【 電視史話／《碧血劍》20周年 】 _ 世紀疫症之下，「Po舊相」變成藝人保持曝光的方法。有趣是，這些Latergram分分鐘「Late足」廿幾卅年，比如近年已淡出幕前的Eric Kwok太太葉佩雯（Grace），日前失驚無神在個人facebook專頁和Instagram同步分享一張舊相，而且並非時裝打扮，而是激罕「古裝Look」，保證大家以往從未見過，她以一個笑笑Emoji介紹：「古裝嘅我！你見過未？」 _ 奇怪了，翻查葉佩雯的演藝生涯，好像從來都沒有拍過古裝劇和電影，為何會有如此造型？原來背後有段古：「想當年Casting（試鏡） 一齣劇集嘅女主角，落選左（咗）原因係我太英俊同太似洋妞（鬼妹）！」文末又加上標籤「 #CALLME葉大俠」。此帖一出，不少網民立即「電視偵探」上身，想找出當年Grace到底為哪套無綫古裝劇試鏡，有人估《雲海玉弓緣》（2002），有人估是《青蛇》（只在1993年拍過電影版，1998年《我和殭屍有個約會》裏亦曾出現這個角色），亦有人話這身打扮和氣質可以飾演《絕代雙驕》裏的小魚兒。 _ 但統統都不是，於是有讀者試圖從年份着手。「嗰個年代係咪咩蘭桂芳咩傾斜度嘅年代？」（1998年葉佩雯推出的單曲《蘭桂坊的傾斜度》）近了，Grace再給多一點提示：「大約2000年！」最後答案，Grace只在Instagram開估，「係碧血劍！」這套由李添勝監製的無綫古裝劇，改編自金庸同名原著小說，1999年開拍，於2000年11月20日首播，是為33周年台慶劇，共30集。林家棟飾演男主角袁承志，江華飾演金蛇郎君夏雪宜，佘詩曼飾演阿九（即長平公主），同劇還有吳美珩、歐子欣、袁彩雲、關寶慧等演員。觀乎葉佩雯當年的古裝扮相，跟溫菁菁的造型幾乎一樣，故此Grace口中所說的「落選」，其實是敗給飾演溫菁菁的歐子欣，不過歐子欣拍罷此劇後便淡出，所以依照今天娛樂新聞的編輯角度出發，焦點還是落在佘詩曼身上。 _ 今時今日的佘詩曼，演技當然無容置疑，兩奪無綫視后，更憑《延禧攻略》在內地爆紅，不過回想當年剛卸下港姐身份變成全職演員初期，雖然備受無綫高層力捧，安排大量演出機會，連續三年（1999-2001）飾演金庸武俠劇的女主角（《雪山飛狐》、《倚天屠龍記》、《碧血劍》），又有份參演《刑事偵緝檔案IV》（1999）和《十月初五的月光》（2000）兩套重頭劇，人氣爆升。 _ 但因為不是紅褲子出身，幕前經驗又太少，演技稚嫩而受到批評，更指她以「雞仔聲」講對白很刺耳，她當年在《志雲飯局》曾向陳志雲承認對此批評不開心，但下定決心要改善：「我有喺屋企讀報紙，朗讀半個鐘頭，讀咗幾個月，係有幫助，另外當時拍《雪》同《刑》，對住陳錦鴻成年咁滯，因為佢本身係演藝學院，對演戲有好多理論，佢就不斷將學到嘅嘢灌輸畀我，佢都幾關鍵，係佢令我對演戲產生興趣。」直至2006年《鳳凰四重奏》一人分飾四角之後，演繹角色的技巧漸見成熟，逐漸鞏固無綫當家花旦的地位。 _ （13092020） _ #游大東 #游大東影視筆記 #碧血劍 #金庸 #李添勝 #葉佩雯 #佘詩曼 #電視史話 #hkig #tvdrama #hkdrama #13092020 #latergram @agnestvblovers @charmaine.sheh @love.charmaine_sheh.forever @hkgirltalkdrama @katung.lam

[無綫][蘭花劫] **最新消息** **TVB今日回應傳媒查詢：「該劇於2007年製作，同年透過TVBI發行至海外市場播映，乃無綫劇集片庫中的滄海遺珠，主要演員蘇玉華、田蕊妮、唐寧、胡定欣、陳錦鴻、黃智賢及胡諾言等全程投入，用心演出，贏得不少好評，而劇集當年並於香港第一所監獄－中環域多利監獄取景，真實感強烈。《蘭花劫》將重新以數碼技術優化聲畫，誠意值得向觀眾推介，該劇將由5月29日起逢周一至日晚上9時30分播映。」** 係呀，個卡士係咪好怪雞呢？蘇玉華、田蕊妮、唐寧做三姐妹，仲有陳錦鴻，呢套喺2006年拍好嘅戲，其實無綫收費台同埋海外一早播咗，之後就一直放喺倉底冇喺免費台播。 突然傳消息，話接《不懂撒嬌的女人》棒喎！由4K一跌跌返落標清（係呀，連高清都冇），真係好大衝擊。雖然係蘇玉華少有做反派，加埋田蕊妮一定有保證，但11年前拍落，真係叫人卻步。 我收到風，大台已經喺倉底拎返《蘭花劫》出嚟再剪過。雖然仲有一段時間先播完《撒嬌》，大台又可以好似《三生三世十里桃花》咁突然抽起又得，或者其實係喺1900線播又得，依家講乜都係言之尚早。 本來話播嘅《三個女人一個因》唔知做乜要抽起佢，我好想睇……次次黃智雯擔正就畀人抽起，之前《超能爸B》又係咁，真係唔好彩…… #無綫 #TVB #蘭花劫 #蘇玉華 #田蕊妮 #唐寧 #陳錦鴻 #不懂撒嬌的女人 #三生三世十里桃花 #三個女人一個因