細個嘅時候，我會同人講，我婆婆好靚㗎，同街上面嘅婆婆唔同，我婆婆係全世界最靚嘅婆婆

婆婆好錫我，細個成日帶我周圍飲茶，呢間去下，嗰間去下，荃灣、葵芳、青衣、大埔周圍去，每次飲完茶都會同我去買糖，叫我鍾意食咩就揀，買咩都得，而呢個亦係我每次最期待嘅活動，有次婆婆帶我去阿波羅食乳酪雪糕，可以揀兩隻味，佢一揀就揀咗椰子，話好香好好食，另一隻味就由得我揀，嗰次係我第一次知道椰子嘅味道，真係好香好甜，仲有啲椰絲嘅口感添，簡直係人間美食，自此，我每次食阿波羅乳酪雪糕都一定揀椰子做膽，而每一次食都會諗起咁好味嘅雪糕係婆婆帶我食嘅

我又記得婆婆永遠係我嘅擋箭牌，每次我做錯事，好曳比媽咪打，就會即刻打電話比婆婆，喊得好淒涼咁話，媽咪打我啊，嗚嗚嗚...婆婆就會錫返我，又叫媽咪唔好打我，呢個時候我就會自己改詞唱「世上只有婆婆好，有婆的孩子像個寶...」

當我一路長大，婆婆仍然會成日同媽咪講，唔好鬧個女啊，要慢慢教㗎，然後就會對住我話，唔好成日激阿媽，要錫阿媽，阿媽好錫你㗎，知唔知啊？直到二十幾歲都會繼續講，到我識咗男朋友，婆婆又會叫我對男朋友好啲，好好珍惜對方，然後就講佢14歲就跟咗阿公，16歲就生仔...

婆婆年紀愈嚟愈大，腦筋有時會唔清晰，但仍然會關心我，問我點解咁瘦，要食多啲嘢，隻手點解咁凍，要著多件衫，又會怕我唔夠錢洗...同婆婆嘅回憶有好多好多...講好耐都唔會完...但願有一日我哋可以再重聚，可以見到您笑起嚟細細粒嘅綠豆牙，婆婆我愛您❤️我會好掛住好掛住您㗎❤️
.
.
.
好多人成日問我點解唔出片，咁少曝光，又會催促我快啲穩定自己嘅事業，闖一個高峰，我都明白要把握仲係2字頭嘅日子，但其實生活中有好多事發生咗，我仲感受緊處理緊，呢一切嘅轉變真係冇想像中咁容易過，我會加油～

最後想講，雖然生命入面最重要嘅兩個女人都喺呢幾個月離開咗世界，不過我知道您哋會永遠係我心入面錫我支持我，多謝您哋生我育我，愛您們❤️

【工展會最後召集】重點筍貨及美食推介📢📢📢
話咁快工展會仲有3日咋～～
又係時候最後衝刺執平貨😁😁

之前我一直留在廚房搞party
今晚終於有時間去工展會shopping啦～
一個人在場內逛左十幾個圈
逐個攤位慢慢逐件貨睇
本以為無咩特別野買啦
點知愈搵愈多
多到夠寫一個post同大家介紹一下
一於開心分享啦
毒人一齊買就是最快樂～呵🥳

我主攻比較特色的環球產品
今天遇到最抵買最吸睛係
$90魚子醬及$100意大利白松露醬❗️❗️
仲有得試味
試過味道認真唔錯
用來夾餅食做個afternoon tea絕對正
同場仲有$120法國鵝肝醬
$300一套意大利牛肝菌與黑白松露意粉套裝都超級吸引😋😋

另外現場都有售賣很多越南產品食品
早前同大家介紹過的即食越南蟹肉湯河、即食牛肉河價錢都好抵買呀(入得過~👍🏻)
我屋企經常有存貨
味道真係一流
做法簡單好似煮公仔麵咁
就可以有響越南食既湯河味道
懶人必備架
另一檔又有四式越南扎肉
花膠扎肉豬耳扎肉黑椒扎肉豬皮扎肉
款式超多哩

台灣食品又係必推
古早味九份芋丸地瓜丸
眷村蔥油餅
度小月肉燥
黑橋牌台灣腸
全部都勁吸引

另外其他精選
1. Colavita olive oil 鐵罐1公升裝 $120/2
2. 南北行湯包（勁多人買，個個一大袋）
3. 海天堂龜苓膏(抵買我次次都入）
4. 阿波羅雪糕勁多新口味 (我最愛本土的阿波羅乳酪雪糕，真係由細食到大）

當然仲有勁多美食掃街檔啦
野食多到數唔曬
入夜個場都勁熱鬧
搵左美食精選俾大家
逐張相睇定鎖定目標入場就食食食🤤🤤🤤

好多展商趁尾聲越減越平
贈品愈送愈送
呢幾日去一定大豐收😁😁

展期去到1月7日(下星期一）
今個周末仲趕得切掃貨架～
大家唔好錯過啦～Go Go Go!!!

原來我食開個味今個月又做優惠😍
#阿波羅 #阿波羅乳酪雪糕 #乳酪 #士多啤梨 #麥提莎 #麥提沙士多啤梨 #士多啤梨麥提莎乳酪 #hk #hkig #hkgirl #yogurt #icecream