［讓專業的來］今年又有異象，不過第度正常嘅嘢，在A股係異象

TLDR：A股投資者卒之唔自己炒，選擇買基金，亦係政策幫（逼）出嚟。就當然做基金嘅公司幾好，亦所以外資爭住玩—冇話你知咩？

彭博原文：　China’s DIY Traders Are Now Giving Billions to Market Pros　（https://bityl.co/3VdD）

1. 咩回事？就係今年，A股投資者，買基金（主動同被動都計）多過自己炒。眾所周知，A股出名散戶當道，好多人認為係盲毛亂炒，大上大落，跟風，唔睇基本因素，彈完就散，散完鬧政府云云。然後幾年後又再爭住入市。相當符合大陸各行業「一放就亂、一亂就收、一收就死、一死就叫、一叫就放、一放就亂」嘅循環

2. 首先，統計話中國有1.7億股民，點計出嚟不必深究，我估係計戶口？但有冇得一人幾個戶口？又或者有冇會唔會幾張身份證？呢啲唔知。但要講嘅係，大陸唔行混業經營（＊），唔似香港咁你行入銀行可以開證券戶口，甚至早年係自動幫你開埋咁滯。所以1.7億，都唔算少了

3. 無論如何，儘管個個話爆煲（你啲網友至醒），今年A股表現係不錯的說。原因，「有人話係經濟好」「卒之唔係股市表現同實體經濟脫離」，埃汾就話人民幣都係重點之一。之前都有寫過

4. 請勿停留在「人民幣強勢中國出口仲唔仆街」之類咁水平，你可以望下啲貿易數字。實際而家社會供應鏈咁複雜，就唔再係咩「貨幣貶值谷出口」咁直線了。而反正人民幣跌你又可以「人民幣弱勢中國走資仲唔仆街」。要仆街嘅任何方法都可以仆街的。

5. 但，之前A股咪又喪炒過一輪嘅。咁你知人類普遍係懶，特別係啲廢老，冇乜嘢叻就係想當年最叻，見到疫症就覺得沙士重臨股票仆街，見到美國科技股狂炒又話千禧科網泡沫，A股狂炒咪又2015融斷。可惜歷史就多數唔係咁簡單重覆，如果歷史係咁簡單重覆，咁就唔會咁簡單重覆啦！—講乜？自己領略下。但即係如果個個都覺得係沙士重演，咁啲樓一跌少少就全部仆晒入去啦！咁又何來可以當年跌咁多？明冇？Self defeating，Efficient market，market anomalies（加幾句英文又好似好專業了，不過我Master就係寫呢啲）

6. 講返，今年A股喪炒後，又真係冇好似2015咁。因為真係This time is different

7. 今年上半年，A股股民，經基金買咗4900億人仔股票，多過自己買嘅3400億。呢個同2015年就好唔同了，2015年全年，A股股民自己買係22000億，經基金嘅只係一半左右。（不過留意返，其實今年只計半年，A股只係叫做打個和，之後又再升返啲）

8. 以前A股股民唔鍾意基金，因為覺得保守，回報低，只係買啲大企業。但，如圖所示，近幾年，基金都可以跑贏大市。除咗因為基金嘅資產配置都唔同咗，唔多唔少亦因為近幾年全世界都係大企（特別係科企）跑贏中小企。

9. 呢個亦唔多唔少當政策有關（大陸嘅嘢）。2015嗰壇嘢後，當然有人起身，然後又要檢討下點防止呢啲嘢再出現。最後就決定扶下基金行業，等啲散戶唔好自己炒。讓專業的來，咁話。

10. 咁你心諗，做基金咪好發？正是。之前咪寫過領航（Vanguard）摺埋香港—但總部搬去上海，講明上海係亞洲基地，Fuck that 外資好驚冇法治要切尼啦。（https://fbook.cc/3FXR）。亦都唔係個別例子，要數嘅大把。花旗成為第一間美資行拎到基金託管牌照（custody），全球最大嘅資產管理公司BlackRock就同建行淡馬錫搞JV，JP摩根就決定買起埋上投摩根，高盛又要買起高盛高華。個世界係咁樣運作緊的，其實買份報紙好貴咩？睇免費新聞都懶？「咁不如訂Ivan Patreon，暬幫你消化埋」（https://bit.ly/31QmYj7）（又嚟廣告）

11. 講返，另外有冇發現，其他行業唔講住啦（但Tesla在大陸間廠超大），但上面講，金融，發唔發現全部都係證券，基金之類？銀行就冇乜。原因應該兩個，第一固然係國家政策，銀行開放太多畀外資驚危險。但第二亦係，我懷疑外資有冇興趣—即使十年前外資都唔係好有興趣。個行業高度監管，亦都高度干預。我當開畀你，但都係好難賺錢的。況且，最重要嘅係，中國係一個overbanked嘅國家，一街都銀行，企業層面亦係，貸款極多，反而股票融資先係未成熟，最有發展。

12. 悶嘢講完，篇稿仲訪問咗個散戶。都講得幾白：擺銀行就根本不用討論，債券又冇肉食，房地產又多政策，都係買股票投資較好。但自己又唔識炒，所以買基金。

13. 聽落廢廢地，但其實已經好過好多人。包括香港嘅投資者。

（＊）其實冇話一定好話唔好，唔好咁膚淺。至少台灣都唔畀混業經營，但當然你可以一間金控開幾瓣業務（某程度大陸都得）。但同香港你行入銀行可以炒股票又係另一回事。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

［貴重財物，要好秘密］上市公司買金買到出通告，我真係第一次見。

TLDR：最安全嘅地方就係最危險嘅地方！我地去睇安全地帶，好安全架！（＊）

1. 實情埃汾細個，甚至去到中學，都係絶對冇諗過自己會做金融嘅（亦冇諗過自己會變到咁重）。但04年轉投金融行業後，越做越過癮。除咗$外（$當然好重要），仲有其他原因。即係我寫呢篇文都冇錢收啦，係咪？

2. 就係，永遠都有啲新奇嘢，幾時都有奇聞。

3. 買金買到出announcement，我就真係見識少，好似十幾年都冇見過有咁嘅事！

4. 上市公司買股票買到要出通告，唔太少見。特別係公司唔太大嗰時，例如官永義好鍾意炒平保（https://bit.ly/3aIBrBK），耀才又會買下阿里巴巴（https://bit.ly/2YjlX20）。咁你講大嘅，九龍倉夠大啦？賣亞馬遜賣Facebook賣到出通告！（https://fbook.cc/3EO0）

5. 但買金買到出通告？我真係未見過。

6. 睇返間公司，買咗18000安士黃金！CLS！幾錢？2億半港紙！

7. 而你睇下，公司都不過係12億市值（又，星期五炒咗上去喎，升12%，雖則只係9萬蚊交易，但證監使唔使搞搞佢？幾萬蚊，好易查到啦。但我又估，真內幕交易，唔會買幾萬蚊掛？）。買咗兩億幾金。到底本業係做乜架呢？

8. 嚟啦喎。其實可能唔少傳媒行家都會知。因為公司就真係做貨倉的。其中一個大倉，唔在大倉，亦都唔在小倉（sorry 好爛），係在柴灣。明報對出個海就望到！我點知？冇話你知以前條女做明報的？（唔止，我去過明報見工添）。另外，在葵涌都有（有個倉，唔係有條女）

9. 咁但，即係香港十隻白虎，都唔係香港又唔係十隻亦唔係白虎啦（聽講，唔知咩書嚟的，好似話香港野生動物圖鑑）。咁安全貨倉，安唔安全唔知，但都唔止係做貨倉。
10. 首先，可以睇下網頁。相當有歷史感（https://bit.ly/2YpO8fT）。雖然同大生銀行（唔係大新）比仲爭啲（https://bit.ly/3j8rwZj）

11. 咁不如，睇年報啦（https://bit.ly/32c1VYl）。公司寫到明，三瓣業務，貨倉，物業投資，財務投資　—即係，收租佬再炒樓炒股票。但冇所謂，反正呢三味就係香港最特色嘅行業。

12. 你見到，第5頁，明顯地，貨倉呢啲只係細挨嘢，物業先係主要，財務投資就時好時差。今次買金，都應該係財務投資。

13. 物業係乜？登登，就係振萬廣場。在觀塘，我都未去過。亦冇考究點解叫振萬廣場。但英文名叫LU Plaza，就唔係滿口法國味嘅LU餅乾（好味！），而係因為家人姓呂嘅。始創人呂辛，而家應該第二代。「有機會約去見下先」

14. 其實呢間嘢我之前已經識。點解？記唔記得講過師傅老馮嘅師傅霍生？佢就最鍾意睇呢啲公司。因為佢有錢，而又有無比嘅耐性。例如國浩呀，南聯呀佢都鍾意。而佢從來唔信大陸公司，只睇啲極度低估嘅香港公司。真正價值投資。但因為佢有無比耐性，同埋錢。呢隻嘢好似都係嗰時佢講我知。

15. 咁講下呢間嘢嘅財務。47億資產，但45億book！市值先12億。咁一來嚴重被低估，但重有，見到真係極低槓杆。嗰2億負債仲要只係啲按金呀，deferred tax（煩嘢，唔解）之類。貸款？完全冇。年年都net cash

16. 47億資產係乜？35億係物業！仲有8億銀行存款。股票大約2億左右。而家多返2億幾金，少咗現金了。

17. 仲有好多神奇嘢，你睇，公司直頭由瑞士銀行買！型到一個點。完全係諗起賭神嘅「呢度有張瑞士銀行嘅本票，你咪搵個有財經常識嘅人睇下」。

18. 更加正嘅係，留意，公司自己做貨倉，但都冇買實金！咁又係，做貨倉啫，個倉冇預你放幾億金嘛大佬。全世界都知佢地個倉在邊，搏畀人爆格咩。

19. 公司其實買金，由年頭開始買，1600蚊買到2000蚊樓上都仲買緊。至於非實物，我估應該係同瑞士銀行記帳，XAU/USD咁。大戶咪有得咁玩。

（＊）夠老嘅你應該知道，呢段對白出自《富貴逼人》（定《富貴再逼人》？）。而我就真係在紅館睇過安全地帶！都真係好安全，因為全部都老嘢，目測佬之中，我好似係最後生嗰個。

———————————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7

———————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

📢充滿memo紙嘅cafe☕
➖➖➖➖➖➖➖➖➖➖➖➖➖➖➖➖➖➖
今次小編入天水圍試下呢間幾有特色嘅咖啡店☕
呢到嘅牆身都痴滿咗好多memo紙，紙上面全部都係客人嘅字句同畫嘅畫🖍仲有好多好得意嘅擺設❣裝修得有小小屋企嘅感覺🏡仲播住好多好有feel嘅英文歌🎶
店仔細細，大概只係有6至8個座位，所以最適合同1,2個朋友仔嚟食下嘢傾下計👫今次嚟到好好彩，咁岩淨反2個位，唔係都唔知要等幾耐😭不過小編坐嘅係高櫈，所以坐得唔係咁舒服😞
店內只見一男一女，我諗就係老闆娘同員工🤔呢度係半自助形式嘅，餐具要自己出去拎🍴😆上網睇話等咗好耐先有食物送到，今次嚟到小編又唔覺話真係好耐，等嘅時間都可以接受😛

#全英式早餐 Set B4 ($88)
#DeluxeEnglishBreakfast
😋好味指數：(7/10)
送熱柚子茶/薑檸茶，+$15自選一款特色咖啡(熱)，凍加$8💁🏻
小編成日都覺得呢啲All day breakfast好唔抵🤔不過都係忍唔住要食😂
呢個all day breakfast包括 多士 煙肉 蘑菇 白香腸 炒蛋 煙三文魚 沙律 茄汁豆 橙🤔都幾豐富
搽滿牛油又脆卜卜嘅多士真係好正🍞而呢到炒嘅蛋都幾滑下，但蛋味欠奉🍳沙律菜都幾爽口，撈埋啲沙律醬一齊食幾開胃🥗😍白香腸煎得幾好唔會太過乾😋煙三文魚唔會太咸🐟不過煙肉同 蘑菇略為煎得過火咗啲，比較乾身😐有兩片橙真係幾特別，可以解下油膩都唔錯 🍊😂

#有機蘋果伯爵茶果醬多士 T4 ($43)
#LemonEarlGreyJamToast
😋好味指數：(8/10)
可自選一款特色咖啡(熱)，凍加$8💁🏻
小編幾鍾意食呢個多士🍞😍😍 店員話呢啲都係手工果醬，係不含色素同防腐劑架😆
有啲沙律伴碟多士側邊烘到脆卜卜，而搽滿果醬嗰度就變得淋淋地但個底仲係脆好正， 冇偷工減料😋食落口有蘋果甜味🍎然後再慢慢散發出一啲茶嘅香味，又唔會過份甜😌呢個果醬多士真係好好味😭😋

#凍榛果咖啡 (原價$38，跟 Set B +$20)
#HazelnutLatte
😋好味指數：(7/10)
小編對咖啡冇乜研究🤔 不過聞落去都有啲咖啡香☕ 開頭有啲苦，但慢慢就感覺到榛子味，甜甜地😚

#玫瑰小姐鮮奶咖啡 (原價$38，跟 T4 +$8)
#RosetLatte
😋好味指數：(7/10)
上面有幾片玫瑰嘅花瓣🌹 而下面最底都沉咗少少粉紅色，應該係玫瑰嘅醬，不過要好用地搞先搞得勻🤔飲落去有少少嘅玫瑰味，不過唔算話太過突出😣

⭐溫馨小提示
📌呢到係落單嘅時候比埋錢，然後慢慢等嘢食嚟😽
📌 手工果醬多士餐只適用於星期一至五，星期六日及公眾假期除外
➖➖➖➖➖➖➖➖➖➖➖➖➖➖➖➖➖➖
📷賣相指數：(8/10)
🔎環境指數：(7/10)
💂服務指數：(6.5/10)
➖➖➖➖➖➖➖➖➖➖➖➖➖➖➖➖➖➖
🏡餐廳：#87Coffee
🚶地址：天水圍天湖路1號嘉湖新北江商場2樓53號舖
☎電話：5570 7017
⏰營業時間：星期一至日 10:00-20:00
👇🏻分店👇🏻
📍天水圍天靖街3號天盛商場地下天盛街市CF3號舖
➖➖➖➖➖➖➖➖➖➖➖➖➖➖➖➖➖➖
💡 #大食怪遊天水圍
💡 #大食怪cafe
💡 #大食怪飲品
💡 #大食怪咖啡

#手機食先 #hkfood #hkrestaurant #852food #hkeat #相機食先 #食好西 #大食怪 #吃貨 #bigeatmonster #foodpics #hkfoodblogger #hkfoodstagram #hkfoodie #天水圍 #天水圍美食