嗩吶其實很強！
人家「閃光少女」都說，東西方樂器的音色或音域，很多都是互相類似、對應，比如鋼琴vs.揚琴；小提琴vs.南胡；長笛vs.梆笛；豎琴vs.箜篌。

只有鎖吶，是獨一無二的！

但如果安少爺選這樂器，練習時應該會被鄰居抗議😂😂😂

電影《閃光少女》早幾天在香港上映了
歌十分好聽，特別喜愛戲中冷酷的小提琴首席 😍😍😍
另外這次試了新畫法混了電繪滿滿的彩色，畫得超開心 👻
#閃光少女
#OurShiningDays
Edko Films Ltd. 安樂影片

短評《閃光少女》
－
日本有《去啦！啦啦兵團》
中國有《閃光少女》，誠意推薦。
－
1.眼鏡控如我，見到女主角嘅造型也是醉了，再次孤陋寡聞地未聽過佢嘅名，未睇過佢嘅戲，又再次開圖。
－
2.可能好多時候我鬧中國合拍片，鬧共產黨，恥笑所謂主旋律電影，但如果中國嘅戲套套都係咁嘅，我願意比錢入場睇中國電影。
－
3.「呢個世界邊個都可以睇唔起你，但唯獨你自己唔可以睇唔起你自己。」點解我鍾意《閃光少女》，因為套戲某程度就係中國社會嘅夫子自道。外國文化係強，鋼琴小提琴當然係世界樂器嘅主流，無人識揚琴同二胡。
－
但啲嘢係咪喺潮流嘅邊緣就要放棄？其實你大可以做番啲嘢，令人知道中樂嘅存在。但就絕對唔係叫你去走中國現時果種造假同聲大一夾惡嘅路線，要用真實力去感染真正嘅支持者，而唔係怨同羨慕。
－
4.「老土嘅係人，而唔係件事。」套戲講緊嘅唔係叫你好stubborn咁去堅持傳統，然後就會有bbq嘅一日。你做緊嘅嘢要跟番個時代，以cosplay結合中樂，既有傳統，又有時代感，仲有埋初音，傳統其實永遠唔會過時，係差在你點樣做。
－
5.你嘅人生到底係為誰而活？你到底知唔知道自己真正鍾意嘅係咩？定係你乜都唔鍾意，只係鍾意人哋「讚」你？陳驚因為鍾意師兄而行出咗第一步搞樂隊，但原來對方一啲都唔care仲放火燒你。為家長而活？為考試？為出路？為啲咩你都唔會開心。
－
故事話比我哋聽，我哋從來都唔應該為住人哋嘅期許而活，因為你嘅人生終究係你嘅，唔理你係咩樣，鍾意玩咩，只要唔傷害到人，都唔應該活喺其他人嘅目光之下，因為只要你夠出色，笑你果班人就遲早跟你玩埋一份開創嘅路永遠都係孤獨嘅，因為9成以上嘅人都只係識跟住社會去做，叫你行就行，企就企。
－
6.點解叫閃光少女？一粒螢火蟲嘅光的確係好弱，但你嘅光可以吸引到更多嘅同伴，直到有一刻，成個天空都會因為你呢點曾經係微不足道嘅光而閃閃發亮。