桃媽痛到講唔到野
不停減藥 到最後已經直接拎走點滴

桃媽唔建議大家打無痛
❌除私院可以預先book 公院要等麻醉師離 分分鐘等到你生得都未到
❌麻醉成效人人唔同 未必係你所想果種
❌後遺症 包括麻醉後嘔吐，腰痛

聞笑氣有冇用呢?
點都有小小既 但桃媽覺得心理安撫比較大😂
（反正你都冇咩可以依賴 除左捉住老公不停講好痛呀唔生啦）
所以醫院冇提供既媽媽都唔駛覺得自己慘過人呀😊

到3點左右 醫生檢查已經開左7指
佢見我咁痛就問我有冇想💩既感覺 又問我試唔試下生（?）
咁緊係點都話試啦（結果當然係失敗😥）

再過多10幾分鐘
醫生話桃桃心跳變慢
要即刻生出離 唔係桃桃會有危險😱
當時已經開到9指 所以大家事不而遲 立即開始生誕

桃媽用左幾次力
但唔知點解總係搵唔岩果度力
醫生就同我解釋宜家會用吸盤幫我
最多只可以用3次 唔成功就要開刀
（因為有機會要做手術 桃爸俾人趕出產房了）
😭😭我唔想食全餐 更加唔想桃出事

產吸盆係一種助產工具
原理就係借左外間力量去幫手吸bb個頭出離

第1次 未搞清楚咩事又係錯時間用錯力
醫生同助產士鼓勵我 話已經見到桃桃頭髮
今次再用多d時間用力d推bb出離
好好彩 第2次桃桃就成功出世啦👶

桃桃係接近4點出世
桃媽產程只有唔夠4個鐘😁😁
又分享下可以加快產程既方法:
❤多走動散步
❤坐fitball
❤多行樓梯 （建議向上行就好 落去請搭lift）
❤多作深蹲 （請係懷孕後段開始）
以上幾點都係幫助盆骨放鬆同張開 亦有助bb係後期頭仔落低d

生bb真係一樣好珍貴既體驗
在此祝福各位準媽媽
《唔駛食全餐 媽寶都健康順利》

<高sir股市分析> - 希臘人的選擇

國內宣告推出億億聲重鎚救市方案, 並公告只准證劵機構於4500點以下只買升不買跌, 雖說救市方案實在荒唐至極, 卻對A股起了短暫止跌作用, 國內上證股市區間以3500 - 4500點為波動區, 4500點以上是死線, 這不是高SIR計算出來的, 是國家明言的一條界線.

國內指數今大幅高開, 帶動了恒生指數早市向好, 卻大家知道, 最新消息為希臘否決歐元區提出的債務方案, 歐元區今天會有緊急會議, 當前, 以德國為首的歐元區相信怒火激心, 卻因為大局為上且能否容忍這個無賴至極的債仔, 而筆者想說出, 希臘總理提出希臘人要有尊嚴活下去, 故用上了公投作這一鋪賭注, 公投結果是勝出了, 卻希臘人從此是真正失去了尊嚴, 相信經過今次事件後, 無論脫歐或否, 希臘人在不少人心目中, 已和無賴扯上了關係.

讀者要密切注意歐元區動向, 把希臘留於歐元區會避免產生崩盤波動, 卻德,法兩大國相信不會就此了事, 被債仔要脅而得呈是絕不容許發生, 因為如此會引至連環效應, 倘若葡萄牙等一拼來, 整個歐洲崩潰了, 故希臘是次脫歐看來是必要性的, 也是當地人民所選擇的.

事實上, 脫歐或許帶來股市短暫的一個大挫, 卻對長遠性是良好的一件事, 股市或許在震盪後便能迅速回升, 這一跌要避免很難且希臘留於歐元區, 早晚會陣痛再現, 倒不如一口氣以徐後患.

恒指執筆時已告下挫200點, 恒指回見25800點, 區間下挫回見25200點機會高, 暫有必要向下守25200~26800點區, 否則中長線回見跌浪區, 這是大家不想預見的.

我們保持資金在手, 今天大家也知道不該出手好了, 待歐洲去向再訂, 短炒宜留意止蝕位置, 千萬不要以牛熊, 期指等洐生工具作反彈, 中線持有正股的朋友, 仍不用過分擔心, 保持現金在手, 捱過去於底部出手便是.

--------->
*大市增波動性, 讀者要特別注意.
*短線不論搏大跌或反彈不可, 錢在手便可以.