港島海逸君綽酒店 . 呢間五星酒店座落係北角油街，係「油街實現」附近，交通嚟講都幾方便，而附近商店都幾多，樓下亦都幾間黃店餐廳，其實附近配套嚟講都尋於幾全面，酒店主打係海景，今次訂咗呢個「高級海景房」試下，我係訂平日住嘅，埋單全包要$1419，當中包咗$900酒店內餐飲禮遇，抵唔抵就見仁見智，因為講真酒店內飲食消費都幾貴😂 . 下午2點幾左右Check in，去到已經超多人🙈，目測應該超過16 pair人，等咗15mins左右條隊都無郁過😂，然後我哋就選擇離開夜晚先再返嚟，到夜晚大約9點左右先再返嚟check in，其實好快搞掂，唔知點解下午要搞勁耐🙈，問前枱最遲可以幾點check out，佢話呢排都較Full，只可以12點check out! . 🛏房內: 上到房一開門，感覺有d伏😂，間房個feel好似好殘舊咁，加埋d燈光偏黃，同埋牆身+窗簾嘅顏色+壁畫😂，第2個感覺就係好細，無乜空間，唯一房入面最滿意就係廁所，廁所比較大，而且有浴缸(用之前記得洗洗先😂)，廁所空間感好強，而且較光鮮，不錯的👍🏻，晚上睇唔到海景，到第2朝睇落完雨有d矇，90度角嘅玻璃，一邊係對面大廈，一邊係維港，海景房嚟講算合格! . 🍴餐飲: 本身個套票無包早餐嘅，只包咗$900餐飲禮遇，可以用嚟食早餐，但又覺得唔太抵，最後決定第2日退房去食中菜，五樓有一間叫「君綽軒」，係check in時預訂埋，因為上官網睇menu有d套餐都算抵食，咁就去試下，試咗個「午市商務套餐C」，$398@一位(最後一張圖)，因為要加一+茗茶+前菜錢，埋單補返$5x蚊左右，整體係食得飽嘅，不過有d小插曲，就係食d前菜嘅時候，食到有條類似鋼絲定鐵絲嘅嘢🙈，不過職員嘅態度都好好，咁就算了! ----------------------------------------------------------------------------------------------- 🚫缺點: 👉🏻超多人check in，等好耐 👉🏻房間較細 👉🏻隔音不太好 👉🏻枕頭太腍(本身每人有2個，瞓落去就扁哂，瞓到膊頭好痛) 👉🏻食物衛生問題 . ❤優點: 👉🏻職員態度非常好 👉🏻房間有海景 👉🏻廁所夠大 👉🏻有浴缸🛁 👉🏻有泳池(需預約) ----------------------------------------------------------------------------------------------- 💰價錢: $1419 (全包連$900餐飲禮遇) . 🛏房型: 高級海景客房 (+$388升級尊貴海景客房) . ⏰入住時間: 15:00 . ⏰退房時間: 12:00 . 📍地址: 北角油街23號 . #肥豬覓食在北角 #肥豬膠遊系列 . #hk #hkig #hkgirl #hkdraw #hkeat #hkfood #hkfoodie #foodie #90s #draw #插畫 #香港插畫 #原創插畫 #香港原創 #香港人 #吃貨 #美食 #香港美食 #食評 #staycation #酒店 #香港酒店