【運動】15支球會另組「歐超聯」 歐足協揚言封殺 12支歐洲頂級球會於今日發出聯合公告，指會自組「歐洲超級聯賽 (European Super League)」，由該12支「創始球會」共同管理，成為新嘅「週中賽事」。而目前主辦週中賽事——即係歐聯同歐霸——嘅歐洲足協就揚言會全方位封殺「歐超聯」球隊。 「歐超聯」嘅12支創始球會有來自英超嘅曼城、曼聯、利物浦、車路士、熱刺及阿仙奴；來自西甲嘅皇家馬德里、巴塞羅那及馬體會；以及意甲嘅國際米蘭、AC米蘭同祖雲達斯，全部都係當地最受歡迎、最頂級嘅球隊。據公告指，眾多球隊過去數年都曾與歐洲足協就「提升比賽質素」及「增加財政收入」兩方面進行商討，但就未能達成共識，於是12支球隊就決定另組歐超聯。 歐超聯預計8月開賽前會有多三支球隊加入成為「創始球會」，另外又會有5隊以資格賽形式參加，總共20支球隊參賽，8月開始兩組雙循環主客賽事，之後會有淘汰賽，單場決賽就喺五月舉行。據報歐超聯估值達46億歐元，平均分每隊都拎到兩億幾，而去年歐聯冠軍 (連同晉身各級淘汰賽) 嘅獎金最多都只係一億歐元多啲啲。 好明顯，呢12支球隊就係因為同歐洲足協分贓不勻而決定另外爐灶，而失去呢12支球會，歐聯、歐霸嘅叫座力及吸金力亦會大減，所以歐洲足協事後就發表強硬聲明，話歐超聯係「少數球會基於自身利益而成立」，話其他協會成員會一齊反對，仲會用一切方法封殺參加歐超聯嘅球會，而參賽球員亦可能會被禁參加任何國內、歐洲或國際性比賽，甚至被剝奪國家隊資格。 一邊係求 (更多) 財嘅大球會、一邊係建制中嘅既得利益者，兩邊爭鬥嘅結果相信會從此改變歐洲足球比賽格局。

⚽️🥅最近好似放監式聚會，兩個月冇慶祝生日，上星期同阿仙奴球迷食飯，佢就主動訂咗位，一睇裝飾佈置就知道係主題餐廳⚽️ 有唔少球隊簽名波衫、精品、 我覺得大男孩好鍾意，連店長都着到好似球證咁㗎！咁啲球員啦～前鋒啊～就嚟同我哋落單囉！ ⚽️Lockeroom Dining 鹹蛋黃小食拼盤 $128 未肚餓食住小食吹吓水先，非常好味又豐富的小食拼盤，雞翼皮脆肉滑又多汁、薯絲蝦鬆脆可口、洋蔥圈、薯角沾上滿滿的鹹蛋黃醬，新鮮即製熱辣辣，鹹蛋黃簡直係人氣爆燈之選！ 晚市有 Set Dinner， 價錢合理，已經包括 餐湯、餐包、沙律、主菜、飲品。欣賞店員服務態度好，加水收碟自動波。 ⚽️餐湯、餐包、沙律 黑醋汁沙律，足球場碟仔好有特色，沙律菜新鮮，用玻璃樽勝在賣相精緻，三色椒力上爆珠口味幾特別。蕃茄湯真材實料兼且營養豐富，配熱辣辣香噴噴入口鬆軟的蒜蓉牛油法包，感覺良好。 ⚽️波士頓活龍蝦 配 鮮蕃茄汁意大利飯 $168 必食推介新鮮生猛龍蝦，賣相已經搶晒 focus, 龍蝦肉結實彈牙，仲幾多膏喎！意大利飯好creamy口感，粒粒飽滿，沾滿了清新鮮蕃茄香甜味，好有咬口，大滿足！ ⚽️卡邦尼意大利麵配溫泉蛋 $138 這裏的卡邦尼口味非常傳統，滿滿的芝士香味，非常濃厚的質感，味道濃郁而且每條意大利麵沾滿醬汁，食嘅時候撈勻溫泉蛋汁提鮮更有風味，回頭率甚高的卡邦尼。 今天沒有吃甜品，最後以清爽的凍檸檬茶作結尾。 @lockeroomdining #foodaddicts #foodjunkies #foodstyling #foodphotography #foodandbeverages #foodshare #food #foods #foodie #foodies #foodism #foodpic #foodpics #foodlover #foodphoto #yummy #yummypany #drink #dinner #dessert #delicious #tasty #imyomiii

香港一向有不少英超fans⚽，這次就在旺角區找到一間少數以足球為主題的餐廳 Lockeroom Dining，猶如踏進阿仙奴主場的珍藏館，掛滿了阿仙奴球員的簽名球衣、旗幟🚩、畫作與球員公仔，當日所見吸引不少「槍迷」前來打卡朝聖📷，餐牌款式繁多，單是晚市套餐都有18款之多，set dinner包括餐包、餐湯、沙律、主菜及飲品，凡惠顧晚市套餐更可以6折享用大餐牌之自家甜品一份🍮，雖說是主題餐廳，但老實說食物質素絕不欺場，難怪可在低迷的「疫」市中分店開完一間又一間👟。 波士頓活龍蝦配白松露忌廉意大利飯 $168 以半隻開邊龍蝦入饌🦞，表面鋪滿澎湃芝士，肉質爽彈啖啖肉，芝味與鮮味同時滿瀉，risotto 煮至軟硬適中，入口奶滑煙韌，散發馥郁的松露菌香🍄。 香草燒法國原隻春雞 $178 原隻春雞size相當巨型🐔，雞皮薄如蟬翼，燒得份外香脆，乾爽而又沒有油膩感，真真正正做到皮脆肉嫩。燒雞夠大隻厚肉，肉質嫩滑🍗，沒有絲毫雪味。 即製梳乎厘班戟 6折後$52.8 班戟一入口滿是空氣感的厚身鬆軟而帶濕潤，入口即化🥞。 朱古力三重奏心太軟 6折後$46.8 這裡的心太軟獨特之處就是會再放多一片薄薄的朱古力舖面，可可韻味更加深醇濃郁🍫，內裡緩緩地流出朱古力醬溶漿，別有一番幸福暖意。