【龔成問答信箱】（Q20221-Q20240）

Q20221：

成哥，想請教你關於股票的買賣時機和持有股票的時間,及我的遠景

1.我不做短炒，但又覺得長線投資有點遙遠，我想改變策略做中線投資，不知道成哥對中線投資而獲利有什麼看法？

2.我自己中線投資買入時機的策略：（i）據我翻查過往股災的紀錄:
(a)1994~1995年 總跌幅為45.3%
(b)1997~1998年 總跌幅為61.1%
(c)2000～2005年 總跌幅為54.7%
(d)2007~2008年 總跌幅為66.6%
(e)2010~2011年 總跌幅為35.3%
(f)2015~2016年 總跌幅為36.1%
(g)2018~2018年 總跌幅為26.7%
（h)2019~2020年 總跌幅為30.2%

以上數據2018年為小型股災總跌幅為26.7％。我想在股災時分注買入，而不做月供。若我計算恆指從頂位回落25％成為我分注的第一注，其後恆指回落10％我再入第二注，如此疊加。反之，若恆指跌20多％後幾個月不跌反升進入牛市一期，我便一口氣買入，以上的做法如何？

3.我中線投資賣出時機的策略:
(i)投有股票時間:
我持有股票時間短至1年，長至3年，3年內必定清倉，一股不留。

(ii)賣出股票時間:

(a)當從股災見底一刻計算持有股票至1年然後沽出30％的股票。這樣做是想取回本金兼些微利潤。

(b)在1年至2年間內觀察市場氣氛，然後沽清50％股票。這樣做是考慮市場進入牛市二期，快三期的情況而考慮的。

(c)現時只剩20％股票，假設遇上股災就由佢坐艇，如冇既，3年內清倉。以上做法又何?

4.其實股災每2～3年就來1次，按照我上方策略，賣出後再買入唔係更賺嗎？成哥你話賣出後味必有機會買入，其實意思是買入便宜價吧？假設買唔到便宜價，合理區也可以吧。

成哥你也在書中寫出比亞迪的天堂與地獄，由88蚊回落至12蚊，其實冇賣出味賺唔到？

假設88蚊賣出，佢唔落番12蚊，佢落番30幾蚊對當時來說也是合理價吧？在股災前賣出其後再買入不是更好嗎？

當然，冇人知股災幾時來臨，但猜得較接近總是可以吧。賣出後再買入頂多利潤賺少左，但又唔駛承受股災帶來的風險，為何不做呢？我不是挑你機，我當然沒有資格，只是帶出我想法。

成哥繼續努力，永遠支持成哥您！

龔成老師：

1）我之前做過銀行同證券行，見長線客始終賺錢較多，短炒客較難賺錢。

另外，如果你分析全球真正賺錢的投資者、經金經理，佢地都唔短炒，都是長線投資的，巴菲特都反對短炒。

因此，你應該全力長線。如果想中線，真的小部分好了。

2+3）你這樣的推論，會出現了一個盲點，就是表面過去式的推論。

例如你去賭場，見到連續10局，都會大小大小這樣運作，你就將10局套用永遠。你會說服自己，這套模式能運用到過往所有時間（但其實是你由當中的所有時間去抽出數據，當然能應用到），但到第11局，是這些數據以外的，能否應會，無人知。

其實你這類想法，我在20年前已做了唔少研究。技術分析的原理，就是統計學，我數學科是「A」的，我20年前花了大量時間研究，結果，用了幾年，輸足幾年！

你回歸翻「企業價值」面，平貴，是最好的方法。你睇下全球邊個投資者最賺錢？佢點解唔用這些方法？點解？？？

4）我地可以計平貴，有時在貴的時候賣出，等跌的確有賺，但最大的問題是，好多野好難預測。

當時比亞迪（1211）$88是貴，賣出，等跌買入，的確有賺，如果佢企業價值增加，佢股價的確不會支持到$88。

但如果好似近年，佢的業務開始增長，全球都開始用電動車，佢上到$100最初是貴的，但由於企業價值有增長，慢慢又變成合理，如果用你的方法，就會在$100賣出了。

你試想想，如果用你的方法，在過往，港交所（0388）、騰訊（0700）在這麼多年，股價上升100倍時，你的方法能賺到多少？可能連一倍都賺唔到。你怎樣能賺到100倍，就是「唔好賣」。

------------------------------------------------

Q20222：

老師，我唔係好理解到點解美債上升，對納斯達克指數同科技股會有咁大嘅影響？

龔成老師：

關鍵是企業估值，當我地進行估值時，會以無風險利率作為其中一個估值因素，當無風險利率上升時，企業價值會受影響。由於科網股的現金流集中在較後段的年期，所以當估值運用折現率時，對佢地的價值影響，會比傳統企業更大。

當然，要正式計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q20223：

想分享因為平時返工冇時間睇市
5 年前蝕左5 萬之後一直冇再玩股票

10 月開始因為在家工作又玩返
最初好易賺錢
買穩陣野都賺到一萬幾千
但最近，日日睇住個市

覺得身心健康都變得好差
花好多時間睇人分析
但賺得唔多
甚至而家一手坐艇股....

我32 歲月入60000
供樓10000
有積蓄約70 萬現金 30 萬股票

但真係唔敢大部分錢都放在股票....
我決定下月開始月供
823 2800 每樣2500 替代日日甘捕市了....

請問老師仲有冇邊隻建議供？

同埋有冇邊啲潛力股？
我睇你2019-20 的50 隻潛力股
好多都倍升 甚至幾倍升了 ....
現價是否太遲？

謝謝老師你

龔成老師：

其實日日睇住個市，未必賺錢的，我過往做過10年銀行與證券行，我見到好多短炒客都是輸，長線投資者就贏。

所以，你現時長期月供，是正確的做法，原理是儲優質股，成為你財富的一部分。這樣壓力較少，財富長期增長乜較多。

其實你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票。

你可以考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股，則可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。總之買入的比例宜比平穩增長股為少。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q20224：

你好老師，本人26歲，月入15萬，已有現金340萬，是投資新手，剛買左00941 -5000股和9633 -2000股 和00175 -1000股，想在一年內多200萬，

可以如何分配？
謝謝你

龔成老師︰

我地一般目標，係年均回報10-15%，要1年內提升多200萬，用股票就未必適合。但長線計，我都建議你用部份資金去投資優質股，為自已增值。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時的年齡，是財富增值的黃金時期。策略上，你可以投資"平穏增長股" 和 "潛力股"。中國移動（0941）係收息股，無乜增長力，不宜持有太多。你先用每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

現時大市只是合理區，你現有340萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q20225：

龔sir你好，我是新手學投資，上星期31.450購入1手中芯國際，尋日收市突然跌到去26

本人睇好中國芯片都會有長遠既發展，我係咪應該止蝕離場？

另外有購入小米和京東健康，依兩股都睇好，都係諗住長擺，新手黎講我係咪唔識分配投資，thx

龔成老師︰

首先，我地投資會因應年紀，去選股。若你係較年輕，上述股票都可以。

中芯國際（0981）本質不過不失，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為好優質的股票，只屬中等。再加上中美問題，令不確性增加左。因為有些舉措，未知會否對集團發展，造成長線影響。

雖然近期以由高位$4X，回調到$2X，現時市盈率已經去到8X倍，依然係貴架水平。此股質素和吸引力一般，如果佢佔你組合比重唔高，可以守。

而京東健康（6618），業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但要做估值好困難，佢未有盈利之餘，不確定性都大，但市值欲去到5000億以上。

只能說，而價計依然唔平。若你只是小注，就無問題。若太大注，最好沽出部份去平衡風險。

小米（1810）長線持有，係可以。

------------------------------------------------

Q20226：

你好阿sir, 我手上有00066，02800，00823，09633，01833，01810，09988， 之前一手手買，各一至兩手貨。現考慮月供方法投資，每月用3k

1）比亞迪潛力空間係咪大過騰信，邊個好D？2）想買一手02382 or 03067, 邊個潛力大D？謝謝解答先。

女，37歲thank you

龔成老師︰

1） 其實2隻都係好有優質和發展潛力，但比亞迪（1211）會較高。

比亞迪（1211）現價偏貴，回到$120才較合理。而騰訊（0700），則要回多1、2成左右，才算合理水平。

2） 舜宇光學科技（2382）如果你睇好手機鏡頭發展，可以投資此股。但現價偏略貴。

而安碩恒生科技（3067）係一籃子科技股組合，較具分散風險能力。現價在合理區頂部至略貴，可小注入貨。月供，慢慢分注入。

月供組合方面，平安好醫生（1833）係潛力股，但就屬於較高風險的類別，我自己會比較怕投資這類。

業務上，佢地的確是高增長，同時業務有發展潛力，但睇翻佢地的財務數據，此股好難估值，你投資都可以，但小注好了。小注月供都可。

------------------------------------------------

Q20227：

龔sir, 你好～小妹一直係你fans，家中已集了多本你出版的書，如50值博倍升股、五年買樓四步曲....當中五年買樓四步曲，睇了一次又一次。

最近遇到一個難題，前年買了沙田第一城放租，現在差不多三年，第一城依三年可以説是易放租，租金可以頂到按揭每月供款

但最近考慮到第一城樓齡真係太高

如果持有多十年廿年，其升值及租務能力未必大，所以考慮轉投資啟德新盤，但那裏租金回報又不大，請問此刻是否應該樓換樓？

另外，想問下龔sir, 我的投資組合是否正確？本人35歲，收入穩定，現持有$70萬現金，$30萬股票：

港鐵 $41.5兩手
騰訊 $519 一手
領展$63.5 兩手
中移動 $47 一手
長江基建 $38.5 一手
長實集團 $47.4 一手
中國平安 $82.9 一手
盈富基金 $24 兩手
阿里巴巴 $205 兩手

麻煩龔sir提供意見，謝謝！Jennisa Chou

龔成老師︰

在整個新界區，沙田物業質素算較高。雖然佢有一定年期，但這類大型屋苑保值能力較強。而且位置較近市區和東九，該區新供應又唔算多，都係利好因素。

而啟德位於東九，都有一定潛力。但新盤一般定價都會較貴，投資價值會低左。暫時你可以保留沙田物業，啟德就等佢價格有回調，才再作考慮。

你現時持股都有質素，而且都有一定增長力，適合你。除了中移動（0941），佢主要係收息，增長力較一般，唔建議加注。

另外，長和系股票都有質素，但增長力不算強，你原有貨持有就得，但就不用加注。

現時大市在合理區，股票和現金最好各一半。你可以再投資多少少資金，加大股票比例，咁會較好。

------------------------------------------------

Q20228：

龔老師，你好我今年31歲，剛開始投資，之前間唔中都有買下股票，但唔多

現在手上有10手匯豐，而每個月大約可以有8000蚊既儲蓄

想短期目標3年100萬

我見老師你大多數介紹人先月供2800作開始，我是否應將10手匯豐轉來投資其他？

如果轉出來，我可以會選擇分散投資或是集中一兩隻股就好？如果1772/9922

果啲值唔值得長線投資？然後再每月月供5000盈富/領展？謝謝龔老師解答

想補充，現在31歲先都想投資，會唔會太遲？目標係想37歲之前買400萬以下既樓宇

現在其實手上也有20萬現金可作投資，謝謝！

龔成老師︰

31歲開始投資，都唔算太遲，依然有一定時間去做增值。

以你情況，可以利用"平穏增長股" + "潛力股"作增值組合。匯控（0005）係收息股，增長力唔高，只宜持有小注。你應將大部部份，換至以下股票，長線會較有利。

策略上，現在你每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）

或潛力股︰中生（1177）、福壽園（1448）、小米（1810）、安碩恒生科技（3067）、港交所（0388）、阿里（9988）、騰訊（0700）。

至於20萬現金和每月一半儲蓄，就等機會，當大市出現一定程度的下跌，就可以動用現金去投資，在平宜價加大力度掃貨。相信這安排，可以較有效助你儲到置業資金。

至於，九毛九（9922）上市年期唔算耐，分析比較難，因為財務數據少，好難做到準確的估值。

佢係內地中式快時尚餐飲品牌管理及運營者，佢係內地所有中式快時尚餐飲餐廳收入中排名第三，於華南地區則排名第一。

可見，在業務上、品牌上、市佔率上都不差。現時運營269間餐廳，以及管理41間加盟餐廳，而「九毛九」及「太二」為佢的兩個主力品牌。

睇翻佢的財務數據，唔差的，不過以佢2019年賺1億計，市值郤去到400億﹐明顯係貴。雖然這股都有長線投資的價值，有貨就持有，無貨，就唔太建議這刻追。

贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。

佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。

其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。

我相信佢長遠有潛力，有長線投資價值，問題只是平貴度的問題。現價略貴，小小注好了，之後等佢回落先正或入，始終行業有一定的變化。

------------------------------------------------

Q20229：

龔成老師，我是你今期投資班的學生，以往一直不懂理財

很慚愧地和一班後生仔上完幾堂後，終於鼓起勇氣寫信請教你︰

我今年41歲，儲蓄有230萬，有穩定收入（公務員），月入八萬，扣除開支後

每月可儲蓄4萬元。我是孤兒，不需要供養父母，自己也沒有家庭，但至今仍未置業。
我想請問︰

（1） 如果只是買樓自住，現在是入市好時機嗎？如果屬自住

我是否不用把租金回報率下跌列入重要考慮因素？我可否視物業為優質股票一樣，可能買貴但不會買錯？

（2） 如果我現在買樓，我應否把230萬全數用於首期及買樓相關開支（如裝修等費用）

然後用每月的儲蓄（供樓後大概3萬）作投資股票之用？還是撥出多一點現金來購入股票資產？

（3） 根據你課堂所教的水桶模式買股法，我的歲數應為40/40/20，但根據我的實際情況

我可否調高水桶1或2的比率？
期待你的回覆。

龔成老師︰

1） 租金回報可以係其中一個考慮因素，另外交通便利性，同區配套和未來發展等，都是相關因素。

想知平貴，你可以跟同區相類似樓盤作比較。現時香港樓價唔算平，但作為自住居所，最重要係"供得起"。

香港樓市，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。

另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

長遠計，租金及樓價會平穩，有少少向上，但不是倍升，不會好似過往般倍升，而是平穩向上。

2） 我地投資組合除左要係優質資產外，多樣性都好重要。

如果你現時完全無股票係手，唔建議全部用晒去買樓。要留有部份，分去投資股票作增值，咁會較好。

所以，適當運用按揭，不要用盡現金，才是更好的方法。

3） 其實水桶模式比例係一個參考，你可以因應自已情況，再作出調整。但當然，唔可以調整得過份進取。

同時你要明白，水桶1要求你有一定的投資實力，這方面你要自己衡量翻。

------------------------------------------------

Q20230：

龔sir,呢排見好多人甚至係財經界人仕，話即將冧市，現時恆指30000點算好高嗎？

以及美股的GameStop事件，都會是冧市先兆嗎？

本人持有
788。20000股@1.53
981。1000股@31.9
520。8000股@18.6
9988。400股@241

持股策略需要改變嗎？

龔成老師︰

首先，我地投資唔好去"估走勢"，應用估值平貴，去定買賣策略。

現時大市只在合理區，雖然部份新經濟股，有輕微過熱架情況。但整體大市水平，尚算合理。

呷哺呷哺（0520）都有質素，但近年增長有所放緩，不宜持有太多。

而且，我地投資時唔可以太集中單一企業，相同行業不可佔組合多於3成，而單一企業不要高過15%，否則會有過度集中風險。此股最好沽出部份，換至其他股票，去平衡翻個組合。

中芯國際（0981）本質不過不失，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為好優質的股票，只屬中等。再加上中美問題，令不確性增加左。因為有些舉措，未知會否對集團發展，造成長線影響。

雖然近期以由高位$4X，回調到$2X，現時市盈率已經去到8X倍，依然係貴架水平。此股質素和吸引力一般，如果佢佔你組合比重唔高，可以守。

另外，中國鐵塔（0788）和阿里（9988）有質素，如果你係較年輕，可持有。

------------------------------------------------

Q20231：

龔sir你好，我今年40歲，由工作而來一直無理會份MPF，全部放了在增長基金，最近睇返份MPF發現升了不少，想請教老師，我如何管理我份MPF，再可在退休有更好的回報呢？是否需要升市時轉回部份做穩定基金？還是按年齡調整風險？

補充：我在醫院工作，兩年前轉做長工，醫院為我轉供公積金，不需再供MPF

謝謝老師！

龔成老師：

由於強積金比我地平時的投資，更為長線，所以強積金在配置上，唔需要經常轉來轉去。你只要簡單按翻你的人生階段，去配置進取/平穩/保守，已經是大方向。

現時你年齡40歲，財富仍有增長力，你可以有一半或以上，持有原本基金，餘下就轉到較低風險類別。

------------------------------------------------

Q20232：

龔sir, 想問下點睇2158同8083？

龔成老師：

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

現價貴，回翻多D先考慮。

中國有贊（8083）集團主要於中國從事經營電商業務及支付服務業務，業務分類如下：

（１）電子商貿：透過電商品牌「有贊」提供各種有關虛擬批發及零售之線上及線下解決方案及服務，如「有
贊微商城」

以有「有贊零售」等ＳａａＳ軟體產品及人才服務、面向開發者的「有贊雲」ＰａａＳ雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。

（２）第三方支付服務。

（３）一鳴神州：提供第三方支付系統解決方案及銷售綜合智能銷售點裝置。

（４）一般貿易。

近年業務發展快速，生意增長力，不過，現時估值高，業務變化較，整體有好大的不確定性。加上佢過往在核數師報告出現過「保留意見」，盤數可能有古怪，雖然已是數年前的事，但都會扣分。

佢不是無潛力，但風險較高，這刻投資值博率不高。

------------------------------------------------

Q20233：

龔Sir,想請問838和1753現價值得持有投資嗎？

另外龔Sir,黎緊下個月有機會撈底買入股票作投資嗎？

龔成老師：

億和控股（0838）無研究。

初步睇佢的業務與過往財務數據，只是一般般，現價吸引力一般。

兌吧（1753）主要係中國從事用戶運營軟件即服務平台，以及互動式效果廣告等業務，不過這刻仍處虧損狀態，只可以話分析不易，有危有機類。

這都是潛力股，但風險較高，其實佢生意增長不差，只是未進入收成期，如果你睇好，小注投資可以。

另外，無人能估到大市的升跌，我地只能搞翻企業的平貴去決定買賣的力度。

所以，你最好平衡投資，部分要持有優質股，部分留現金等機會。

------------------------------------------------

Q20234：

老師，最近好多朋友都建議股票，基金投資要「泊岸」，因為有些新經濟股已瘋狂破新紀錄。

兼且首富李先生已在英國發展「小香港」，所以佢哋都會起程，認為香港無希望啦。

想了解一下投資去向？自己深信老師的長線投資理念，因早前短炒帶來痛苦體驗，決定長守。但係自己既貪心又擔心，明白未到收成期，不要理會情緒先生主導。
如你所說投資最終目的是想賺大錢，希望藉這次機會能改善自己財政狀況。

若然李先生撤資香港，我這小市民要怎樣計劃未來？長遠要投資股票在那一版塊？本人都有1038，只是仍然未到家鄉。

睇咗你最新分析，我的1211佔比已超過安全比例。但若能承受風險，是否不用理會。

不過真心不知道自己可以承受多少？

原來有錢賺都會這樣子不安，老師你真係好厲害。

我今日去書局買一本你的書給我的姨甥女，希望佢對財富增值多一些概念。

我相信這樣可以令家人和朋友早一些達至財務自由，不用終日埋頭苦幹換來卑微收入。Work hard Play hard.

謝謝您。

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

如果你認為香港股市較集中，可以同時投資美股，最簡單就是買ETF，例如：VOO、QQQ，令你的組合更為平衡。

你要從概念上，明白「平衡配置」。

至於比亞迪（1211），當我地分析是否過了適當比例時，會以長期股價作準，因此不要短期就調整，要長期。如果你能承受風險，持有都可以的。

希望書本，能提高你同姨甥女的財務知識，大家加油！

------------------------------------------------

Q20235：

老師，想問問我想買呢6隻收息股以達到每個月有息收，你覺好唔好?

1310、778、11、2638、303、883

預計每個月收息$2744，以目前股價投資大約$45000。
唔該老師

龔成老師：

可以。

上述都是有質素的股票，業務基本上都穩定，派息理想，收息可以的。這是一個不差的組合，能平衡風險，以及有穩定股息。

雖然增長力不強，但以收息為目標，可以。現價合理，可投資。

你日後如果有更多資金，打算加入更多收息股，可考慮：ＧＸ恒生高股息率（3110），這是一個收息基金，你都可以參考下。

------------------------------------------------

Q20236：

老師你好 ，我見你成日都會話投資係2800到穩陣 我就有個疑問

以我個人見解，無論升幅同息口都唔夠內銀穩陣，如果以供股形式去投資，股息都用黎抵消晒每月手續費

點解會推薦呢隻，就以今年股災表現，由低位去反現價都係3成，而內銀表現相約

息口還要高，2800升幅係食恒指，而內銀比重都高，2者相比下。應如何取捨

龔成老師：

因為盈富（2800）這是一個「平衡組合的工具」，當中有50隻成份股，對股票組合有平衡作用。

內銀是單一行業，如果你只投資內銀，就會出現行業集中風險，萬一中國出現了金融系統風險，內銀會有較大損失。而盈富有不同類別的股票，始終會較平衡。

可能你見過往表現差不多，但我地分析時，唔能夠只考慮「過往出現的情況」，而是要考慮「各種有可能出現的情況」。

我地投資，一定是「先想風險，後想回報」。

------------------------------------------------

Q20237：

你好，請問388和700邊一個好呢？
買入位是幾多好？

龔成老師：

兩隻都有質素，都有增長力，不過，兩隻都略貴。騰訊（0700）增長力會略高。

你預兩隻都是回1、2成會合理翻D，但就唔知見唔見到，所以，如果想入，可月供，或回少少小注，等跌再加。

------------------------------------------------

Q20238：

想問一問龔成老師對以下四隻股票有咩睇法😖

1）9988 佢個股價岩岩升返上去 初初好驚 其實我覺得佢個股價托得一陣 會再跌 但我知佢有實業 差極有譜
但依然心情好矛盾 原本我set左$300樓上放 依家似乎好遙遠 跌低過$200應該放左佢定買入溝淡佢？

我擔心既係唔知政府只係想罰下佢定針對佢 但針對佢都唔出奇？我200尾買入。想聽下龔成老師你對9988既睇法
佢係咪真係大到倒不下？京東同佢都平排啦個地位？

2）3690 佢仲有冇潛力沖多次過$300？

3）9991 最擔心係佢 倉庫失火兼大股東阿里巴巴出事 網站上話佢集多項服務於一身 冇人代替到
我先買 依家諗唔到佢有咩好處 所以用溝淡方法都擔心 係咪應該放左佢？

4）1137 我覺得佢有潛力發展同佢會uptodate改良營銷方法所以買佢 我預佢會去到$16-$20
但佢反覆徘徊係$10-$13 擔心自己睇法係咪錯左？

唔好意思我呢個新手 心情太矛盾太多問題🙏

龔成老師︰

首先，我想你明白"溝貨"與"分注"的分別。

溝貨是指愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話，你可因應平貴和質素，去進行。若是"溝貨"，就不是再入貨，因為再平，都只會令你增加風險。

你能分辨清楚的話，有助你更準確去做投資決定。

1） 我地投資係睇長線，唔好太在意個買入價，佢只係心理因素。長線企業質素，才是我地考慮是否持有的重點，。

阿里巴巴（9988）近期面對內地監管可能收緊，風險度增加左。早前螞蟻金服因貸款業務問題，被叫停上市。中央就是擔心這些小型信貸增長過快，但監管又未及銀行嚴緊，會危害實體經濟。

但內地唔係想佢唔賺錢，只係想規管佢。由於佢本身己建立一個完善的業務，因此本身是無得輸，只是賺多賺少架問題。

此股質素依然存在，但你預佢增在力會弱左，但依然值得長線持有。

京東（9618）同佢地位接近，有機會出現同樣情況。但投資上，阿里會較為穏健，而京東潛力較大，但風險也較高。

2） 美團點評（3690）都有質素，佢業務巨大，同時增長快，是有危有機的股票。但近期反壟斷政策，相信會對佢有一定影響。但影響有幾大，暫時無人知。

但相信只係會加強規管，而唔會係出現大改革，整體質素預期唔會大變，要上翻去應該都可以，但增長力一定會比以往慢左。

集團過往一直處於燒銀紙階段，至2019年才開始有少量盈利。未來是否維持，暫時都好難講。這類企業不是不可投資，但不能大注。

3） 寶尊電商（9991）主要在天貓、京東、拼多多、微信小程序、小紅書、抖音及快手等平台以三種業務營運模式為品牌合作夥伴提供電商服務。

提供商為品牌提供IT解決方案、網店運營、市場營銷、客戶服務及倉儲配送等電商服務。初步睇佢業務都有吸引地方，但整體賺錢能力唔算話好強，質素算係中等。

以佢2019年純利不足3億，但現時市值郤有200億，明顯係貴。如果你持貨不多，可以守。但此刻加注，我就不建議。

4） 香港電視（1137）業務有前景，但有兩點存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

第二，這企業現時搞網購，有增長力的，但同時存有一定的未知數。疫情過後的增長力會否減慢？

另外就是估值方面，我都好難講這刻的估值，只能話唔算平。此股可投資，但不確定性較高。若你持貨不多，就無問題。

------------------------------------------------

Q20239：

老師現在我有
1810小米10000股$16.5
7000股$23
6618京東健康500股$180
700騰訊100股567.5
883中海油20000股$7.2
9988阿里爸爸200股$285

1.京東健康高追左、會否升番$180？止蝕定溝貨？

2.小米應否放d？

3.現組合可否比d意見？

4.還有什麼股票好似小米咁可以翻倍？
老師真係好多謝你😘😘能夠令到我賺錢、不過真係要好堅持

因為好驚到時小米會比大陸或美國制裁會跌返落去😔而比人話點解嗰陣時賺錢唔放。

龔成老師︰

1） 由京東（9618）分折出來京東健康（6618）其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，同時暫時計唔平。所以，此股只宜佔組合小部份。

2） 小米（1810）你可考慮賣出部份，原因唔係佢質素有問題。純粹係佢你組合比重太高，個別企業佔組合最好維持15%以內。起碼去翻25%先。

你現時超過一半，會有過度集中風險。如果佢萬一出問題，你成個組合就會嚴重地受影響。

至於佢會唔會因政治或政策，而影響長線發展，無人會估倒。但此刻所見，佢係有一定質素和發展潛力，值得長線持有。

3） 中海油（0883）質素只係中等，唔建議持有咁多。

而你組合極偏重潛力股，就算你好年青，都應該加入適量平穏增長股（佔組合最少一半），去加強組合平衡性。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、粵海（0270）。

4） 其實不少潛力股，都有機會倍升。但部份現價偏貴，未係投資時候。而且你組合波動性已經好高，投資唔係買晒全部高質增長股就可以，都需要一個平衡健全的組合。

建議你先調節好個"潛力股"和"平穏增長股"個比重，咁會較穏當。

------------------------------------------------

Q20240：

我早幾個月開始睇到你個page.對股票無咩認識.10月開始左月供.供左3個月

比亞迪電子285
平均38.6 月供1500

中國生物制藥1177
平均7.7 月供1500

小米1810
平均25月供1500

買左10000股788中國鐵塔
1.35入

買左8000股1830必瘦站
2.4入

我想問下呢個組合可以嗎？

1810同285係咪都係偏貴？我仲應唔應該繼續月供定暫時停咗月供呢兩隻先會好啲？

我見788宜家不停跌。我應該守住先唔好理定係放左去好呀？

想入多一隻.想問下龔sir點睇藍月亮6993？
可能太多問題.唔該哂龔sir

龔成老師︰

月供可以幫你拉平均個買入價，基本上你一直月供就可以。但時間必需夠長，最少供3年和持有5年，才有較明顯效果。

你組合中全部都係潛力股，就算你好年青，能承受較高風險。現時比重都過高，我假設你係年青人，個比例最好係"平穏增長股"和"潛力股"各半。

未來你要慢慢調節翻個比重，否則組合個波動性會太大。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）

中國鐵塔（0788）有質素，你唔洗太在意佢中短期波動，一直持有就可以。不過增長力比過往弱左。

藍月亮（6993）有質素，佢有中國P&G之稱。成立於1992年，擁有衣物清潔護理、個人清潔、家居清潔三大系列。

佢係內地洗衣液龍頭，加上毛利率高，賺錢力強。睇佢之前數據，以零售額計，其洗衣液、濃縮洗衣液和洗手液，市佔率都是首位。分別佔市場24%、28%、17%。

整體質素係有，發展都正面。但現價唔平，現時入貨，風險唔細。

----------------------------------------------

若你有問題想向本人發問，可在龔成的fb專頁中（龔成）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【BBC中文網】南海泡沫：英國300年前一次金融危機留給後世的遺產

作為現代金融市場的鼻祖之一，英國倫敦股市見證過無數跌宕、狂熱、股災和危機，第一次重大危機發生在300年前，史稱南海泡沫。

南海公司是一家身份特殊、業務創新的英國海外貿易公司，實際以金融投資為主業，1713年開始在倫敦股市釀出泡沫，1720年春夏南海股價驟升急跌，股市泡沫破裂，觸發政壇動蕩，同時也催生了市場監管、政府行為約束、潛在風險控制等現代金融市場要素的公共討論。後人研究還發現假新聞對泡沫興起和破裂所起的作用。

南海泡沫破裂，當時輿論嘩然，各界群情激昂。政客義正詞嚴地要求展開調查挖出元兇；南海公司董事會成員被批叛國、欺詐，被傳召到議會出席問訊。文人墨客以詩歌、檄文，諷刺漫畫和舞台戲劇抨擊市場和那些被認為的始作俑者。英國財相一度被關押在倫敦塔。

風波最終平息之後，南海泡沫成了金融醜聞的同義詞，逐漸又成為經濟學一個專用名詞，指脫離常規的投資狂潮引發的股價暴漲和暴跌，以及之後的大混亂。

不過，即使到了今天，經濟歷史專家們仍找不到南海泡沫之後經濟陷入長時間衰退或持續低迷的證據。因此，有人認為它就是一樁金融醜聞，因為各種原因，被誇大成傳聞中的危機。

戰爭、股市和販奴

要了解當年究竟發生了什麼，需要先回顧一下現代金融市場的出現和早期的混沌狀態。

據史料記載，倫敦金融市場的誕生跟1688-1697年那場歐洲大陸上的戰爭有直接關係。那場戰爭被稱為九年戰爭、大同盟戰爭和其他一些名稱。起因是法王路易十四在歐洲大肆擴張版圖，遭荷蘭、瑞典、神聖羅馬帝國哈布斯堡王朝、英國和西班牙等國結盟抵抗。

為了籌集戰爭資金，英國統治當局從1690年開始在倫敦逐步建立具有現代金融市場元素的證券交易市場，1694年成立了中央銀行 — 英格蘭銀行，發行了有史以來第一批國債，並且開始發行匯票，即一種帶有「承諾付款」的代金券。

當時還開始盛行彩票、年金、股份公司、保險公司，以及各式各樣的賺錢理財計劃。歐洲大陸上，荷蘭和法國金融投資業發展迅速，跟倫敦遙相呼應。倫敦金融市場就在這段時間積累了大量財富，不斷壯大。

1713年，西班牙王位繼承戰爭結束，根據《烏得勒支條約》，英國獲得向西班牙控制的南美洲販運奴隸的權利，每年一船黑奴，為期33年；作為回報，英國允許西班牙進入英國皇家非洲公司控制的非洲西海岸所有的英國致殖民地。

這時，南海公司已經成立兩年。公司全名：大不列顛商人與南海及其他美洲各地通商並促進漁業的公司， 主營業務是海外貿易，股份制。
泡沫興起、膨脹

泡沫背後的真正原因很複雜。

南海公司跟政府做了一筆交易，從政府手裏買斷西班牙南海貿易的合同，然後政府發行的國債都打包交給南海公司管理，每年付利息。

買了國債的人可以把票據拿去折換成南海公司的股票，從政府的債主變成南海公司股東，不再拿債務利息，改拿分紅股息。國債不能買賣，但南海公司的股票可以交易。政府則把自己的債主從無數公眾變成一個，南海公司。

南海公司的創始股東包括財政大臣羅伯特·哈利（Robert Harley）和一位曾經經營彩票的金融家約翰·布朗特（John Blunt）。布朗特因為創辦南海公司，後來還封了爵位。

南海公司與老牌奴隸貿易公司「皇家非洲公司」合作，從大西洋向南美運了數千名奴隸，還得到皇家海軍護航。這更加深了公眾對南海公司得到政府撐腰的猜測，因此對它的股票更放心、更熱切。

到1720年夏天，南海公司的股票被高估，帶動大市上漲，其他公司的股價也水漲船高。部分原因是許多新手進入股市盲目從眾，還有一個原因是當時法國股市崩潰，不少投資資金流入倫敦，助燃了倫敦股市泡沫。

但是，南海公司向股東承諾的南美貿易活動和豐厚利潤始終沒有真正兌現，而公司的行為也越來越像一家銀行，開始借錢給自家股票的潛在投資者，以維持市場需求，推高價格，鞏固泡泡。

史學家愛麗絲·馬普爾斯（Alice Marples）博士指出，當時賣給投資的股票數量是實際可以交易股票數量的一倍多，從新股東手裏得來的錢被用來支付向老股東承諾的高額股息。現在有人形容那就像18世紀的龐茲騙局。

金融泡沫一旦開始膨脹，在一段時間內會迅速吸引更多各式各樣的投資者，包括新手和投機者，股價被迅速哄抬到無法持續的高位，然後遇到最後一根稻草，或因為某個偶然契機，開始暴跌。南海公司的股票從1719年到1720年底，股價飆升10倍，於1720年8月觸頂，然後斷崖式跌落，到年底跌破初始價。

當時的人們沒見過這種驚心動魄的跌宕。

狂歡盛宴結束

據一位古物和自然哲學家威廉·斯托克利（William Stukeley）在《艾薩克·牛頓爵士的回憶錄》（1752年）所述，1720年9月，南海公司股價第一次垂直下跌後，「世界正處於極大的困擾之中，成千上萬的家庭被毀」。這次股市崩潰最令人驚駭之處是社會各個層面幾乎無一倖免，投資巨大的精英階層成員和機構受打擊尤其嚴重，包括皇家學會，曾擔任皇家鑄幣廠廠長的物理學家艾薩克·牛頓（Isaac Newton）。

但是，也有幸運、精明的投資者在這幾個月的股市跌宕中找凖時機有所斬獲，比如文具商托馬斯·蓋伊（Thomas Guy）在南海公司股價從峰值跌到一半時出售自己的持股，賺了一大筆，1721年用這筆錢在倫敦泰晤士河邊建了蓋伊醫院（Thomas Guy Hospital），載入史冊。

牽涉面如此之廣的金融災禍，議會不能不展開調查，然後發現內幕交易和貪污賄賂的證據，公司幾個董事受到懲罰，包括位居內閣的高官。他們受到彈劾，私人資產和物業被沒收用來補償投資者，剩下的股份分配給東印度公司和英格蘭銀行。負責將國債打包給南海公司管理的財相艾斯拉伯（John Aislabe） 被撤職並一度監禁在倫敦塔。

最後，新上任的第一財政大臣羅伯特·沃波勒（Robert Walpole）通過巧妙的政治手段安撫公眾，為王室和金融業止損，而南海公司繼續運營，一直到1853年。

醜聞、危機和假消息

債務證券化、政府官員假公濟私、投資公眾盲從和市場的貪婪、變化莫測，似乎在300年前這場金融泡沫中登場。

英國南安普頓大學經濟學和經濟史講師海倫·鮑爾（Helen Paul）認為，南海公司泡沫破裂，究其實質應該就是一樁醜聞，雖然社會各階層都以不同形式和程度捲入其中，但跟1929年和2008年的股市泡沫破裂導致世界經濟危機不同，之所以被如此重墨渲染成金融史上第一次重大危機，一個重要原因是假消息橫行，引爆了公眾集體憤怒和道德恐慌，即使公眾對真正發生了什麼事並不了解。

鮑爾指出，首先，這件事發生在證券市場早期階段。這意味著監管、理論和法規都處於萌芽狀態或者根本還沒影子，財經記者這個概念還沒出現。公眾最容易獲得的相關資訊就是口口相傳的信息，包括無稽之談和陰謀論。

其次，這件事越燃越烈的另一個原因是傳聞投資者可以索賠，補回損失。所以，很多人便誇大自己的虧損。民間流傳的虧損規模跟史料能夠提供證據支持的損失相差極大。

再者，遇到這類影響範圍如此之廣又涉及錢財、股票投資的公共事件，輿情必然洶洶，必然會出現萬夫所指的公敵，而那個年代最容易淪為替罪羊的是外國人和出頭露面、參與金融投資的女性，還有不少宗教團體。

最缺乏的是客觀冷靜的報道和分析，於是醜聞二次發酵。

牛頓項目研究員馬普爾斯博士認為，南海公司的業務包含大量政治元素，這是泡沫形成的一個重要因素，因為在公眾心目中它的後台幾乎就是政府，而且大量社會頭面人物都加入了這種全新的理財投資活動。

更重要的是，這家公司似乎提供了一條從王公貴族到市井小民都能站在同一條起跑線上，共同「快速致富」之路。當時，從國王到女僕都買了南海公司的股票，交易盛況空前。

有過這種慘痛經歷後，公眾開始意識到市場的複雜性和反覆無常。

馬普爾斯博士指出，南海公司泡沫的破裂，再加上法國和荷蘭等地陸續發生類似的市場風波，把金融投機、新金融投資工具的價值及其風險等新問題擺到公眾眼前，推動了圍繞市場監管的確立、政府行為規範及腐敗風險管控機制的建立的公共辯論。

#歷史 #經濟 #金融 #投資 #貿易

【龔成問答信箱】（Q17641-Q17660）

Q17641：

老師，最近好多股市騙案，股價跌9成，其實咁跌法，大戶有咩著數。

龔成老師：

你可以當原本只值$10的紙幣，利用左手交右手的方法將佢推上$100的價位，之後利用「專家」推介、「朋友」推介，引散戶入貨，之後大量賣比佢地，然後唔再支持價位，$10紙幣當然會唔值$100，所以會自然地跌翻原本的價位$10。

背後人士就將自己的$10紙幣，大量以$100賣出。散戶最後發現自己唔知點解好地地一張$10紙，用左$100買入。

------------------------------------------------

Q17642：

多謝回覆，Thank you so so much ! 咁我今個月開始會月供呢三隻股票！

增長力強股票我真係唔識！我prefer 穩定同低風險！我之前其實賺過百幾兩百萬！好可惜我不懂升時賣出而且跌時Panic sell ...倒頭仲要蝕三百萬！

如果我早幾年已經認識你，可能我唔使蝕得咁慘！我而家每日都睇你係FB嘅資訊！學到好多嘢！非常多謝你！希望你賺多啲☺️

Sure thing ! Take care and be safe ! Hope to see you very soon. 到時見！Take Care.

*蝕完之後停咗好耐唔敢買股票！最近一年先開始買返!好彩認識到你！thank youuuu

龔成老師：

如果你唔想有太高風險，就投資「優質、平穩增長股」，共其實ETF如盈富（2800）、VOO、南方Ａ５０（2822）都適合你的，你都可以留意下。

輸錢都是經驗之一，這令你之後更穩陣。過去唔好理，做好將來就得。

------------------------------------------------

Q17643：

成哥，你好，想問下9997康基醫療前景可以嗎？可以30入手嗎？謝謝

之前有睇到你有介紹1830必瘦站，也想2.8入一手，不過他現價都係2.9-3.0，你覺得現價算高嗎？謝謝

龔成老師：

康基醫療（9997）睇翻佢的資料，佢係中國最大的國內微創外科手術器械及配件(MISIA)平台。

根據資料，按銷售收入計，2019年中國MISIA市場規模達到人民幣185億元，集團在國內廠商中排名第 一，在所有廠商（包括國際和國內廠商）中排名第四，所佔市場份額為2.7%。

根據資料，2019年銷量計，集團在中MISIA市場的多個細分領域，包括一次性套 管穿刺器、高分子結紮夾、第三類一次性電凝鉗以及重複性套管穿刺器和鉗中亦排名 第一。

初步睇，正面的，不過現價都唔平，如投資，我唔建議你太過大注。

至於必瘦站（1830），有質素的，現價在合理區中上部，這股有投資價值的，不過香港情況會令佢有風險，因此唔建議太大注。長線投資可以。

------------------------------------------------

Q17644：

龔成老師你好，今年25歲，做緊啲小生意,月入平均四萬至六萬。目標係儲到大約100萬左右,再用一部分嘅錢畀首期去置業

1. 目前有兩手盈富基金,買入價係23.65
想問1928 1955 6055 1211 而家係屬於平定貴?

2. 想問有冇一啲簡單嘅方法可以分析到一隻股票係屬於平定合理定貴？

3. 同埋而家多出咗五萬蚊現金,老師你認為了五萬蚊點樣分配喺股票市場入面?

龔成老師：

1）盈富（2800）可長線持有。金沙（1928）現價合理區中下部，莊臣控股（1955）質素只是中等，現價合理。中煙香港（6055）有質素，現價合理，比亞迪（1211）現價合理區頂。

2）要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

3）最穩陣當然是投資盈富（2800）。如果你想提高組合增長力，將其中一部分投資潛力股，如阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然是見到回落先買。

------------------------------------------------

Q17645：

老師你好，我在理財上有問題想請教你，本人 35歲，月入大約 8萬，有自置物業市值 $5xx萬 (欠銀行 $350萬)。大陸也有一套物業市值 $100萬。

打算換 $8-9xx萬嘅自住樓，現時股票加現金有 90萬，連同太太收入每月儲到幾萬左右，將來換樓有可能要將一部份投資套現，但現時不想現金淨係擺係銀行，年頭開始建立投資組合如下：

823 @65 1800股
1972 @19 4000股
12 @ 29 1000股
778 @ 7 8000股
1038 @ 40.6 1000股
1910 @ 6.9 3000股
2388 @ 23.6 2000股

1. 我現在組合是不是太多地產股需要換咁一部份？如果係建議點樣換比較好？

2. 考慮緊再跌到一個位再分批入，可動用多 20-30萬左右，定應該再分批入定月供好啲？如果月供應該邊啲前景更好同埋更有效分散投資？

3. 應該如何分配資產/資金比較好？
感謝你

龔成老師

1）對，的確比較多，建議同一行業，佔股票組合的比例去到30%已夠。

如果你打算之後換樓，其實可以開始準備，要慢慢賣出股票，首先可賣一些地產相關股。當然，要睇你幾時換樓，如果在2、3年後，就唔好急賣股票，但如果1年內，就要準備。

2）反而要睇左你換樓的情況，如果要1年內要換樓，就唔應該再將資金投入股票，應該先解決換樓部分先。

如果2、3年後先換樓，就可以當見到股市下跌時機，分注買入，唔需要月供。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

3）首先，當然是解決你換樓部分。

如果有閒置資金，先會考慮投資。同時以現時市況，都要留一部分作等待，例如3-5成現金。

------------------------------------------------

Q17646：

Hello 成哥 我而家每個月月供1038 2388 1928 2800 12 各$1000 另外1093 $1500

我有一個諗法就係可能唔供12 因為12暫時只月供了$2500 而轉去供2318中國平安

因為覺得潛力同前景比較好 但係12供左兩個月又停好似好傻

我現在年紀22歲 我呢個決定會唔會比較好 定係我繼續供返12會好啲 感謝

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

你上述所選的，都是有質素的股，但只是「平穩增長股」，你應該加入一些較有增長力的類別。

恆基（0012）是平穩增長股，平安（2318）都是平穩增長股，雖然增長力可能比恆基高少少，但都唔算高好多。

反而你應該重新整理下個組合，睇下需唔需要增加1、2隻潛力股，對你會較適合。

------------------------------------------------

Q17647：

早晨老師，想問吓384前景好嗎?
我23.5入，唔該

龔成老師：

中國燃氣（0384）業務正面的，無論是行業發展，大環境，前景，這股都不差。財務數據正面，生意與盈利保持向上，股本回報率高，賺錢能力強，不過，負債少少高是扣分的地方。

整體來說，這企業都有投資的價值。

買入價合理，可以長線投資，但未必是高增長類。

------------------------------------------------

Q17648：

龔成老師，本人1.55入左中國鐵塔（788）
5.5入左3000復旦張江（1349）,5.75入左6000中國軟件國際（354）,想請教哩3隻股有質素，應長期持有嗎？謝謝你

龔成老師：

中國鐵塔（0788），有質素，可以長線，這股長遠有發展的，無問題。

復旦張江（1349）雖然質素不是最高之列，但都不差的都有持有價值，但就未必值得持有太多。長線都可以。要留意這股股價會有潛在波動。

至於中國軟件國際（0354），這股有質素，可以長線持有，不過中短期股價可能略為波動。

------------------------------------------------

Q17649：

請問您提及的月供盈富基金是怎樣運作？

比如每月固定儲蓄一萬，但全用作投資有風險嗎？希望有較安全穏定的增長。誠如先生之前影片所言，每月把現金儲在銀行，確難確行不同目標，但又希望有較穏陣選擇，謝謝

龔成老師：

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

而盈富（2800）是一個50隻股票的組合，因此有風險分散作用。同時對於不少未有選股能力的投資者來說，這是一個很好的工具。

------------------------------------------------

Q17650：

老師你好，睇咗你既專頁一陣子，亦都睇緊你撰寫嘅書，想問下以下幾個問題:

1. 01211 其實最近都升咗好多, 知道可以賺一倍賣一半，其實現貨應該持有... 咁如果想再入貨係咪等價錢回落(但應該唔會回到之前水平,e.g. $40)?

2. 其實我見老師你好似個portfolio好似唔係太多隻股票，你建議每人應該有幾多隻股票左右? (唔想資金太散, 可以放喺股票嘅資金大約 50萬)

3. 最初買股票時唔識高位買咗08101 and 00395... (@ 0.28 @0.67) ，其實係咪應該放咗佢。。。但真係剩返好少資金

4. 最後想問埋股票班會唔會搞晏啲或者係星期六日。。。因為返工時間真係未必就到
多謝老師

龔成老師：

1）如果最穩陣的做法，當然等佢落翻$40先再入。不過，無人知能否見到，所以都可以取一些較平衡的做法，例如跌穿$60，你可以再入翻，但就唔好太大注，可入一注先，之後等再跌先再入。

2）以你的投資資金規模，你預5-10隻，當中都要是優質股。

3）壹家壹品（8101）、環球智能控股（0395）都是無乜投資價值的股票，賣出較好。

4）我間中都會開星期六班的，通常一年開1、2次，星期六下午時間。

下次可能在年底。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp，你可到時先決定報唔報，無所謂。因為而家已經有唔少網左留定位先。

------------------------------------------------

Q17651：

你好 龔sir 剛看完第一本龔sir的80後百萬富翁，獲益良多，仍會繼續看其他，日後希望能夠參與課堂。

我對股票及投資毫無概念，我想問下月供股票 同 股票派息既分別，港交所為例，見派息比盈富高，是否比較值得選擇。

港交所是否高位及入手好時機？

龔成老師：

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

至於股票派息，就是指你持有股票（即是股東），就能收到股息。你可以在財經網站，找到每隻股過往的派息情況，港交所（0388）雖然派息比率高，但股息率較低，從收息角度未必是好選股，同時現價有少少貴。

另外，我會建議你睇左《股票勝經》，之後先好正式開始投資，你仍有好多基礎知識未掌握。

------------------------------------------------

Q17652：

老師，請問強積金我之前就投資中港股票既 但係而家跌好多 想問下轉邊隻會比較好d呀？

龔成老師：

強積金是長線投資，唔需要比中短期因素影響，中港股票長遠仍有發展力，你可以持有。如果你想組合更平衡，可以將部分資金，轉到環球股票，但記住唔需要轉來轉去，因為強積金是一個長期的配置策略。

------------------------------------------------

Q17653：

你好 老師
我系新手 吾知系邊d位放 同買入
到最近開始睇書研究 睇老師既投資意見
但之前聽人聽埋聽埋都買左幾隻
而家手持 823 2800 005

823 $64左右買入 而家$58
系米應該再入市溝呢？

005 買左好耐好耐 但一直吾肯放
其實我真系吾介意等
但佢系米無機會升返呢？
你建議溝貨嗎？

感謝老師

龔成老師：

首先，你要選正確的股票。

然後，在正確的價位買入。

對初階投資者來說，投資盈富（2800）較好，因為這是一個50隻股的組合，比起你自行選股，風險會較低。

至於領展（0823），可以投資，這股有質素。

匯豐（0005）賺錢能力比過往已減，就算投資都唔建議太多。這股只是收息股，增長有限，如果你是較年輕的，這股未必適合。

另一方面，就是考慮買入價，上述的3股，現時都在合理價，可買入，但最好分注，即是你買入價，仍要有資金剩，唔好急入。如果你未識掌握，建議你做「月供股票」。

可於溝貨，暫時唔建議你做，這會增加你的風險。如果你資金較多，唯一可考慮的是盈富，可以等跌再加少少。

------------------------------------------------

Q17654：

778 $6.65 823 $58.9
你認為增值加收息計
現價那個較值博？

龔成老師：

領展（0823）會較好。長遠的增長力較好。

其實兩隻都有投資價值，現時都在合理區中下部，中短期可能會弱，但長遠有價值。

------------------------------------------------

Q17655：

你好，想問美股值得投資？
有冇邊啲係值得投資的組合？

龔成老師：

我地進行財富分配，最重要是投資「資產」，在股票層面，有質素的企業，就是真資產。

無論港股、美股，只是在當中選到有質素的，都可以投資，當然，你要真正熟識該企業，唔好只睇表面。如果無特別心水，可以投資指數基金，VOO都可以，是追蹤標普500指數的基金，你投資這基金等同投資了美股的組合。

如果個股，你可以考慮APPLE、GOOGLE等。

------------------------------------------------

Q17656：

老師，之前接你方法月供了1211，66同3
1211 升到$55 就覺得現價貴就放左，獲利了不少，多謝你先

但依加價市好似比較低迷，66同3 係咪應該停一停供？但好似現價又算合理區偏平

另外最近研究緊1753，想問老師點睇？

龔成老師：

比亞迪（1211）有質素的，因此倍升是遲早的事。

港鐵（0066）有質素，唔需要停。

至於煤氣（0003），增長力比過往略減，但仍有質素，你如果已有一定的貨，可停一停或減。

香港業務不強，但中國部分不差，中短期雖然較一般，但見佢的長遠發展力仍在，但就要耐心點。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。

兌吧（1753）主要係中國從事用戶運營軟件即服務平台，以及互動式效果廣告等業務，不過這刻仍處虧損狀態，只可以話分析不易，有危有機類。

這都算是潛力股，但風險較高，其實佢生意增長不差，只是未進入收成期，如果你睇好，小注好了。

------------------------------------------------

Q17657：

老師你好，想請教，我今年25歲，人工萬8，選了高風險mpf，得返17500倒。之前淨係識做定期買政府債券，未買過股票基金。

現在有現金7萬幾，另外做緊8萬蚊，3個月定期，4.2厘，9月中到期。

現想試下投資盈富基金，應該經銀行定證券行買呢？應投資幾多？

因想自己出來租屋住，有咩方案可以增加收入？
先謝謝你

龔成老師：

強積金是長線投資，唔需要理會中短期因素，你年輕，高風險都無問題。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

如果你未有選潛力股的能力，未有掌握投資時機的能力，就可以簡單地投資盈富基金（2800），利用月供模式都得。

至於定期，唔適合你這年齡，建議你盡快增加股票知識。提高之後的財富回報。

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。

------------------------------------------------

Q17658：

阿Sir你好啊，自從上年你建議我月供股同埋睇左你啲書之後，更加瞭解股票，更相信價值投資是財務自由之路。

我係澳門人，今年24歲，可月存＄5000 亦有4萬現金，同埋我覺得在澳門中銀手續費略貴，有冇其他方法可以抵啲？謝謝阿Sir

以下是我的投資組合
1928 1600 ＄30.25
2800 1805 ＄25.09
0823 100 ＄58.55

打算以後每月月供盈富$2000 領展＄1000 比亞迪＄1000
你認為這個組合可以嗎？還是有其他建議？

龔成老師：

如果你在澳門月供手續費較貴，建議你只供一隻盈富（2800）$4000，你可以供3個月停3個月，這樣進行都是一個方法。

至於領展（0823）及比亞迪（1211）就唔好月供了，等跌先一手手買。領展現時已在合理區中下部，可考慮。比亞迪就等跌多D先。

現時你的持股都是優質股，可長線。

另外$4萬現金，唔好用盡，以現時的市況，用$1、2萬好了，要有資金等跌先入。

你上述的組合無問題，不過，你24歲，可以考慮早時加翻少少較有潛力的股，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），不過，你就要明白波動性比上述會高左，同時風險大左，你要自己平衡。所以，我會建議這類股你暫時可留意，等跌先考慮。

------------------------------------------------

Q17659：

龔Sir你好，本人35歲，月收入21K，月供3.5K基金、6K股票，每月可儲5K左右，大約有現金港幣50萬，人民幣10萬，現貨黃金約10萬，有計劃於2年內移民。

現持股票:
001@$62.8,1000
005@$49,1200
016@$94.5,1000
270@$13.74,2000
530@$4.32,10000
778@$6.76,5000
1038@$65.2,1000
1800@$5.01,5000
[email protected],2000

10萬存放在國內戶口，打算轉到本地銀行買入招商銀行A股600036，請問還有否其他穩健心水A股？

月供股票:(去年7月開始，各3K，4-5月時012加碼到6K)
003,2723股,平均價$13.85
012,1273股,平均價$35

月供基金:
A.$2000/月，供了118個月，現值約$280,000
B.$1500/月，供了114個月，現值約$214,000
兩份基金供多5年可100%回贈管理費和交易費估計各約$20000，但只要保持戶口有18月供款其餘便可提取及保費假期（不用供款）。

現還有意買入823和2388，但感覺投資組合不夠平衡，想請教老師如何令組合更平衡？另外，是否應該賣出黃金及提取基金可靈活動用部分出來投資其他優質股票？謝謝。

龔成老師：

現時的持股，高銀金融（0530）較一般，之後賣出較好。

至於其實股，不是無質素，但增長力不強，大部分都以收息為主，其實以你的年齡，應該投資翻較高增長力的股票。

另外，招商銀行A你都可以投資，但唔建議投資$10萬，你可以只投資一部分。

月供方面，太集中在恆基系，會出現集中風險。

另外，你現時組合太著重地產與金額，而我地應該建立一個更平衡的組合。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然等佢地跌先考慮。

至於黃金，點都應該在財富組合中，持有小部分。

其實，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17660：

龔成老師，你好。我今年35歲，月入31K，差唔多兩年前開始月供股票，分別係2800、66同1211，夾埋共供7000蚊一個月（謝謝老師一直推介，現時帳面都賺了大約15% 未計收息）

現有大約80萬現金，另有股票少少388，1398、857同1359
1398同857 買了好多年但真係蝕唔少。現時股票總價值約21萬。

現時每月大約儲到8k。

我希望3-5年內可置業，無父幹無伴侶，所以都係靠自己，目標500萬內的物業。希望將資產增值早日實現夢想。
想請教一下，現時應否加大股票投資？應否買1038、823等股票收息？

近日有留意6060和3662，請問這兩隻值得投資嗎？現價可以買？希望收到你的回覆

龔成老師：

月供部分，都是有質素的，基本上可以一直進行。

中國信達（1359）質素只是中等，這股唔建議持有太多，如果上翻D可考慮賣部分。至於中石油（0857），始終只是商品企業，質素唔會太高，同樣唔建議持有太多。

如果你想在3-5年後置業，現時可以善用手上的現金，進行投資，當然，不是用盡。

你可以考慮盈富（2800）。

另外可慮：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。長建（1038）則增長力一般。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。唔好大注，同時最好等回先考慮。

至於眾安（6060），潛力都有的，但就唔建議太注，始終業務有不確定性。奧園健康 （3662）有質素的，不過就擔心現價略貴，要分慢慢注入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。