八九月份敗家合集✨ . 1. Dual Flow 輪廻 / Mixture Tribal Ring 今年突然拎返隻戒指出嚟戴，都諗咗好耐想加多隻，響開投票時有人同我講小朋友才做選擇，最後決定買晒兩隻lol 介紹返呢個係來自日本杉山孝博個人品牌，比起西方嘅銀器明顯細緻好多，仲有獨特技法令銀器有種霧化嘅表層好有質感（不過一路戴會慢慢變返普通銀器嘅光滑感，所以一日未影相一日都唔戴住）而我比較鐘意佢早期偏日本傳統加民族風嘅風格，近年佢變咗侏羅紀公園fans，就好似今年個戒指座都變埋恐龍皮（上年係圈圈款好襯我嗰隻的） . 2. MALIN+GOETZ 日間／夜間嘅暗瘡精華 用咗一萬年嘅日本暗瘡膏終於用哂，而家又冇得飛去日本買，而香港donki亦冇日本暗瘡膏賣，最後朋友介紹呢隻紐約品牌，價錢都唔平但係用天然成份，分別買咗係日間同夜間暗瘡精華，前者啫喱狀後者則係粉液狀，後者係玻璃樽然後上面有層透明水隔住下面啲粉，搖勻咗隔日就會沉澱返感覺好Pro咁，至於效用就要用落先知 . 3. Stüssy & Birkenstock Boston Clog 響近十年前有期成日著Birkenstock然後著到腳臭就戒咗，一路都想買返對但平時又唔係成日著拖鞋，不過見到呢對即刻心心眼。記得發賣當日好癲咁較鬧鐘朝早出去買，去到都只係開咗舖十五分鐘左右，最注目嘅粉紅色已經冇哂大碼，其次嘅卡其色都冇哂我碼（到底有幾少貨喲）最後見係拖鞋就買咗大一個碼算，今次店員姐姐幾好人肯俾有著襪嘅試穿，當年同Nike聯乘隻拖鞋唔俾試，買咗兩對都係細得滯唔啱著。其實佢去到發售前一日都係冇公布到價錢，而我未太醒時碌卡返到屋企先知成千六蚊，當堂肉赤咗，而家唔捨得著囉（笑 . 4. Billingham Hadley Pro 一路就想買返個斜孭袋但搵極都唔啱心水，就連上年個wotancraft用咗一排嫌佢重就冇乜點用，到最近拎返個超殘嘅Billingham出嚟用。用用下發現其實都幾好，有間隔又夠輕，雖然真係用得幾殘下，但應該冇乜人估到個袋已經買咗十二年。英國製1973年老字號，同而家啲made in Dongguan差十條街，當然我冇用足十二年咁誇張，有唔少日子都係放過響櫃入面，不過咁耐都冇甩皮甩骨真係幾襟，最後決定買個新色好了。話說佢哋上年推出咗新版，最大分別係個肩帶接駁位變成扣狀同可拆式，不過我都係鐘意舊版縫製式而且輕啲，價錢仲平足一半咁滯，最後一個綠色都俾我買咗了 . 5. Ermenegildo Zegna Acetate Sunglasses 識人破天荒95%off超低價入手！不過最近拎咗去配有度數鏡片所以都算係新嘢，作為屋企唯一一副太陽眼鏡，因為收埋咗響角落近幾次去曬太陽都係冇戴到出去（笑 . 6. SAVEWO 3DMASK KURO Collection 城堡灰 好似好耐冇買過口罩，前排有朋友好有愛咁送咗疊綠色俾我用咗好耐，其實佢隻灰色同綠色都好靚，重點係佢有大size，之前試過用raze嘅立體口罩，size太細下巴成日甩同勾到耳仔好痛，而呢隻就冇問題，罩內空間仲好大冇咁侷促，對於我呢啲皮膚差用外科口罩會磨到成咀都係暗瘡，呢隻口罩簡直係福音，除返平均都係$6.3可接受，過百蚊免運費直接順豐上門係幾抵玩 . 7. Godox V1c / X2T / AK-R1 / Nissin LS-55C / Phottix Softbox Umbrella 呢一切都由支閃光燈壞咗開始。其實套架生由正職用到而家全部都五勞七傷，遲早都要換，支燈用返Godox，平過原版嗰支五六倍價錢，有埋造型光同藍芽接收唔洗自己再加嘢，完全感受到科技進步，而且燈頭位置有磁石可以上唔同嘅cover效果，一set有齊咁多個頭都抵玩。燈腳就買咗日本出嘅碳纖燈腳，超輕又伸到兩米高仲好穩陣，雖然係貴咗啲但真心正，香港得一間代理仲唔係成日入貨，買埋佢最後兩支堅幸運。反光遮最初買咗最新要加罩版本，但好重同埋加罩步驟好麻煩，最後搵返停產咗嘅一開即用版，但舖頭全線得最後一把，官網賣嘅係響個白面中間有個黑位好白痴，唯有搵人上強國買 . 8. Gitzo Légende (GK 1545T-RTI) 前排陪朋友買腳架先驚嘆原來而家啲腳架又短又高又輕，反觀自己嗰支又重又矮拎得好辛苦，就決定買支新，本身想買同款嘅，但係本身嗰枝都用差唔多十年，而佢支中價品牌特價都二千中，索性買支貴啲，記得細個都幾憧憬有如腳架界法拉利嘅gitzo，價錢亦遙不可及，今次就說服自己話呢支會用三十年（其實真係用到咁耐）加上意大利出產品質一定高，配色方面呢支係帶點復古味加埋條皮製背帶，當堂唔捨得用 . 9. Peak Design Slide Lite / Cuff 最後係胡亂揮霍嘅頸帶同手帶，其實玩咁多年相機，覺得唔掛任何野響部機度係最方便同最free，好多時右條帶分分鐘仲多意外。而購買原因係買咗兩把反光遮唔啱用想換款，但佢已經冇入我想要嗰款，雖然可以俾我換返其他嘢但要即場揀冇得後數，亦都冇想買嘅燈同袋，結果求其換兩條帶。佢個招牌卡卡扣係幾方便，但唔用帶就更方便lol 其實手帶出街時都可以用下，頸帶就要去旅行先大作用啲，但而家都冇得去旅行得物冇所用就是 . 📷 RP + EF 2470 F2.8L / EF 100 F2.8L #馬高敗家博物館

Ｒ先生消失了，沒有再回來。 我所指的消失，不是說有誰突然不再愛誰，然後誰就從我生命消失的浪漫化比喻。我說的是字面意思，「Ｒ先生真的消失了」，當我一覺醒來他便沒再用Whatsapp上線，IG、Faccebook的帳號統統刪掉，甚至當我致電給他，竟連電話號碼也沒登記。 這個年代的人來得很快去得很快，上次隨隨便便吃的一頓晚飯原來就是最後一餐，之前一直沒人告訴過我這件事。 ／ Ｒ先生消失之後，留低了幾坨屎，全部等待留下來的人替他收拾。 我們以前是工作上的伙伴，在屯門區內合資開過一間書店，算是一起創業。可是創業創到一半就發生這種事，他消失了，留下一間無法運作的書店，由我一人獨力維持。這家書店主打賣香港文學，但其實只是幌子，裡面甚麼書都有。 我有份合辦書店，起初僅屬小小的興趣向投資性質，日常打理都靠Ｒ先生一個人做。但他忽然走了，之後如何續租、如何營運，也只有我一個人談。 ／ 業主是位師奶，四五十歲、短髮微鬈、戴著金絲眼鏡。我把實情一五一十告訴她——我的合夥人突然消失了，所以想她幫忙通融，在新租約前給我一個月左右免租期，當我是個新租客，好讓我接手跟進他消失後的事。 師奶點點頭：「嗯，現在生意不易做。」她拓一拓眼鏡，對我和譪可親地微笑：「這個年代都喜歡突然消失，以前的人不會這樣，他們很有交帶，無論怎樣趕急也要把事情交代好後才會走。」她忽然感嘆起來：「你知道嗎？我很喜歡年青人，希望可以幫到你們，也很明白你們⋯⋯人生就這樣，你們也不想。」 坦白說，Ｒ先生消失，其實我沒有特別恨他。不知道為甚麼，可能我們是同年代吧，我明白他為甚麼突然要走，而且一定要走得無聲無息，嗖地一聲，再也不見。這個年代的人都這樣，總是來不及道別。 「我盡力幫你。」師奶說：「我真的很喜歡你們，你們做生意時特別有活力，讓我想起自己以前。放心吧！你讓我想想辦法！」師奶瞇起眼睛笑，笑得很真誠。 ／ 後來業主把單位租給了另外一間美容院。聽地產經紀說，是對中年夫婦把它租走了，因為他們不用免租期，每月還可加租一千元。他們把裡面的書架啊櫃枱啊裝修啊全部拆掉，裝進最新美容的儀器，一團一團地招待遊客。 為了節省一些租倉的開支，我連絡了Ｒ先生的女朋友，以及Ｒ先生的家人，問他們可不可以幫忙處理Ｒ先生的留下來的爛攤。可能因為實在太爛，所以他們沒多細想便答應我。 Ｒ先生在生意、工作方面的事情全部由我來跟進打點；至於朋友與家人等等方面的，則全部是Ｑ小姐負責。 我向Ｑ小姐抱怨Ｒ先生消失後要跟進的一切，例如續租、搬舖、來貨、點貨之類的事，全部都很麻煩。我向他抱怨：「你男朋友啊，這樣說走就走，忙死我們。」 「他不是我男朋友了。」Ｑ小姐說：「他離開之前便和我分了手。」 Ｑ小姐長得很漂亮，眼睛很大，有人說她有一雙桃花淚眼（我也不知道這是甚麼鬼），總之是關係不怎麼穩定，但是從來不缺關係的樣子。她告訴我，她近來認識了幾位新人，逐一打開他們的IG我看，給我點評他們的性格、職業、身家。 「喂！這個很好！比Ｒ先生好多了！」我看著她發光的螢幕：「你喜歡他嗎？」 Ｑ小姐甜笑著：「沒有辦法，我們也要生活下去。」 ／ 我和Ｑ小姐一人捧著一個大紙皮箱，一起來到Ｒ先生家裡。他的父母都很好人，一見是我們，便熱切地招待我們坐下，問我們喝不喝這個、吃不吃那個。 那是一間極寒酸的公屋，從玄關到廳的走廊上，沿路放滿一大堆沒有用的雜物（膠箱、公仔、報紙墊著的鞋盒），近窗的露台掛滿衣物，擋住所有街景和光。我們一人捧著一個大紙皮箱（直到現在還未放下），放眼望去整個單位都沒位置可放。 Ｒ先生的爸爸指著其中一道房門大叫時，聲線沙啞而低沉：「放在他床上！反正都沒人睡了！」 我們照他意思走進房間裡面，在他床上（直接在他的被鋪上）放下兩個大紙皮箱。紙皮箱的角落還破破爛爛的，勉強用膠紙封好，附了很多塵。 Ｒ先生的家人叫我們留下一起吃飯。他們一家有四張椅子，一開飯了，他們便向著自己本來會坐的位置上坐，只有我一個人對著一張空櫈（肯定是Ｒ先生的）。Ｒ先生的母親盛出四碗飯，拿出四雙碗筷。 他們感謝我這麼幫助Ｒ先生，順勢又罵他：「那個臭小子，突然就消失了，去了哪裡都不知道。」我一面用Ｒ先生的碗筷吃飯，吃著Ｒ先生最喜歡的菜色，一面聽他爸爸抱怨他的兒子。 最後他們問我，要不要帶走R先生的PS4遊戲碟，他們說很多都很新，如果想玩就拿去玩，不必和他們客氣。於是我帶走了一隻《RDR2》，那夜回家打了一晚通宵。主角騎著一隻馬，在一個地方打了一場仗，然後又騎著另一隻馬，去個更遠的地方打另一場仗。我玩到一半就睡著，隔天模模糊糊地上班。 ／ Ｒ先生消失之後，我發現這件事情根本沒人在意，也沒有人可憐。原來留下來的人會繼續生活，我們甚至可以過得更好。 （完） #羊格短文

食住梵高月餅、帶住3D眼鏡、玩立體啤牌♣️ 🥮SENSES珍藏版奶黃月餅禮盒 – 星夜🌃 SENSES Amuseum結合梵高 (Van Gogh) 經典名畫《星夜》與香港著名景色型格設計🇭🇰，月餅禮盒結合香港尖沙咀海旁優美迷人的景色，配上《星夜》的夜空，活靈活現將這幅經典名著注入創新且獨特的本地元素，讓這個梵高筆下的《星夜》月餅禮盒賦予新意義💡。 套裝除了有香濃、口感豐富的頂級奶黃月餅外，更送上以梵高畫作為題的別注版卡牌🃏，卡牌主要是紅藍立體原理解析，配合3D眼鏡👓，使卡牌圖案立體富有層次感，透過視覺效果進入畫作意境，細味箇中的設計，將藝術融入生活。 ♦️零售價 $388 📍 SENSES GIFTS @senses.amuseum 尖沙咀海港城海洋中心4樓407號 @harbourcity 太古城中心誠品一樓 (L135櫃位) @cityplazahk 📮Follow @fm.feed ➡ to discover more appetizing foods #foodporn #foodiehk #hkfoodblogger #foodphotography #foodstagram #hkeats #hkfoodhunter #hkfoodie #likeforlikes #followforfollowback #discoverhongkong #香港美食 #相機食先 #美味しい #美食摄影 #食べるの好きな人と繋がりたい #盛思登館 #sensesamuseum #月餅禮盒 #月餅 #mooncake #中秋節快樂 #midautumnfestival #梵高 #vangogh #hkart