【無師自通】狗狗的智商向來是大眾討論的話題之一，甚至有狗狗能像人類一樣聰明，應對身邊事物。 在巴西馬托格羅索州有一隻美國獵狐犬，更懂得按門鈴並等待家人開門。 狗主Giglio事後受訪，坦承第一次聽到門鈴響起時，曾以為是別人的惡作劇，或者有人計劃入屋行劫，他事後更特意安裝閉路電視，監察屋外情況。他笑言，沒想到是愛犬Faísca無師自通，懂得按門鈴：「當門未關上，牠會偷偷溜到街上，回家時就會按門鈴。Faísca第一次按門鈴時，我們都猜不到是牠，牠真是非常聰明的狗狗。」 城城小編按，現在狗狗都像人一樣聰明了！ 資料與圖片來源Mato Grosso da Zoeira@facebook =================================== 記得Like 毛城城FB 💚【Link in Bio】 ⭐毛城城MEWE: MoCity 毛城城⭐ =================================== ✨想分享溫馨動人毛孩故事，或者得意相片影片？ 歡迎開心Share，DM #毛城城 #MoCityHK！ ===================================

有些事實不能改變，很多事情不會忘記。無論如何噤聲，我們這代人都不會忘記。能否將真相傳給下一代，就靠大家了。 2年前的這個晚上，多少香港人看着直播，徹夜難眠，看着一班警察狂奔進太子站內無差別攻擊車廂內市民，市民以一些破爛的雨傘抵擋，胡椒噴霧四射，哭叫聲充斥車廂車站。急救員被拒於站外哀求内進救人但不得要領。記者也被拒於站外。當時的言論、新聞自由還比今天多呢。閉路電視片段至今仍是個迷。那段封站緊急廣播成了多少香港人的夢魘。 我不知道，在各散東西、以言入罪、莫須有的時代，在印刷報紙無一提及831的今天，我不知道還有多少人記得或在意2年前發生的事。報告出了，責任所謂的負了，事情就告一段落了嗎。電視政苦廣告叫大家重新出發，今晚聽到真的特別諷刺。有事便叫人向前看，無事則說嚴正執法追究到底。法治早就沒了，人治除了可怕也更可笑。 我沒有也不想有下一代，孽止於我，但有小朋友的，不論還在或已離開香港，請務必讓他們好好學習粵文，包括廣東話和讀寫中文，並將2019的這些歷史都告知他們。明白還在香港的都要搵食，營營役役讓記憶退色；外國的天空很大很美，空氣也像更清新一點，但在忙着適應砌着傢俬之餘，希望至少也可以把2年前的事實當作睡前故事告訴下一代。否則當我們這一代都沒了以後，真相也就沒了 🥲 幸好還有寄刀片信恐嚇人的，曲線地提醒着大家 💛 相片📷 credit: 梁柏堅 @ 米報 抱歉這不是行山相關的相片或文字，但今日全日都不在狀態，思緒仍停留於2年前的晚上... #你是忘記了還是害怕想起來 #毋忘831 #請將真相傳給下一代 #香港山女 #mountaingirlhk FB/IG/MeWe: mountaingirlhk

我殺咗老婆之後（上） . 「老公，快啲起身啦！」 . 係我老婆把聲！ . 我嚇到成個彈起，冒出一身冷汗。 . 我點解咁驚老婆？因為，我尋晚殺咗佢，佢條屍仲喺我架車裡面，我唔應該聽到佢把聲。 . ， 一定係我太驚慌，搞到幻聽。 . 我深吸一口氣，冷靜落嚟，重新諗一次尋日發生咩事。 . 我點解會殺我老婆？話說我哋感情唔多好，但都想努力挽回夫妻關係，所以尋日我同佢去郊遊，諗住大家單獨相處，可以培養吓感情。 . 點估到，關係唔好嘅兩個人單獨相處，只會發展出更多嘅爭執同憤怒。 . ， 我一怒之下捏死咗佢，當然唔想為咗呢個八婆而坐監。 . 我想搵一舊大石頭綁喺上屍體，丟落河，咁就石沉大海，無聲無息。 . 但我行嚟行去，好不容易搵到一舊夠大嘅石頭，又綁嚟綁去都綁唔實。 . 眼見天色愈嚟愈暗，我心慌意亂，又驚俾人懷疑，就返咗屋企。 . ， 返到屋企，成個人好攰好暈，好快就瞓著咗。 . 瞓到半夜，我就……聽到我老婆把聲！ . 我抬起頭，居然見到，老婆就喺我面前飄嚟飄去，面色慘白，頸上仲有清晰嘅手印。 . 「啊！」我即刻跪喺張床度：「對唔住啊，我唔係有心殺你㗎，嗰下我太嬲，跟住……」 . 我語無倫次，只想求得老婆嘅原諒，逃過冤魂索命嘅厄運。 . 老婆好溫柔咁話：「唔緊要啦，我都知你唔係有心。」 . ， 「吓？」我反而呆咗，佢真係原諒我？咁佢半夜叫醒我做乜？ . 「哎呀，唔講呢啲住，我哋有更緊要嘅嘢做。」老婆個鬼樣都皺晒眉頭。 . 然後，老婆就問我，我係咪冇搵過佢。 . 「我點樣搵你？」我講番我嘅行蹤：「我……咩咗你之後，就返咗屋企，唔小心瞓著咗。你嘅屍……皮囊，仲喺我架車上。」 . 唉，同一個自己啱啱殺死嘅人講嘢，真係好尷尬。 . ， 老婆問：「老公，你係咪唔想坐監？」 . 「其實我都諗住自首嘅，不過……」我支支吾吾：「最近公司好忙，下屬靠晒我……」 . 一時三刻，我真係諗唔到更好嘅理由。 . 點樣可以解釋我唔自首，又唔至於激嬲老婆嘅鬼魂呢？ . ， 老婆好溫柔咁講：「我都唔捨得你坐監。」 . 我成身都起晒雞皮，唔知係因為撞鬼，定老婆意外地溫柔。 . 唔通做鬼真係會改變一個人嘅性格？假如老婆生前都係咁順攤咁溫柔，我哋就唔會成日嘈交啦。 . ， 「但係，聽朝我返唔到工，同事就會搵我，遲早會發現我『失蹤咗』。」 老婆話：「你應該係最先發現我失蹤嘅人，警察一查，知你冇去過搵我，你嘅嫌疑就好大。」 . 我頭都痛埋：「咁我應該點做？」 . 老婆就叫我去報警，話我哋嘈交，佢一怒之下走咗，我就嬲爆爆咁返咗屋企，但等到半夜佢都唔返嚟，我開始擔心，先去報警。 . ， 我半信半疑，起身著衫，出門去警局。 . 老婆嘅鬼魂一直跟住我，但係行到警局附近，我諗起車裡面嘅屍體，又有啲心虛。 . 咪住先，老婆會唔會想報復我，所以出埋啲陰招，引我俾人拉？ . 始終係我殺咗佢，我哋生前關係又唔多好，唔通佢一啲都唔想我坐監？ . ， 我思前想後，無視老婆嘅催促，返咗屋企。 . 冇幾耐，警察真係上門搵我，問老婆失蹤嘅事。 . 我用盡我嘅演技，講番「同老婆嘈交，佢一個人走咗」嘅理由，但警察非常懷疑，不斷問我，老婆唔返屋企，我點解唔報警。 . ， 好彩，警局附近嘅閉路電視，證實到我當晚去過警局。 . 我順勢解釋，我本來打算報警，但行到門口，又覺得老婆只係自己行開吓，怕貿貿然報警俾老婆鬧，所以放棄咗。 . 講到呢度，警察先冇繼續追問。 . 我鬆一口氣，睇嚟老婆係真心幫我嘅，如果唔係佢提點，我可能啱啱就露出馬腳啦。 . 待續... . #短故 #短篇 #小說 #陳美濤 #廣東話 #粵語 #tomatochan #我殺咗老婆之後