長傾不見第二季正式開始，轉轉新設計

未睇過既朋友可以去返第一回睇

https://www.patreon.com/maydreaming/posts?filters[tag]=長傾不見&sort=published_at

Patreon跟順序排，由頭睇會比較方便

——

《面具》

♂：早晨

♀：早晨

♂：尋晚我夢見你，而你終於有樣喇！

♀：哎呀，你應該夢見阿儀先係嘛，夢見我唔係好事

♂：點解唔係好事啊？

♀：怕你見到我太靚，沉醉係夢鄉唔願醒啊！

♂：喂，你平時個形象都係咁咩？

♀：每個人都有面具，特別係職場上，要尊重自己職業就需要戴實個面具，比你見到我另一個樣，都好難得喇

♂：唔……另一個樣，咁即係呢一個你都可能係戴住面具，只不過係除左一個面具

♀：係，我咁講得就係呢個意思，你發現到就好，我希望有一日你可以搵到真正無面具既我

♂：之前又話除晒衫就變得赤裸裸，原來仲有面具係度！

♀：衫好易除，但面具就難，有冇聽過一個鬼故，有人長期戴住人皮面具，然後同面具合而為一，連自己原本個樣都唔記得

♂：我有個新諗法，之前我地一日講一個題目，見面之後不如升級難度

♀：唔錯既提議，咁你諗住點升級先？

♂：每日傾一隻歌，點睇？

♀：我咁講得，即係唔係講歌既內容咁簡單，係可以有延伸啦，好，就咁決定！

♂：你知唔知睇一個既歌單，已經可以知道呢個人大概係點

♀：用呢個方法黎套我歌單，幾聰明啊，咁今日隻歌就係《面具》啦

♂：原來已經開始左，其實我唔討厭面具，就好似每個人都會化妝咁，面對唔同場合，唔同既人，識做既會用唔同妝容，如果去到化妝都唔適合時，面具就係一個好選擇

♀：係我立場，用真面具示人就即係比晒自己弱點人睇，對於朋友，又或者確認左唔會傷害自己既人，比弱點對方知道都還好，但知人口面不知心，成年人戴上面具唔係因為虛偽，而係受過傷之後唔再天真

♂：睇黎你係荀子性惡論既支持者，我係相信人性本善，只係天性善良唔代表後天唔會變惡，天性係惡，都可以改邪歸正

♀：應該話人與人之間從來都唔係絕對，佛經都有講，一念天堂一念地獄，凡事都只係一念之間，一個好人都會係特定情況之下因為好多原因而做壞事，所以係無絕對既情況下，面具係最好保護自己既方法

♂：但即使係你相信既人都好，佢都可能有日會傷害你

♀：啱啊，你唔見好多人離婚，出軌，分手咁傷心都係因為一個自己最親近最信任既人導致咩

♂：我諗起豬八戒成日講既多情自古空餘恨

♀：介紹你十戒詩，第一最好不相見，如此便可不相戀。第二最好不相知，如此便可不相思。

♂：唔愛就唔會受到傷害，呢種係斬腳趾避沙蟲

♀：比沙蟲咬既人都係十分有信心自己無事，唔係人人都有能力判斷出自己既能力，當你心存僥倖，就要承擔後果，覺得自己無把握，連沙灘都唔行，沙蟲點咬你

♂：所以你一直都將門檻放到咁高？

♀：可以咁講，暫時你都未係我男朋友呢，係呢，今晚係咪如常食飯？

♂：係，我都差唔多過去喇，你唔得閒？

♀：唔係，你確定要我一齊去，之前未見，依家見左，唔知你會唔會改變主意嘛

♂：去啊，食飯都係其次，我想見你先係重點

♀：好啊，咁我依家過去

♂：你到未？我係大門口

♀：我返到喇，今晚我唔會再出黎喇，你都返去啦

♂：知喇，我都無預你會出返黎囉

♀：信唔信我依家就落返樓！

♂：信唔信我依家仲企係度？

♀：好喇，唔玩喇，你唔係仲有野做咩，加油啊

♂：係啊，呢排我都好努力

♀：我見到，所以頭先先鼓勵左你

♂：呢種鼓勵可以再耐少少

♀：太多就厭嫁喇，希望你個半個唔會嬲啦

♂：可能會……不過我無諗佢喎

♀：重色輕友！

♂：咁你鍾唔鍾意

♀：都幾鍾意，我鍾意係唯一既人

♂：你鍾意既我都會做，我返到喇

♀：咁你早少少休息啦，聽下歌，聽日到你，晚安

♂：晚安，我又掛住你喇

♀：我都有，掛住一個人既感覺原來係咁開心

♂：呢兩日我都好開心
——

今日強烈建議大家睇完like and comment！然後去我ig！！有驚喜！！搞到我成凌晨五點

浪漫月巴睇2000（161）
【東涌羅浩楷與阿儀】

阿儀那一晚直播唱歌，我真的由頭睇到尾，還俾了一個Like。

1.那個Like，不是鼓勵，而是對她能夠完成一個直播的回應；直播很難，而且還要直播唱歌，你不信？你可以試試。
2.你說，你當然不會，因為你知醜。既然知醜，自然不會獻醜。
3.獻醜，其實是種自謙（或頭盔），而且有理由相信，不少明明好好歌喉的，都會在唱之前說句而家獻醜嘞。知醜，是當事人對自己能力有明確認知，如果還要將明知存在的「醜」獻出來，盞俾人恥笑，所以自知唱歌渣，就不會公開大展歌喉；自知生得個樣醜，就不會去選美。冇人想俾人笑。
4.蜥蜴仔和醬爆除外，他們出現在電影裡，目的就是要令人笑，令其實未必天生麗質甚至異常平庸的人大笑，笑他們騎呢笑他們樣衰，成件事，極殘酷，他們亦注定不會像火雞和阿梅，被安排在最後變番靚——畢竟飾演火雞和阿梅的人，本身就擁有一個好外表，扮醜，是演技，是劇情所需，而且一個Good Ending，不容許醜繼續存在；蜥蜴仔和醬爆呢，執極，依然是蜥蜴仔和醬爆。
5.美與醜，一組對立的概念。奇怪在，對於美，往往難有一個共同標準，有老婆主張教主很美，也有老公反對；又例如某些被男人普遍公認的靚女，通常好多女人都會藐話邊度靚吖。
6.對醜，反而較易有共識，像那班在選美首輪面試出現的女仔。撇除某些真的對自己有空前信心，不排除有更多，是真心只求被攝記影中，再有幸被揀中登出來，證明世上有自己的存在——Andy Warhol說每個人都可以成名15分鐘，15分鐘，既美妙也卑微。得張相，未夠，還要被配上文字，渲染演繹，我們這班好知醜所以絕不獻醜的正常人士才會笑，笑她們唔知醜。
7.美，固然要選，醜，一樣分高低。當其他女仔影完張相配埋Caption被笑了15分鐘就回到平凡日常，「東涌羅浩楷」利愛安，卻有幸能夠加入《愛．回家》。你不妨看看她IG，其他相裡的她，樣子其實不太羅浩楷（咁當然，似羅浩楷並不構成任何問題）；她還會Cover別人的歌，自彈自唱，自然不算職業水準，但至少邊笑邊唱，感覺很享受其中，聽落，聲線OK，拍子也很準。
8.阿儀是連拍子也捉不準，歌聲，也是渾然天成地欠佳，Sorry，嚴格來說是差，卻依然奇蹟地得到萬千網民留言鼓勵，說她唱得好，香港樂壇等她打救；讚她生得靚，甚至提言將出現「我老公嫁咗俾阿儀導致婚姻破裂關注組」。傍實阿儀的男主持，也在直播期間揀選一些留言，讀給阿儀聽，讓阿儀知道，好多人在鼓勵她支持她，阿儀有說多謝。
9.如果表情真的在一定程度上揭露當事人心情，我閱讀不到阿儀當晚心情——阿儀的表情就是沒表情。享受定難受？不知道，只知道她沒有中途離場，男主持問她問題，她亦有答（即使經常答非所問）；她提議唱林宥嘉的歌，男主持順勢問她是否林宥嘉Fans，她立即斬釘截鐵好大反應話唔係（如果這是她一個刻意經營的笑位就實在太高明了）。整個直播她就是Keep住跟不到拍子，保持好難捉摸，還有一以貫之地不帶表情。如果這是一段事先張揚的搞笑片，我會笑，但現在明顯不是，而更似是一場被渲染為展示著美的奮鬥過程直播。我不談道德，我認，最初也是基於好奇獵奇才去看，但由頭到尾，都笑不出，大佬點笑得出。
10.Anyway，ATV簽了她，她的IG Follower，在截稿前，已去到萬七。回看利愛安，五千幾。
（原文刊於am730）
#浪漫月巴睇2000

小編話佢有少少鍾意左阿儀
返返下工都成日睇佢IG
❤️❤️❤️❤️
@ching_yee0205

鍾意人就唔好怕醜
一齊勇敢啲認左佢/Tag你朋友出來

更多麻甩地道娛樂資訊
盡在 @佬假期 Lo Holiday
www.loholiday.com

喺香港最常見嘅女仔名嘅係咩呢？
同一個名嘅女仔會唔會性格好似呢？
即刻去片睇下最常見嘅港女名！

?Follow我哋成員嘅IG，了解更多幕後趣事！
文迪IG
https://www.instagram.com/i.mandicc/
------------------------------------------------------------
佩儀IG
https://www.instagram.com/ppui.yee/
------------------------------------------------------------
T-soul IG
https://www.instagram.com/t___soul/
------------------------------------------------------------
Wimmy IG
http://instagram.com/wimmykajia/
------------------------------------------------------------
Instagram: http://Instagram.com/testhongkong/
Facebook: http://www.facebook.com/oncctesthk/