唔知大家有無類似經驗呢？
我不時會收到d銀行電郵話我嘅網上銀行戶口被盜用，要馬上登入連結更改密碼……
有次我登入之後發覺網頁版面同以往d唔同，打電話去銀行核實發現原來係偽造電郵，唔係由有關銀行發出架！
所以真係要提高警覺，以免個人資料被人盜用呀！

立即上「香港理財月2021」嘅網站 ！www.moneymonth.hk了解更多防騙貼士

#hkmoneymonth2021 #香港理財月2021 #IFEC #投委會

又來到Z世代達人嘅時間喇。唔知你係唔係國泰航空乘客個人資料被不當取閱事件入面940萬被影響人事嘅其中之一位呢？我收到國泰嘅電郵，有7項個人資料外泄咗，不過其實作為一個小用戶，都無乜嘢可以做到。國泰方面亦強調已於事發後進一步加強資料保安，同時，亦為受影響嘅客戶，免費提供一個由第三方公司提供嘅網上全球身份監察服務。究竟有乜用同埋點運作？今日就同大家睇下啦！

乜嘢係全球身份監察服務呢？呢個由英國上市信貸機構 Experian 提供嘅服務，會按你提供俾佢哋嘅個人資料，透過在網上包括網頁、討論區、買賣平台、同埋唔同嘅渠道所收集過去8年嘅數據，睇下你嘅資料有無被人買賣同埋非法使用等等，一旦有發現，佢哋仲會提供解決嘅建議方法俾用戶。一齊來試下！首先，去到國泰航空指定嘅網址，之後輸入在電郵內提供俾我嘅「啟用碼」，之後會去到登記嘅頁面，按指示輸入你選用嘅用戶名、密碼、同埋電郵地址，就完成呢個簡單嘅登記喇。跟住就要按指示輸入你嘅個人資料，包括電郵、電話號碼、信用卡號碼、銀行戶口號碼、護照號碼、身份證同埋駕駛執照號碼等等，如果你好似我咁多過一個電郵同埋電話號碼，都可以按指示一個一個咁入… 入好之後再對一對，按Continue，之後等大約幾秒嘅時間，檢測就會完成。好彩！我嘅個人資料暫時都無俾人盜用。呢個服務除咗即時會有結果之外，仲會幫你在啟動後嘅一年內，監察住你嘅資料，如果在網上出現同你提供嘅個人資料有關嘅不法交易，都會第一時間透過電郵通知你。

另一方面，大家亦要留意，因為呢次事故，網上都會多咗以國泰名義發出嘅詐騙電郵，引導你提供密碼甚至信用卡資料。每當遇到呢類要提供資料嘅電郵就要額外小心，唔好亂提供資料，有乜唔清楚或者懷疑，應該立即打電話查詢相關嘅機構。如果你不幸上當，亦應該即時更改密碼，以及按需要報警，以防有進一步嘅損失！