//支持本Page請Click入內文比Clap，已為Medium收費會員請直接Click入內文閱讀，謝謝！//

今日台灣大選日，身邊有大量認識的人都已前往當地，可以說，觀選已成為了香港人的重要旅遊節目之一。至於沒能前往的，則不停在Facebook張貼相關宣傳，希望能幫手拉票盡一分力。

老實講，我對呢種香港人熱衷於台灣觀選嘅感情真係好難以理解：天下民主選舉何其多，何解偏偏鍾情於台灣？又，Facebook基於演算法，要讓不同地區的用戶透過貼文相互影響本已困難，再加上響今日時勢，投唔投票投邊個早有定斷，除非你係超級KOL，否則單靠你一個Status、一個留言想影響選舉結果，其實亦不過係聊以自慰而已……

當然對於呢啲做法，我都予以尊重，只因為香港人渴求真普選經已近乎瘋狂程度，自己做唔倒而有一個華人地區做倒，因此千方百計前往現場拉近距離，響現場直接FF、又或者盡力做啲唔知有無用嘅嘢，亦無可厚非。

雖然只係隔岸觀火，但今次台灣大選仍然比我一種好重嘅「臨戰體制」：總之只要比對家贏咗，成個台灣就會變得再無未來，可以宣佈玩完──尤其係民進黨，基於呢種亡國感，出現好多極端嘅諗法：

1. 所有過往批評民進黨嘅問題，好似無視民意反對以核養綠、一例一休出賣勞工、年青人前景不明朗呢啲全部都要擺埋一邊，總之為咗抵制共產黨侵台，唯一選擇就係投蔡英文；

2. 對於民眾黨自然唔係駛講係嚴打對象；但就連時代力量呢啲都算係泛綠立場嘅，仍然係開行Turbo進行攻擊抹黑；至於泛綠小黨，佢地會同你講多數都過唔倒不分區最低門檻，唔好浪費選票──總之唔單止總統要投蔡，連政黨票都要全部集中民進黨，唔係就係斷送台灣命運。

3. 總之今次選舉就好似打仗咁，唔單止你投國民黨=賣國；你投其他黨一樣=賣國；甚至乎你唔投票，降低咗民進黨勝算，一樣=賣國。所謂選舉自由意志、民主尊重不同選擇以至沈默權利，響好多民進黨支持者眼中，經已再唔存在。

當然，我響呢度並唔係要詆譭「臨戰體制」，因為台灣響呢一刻的確係同打仗無分別，只係唔係用槍炮、而係用選票打。大陸響過去幾年不停利用黑社會、大陸新娘滲透；國民黨多人投共；甚至連決定台灣生死嘅軍購案都虎視眈眈打算腰斬。

所以即使我其實相當欣賞柯P、我最鍾意嘅神龍Z9以民眾黨身份出選，而我係極其討厭王浩宇果種原教旨式抹黑政黨嘅卑鄙技倆，但我都唔敢叫人支持民眾黨（當然我唔係台灣人，叫人支持都無用），因為民眾黨「9分打綠、1分打藍」實在太傷人心亦生怕億億億萬一影響咗民進黨嘅勝算，無論香港定係台灣都會迎來無盡黑暗……

對於香港飯民大台黎講，「臨戰體制」當然係一種夢寐以求嘅選舉路線──而事實上，經已有唔少飯民支持者以「香港已在存亡之秋」去威迫其他非建制派市民接受呢套邏輯：響呢個外敵臨頭嘅時刻，你點可能唔跟飯民大台指示投票？唔單止投建制係賣港、甚至連唔投都係賣港，因為你係加大咗建制嘅勝算；而所有飯民大台唔承認嘅候選人，全部都係投共鎅票撚，而支持佢地果班當然同樣都係投共撚。

天呀！有咩選舉策略舒服得過完全唔駛打咩政綱同民生牌，只要掛個「飯民推薦」牌頭就可以叫人含住黎投？甚至連票源相近嘅競爭對手，只要一句「共產黨派黎鎅票嘅」連一句辯論都唔駛就自動打殘──所以可以預期，黎緊呢屆立法會選舉，以蘋果為首，城寨、d100、垃場、852、老燒等跟尾，一定會Copy呢套「臨戰體制」以統一所有投票選項，任何唔依循投票指示嘅一律被指控抹黑成「賣港賊」。

的確，如果單單以「危急存亡」程度相比，台灣同香港的確係同樣大鑊（唔係香港都唔會成為民進黨最大嘅宣傳素材），但問題卻在於，無論選舉制度、政客水平，卻無同樣可比性：

首先，台灣係一個完全民主嘅國家，好自然會依靠選舉作為乾坤一擲嘅手段；但你香港呢，唔單止本身經已有功能組別、分組點票、特首選委會間選呢啲不民主成份在內，近年仲要加埋DQ剝奪參選權，基本上就係一個殘廢嘅選舉制度，又憑乜嘢講到選舉勝負等同於香港存亡？唔撚通飯民響垃圾會有29席同33席就係生死之別？

咁當然有唔少政棍想Twist成咁，於是就出現咗一個好荒謬嘅矛盾就係：一方面飯民就同台灣人講：「千祈唔好浪費手上一票，因為香港經已無辦法用選票爭取民主」；另一方面卻又同香港人講：「今屆一定要盡投飯民、登記功能組別，因為咁先可以議席過半、光復立法會」

喂，傻嘅都睇倒，兩個講法係自相矛盾啦！但幾乎所有飯民黃屍政客都係同樣認同、兼宣傳緊呢兩樣嘢喎！咁只有一個可能，就係呢班黃屍政客同佢地嘅支持者，唔係呃緊香港人，就係呃緊台灣人。如果係後者固然卑鄙而一個卑鄙嘅候選人亦不足以令人相信佢地會響當選後守護香港；但如果係前者的話，就唔單止係呃人，更加係響知道香港選舉根本無辦法改變現狀之下，呃人放棄投票嘅自由意志推你入議會。

當然響呢個時候必然會有黃屍死撐，話咩「至少送多幾個飯民主派入議會無壞」、「點都比建制派贏咗個議席好」；然而如果立法會議席爭果幾席並唔係你講到咁重要的話，咁就算我投非建制，就唔一撚定要好似台灣咁，「非投民進黨指定候選人不可」，跟足你大台指示投票。

不過更加重要嘅卻係：台灣民進黨早已做好「臨戰」，準備隨時同共產黨一戰；你飯民呢？又做好「臨戰」準備未？即係你問我咩叫「臨戰體制」，咁起碼都好似楊岳橋所講，當共慘黨要強行破壞香港法治時，先「Over my dead body」丫，但結果呢？說話就講咗出口，dead body卻只有抗爭者份，而永無垃圾會議員份。

甚至仲有班黃屍公然講到明，話區議員同垃圾會議員都係「身嬌肉貴」，「唔能夠隨便代市民去冒險」，「否則DQ咗點算？」，既然垃圾會議員本身都無拼死一戰嘅準備，又有乜資格用「臨戰體制」標準迫人非投你不可？成撚日叫人用選票守護台灣，但幾十年黎，你班飯民又何嘗有認真守護過香港？

都唔好講乜撚嘢拼死一戰丫，退一萬步，早幾日教協比人踢爆原來響網上面賣美心集團現金券Cap水，當比人質疑時堅持「不嬲都係咁賣」、「從來唔支持杯葛」、「消費係個人選擇」，公然視黃色經濟圈無物，五大訴求只係9噏，始終就係賺錢至上。

喂，呢個唔係乜嘢唔知乜水嘅小組織，係飯民大台三本柱：支、教、民之中嘅教協呀！我屌你老母！當你班垃撚圾飯民大台連黃色經濟圈都可以出賣，然後你同我講而家打緊仗，要用「臨戰體制」去統一所有非建制選民意志去投你一票？咁依照「臨戰體制」，第一件事就應該軍法審判葉健源同成個教協理事會、監事會，證據確鑿就集體槍斃！

想人地用生死存亡看待你飯民勝負，你班飯民政棍就同樣應該抱住唔係響前線戰死，就係響後方因為臨陣退縮、出賣戰友而被判死刑嘅結果，咁先叫Fair。

又係關於工作.........呢個page係工作遊記，以前成日都講吃喝玩樂嘅遊記，呢排咪積極d講工作囉🙈🙈

一直係三人有限公司hea開，唔使開會清潔打report☺️突然轉晒環境又過一星期，工作上尚算良好，都係做一d書刊封面比較多。星期一要開例會，我當然只係做聽嗰個，倒垃圾洗碗有年輕嘅妹妹做。洗碗是少，睇見佢換水樽都先牙煙。其次就係同同事打好關係，如果再無口落去就浪費日本呢兩年嘅日文能力。可能係前公司三個人零溝通，丫仁對公司規矩可謂零知識，依家先開行turbo先似係東京工作😂😂

打招呼：
除咗「早晨」「辛苦晒」外，大粒野出去返嚟時，成村同事會同佢地講：「你慢行」「你返來」等寒暄話。well，我連佢地schedule都未掌握到，暫時都只係跟風開口講：「一路順風」

速度：
面對日本人，我地香港人做事方面係佢地心目中係去到驚恐程度。腿地（去背景）我地用15分鐘，佢地可以拉到成個鐘。可能未敢俾野我做，一張封面俾一星期我砌，個人嚟講覺得有少少奢侈😂😂😂

食飯：
以前係獨家村，咩都一個人獨行獨斷！依家會時不時一黨人出去食飯，講野速度無保留🤷🏻‍♂️我有時完全聽唔明，苦笑就算🙄

可能工作氣氛同我香港最後間公司太似（除咗作狀打招呼）有時會精神同化唔小心漏口講左中文都算，社長盡量叫我糾正同事英文發音，例如日文「慳多」講正讀hand ，「生橋」講返thank you......最可怕係串email address 俾佢地聽，次次讀ryan個N個字一定要講「N能」如果唔係會換來同事們一面茫然🤦🏻‍♂️🤦🏻‍♂️🤦🏻‍♂️聽聞有d公司仲要唱社歌，傻的嗎？

終於唔使只係做報紙感到滿足，可以儲多少少pofo👏🏼👏🏼👏🏼圖為小弟非常普通嘅劣作，俾上頭睇同用假字～最後成品唔同晒樣，所以安心出街！今後可能會陸續更新工作上事情，梳🙇🏻🙇🏻🙇🏻🙇🏻