你可以當呢篇係廣告，
但對我嚟講，係人生一大柒事！
　
呢件事發生喺前幾日，直到而家為止…
我都諗唔明點解會做出啲咁柒嘅行為。
　
是咁的，當日客戶約咗我去咗尖沙咀本陣燒肉，一邊食飯一邊開會。由於我係毒L出城，蕩失路咗好耐，最後終於都喺厚福街最顯眼嗰棟大廈搵到。
　
我一坐低，客戶就畀咗杯Highball我飲，我咁專業，工作時係唔會飲酒，但客戶盛意拳拳，當日天氣又熱，我又口喝，眼前擺住一杯冰涼透心嘅Highball，實在好難抗拒。
　
無錯，當初我唔應該飲，如果我唔飲，就唔會做錯事。
　
食到一半，客戶話希望我可以幫佢哋寫一個溫馨嘅故事。
　
「可以啊，阿公都好溫馨，仲好鍾意食燒肉…」我。
「呃，畢竟我哋係餐廳，會唔會唔係咁好？」
「我可以寫一隻好鍾意食燒肉嘅鬼，為咗食燒肉唔肯投胎！」我對呢個故事自信滿滿。
　
「唔係呢個問題…」客戶。
　
「我明我明！你想隻鬼係日本鬼？因為日本燒肉！哈哈哈！」我夾起一舊燒好嘅和牛放入口，入口即溶，齒頰留香。
　
「我哋唔想餐廳有鬼。」客戶。
　
（Deadair咗十秒，我默默燒肉）
　
「不如寫外星人聞到燒肉香味所以侵略地球？」我。
「我哋想要溫馨故事，例如一家人親情嗰類…」客戶。
「一家外星人侵略地球？！」我開始強詞奪理。
　
呢個時候，服務員又捧咗一碟肉過嚟向我介紹，話因為好容易燒焦，會幫客人燒埋。
　
「嗱～燒好喇先生！」
　
我唔知係咪酒精嘅關係，滿腦子都係燒肉同外星人，我竟然衝口而同侍應出講：
　
「唔該媽咪！」
　
我靜咗，客戶靜咗，服務員都靜埋…整個空間淨係得返燒肉發出嘅滋滋聲。
　
其實細細個，我都試過同樣情況，例如喺學校上緊堂，我舉手想問問題，口快快講咗「媽咪，我想問…」
　
又試過搭小巴瞓著咗，一起身見到就嚟過站，情急之下大嗌：「媽咪有落。」
　
原因係我以前係一個好麻煩，又好黐身嘅小朋友，亦即係而家俗稱嘅「港童」。由我懂事開始，遇到任何難題，只需要大聲唸一句咒語，問題就會迎刃而解。
　
呢句咒語就係「媽咪～～」
　
搵唔到玩具，大叫媽咪。件衫污糟咗，又叫媽咪。
　
有任何問題都以為媽咪可以幫我解決，漸漸形成咗一個依賴嘅壞習慣。
　
當時亦因為喺學校發生咗一件事，我就知道要學識獨立，決定戒甩咗依賴阿媽。
　
嗰時我間小學好巴閉，有𨋢可以畀學生使用，但規定一定要喺地面上最高層先可以用，去其他樓層唔畀用，要行樓梯。
　
當時小息時間完咗要返課室，我喺操場見到啱啱有𨋢，我急步衝前，喺𨋢門閂埋之前，一個側身衝到入𨋢，但估唔到…
　
原來班主任喺我後面，喺𨋢門嘅隙縫，我見到佢目露兇光咁望住我…
　
之後，老師捉咗我去教員室，仲罰我第二日小息要企喺𨋢門，叫我留意吓其他同學。
　
小息之後，班主任問我：「你有冇留意到，有部分同學會幫其他人開住𨋢門，亦有部分同學好似你咁行入𨋢就唔理其他人？」
　
我點頭。
　
「你知唔知點解？」班主任又話：「當一個人有依賴習慣，下意識覺得任何事都有其他人幫佢，相對地亦唔會諗住幫其他人。
　
「相反，如果一個人獨立，習慣咗做任何難題都自己解決，自然就會知道其他人亦會遇到同樣難題，主動去幫其他人。」
　
我唔係話依賴嘅都係自私嘅人，只係當你習慣依賴，就會覺得所有人都有義務幫你。但當你學識獨立，自然就會去幫其他人。
　
我諗返起呢個細個發生嘅故事，不如就寫呢個故事啦～正當我想同客戶講返呢個故事時，我發現服務員突然眼泛淚光咁望住我…
　
「你叫我媽咪，令我諗返起我個仔…」
　
（待續）
唔好意思…咁柒都要上下集
希望大家鼓勵我繼續講故事，畀個Like & Share

本陣燒肉 Honjin
希望你同姐姐講聲…唔好意思嚇親佢

十個唔住荷蘭嘅理由

（更多歐洲/荷蘭生活資訊，立即到https://www.patreon.com/allyblahblah）

上一次講咗十個住荷蘭嘅理由，形容到荷蘭好似天上有地下無咁。做人要中肯少少，今次就講一講十個唔住荷蘭嘅理由，平衡一下大家過度興奮嘅心情啦！

1. 稅高
荷蘭堪稱歐洲嘅「萬稅國」。呢一邊嘅稅率比起絕大部份歐洲國家都要高。喺呢邊生活嘅人，除咗要交高昂嘅薪俸稅，另外都要交差餉（有物業的話）、垃圾稅、任何購物要俾VAT等等。荷蘭嘅稅高到，要倚靠30%ruling 嘅稅項優惠吸引外籍嘅高技術人才。

不過，荷蘭稅率對於高科技嘅跨國公司來講，係非常優惠；另外亦都唔會收capital gain tax。但對於一般打工仔來講，交稅真係可以交到手軟。

2. 生活費高
荷蘭嘅物價，比起其他歐洲國家高。若然你習慣咗香港嘅生活方式，經常行街睇戲食飯直落的話，想喺荷蘭有同樣嘅生活真係會有難度。

3. 冇嘢好食
呢個之前講過，荷蘭真係冇咩好食，或者你要識地方/願意俾高價錢先會享受得到高質量嘅食物。個人來講，喺荷蘭試過幾次食物中毒。所以如果遇到質量好嘅餐廳，通常會好快變成忠實粉絲哈哈。

4. 放工做咩好？
即使係大城市，大部份嘅舖頭會下晝6:00閂門，星期六日都唔例外。如果係冬天，太陽好咗落山，呢個營業時間都幾正常。不過如果係夏天，夜晚11點先開始天黑的話，你會發覺放工之後有幾個鐘唔知做乜好。一般都只係同朋友出去食飯、飲嘢就算；如果你想行街shopping，我勸你都係請一日假會好好多。

5. 天氣差
一年裏面，除咗夏天可能好彩有幾星期陽光普照，荷蘭一般嘅天氣都非常差。經常落雨、陰天居多、風大雨大、寒風刺骨⋯⋯因為天氣關係，唔少住荷蘭嘅人衣着都係以實用為主。可能係因為呢個原因，好多荷蘭人一有機會就去南歐或者天氣好嘅國家放假，吸收多啲陽光吖嘛！

6. 好⋯慢⋯呀
荷蘭文化好 consensus-based (注重共識），結果就所有嘢，特別係決策相關(decision-making)嘅事情，都搞到好慢。若然習慣咗生活節奏比較快，過到嚟荷蘭需要一段時間適應。但唔好誤會，去到一啲執行(execution)上嘅事情，荷蘭人效率都係好高嘅。

7. 醫療系統嚇親人
亞洲社會係醫療系統方面，一般會採取「預防勝於治療」嘅策略。但係荷蘭人就剛剛相反，好聽啲講就係「船到橋頭自然直」，難聽啲講就係出咗事再算。普遍荷蘭醫生唔鼓勵定期做身體檢查；你有病痛，醫生會叫你食兩粒止痛藥 （paracetamol)休息多啲，過兩個星期仲係唔舒服再返嚟；甚至有啲醫生會覺得，年青人身壯力健，還重病嘅機會好低，有病痛都未必會轉介你去專科。呢種做法導致「大病應該死唔去，小病就有排你煩」嘅局面。

喺肺炎爆發初期，荷蘭政府亦係用呢個做法去抗疫。關於荷蘭醫療系統，可以講嘅實在太多。有興趣嘅朋友記得留意之後文章！

8. 「過度」推崇個人主義
普遍西方社會同華人社會最大分別，就係西方國家比較崇尚個人主義（individualism)。本身個人主義唔係大問題，但荷蘭人似乎將個人主義推崇到極致，簡單啲講就係自私。比較常見嘅係隨地掉垃圾、狗主會比啲狗隨地大小便、年青人夜晚喺屋企開party完全唔理噪音污染等等。肺炎抗疫亦係一個好好嘅例子，荷蘭似乎特別多人以個人權利為理由，唔理抗疫措施（喺其他歐洲國家情況會好啲），又或者覺得自己去旅行緊要過確診等等。

9. 荷蘭卓異主義
大家可能聽過Dutch Exceptionalism 呢個詞語(荷蘭卓異主義/例外出義)。簡單啲講，即係話荷蘭好「例外」或者「與別不同」，伸延到荷蘭獨特優越嘅意思。雖然荷蘭人唔一定會兜口兜面講，覺得荷蘭（人）比其他國家高人一等，但上至政府領導人（同公共政策），下至普通平民百姓，偶爾都會顯露出「荷蘭與別不同」嘅態度。三言兩語比較難講清楚，有興趣嘅朋友不妨上網Google下呢個字，睇吓相關嘅新聞。想知多啲嘅都可以話我知。

10. 真正融入有難度
要真正融入荷蘭，會有一定嘅難度。文化差異可以係其中一個重要因素。另一方面，荷蘭人對雖然外國人非常友善，但一部份人總會覺得你係「外地人/過客」。又或者，即使你好努力用荷蘭文同當地人溝通，如果當嘅人聽得出你有口音，就會即刻轉英文同你溝通。除非你有屋企人係荷蘭人，否則需要一段頗長嘅時間先至可以真正融入荷蘭嘅社會。

講到尾，針冇兩頭利，冇一個地方係完美。到底一個國家好唔好住、移居係唔係利多於弊，有時真係好視乎個人際遇。無論你想嚟荷蘭又好，或者想移居其他國家都好。記得要好好衡量利弊，唔好盲目做決定啊！

#荷蘭
#荷蘭生活
#歐洲
#歐洲生活
#海外職場
#香港人在歐洲
#香港人在荷蘭

【大話變真相】

希特拉有一個名句：If you tell a big enough lie and tell it frequently enough, it will be believed。意思是當一個大話不斷重複講，便會有人相信。你會發現這絕對是事實，而且由香港毒媒不斷散播。

最近傳媒不斷追問特首有關蘋果日報倒閉的問題：政府利用國安法凍結蘋果資產有否考慮到影響了八百員工生計？新聞自由是否被剝奪？香港是否只容得下一種聲音？

壹傳媒剛於三月公佈有超過五億現金，足夠集團營運18個月。再加上政府早前三千多萬的補貼，繼續營運一年半載絕對不是問題。為何區區凍結一千八百萬便急於一週內要停刊？現在還未發放人工及遣散費，請問那幾億沒有被凍結的現金何去何從？蘋果把自己變成被打壓的受害者去博市民同情、還要扮無錢不出糧給員工增加多點受害者去惹起民憤，順理成章把責任推到國安法及政府身上。惹起群眾仇恨、令用輿論壓力去引起反政府情緒，這都是他們一貫的手法！

可笑有一些香港人，還當他們像神般拜。覺得蘋果新聞是真相、真理，認為他們是敢言的報紙⋯其實都是美其名。事實上蘋果自行停刊與凍結資產絕無關係，只是金主借機自行「閂水喉」，又不出糧去引起民怨。而蘋果一向支持編採自主，胡亂報道未經證實新聞務求夠爆夠回響。他們一早預留了律師訴訟費去支付這類假新聞補償及法律費用，請問這真是新聞自由？所刊登的言論及新聞真的可以不顧真偽、不去求證亦不註明「消息未証實」等字眼去提醒讀者自行判斷？

請毒媒不要再帶著「新聞自由」的光環去報道或宣揚些未求證的消息，甚至慫恿鼓吹市民反政府、反祖國、 支持外國制裁香港及內地等大逆不道行為。這絕對是有違國安法！傳媒應對自己的報道及文章付上責任，你看連「立場新聞」的六位董事也急割蓆辭職，五月份前的博客文章、讀者投稿也暫時下架去逃避刑責。香港是自由社會，絕對容得下反對聲音！但請大家好好遵守傳媒守則及法律，言論自由並不代表可以肆無忌憚的以筆鋒去殺人！

朱庭萱

蘋果假新聞及毒新聞監察組

我第一次睇呢套戲已經係12月戲院臨閂之前，之前機緣巧合之下見到導演恆仔，我有同佢講話多謝你拍呢套戲，我睇完覺得好感動。導演話其實呢套戲都係原自於一個idea，就係一秒可以改變好多嘢，然後就變成一秒拳王呢套戲。當我睇多次呢套戲之後，我就發現呢個idea係好簡單地貫穿整部電影。第二就係導演都想喺呢個時候，比返香港人一啲正能量。

如果你係未睇套戲嘅話，我建議係即刻去睇，而因為香港喺呢兩年經歷咗咁多事之後，相信呢部戲一定可以比返一啲力量大家去改變。大家可以先再睇呢個影評，因為接下落嚟我所講嘅內容係劇透。

首先喺出戲名一秒拳王之前，就係一幕周天仁（周國賢飾）點建得到呢個所謂異能嘅戲。簡單為大家介紹咗一秒拳王會出現嘅原因，就係佢曾經死過一秒之後又再復生，能夠睇到嘅一個message就係你以爲你死咗咩？原來只係個一秒嘅錯覺，下一秒你又死而復生，所以周天仁（周國賢飾）得到一個所謂嘅超能力。究竟預知到一秒係唔係超能力呢？只係睇大家點去睇呢件事。

好快喺周天仁（周國賢飾）細個嘅時候，佢老豆因為用嚟賭錢所以覺得呢個一秒異能係無用。而喺小朋友周天仁上電視嘅時候，佢就話佢老豆覺得呢一秒預知係無Q用，但佢想用呢個天賦做一個有用嘅人。咁呢一秒喺觀眾嘅角度嚟講，係有用定無用呢？喺電影嘅中段，當周天仁同林明幀喺海邊傾計之後，我哋其實可以搵到屬於自己嘅答案。

堂妹林明幀同周天仁（周國賢飾）講，其實會唔會有一個平行時空係有另一個更開心嘅自己存在呢？周天仁就反問，其實佢預知個一秒同佢改變咗嘅個一秒會唔會就刷出咗林明幀所講嘅平行時空呢？我嘅答案就係，其實根本就無所謂嘅平行時空，從來都只有自己點選擇同埋點去做。用打拳為例，如果我預見自己下一秒比人打，唔代表我一定可以避到㗎嘛，而我避到，係大前提我要相信預知個秒見到嘅係真嘅，然後我先可以選擇同決定避唔避開呢一拳。而如果自己都唔相信自己避到，繼而決定作出行動去閃避嘅話，我係點都唔會改變到一秒後發生嘅事，所以只係睇我相唔相信自己做到，同埋決唔決定行動去作出改變。喺我眼中，導演係同緊大家講，就算只係一秒嘅抉擇，都唔可以睇小，只要我哋選擇去做，先有資格去改變。重點唔係一秒嘅異能，係周天仁嘅選擇。

之後喺周天仁（周國賢飾）同佢個仔走嘅時候，張建聲走嚟找佢麻煩。周天仁喺呢個時候用一秒避開張建聲個拳，但就令到再下一秒嘅佢同個仔被車撞到。我哋可以喺呢一個橋段得知，就算有呢個一秒嘅預知仿似避過一劫，其實再下一秒都可以發生不幸嘅事。意外發生之後，周天仁選擇唔打場表演賽。由周天仁無咗呢一秒天賦，決定退賽再決定點都係要打呢場拳賽，更加可以話比我哋知一秒係次要，選擇先係重要。

去到周天仁同阿JOE嘅表演賽最後回合，最後個幕係話比觀眾知套戲嘅重點唔係一秒嘅預知，而係一秒嘅選擇。大家記唔記得喺周天仁比阿JOE KO個十秒，出現咗兩個平行時空令周天仁仿似又有返個一秒異能咁。第一個平行時空係周天仁真係比人KO咗，之後佢見到一個走馬燈之後又再返返去倒數緊嘅臨尾幾秒，周天仁（周國賢飾）又再企返起身。呢一幕係講緊無咗異能嘅周天仁，其實就算唔洗預知都可以知道如果佢唔企返起身，最後就只會輸，而呢個結果係每個人都能夠預知。對我嚟講個訊息就係，一個凡人走到絕路都好，只要佢決定企返起身佢就一定可以作出改變，所以最後比賽結果係點並唔重要，電影亦都刻意無講出嚟，最重要係周天仁成功話比個仔知佢唔會變返一個廢人，而阿JOE都真真正正地打到一場拳賽。

點解我會認為香港人一定要睇呢套戲？除咗因為戲入面嘅警察可以唔帶委任證on duty之外，我諗係因為恆仔想話比香港人知，至少係我呢一個香港人知，只要我相信一秒嘅行動都可以改變到自己嘅話，就算世界變成黑暗，人生走到絕境，我都一定可以行返去光明。希望大家可以相信自己，繼續為自己而打拼。


每天關注我的9UP狀況：
https://www.instagram.com/ernest_pch/

峰迴路轉 乾坤扭轉『香港釣魚 : 艇釣』維港 {粵語旁白+中英文字幕}
A mountain road twists and turns. To reverse the course of events [Hong Kong HK Fishing : BoatGame] Victoria Harbour {Voice Over + CC}

時間：12:00 - 17:00
流水：十六
天氣：19 - 25度。南風3級，漸轉北風4至5級。早晚有幾陣驟雨。初時能見度頗低。日間部分時間有陽光。
地點：維港
魚餌：沙蝦12兩、青蟲6兩、大眼仔2斤
工具：魚絲YGK FluoroCarbon 碳氟化合物4、5、6、8號，波子20-30g，子彈鉛60g，海馬鉤4號及鯊魚牌2/0
釣法：手絲

:影片字幕內容:
Hi大家好我叫Marco
今日我係嚟鄧腳嘅
初時我係唔打算嚟釣魚
因為已經滿咗四個
而其中一個釣友因為暈船浪
提早走咗
咁我就嚟幫手釣下魚啦
我係被安排咗十二點鐘嚟做替更
但另一個釣友
就因為有啲事要兩點鐘走
所以下晝基本上得三個人釣魚
連埋艇家就四個
手絲釣魚
影片分享頻道
今日十六流
我嚟做半日替更
南風三級
今日魚餌就有沙蝦12両
青蟲6兩
同埋2斤嘅大眼仔
據聞今日上晝
四個人出去釣魚
其中有兩個釣友係新手嚟嘅
全個上晝都係大概有4條魚
有一條斤零重嘅雞籠倉
一條1斤到嘅青斑
一條沙鱲同埋一條石狗公係咁多
呀，仲有一隻墨魚添
不過唔係好大隻
大概拳頭到咁大
其中一個釣友暈浪要走先
大概十點零鐘走
佢就釣左條青斑就自己攞返
咁另一個釣友就大概兩點鐘走
佢就攞番隻墨魚走
自從我十二點鐘落咗艇之後
已經完全改變曬今日嘅命運
阿立就畀佢釣左兩條假三刀
阿基哥就釣咗兩條青斑
而個陣時大概下晝一點鐘左右
最後，就得返我，阿立、同埋阿B哥三個人一齊釣下晝
由於今我哋下晝係釣瓜衫同埋鰔為主
我就準備咗一個仕掛釣組
我就用副YGK 4號魚絲
一開二兩門
下面就用粒50 gram嘅子彈鉛
不過今日我就發現啲鰔同埋瓜衫食底個門比較多
如果用青蟲做餌嘅話，啲瓜衫比較得食
今日批鰔同埋瓜衫都比較大條
食餌就比較搶口
喺維港裡面釣呢啲魚近排都唔係成日有
我哋今日盡情釣
反正啲魚又肯開口食餌
如果今日的流水更加大
啲魚會更加搶口食餌添
好多時去釣魚
都係要講天時、地利、人和
呢三樣嘢
今日係吹南風二級
咁啱近排又有啲批魚走入維港食餌
阿基哥又熟呢一邊排口
知道邊一個位置係砂泥底
而且我哋個個釣友都好配合
我哋話叫砂泥底
就絕對唔會揸大餌
因為揸大餌係嚟度呢度絕對係冇意思
阿基哥今日就做咗個好好嘅示範呀
佢有幾個釣位就堅決唔揸大餌
如果我哋係揸緊大餌嘅話
我會叫番我哋唔好揸
盡量一齊釣返個類魚
有啲魚肯開口嘅話就盡情釣
如果唔係第日想釣返佢哋嘅話
就未必能夠搵番佢哋㗎啦
但係就有好多釣友唔係咁諗
佢哋會諗
反正都嚟咗
橫掂都係釣魚
我釣一條大嘅
總好過你釣一大堆細魚
起碼釣返嚟影幅相都威過你啦
好似阿基哥話齋
一係就大兜
一係就.....
啲大兜魚
都要搵啲適合地方先有得釣
如果唔係就到出嚟當遊船河算啦
隨時全日出嚟釣魚，都唔會有條魚返去
反而我就唔係咁諗呀
我就希望每次都有啲魚返嚟
無論細條又好，大條又好
太細條嘅話就當然唔要喇
我自己本身就好鍾意食魚
所以我期望每一次都能夠有魚返屋企
我就喜歡比較密密手咁釣
如果要我全日揸大餌嘅話
我又未必接受得到咁悶
今日就啱曬我玩啦
唔知各位觀眾你又會點選擇呢?
呢一批嘅瓜衫
同去街市買嘅大細其實都係差唔多
咁新鮮釣返嚟嘅瓜衫
同街市買返嚟真係完全冇得比
就算個賣相
肉質同埋個味道都係差好遠
有好多街坊見到我哋埋岸分魚嘅時候
總會問我哋可唔可以讓啲魚畀佢哋
其實有好多魚都係留番畀我哋自己食
有啲分下畀朋友
大家分甘同味
先至有釣魚嘅樂趣
阿基哥臨尾就幫我地揸大蝦
佢就突然嗌攞撈箕
畀阿基哥臨尾都執番條沙巴躉
我哋每一次落艇都講笑同阿基哥講
阿基哥你爭我哋四條青斑喎
今日就交足曬功課喇
呢條沙巴躉咁大條
我哋都要諗辦法一陣間點樣處理佢
我哋今日決定提早離開
趁街市魚檔仲係早未閂門
我哋就去返紅磡街市到
搵返相熟魚檔幫我哋碎咗條魚佢
分成三份
我哋都唔好意思搞到阿基哥燒晒手
不過佢今日就好high下
我就送開卷專用膠布畀阿基哥
等佢快啲康復，下次同我再釣多條
今日阿基哥就做咗個好好嘅示範呀
邊一個位置揸大蝦
邊一個位置唔揸大蝦
佢完全做足示範
有某幾個位置
我哋其實都有揸大蝦
但係到我地揸大蝦揸到放棄嘅時候
到佢就揸返大蝦
好似我真係知道下面有條大魚咁
你都咪話唔服
今次嘅釣魚分享我就分享到嚟呢一度
請大家喺臨走之前畀返個LIKE 我呢條影片喎
如果你都仲未訂閱我頻道嘅話
記住訂閱我頻道喎
開埋右手邊嘅啷啷
我近排都比較多片出
咁下次有新片出嘅時候就會即時通知你啦

請按以下鏈結來訂閱此頻道
https://www.youtube.com/channel/UCO_5XP-qd-udNxBlzzSzgvw?sub_confirmation=1

建議下一部影片:
釣沙巴∙∙∙等『香港釣魚 : 艇釣』青龍頭 {粵語旁白+中英文字幕}
影片連結: https://youtu.be/gSGFRn3rNDo

你或許感興趣的其他影片:
⚓ 大角咀之大佬-江哥，阿神與馬友的初次接觸 青馬 - https://youtu.be/nGLqp3pD3_M

請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7
::船釣/艇釣::
https://www.youtube.com/watch?v=xPAs7oqs9SA&list=PLGiZ1ROtXQKEfkfSX9MrBxizaon-6PO8r
::岸釣::
https://www.youtube.com/watch?v=Sq_GqD58vN4&list=PLGiZ1ROtXQKH6TKzdiwPcRHFfvz2twTMM
::港水/日水/艇釣::
https://www.youtube.com/watch?v=Bb8qOp8db6g&list=PLGiZ1ROtXQKFRZsNEYgxWATB_c0INAMD3
::港水/夜水/艇釣::
https://www.youtube.com/watch?v=8oerq2R2HEA&list=PLGiZ1ROtXQKHqeeXVPSM-haFosg086CMV
::港水/日水/岸釣::
https://www.youtube.com/watch?v=uuWZPLRih4E&list=PLGiZ1ROtXQKHET2CpMVeszpsDX2m3daHB
::港水/夜水/岸釣::
https://www.youtube.com/watch?v=qtQvPjFYaQ4&list=PLGiZ1ROtXQKHOn4i4AtU0LqFmSAylTv_V
::最新烹飪影片::
https://www.youtube.com/watch?v=mrRzq68nVRo&list=PLGiZ1ROtXQKE6xSW8gEzznGnjR80d24ZF
::烹飪/湯水::
https://www.youtube.com/watch?v=G9a9_FWnayg&list=PLGiZ1ROtXQKGNTj43A2TmhUgRerY6u51O
::烹飪/蒸魚::
https://www.youtube.com/watch?v=qrthSSC64tg&list=PLGiZ1ROtXQKGV4S2hw-x0Olh2YYeARvLB
:所有烹飪影片::
https://www.youtube.com/watch?v=mrRzq68nVRo&list=PLGiZ1ROtXQKGR-ZLWtnIZLovTGjKXB2Cj
::觀賞魚::
https://www.youtube.com/watch?v=532IGTEYZIc&list=PLGiZ1ROtXQKEu4-7Sie9InJijA7EibCgO
::分享::
https://www.youtube.com/watch?v=NqT_BGO-aOk&list=PLGiZ1ROtXQKHNapvvF4I6TmTT2-U3WEtp
::年度回顧::
https://www.youtube.com/watch?v=8MLVEwrvJWs&list=PLGiZ1ROtXQKGaM7ciTpzbi-ZPnRfViGm1
::『Handline Fishing 手絲釣魚』所有影片::
https://www.youtube.com/watch?v=S2zjubu0RoA&list=PLGiZ1ROtXQKE5EikSUQx7Ngrj3aKQJnch

==================================================================
背景音樂名稱 : I will find you someday - Carl Storm
來源 : YouTube Audio Library
拍攝器材 : GoPro Hero 7 Black (with HyperSmooth Enabled)
解像度 : 1920 x 1080 60fps
剪輯軟件 : Corel VideoStudio 2018
本片以全高清拍攝，務求能捕捉每一個最好的畫面來送給所有訂閱者
==================================================================

YouTube Channel 頻道: https://bit.ly/2W1Y8bG
YouTube Channel Subscribe Here 訂閱頻道按此: https://bit.ly/2Cva0LT
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/

標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱ YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱ Fishing Vlog ╱
handline fishing ╱ hong kong boat game fishing ╱ fishing in hong kong ╱ hong kong ╱ fishing 2020 ╱ fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog

#Fishing #釣魚 #り釣 #手絲釣魚 #HandlineFishing #香港釣魚 #香港釣魚2020

魚頭米、老鼠粉，賣相味道都咁正，邊度有得食呢？

今日要介紹嘅就係呢間喺吉隆坡嘅冠華XO魚頭米喇！睇招牌就知道，呢度最出名嘅就係佢哋嘅魚頭米啦！等我叫個嚟食吓先！
話咁快有得食喇，睇吓先… 呢個二人份量嘅魚頭米真係用料十足，雖然魚都係炸過，不過食落唔算油膩，因為細骨都炸脆晒，
所以就算唔識食魚頭嘅朋友都可以食到呢個米線架！

魚頭米線嘅精髓就當然係魚湯嘅部份啦！呢度嘅湯頭除咗魚之外，仲有蕃茄、咸菜、芋頭等等，入口帶少少嘅酸味，食落惹味又可口。湯唔夠飲？
唔緊要，呢度嘅湯係免費任加，仲要唔係加水俾你，係原味嘅湯頭嚟架！哎呀！真係唔好意思，又飲晒要加添…

除咗魚頭米之外，呢度另一個招牌菜就係呢個瓦煲老鼠粉喇。好多人都以為老鼠粉會放湯煮，咁就錯晒喇，因為呢度嘅老鼠粉係乾炒，而且仲係俾你自己慢慢炒架！

試下先… 嘩，好惹味，有肉碎、蝦米碎、我食到有少少豬油渣、好似有啲 XO 醬… 老鼠粉咁食，我真係第一次…嘩！好好食呀！

睇到我食到咁滋味，就知有幾好食啦！

除咗兩個招牌菜，我仲叫左咗個黑啤雞翼同埋炒菜慢慢嘆！

要嚟呢度大家就要用 Grab 叫車喇，記得留意呢度係下晝4點鐘閂門，星期日亦都唔開架！要食好嘢，就要早啲到喇！


冠華首創 XO 魚頭米皇
G13, Jalan 3/115c, Taman Kuchai Jaya, 58200 Kuala Lumpur, Wilayah Persekutuan Kuala Lumpur, 馬來西亞
3MRM+68 吉隆坡 馬來西亞 Federal Territory of Kuala Lumpur
+60 3-7982 0048