【長文慎入，有感而發】 【呢條片令我好崩潰……😭😭😭】 . 呢條片係短版，長版你可能喺上個月尾睇過。但你未必發覺，整條7分鐘嘅片段，其中6分鐘要我後期，逐字逐句夾咀型夾語氣為自己配音的…… . 事緣當日洪先生返工，場地只有當日能借出，於是我一個人拖喼到青翠草地set機拍攝。當日天氣非常好，陽光普照，汗流浹背，妝都溶了，更不自量力想逗起太陽傘石躉，結果磨爛咗3隻手指。皮外傷小事，拍咗兩三takes搞掂。臨走前check check 片，確保自己有㩒錄影掣，頭10秒有聲有畫就鬆人。 . 麻煩事來了！我即晚11時打算剪片，input條片後，頭1分鐘還可，但1分鐘後「沙沙聲」，2分鐘後情況更嚴重，嚴重到聽唔到我講乜，明顯係咪線接觸不良，簡直情天pig pig。我有諗過重拍，但行唔通，因為： . 1. 我要趕著交片，而且我冇檔期重拍； 2. 場地短期内冇空檔借出； 3. 之後整個星期都落雨…… . 結果，我決定·為·自·己·配·音！ . 1. 我雖然有文字稿，但我喺現場不斷爆肚，所以我要逐句仔細聽，再抄番助語詞，一字一句要好清楚； 2. 然後每一句模仿當時嘅語氣、手勢、甩咀、透氣位錄音，錄完即airdrop落電腦剪，逐隻字的頻率波幅對照原聲跟到足，有時我要Chok埋個頭、Chok埋隻手來模仿當時語氣； 3. 我拍片有個習慣，臨離開前會錄1分鐘現場聲音作保險。今次呢條現場雀仔叫聲作為第二聲道，loop咗6-7次，大派用場。 . 唔好睇少短短6分鐘，我由晚上11點，配到第二朝0600，足足7個鐘，配到靈魂出竅，亦要好小心每一小格聲音檔不能調亂，否則從頭來過。 . 我將成果俾專業嘅洪先生睇同聽，嚴格嘅佢話雖然有少少甩，但整體ok，我先放心交貨。昨日我客戶坦承呢件事，對方話老闆好滿意段片，仲話我演繹得好自然。非常感激我的合作伙伴🙏🏻🙏🏻🙏🏻。 . 寫咁大篇嘢，我想講嘅係，鏡頭前7分鐘，鏡頭後7個鐘，拍片並唔係一件容易事，經常有不可預見嘅技術上問題。我呢條片如果嚴謹啲，係要統一陽位及陰位。試過到外地拍攝，為連貫第一鏡的太陽位，成隊人等太陽出來等足兩個鐘。 . 唔知有幾多人睇到尾，總之記得呢件事就如我哋嘅人生，遇到任何困難，冷靜下來，只要花心機與時間，一定有解決的方法。 . 重溫我在 #GlobalHealing 的配音功力： https://fb.watch/6Q26uiG5Lj/ . #murphyslaw #akinafong #方健儀 #hkig