讀者投稿：Eddy

睇完你噚日嗰篇「按照自己鍾意嘅方式生活，已經代表你係一個成功嘅人」，我想講下自己18歲嘅時候，哥哥離家出走。

雖然同哥哥有7年嘅距離，不過我哋兩兄弟感情好好，當時佢打緊一份銀行工，好多人以為普通Teller好輕鬆，其實佢晚晚都要OT，我問過哥哥：「銀行唔係5點閂門咩，點解你日日都係朝8半晚8半咁，返足12個鐘，工時仲長過保安？」

哥哥話：「傻仔，你估5點閂門就真係走得咩，仲要埋數，唔啱數全部人要留低㗎，成日都發生，而且仲有其他工作嘅手尾跟。」

其實哥哥有時會同我分享工作上嘅谷氣嘢，例如比上司鬧，畀啲無理取鬧嘅客人纏擾，不過當佢返到屋企開著部遊戲機嘅時候，哥哥就會開心返啲，情緒明顯有好大放鬆，只係阿爸阿媽會一直鬧佢：「放工返嚟就沖涼瞓覺啦！仲打機，一陣恰眼瞓數錯錢畀人炒呀！冇咗份工點算呀？仲要供樓㗎！」

哥哥份糧畀完家用，仲要幫屋企供樓，佢自己剩低嘅錢唔多，對比起同年齡嘅人已經好少出街，唯一興趣只係放工打下機減壓，但係都要畀阿爸阿媽限制同埋鬧佢。

後來哥哥職位上有所轉變，本身做Teller已經要sell客買銀行嘅保險同各式各樣嘅定期存款，跟住再要進修一啲牌照，因為仲要sell客買基金之類，換言之即係要跑數，壓力亦比之前大咗好多，我見佢終日愁眉深鎖。佢好唔鍾意呢份工，好討厭追數，曾經提出過想轉工轉行，但係畀阿爸阿媽拒絕，家中兩老嘅思想認為，銀行工或者政府工先算係一份好工，出面其他工都冇前途。

我仲記得有次哥哥放工返嚟又係好唔開心，上司責怪佢幫唔到銀行sell嘢，好似話追唔到target，哥哥同我哋呻完就打機，見佢表情放鬆咗，忙咗成日，呢一刻佢叫做稍稍減壓，點知阿爸阿媽又走嚟鬧：「 Sell保險sell基金有咩咁大壓力呀？廿幾歲人仲打機，遊戲機係小朋友打㗎！早啲瞓啦！冇精神做唔到嘢，老細遲早炒你！」當時只係夜晚10點左右。

兩老除咗認為銀行工或者政府工先算係一份好工之外，亦認為每個人應該只為返工而活，放工就要食飯沖涼瞓覺，準備第二日嘅工作，唔應該有任何娛樂，人生只係需要返工搵錢，保住個飯碗唔畀老細炒魷就係最大成就。

哥哥周而復始每日忙碌過活，忙工作，忙sell銀行product，忙住討好上司，忙住奉承啲客，忙住喺每個月份糧裡面拎一嚿錢出嚟畀家用同幫手供樓，一年365日都冇心機，佢根本唔適合亦唔鍾意呢份工，有時我感受到佢已經到達精神上嘅極限。

有一晚，我同同學做project晏咗返，返到先知阿爸將哥哥部遊戲機送咗畀親戚，仲要對住哥哥講：「成熟啲啦！邊個冇壓力呀？打機浪費時間！」

同晚哥哥一言不發，自己落咗街，自此冇再返過嚟，連一件衫都冇拎。當時我好驚，擔心佢會做傻事，好在佢之後有聯絡我報平安，哥哥話唔再返嚟喇。

阿爸阿媽去過哥哥間銀行搵仔，但同事話哥哥辭咗職，仲要係賠人工即走。

然後兩老去咗警署，阿爸無論報案抑或係同親戚交代嗰陣，都係咁樣同人講：「最衰係部遊戲機，搞到我個仔變晒，我養到佢咁大，點解佢唔體諒下我呀！」

我同阿爸阿媽講過，其實係你哋唔體諒哥哥，當然佢哋唔覺得自己有問題，總之錯嘅永遠係其他人，仲鬧到我狗血淋頭。

家事細節我唔交代喇，哥哥有keep住同我聯絡，佢冇事，但冇再返過嚟。

我冇步哥哥後塵，讀完大學去咗台灣，呢度就算係賺唔到大錢嘅人，一樣可以擁有自己嘅生活，擁有一個合理嘅空間。我喺台灣學識咗一樣嘢，就係你所講嘅「按照自己鍾意嘅方式生活，已經代表你係一個成功嘅人」，做人最緊要心中富有。

其實唔止我嘅父母，仲有好多人從來冇喺別人立場同埋角度去思考，例如你噚日篇文個老細。

除咗工作之外，每個人都應該有自己嘅嗜好同埋減壓方法，唔需要好昂貴，但理應被尊重。

我表弟已經失業咗好耐，之前都提過佢老竇叫我幫手搵工，本身真係好唔想，但係不敵奪命追魂call，仲有我阿媽不斷做說客，結果都係心軟打畀表弟傾兩句，冇工介紹都試下搵出問題所在。

我：「你之前搵咗咩工啫？」

表弟：「冇呀，銀行工咋，但唔想做teller，因為想入內部學多啲投資技巧。」

我：「你好似讀傳理系喎，唔搵返啲media嘅工？」

表弟：「嗰陣覺得傳理系同Marketing呢啲型吖嘛，但見啲friend做都搵唔到錢。」

我：「有咩工係一嚟就搵到錢？我都想知。你對投資有研究有興趣咩？冇聽你提過嘅。」

表弟：「冇㗎，不過想搵啲賺到錢嘅工，teller嗰啲冇前途㗎，淨係幫人提款開戶，學唔到嘢。」

我：「咁你去證券行做囉。」

表弟：「我又唔想sell嘢。」

我：「唔怪得你一直搵唔到工啦！」

表弟：「表哥你headhunt呢行係咪好賺錢？」

我：「你冇sales又冇HR經驗，一起步都係萬幾蚊底薪，賺唔賺到錢睇你點做，不過應該唔會請你。」

語重心長講一番說話，做咩都好，唔好齋諗點樣賺錢，而係要諗點樣令自己值錢，冇任何工作或者行業係包好賺，如果你而家做緊嘅工作唔賺錢，就先賺知識、賺技術、賺經驗、賺人生閱歷、賺人脈，你賺到以上嘅嘢，自然會賺到錢。

行行出狀元，你睇下幾多有錢佬純粹係老粗冇學歷，因為賺唔到錢得一個原因，就係諗得太多，做得太少。

不信股票信磚頭 提早退休 - 方元

今天，未到60歲，已有4、5層樓，早已達標。人家笑他笨，罵他沒大志，他什麼也不說。他計劃下一個月，遞信辭職，提早退休，享受人生。

「我不信股票，只信磚頭。」朋友說。

問他為何不信股票，他的答案十分「標準」：「曾經滄海難為水。」80年代中輸了很多錢，便決心不再買賣股票，專心靠買樓作退休保障。其實也只不過幾萬元，但於他的收入來說，卻是大數目，可是多年儲蓄。

朋友兩夫婦80年代中學畢業，便投身社會工作。太太讀LCC，做會計文員；先生去銀行做teller；98年金融風暴給裁了出來，去了做物業管理，現在亦只做到supervisor的職位。於事業言，談不上有成就，但他隨遇而安。

他們兩夫婦沒子女，做的是一般文職，兩人月入共3-4萬元，住在嘉湖山莊一個500呎左右單位，生活簡樸，不奢華花費。去旅行以參加中國和東南亞團為主，近年才去遠一點的歐美等地。

他們有錢便儲下來，閒時去看樓。他和太太住元朗，專看一些附近30年以上的舊樓，尤愛看單幢樓，他的哲學是寧願買得細，也要買得平，怕跌市也不用蝕太多，是典型的保守派。

「買單幢樓，無會所無設施，管理費自然平，即使租金回報較大型屋苑低也很划算。」他專吼300-400呎左右的單位，翻新一下，「一定要做好冷氣和廁所，租客大多有傢俬，見單位新淨，廁所光猛，冷氣又靜又凍，給多500元租金也覺值得。」

他們家亦擺滿了舊傢具，看那個租客需要便補上，以備不時之需。

「我們工作的是小公司，沒退休保障，供強積金根本幫不到，惟有靠自己。」

他的「算盤」是在60歲退休時，除了自住單位之外，有1-2層單位收租，即使租金低至只有4、5千元，一個月也有一萬元左右收入，於願足矣；若遇上市道好，像在去年和前年所簽訂的租約，平均有10,000-12,000元，則綽綽有餘。

他們正是許多我們一代香港人的寫照，靠自己，不怨天尤人，買股票輸了，不會說股市呃人；買樓貴了，不會說地產霸權；沒升職，不會說老闆壞話，只怪自己做不好，一生人默默耕耘。

最近，他竟然多了一些嚕囌，說給一些年輕同事罵，說香港正是因為他們這些默默耕耘的人而斷送了香港的前途。

「他們批評我們不去爭取，他們說若政府搞全民退休保障，我便不用日日掛住儲錢退休；他們說打倒地產霸權，他們便不用怕買不到樓了；他們說搞標準工時才叫做平等……」

他們50多歲，過多幾年便退休，從來不奢望發達，亦從沒想過要向人伸手，他說那些年輕同事讀完大學，有些更讀完碩士，又去過不少地方旅行，卻不知道甚麼叫做現實。

他口中的現實不是甚麼民間疾苦之類，而是說「如果真有他們口中的民主理想的話，為何世界上有民主的國家，稅收那麼高，政府仍然負債纍纍？又為何貧富懸殊仍十分嚴重？又為何失業率，尤其年輕人的失業率會那麼高？」

他說自己是平凡人，亦蠢，看甚麼都只是用常識，不相信退休保障可以真的令人退休後有保障，不相信打倒地產霸權後便沒有另一個霸權，所以自求多福，靠自己。

別人看他們的生活或許認為他們生活沒有趣味，人又斤斤計較；但他們清楚知道，明天失去了工作，怎麼辦？於是20年來勤奮工作，儲錢買樓收租。

今天，未到60歲，已有4、5層樓，早已達標。人家笑他笨，罵他沒大志，他什麼也不說。他計劃下一個月，遞信辭職，提早退休，享受人生。

不怨天尤人，只靠自己。

http://lifestyle.etnet.com.hk/…/weal…/wealthmanagement/38949

#投資 #生活