你今日申請咗未？

香港政府為振興經濟推出的 HKD$5,000 電子消費券將於下月接受登記，最快 8 月 1 日就可領取第一期消費券使用，市民在登記時需要先選擇透過哪一款儲值支付工具領取及使用消費券，到底支付寶香港、八達通、Tap & Go「拍住賞」及 WeChat Pay HK 四款儲值支付工具有什麼分別呢？等我地同大家做個詳盡分析：

支付寶香港

消費券專頁

第一期消費券 (HKD$2,000)：最早 2021 年 8 月 1 日發放，有效期至2021年12月31日

第二期消費券 (HKD$3,000)：最早 2021 年 10 月 1 日發放，有效期至2021年12月31日

消費券會在發放當天自動存入已登記的儲值支付工具帳戶

登記方式

2021 年 6 月 24 日後就可於 AlipayHK 的主頁、消費券專區或個人檔案頁面查閱 AlipayHK 的特定識別號碼，在登記時填寫就可以了。

適用商戶類別

消費券適用於 AlipayHK 共 100,000 個本地合作商戶，包括大型連鎖店、便利店、超市、街市、食肆等。

熱門合作商戶：麥當勞、KFC、譚仔雲南米線、譚仔三哥米線、大家樂、大快活、必勝客、百佳、惠康、屈臣氏、莎莎、OK便利店、7-Eleven、Zara 等。

部份熱門電子產品及時尚精品商戶：Apple Store、豐澤、百老匯、蘇寧、周大福、六福珠寶、agnès b.、CHANEL、Dior、GUCCI、CÉLINE、Tiffany & Co.等。

部份熱門網上合作商戶：big big shop、友和YOHO、士多Ztore、Sephora、KKday、Klook、Hutchgo.com、HT Mall (康泰旅遊網店)及J Select等。

優惠

由即日起至 7 月 3 日，到 AlipayHK 訂閱消費券優惠第一手資訊及推廣優惠，即可預留 HKD$30 消費券早鳥獎賞 (HKD$5 禮券 x6 張)。

由 7 月 4 日登記期開始，用戶成功登記以 AlipayHK 領取消費券並獲得確認後，可於近百間商戶中揀選最多 5 份心儀獎賞禮遇，最高總值 HKD$5,000。當中更有近 60 間合作商戶為 AlipayHK 提供獨家獎賞，範圍從餐廳、酒樓到超市、日用雜貨，從化妝品、奢侈品到 staycation 等，當中包括百佳超市、屈臣氏、Aeon、日本城、大昌食品、美心集團、東海、鴻星、莎莎、雅詩蘭黛集團旗下品牌、Sephora，更有信和集團和領展集團旗下商場、街市，覆蓋餐飲購物休閒娛樂。

另外，成功登記用戶可參與「友」勁賞集氣活動，分享頁面鏈接給好友，好友只要點撃「集氣」按鈕即分享成功。如成功分享予 3 位好友使可於「登記勁賞」中額外揀選多 1 份獎賞，如成功分享予 5 位好友可再額外揀選多 1 份獎賞，即每位登記用戶可最多獲得 7 份「登記勁賞」。如成功分享予 8 位或以上好友，更可參與額外獎賞活動，分享次數對多的頭 10 位用戶可各享 iPhone 12 Pro Max 一部。

除此之外，於消費券使用期間，登記以 AlipayHK 收取消費券之用戶每月消費次數最多的頭 10 位用戶，AlipayHK 將額外送出 HKD$5000 獎賞，登記用戶消費更可獲得額外印花個數及於年底雙十一購物節期間享更多優惠。

WeChat Pay HK

消費券專頁

第一期消費券 (HKD$2,000)：最早 2021 年 8 月 1 日發放，有效期至2021年12月31日

第二期消費券 (HKD$3,000)：最早 2021 年 10 月 1 日發放，有效期至2021年12月31日

消費券會在發放當天自動存入已登記的儲值支付工具帳戶

登記方式

尚未公佈

適用商戶類別

超過 10 萬間合作商戶涵蓋衣食住行、吃喝玩樂等多個範疇，包括大型商場、連鎖店、便利店、超市、街市、食肆等。

優惠

提前邀請親友訂閱消費券資訊，親友正式選用 WeChat Pay HK 登記消費券後，即獲 HKD$20 消費券加碼賞，最高可獲取總值 HKD$5,000 加碼賞。

Tap & Go「拍住賞」

消費券專頁

第一期消費券 (HKD$2,000)：最早 2021 年 8 月 1 日發放，有效期至2021年12月31日

第二期消費券 (HKD$3,000)：最早 2021 年 10 月 1 日發放，有效期至2021年12月31日

消費券會在發放當天自動存入已登記的儲值支付工具帳戶

登記方式

按下「消費券計劃」橫額進入 Tap & Go「拍住賞」消費券專頁，複製頁面上專屬的特定識別號碼，按「繼續」進入政府中央登記系統，並按指示選擇以 Tap & Go「拍住賞」領取消費券。

適用商戶類別

超過十萬個接受 Mastercard、銀聯、轉數快、Apple Pay、Google Pay 及銀聯雲閃付 App 本地商戶的實體及網上店舖。

【龔成問答信箱】（Q20961-Q20980）

Q20961：

老師你好我買咗你 50優質潛力股 同 80後3本 給我很多啟發 要為將來打算不可以盲目追求短線利益

我本身有兩個小朋友單親家庭
幸運的是不用交租 但每月儲蓄不多
現在段疫情再爆發 2個小朋友還小 所以我暫時未能報股票班 要等疫情過後才可以報。有幾個問題希望老師幫忙解答

我只有中五學歷會考零蛋 英文數學極差 報股票班教的股票估值睇股票質素潛力等 可以應付到嗎？

會唔會有公式容易明白計算？
另外想問財務報表等是中文還是英文？

老師可唔可以分享一下你現在持有的股票比我參考

我現在只有4000股 2388 平均價$23.5入
現金約20萬
我想月供
2388 15%
3110 15%
0066 20%

另外50%想買多2隻你書內潛力股
麻煩老師比比意見平日要上班同湊小朋友沒有太多時間 想報班前訂好月供計畫
麻煩老師

龔成老師：

放心【投資倍升股課程】適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資時機、配置、評估平貴，在投資上已掌握了一定的知識。

另外，你上課之前，多睇理財、股票類的書，留意一下財經新聞，到時就較易跟到。

整本上，課程唔會太深，內容都是中文的，沒有太多好深的名詞或數學，公式都盡量用簡單的。

我現時持股，講幾隻啦，比亞迪（1211）、小米（1810）、中生（1177）、金沙（1928）。但除了金沙外，其他都升晒，已經略貴。

現時你中銀（2388）可長線。

至於月供，都無問題，長線進行就得。另外50%，建議你加盈富（2800）及恆生科指ETF（3067）去長期月供，如果你想進取D，就加入GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

至於現金，就小心運用唔好太急，最好等上完堂先正式進行配置。

------------------------------------------------

Q20962：

老師，你點睇佢同阿里健康/京東健康

我覺得平安好醫生好似係更加革命性，因為佢係嘗試建立一個線上醫療服務，真正咁網上睇醫生，而其它兩個係比較着重線上醫療/健康產品銷售咁。似乎係潛力更加大

唔知我嘅睇法啱唔啱

龔成老師：

阿里健康（0241）、京東健康（6618）潛力都大的，因為佢地本身有一個好強的銷售網絡，這已經做到好完善，當網上買藥不斷有更多人接受時，佢地長遠的發展會正面。

睇翻，中國政府正在鼓勵行業的發展，長遠正面。因此，3間公司長遠都正面，不過營運模式就有少少不同。

例如阿里健康，佢營運醫藥電商、互聯網醫療等業務。

「醫藥電商業務」，這業務主要有兩種業務模式，由自營電商和天貓代運營，涉及非處方藥品、醫療器械、計生用品等。

另外，就是「互聯網醫療業務」，阿里健康與國內多家二三級醫院建立合作關係，患者可以通過阿裡健康、支付寶等平台，做到線上掛號、問診、諮詢用藥等等的服務。

阿里健康利用醫療AI系統「DoctorYou」去進行營運，該系統包括臨床醫學科研診斷平臺、醫療輔助檢測引擎、醫師能力培訓系統等，輔助醫生睇病。

業務上，有好大的潛力，不過，本質波動，股價上落大，消息多，市場炒作多，這類股風險都不少。最大問題是無人能正確估值，市場現時只是估估下，推將唔到佢將來的價值。

------------------------------------------------

Q20963：

Hello 成哥 之前問過你股票同買樓既問題
最後見到樓市呢期冇咩點跌 忍唔住係未達到原有目標（即係未儲夠1m） 就賣哂d 股票入市買左樓

宜家絕大部分資產都係層樓

不過都唔知係好彩定唔好彩，岩岩好避開左呢段股市波動既時期

雖然呢個時候買樓唔知係唔係合適時機，但係都想多謝你一直教既財經同理財知識！呢幾年睇左好多你既文章
同書，慢慢學識左點樣選股 同埋資產配置既概念
希望成哥越做越成功！

龔成老師：

我地進行財富配置，最重要是長期的，不用太著重中短期的情況。

如果你長遠有買樓需要，現時你行這一步是無問題的。

其實置業的時機，並不是分析樓價（因為好難準確分析），因此，最核心是「自己的資金、負擔能力。

你之後要股樓並行，開始翻股票方面的財富累積。

------------------------------------------------

Q20964：

Sir，我覺得你好勁,當初唔明點解要平衡組合,但當股市大跌時就明白!

但我都忍唔住手痕，未跌完就入咗2845($138)/1833($118)而之前本身無貨，已知道你講過的合理價，但太心急，但有時有d股想等合理價而末到價又升左(好後悔)，好難捉摸呵

但我知1833有質數而會是長線的。

而我之前因見2388,1972好悶無咩升放咗，你說這方法不正確，現在見到2388升咗，明白當中道理，我會記住，我學到嘢!多謝一支指導

龔成老師：

如果本身無貨，入翻少少平安好醫生（1833）同ＧＸ中國電車（2845）都可以，最重要你買入時，以分注慢慢買入作策略，就能減少風險。

兩隻你都可長線，只要之前唔係太大手買入就得。有質素的。

保持進步啦。我地最重要睇企業長遠，以及配置，不是短期股價。

------------------------------------------------

Q20965：

哈囉～龔成sir! 我最近面對緊一啲抉擇，希望你可以比啲專業意見我參考

我今年25歲，月入$17000，無住家無物業，現時暫住喺男友屋企，手持10萬現金，年繳2萬3千保費。

雖然住佢屋企唔洗交租，但我每月都要成$6000支出（計哂車費、飯錢、電話費等等）我好想自己搬出嚟住（因呢個男友太無上進心）

都係睇緊啲五六千蚊租金嘅地方，但我諗搬咗出嚟之後起碼就要支出多一萬蚊（租金、水電煤 & 雜費）到時就儲少好多錢⋯⋯

最近我都準備開始嘗試月供股票，就糾結緊

1️）住住先啦～忍無可忍先搬，儲多個錢先
2️）諗長遠啲，呢段時間咪咬緊牙關，再節省啲不必要開支，搬出去又一條好漢

1️or2️？

定還是有其他方案可作參考？謝謝你

龔成老師：

如果從長遠的累積財富角度，當然（1），因為你的支出最少，如果你現時的狀態每月支出都要$8000，你搬出去，支出一定會好大。

反而，你應該進一步控制這刻的支出，同時開始投資，利用現金的$10萬去增值。

另外，你應該用男友共同設計長遠的財富目標，以及一些共同的計劃，去鼓勵去儲蓄或作出突破。

但你話「我好想自己搬出嚟住（因呢個男友太無上進心）」，如果你想同佢長遠發展，就要一同面對問題，而不是自己搬出去，又或者你不想與這個人發展？你要思考一些長遠問題。

------------------------------------------------

Q20966：

請問月供股票，在什麼情況需要減持同增持？現月供持有＃0003/2388/2800/1928

但因上年人工被減，只可月供＃2800/＃1928各供$1000

龔成老師：

我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

你上述月供的，都是有質素的，但增長力就唔算強。

如果你資金不足，可以暫時集中供盈富（2800）$2000。

或者你想月供盈富同金沙（1928）都得。

其實，所有都是一個配置過程。

我地最重要是建立一個長期的「財富組合」，要優質，要平衡，要適合你的年齡與風險承受程度。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

同時，我地會運用「先增值，後現金流」，即是年輕時增值較多，年長時就集中收息。

------------------------------------------------

Q20967：

老師，9911和2131現在可加仓溝貨嗎？還有1810可以加吗？謝謝您

龔成老師︰

赤子城科技（9911）主要從事開發一系列移動應用程式、健身應用程式、遊戲應用程式等。

業務上，係有吸引力的，不過，我一向都新股半新股都無興趣，因為真實面要慢慢先見到。

由於上市時間唔長，故較難準確估值，只建議小注，同時你要明白當中的風險。

云想科技（2131）主營線上合約廣告服務，佢業務上都有可投資地方。

但由於佢上市不久，現時數字只能參考，因為好多新股都要過一段時間才見真章，故投資時要保守些。

佢2019年盈利只有7000萬，市值郤近80億，明顯唔平，現時投資有一定風險。若持貨不多，可以守。

而小米（1810）現價算係合理區頂部，至略貴水平。如果無貨，現價可小注。再回多1成左右，值博率會更高。

------------------------------------------------

Q20968：

龔sir 廣交所同微盟值得長線投資嗎？
謝謝你

龔成老師︰

港交所（0388）絕對有長線投資的價值，只是平貴那個價買入的問題。

佢係香港唯一獲認可的證券市場及期貨市場，提供現貨、期貨、衍生工具的平台買賣，以及股票上市業務。

由於是壟斷業務，已經是盈利的保證，問題是賺多與賺少，以及將來的前景如何。而港交所處於金融證券行業，金融業作為香港的命脈，長遠發展仍不會差，加上壟斷事業，已能推斷到港交所是一隻優質股。

但現價偏貴，回多1成左右，才算較合理水平，才可分注。

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這次中期虧損大部份來自"可換股債券的公平值變動"，簡單咁講，唔係佢業務上出左大問題。

長遠業務上係有一定潛力，但盈利和股價上佢都幾波動。此股可投資，但只宜小注。

------------------------------------------------

Q20969：

想請教龔sir
依加經濟準備復蘇

到時d 股票升哂 咁咪月供黎都冇意思？？
個又應該放哂佢 定還是減少金額月供

3、700、788、823、2800、2822、3088、3188、9988

我有依d 股票
只係騰訊，爸爸，3088同3188
唔係月供緊

另外騰訊 北水 走緊 係咪應該放左佢
再等低位買入

龔成老師：

我地最重要是睇翻質素及平貴，如果到時佢地仍有質素，只要唔過份地貴，你都可以照常月供。

當經濟好轉股價上升，只要企業的價值有實質增長，就未必是貴，可以仍然是合理的。而月備是一個長遠投資，除非好明顯地貴，否則，一般都可以持續進行。

你上述股，都有質素的，你保持長期進行就得，同時亦是一個平衡的組金。

至於北水，只會對股價有中短期影響，我地是重要是睇「企業」。

------------------------------------------------

Q20970：

老師，我個倉市值$120萬，有18隻股票，我見你話10-15隻股票較好，我係咪要賣左d佢？都係有質素的股

龔成老師：

以一個$120萬的組合來說，10-15隻較好，你可以控制翻，去到15隻。

如果你持股都是有質素的股票，你就唔需要急於進行賣出的動作，慢慢進行，見到有機會先進行就得。

其實超過15隻不是不可。我建議一個$100萬以上的倉，最好在10-15隻的原因，係唔想大家管理得太亂。我地買股票，應該了解每一隻自己的持股，買入前要小心分析，買入後要持續檢討，每次企業出業績或有重大消息，都要跟進的。

如果你持股隻數太多，根本好難完全了解每一隻股，因此，你要考慮這個因素，然後取平衡。

------------------------------------------------

Q20971：

想請教一些在香港二次上市的跨國企業，例如阿里爸爸 京東 百度，這些公司發行新股票集資，為甚麼不會導致本來在美國的現有股價下跌？

一個企業的市值應該是固定的，不會因為發行了新股票而令整個企業的價值提高了，對嗎？

如果企業市值是固定的，增發股票，就會降低每股的價值，現有股價應該會下跌。但為甚麼這些企業的美股股價沒有暴跌情況？

我的想法在哪裡出錯呢？

龔成老師：

其實這是複雜的估值概念。

用最簡單的講法，就是一間企業如果佢是發行新的股票，每股股數會增加，每一股的價值會減少。不過，佢發行股票的同時，企業得到現金。

因此，企業價值會向上，當企業有效利用這些現金進行投資發展，企業往後的價值會提高，市場就會考慮佢再投資為企業增長多少，從而抵消了每股股數增加令每股價值減少的因素。

------------------------------------------------

Q20972：

老師，如果投資保險既投資保，會唔會俾投資股票好？
因為有朋友有個計劃：（USD為單位）

開戶$3000，每月放$249.9落去，直至第五年就供完張單，其後就話每年9%年利率回報。去到第10年就會有$24,964（本金依然係$15,000）

龔sir, 你點睇？還是你仍然覺得我月供股票，回報會比供保單好？

龔成老師：

其實在理財角度，我地好難話邊個「絕對好」，因為理財，最重要是「適合」。

股票的回報一般會較高，當然，風險都會高少少。至於上述的投資保，回報可能不及股票，但風險可能低少少。

而我見上述話有9%回報，這方面要問清楚，因為坊間這類工具的回報，如果要去到9%，部分要在某些假設的投資環境與回報下，先會發生，同時，有機會背後都有一定的風險。最重要是問清楚。

如果9%回報的確定性甚高的話，其實是不錯的投資工具。可考慮。

------------------------------------------------

Q20973：

龔Sir我見你好小提及債券，其實我們的資產分配上要加入一些嗎？

現時我的資產持有物業，實金，股票，現金，保險，正在想如何可以做到更好平衡及風險對沖

龔成老師：

債券，因為這是一個「產品」，並不是真財富，所以，我地在財富組合不會持有太多，或不用持有，而我地在財富配置，應該持有「真財富」，例如物業、車位、優質股（佢地的長遠價值及現金流會向上），但債券，隨著現金不斷貶值，佢長遠都在貶值。

因此，你持有物業、股票，應該要成為財富核心，至於實金、保險、現金、債券，在我地理財中都可以，但就不是核心。

------------------------------------------------

Q20974：

你好，龔sir, 上年接觸認識你fb page，真心獲益良多，之前買股票，股價稍為升小小或者跌小小，都已經影響好影響心理，直至認識你fb page,就了解如果自己揸住優質股，短期股價波動根本完全不用理會。真心多謝你。

最近考慮緊應唔應該入市買樓，希望你可以俾d意見，我同先生月入合共60K，已家租地方住，大約9k, 有現金價值大約100萬左右，每月儲25k。

一直心大心細想入市，希望可捕捉跌市，但眼見疫情樓價依然企穩，最近樓市直程小陽春。400萬-500萬樓價已經買小見小。

其實我地一直都係target買5百萬左右既樓，已家可能要調高budget去到五百五十 - 六百。請問我應該係咪唔應該繼續等，應該認真開始睇樓，考慮入市。

但係我一諗到如果我入市，我就好似要all in我既積蓄再每月供起碼17000-19000，就擔心壓力有點大，所以正正係咁真係令到我1516。

其實我仲有諗，定係我已家繼續租地方住，另外一路儲多d錢，將個雪球滾大佢去買股票/reit個d增值，買樓既事，等3-4年之後再進行。

希望可俾d意見，謝謝。

龔成老師：

我地最重要，是考慮長遠的情況，如果你長遠，點都要買樓的話，即是這是大方向，只只時機的問題。如果你買樓後，會用盡儲蓄，最好的策略，當然是買樓後仍有資金剩，同時在供款上負擔得到，我見你話壓力大，不如儲多少少錢先。

好多人會預期樓市的升跌，從而影響買樓策略，其實，我地唔應該這樣分析，因為樓價走勢，其實好難有準確預測。

我地最重要的，反而是考自己的需要及財富情況，只要有需要，而財富足夠，就可以買。

因此，你只要睇翻，自己幾時買樓，首期，負擔情況較合適，就可以進行。

如果這刻較擔心，就儲多少少首期先，但如果資金足夠，就唔好再分析樓市走勢，已經可以入市。

建議你睇《5年買樓4部曲》。

------------------------------------------------

Q20975：

老師 請問一間公司如果買左一幢大廈 係咪係損益表開支都扣反？之後資產負債表既非流動資產一欄就會加反幢大廈既價值入反帳？ 股東權益亦都會加反？

仲想問下如果公司投放錢去研發 會係損益表當開支扣除？

龔成老師：

損益表不會顯示的，因為這物業會成為該公司的「資產」。而資產負債表就會有這個資產，會放在「非流動資產」。

至於股東權益，不會增加，因為公司用了現金去投資物業，現金減少，物業增加，其實在報表是無變過，所以股東權益不會因為買物業而增加。

公司研發支出，會在損益表視為開支。而這個「研發」的定義，一般都是公司為開發某些產品或技術，而未能完全確定這筆投入資金能為公司帶來確實的經濟效益。

------------------------------------------------

Q20976：

老師，我之前借了不少咭數買股，現時已還清借來買股票的咭數(接近30萬)。

現在現金只夠四個月洗用(包括供樓～每個月供35000)。

請問我現在情況，應怎樣做？

股票仍有

27銀聯 股數1000
66地鐵558
388港交所300
2800盈富3000
1177中國生物2000
3088華夏恒生2800

700騰訊300
9988阿里巴巴600
1121比亞迪500
1810小米1400
2382舜宇科學300
3690美團300
6993藍月亮500

另外，我已報作左你的班。

龔成老師：

太好了！卡數始終是高息負債，早還有著數的。

之後，你慢慢可以加速投資，累積財富。不過，如果你現時現金不多，不如儲多少少現金先。

至於股票方面，持股都是有質素的，我見都無問題，基本平衡，其實長線投資就得，但組合有少少偏向新經濟或近期熱炒類，如果加多少少舊經濟或其他類別，組合會更加平衡。

這些持股都不差，可長線，但你之後的具體配置，我建議你上完堂先進行，這刻，你可以儲多少少現金先。

------------------------------------------------

Q20977：

龔成老師你好！我剛賣了自住樓，拿了600多萬，是用來一年後上會樓花的首期， 想問下只有一年時間，這筆資金應該怎樣運用呢？還是只放定期，因為一年後便要用。

龔成老師：

如果你$600萬，全部都要作一年後買樓的資金，就唔建議動用，最多只能動用小部分。

因為我地投資，一定要長線先有回報，買股賈等如買入企業，即是將資金投入企業後，耐心等企業成長，這當然要時間。

而中短期股市，往往只因市場情緒、資金等因素影響，不確定性大，無人知道你要用資金的一刻，股市情況如何，因此，建議你大部分持有現金，小部分投資收息股，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

除非，大市出現明顯大跌，出現了好大的機會，你就可以動用小部分資金，投資這些大跌，而質素不差的股票（但到時都要睇情況行事）。

------------------------------------------------

Q20978：

龔sir 我有一個買樓嘅問題想請教一下。(眼見身邊朋友都上哂車，有啲壓力）

最近我見有好多市區綠置居。 例如：鑽石山，北角，啟德，價錢十分吸引，亦好有投資價值。

我另一半同佢媽媽喺市區有一公屋單位，我自己就無，而我地入息已超任何政府津貼房屋。

我現金加股票有大約百二萬，收入穩定。

我有2個置業方案

方案1. 用另一半公屋轉綠置居，俾另一半嘅媽媽住到唔住為止，我地自己繼續租樓（咁樣只需大約40 萬首期，每月供萬五左右，租金萬五，淨返嘅本金繼續投資股票），不過每月支出壓力較大，但我地就盡早上咗車。

方案2. 佢媽媽繼續住公屋，享受平價租金，自己買一層私樓住住先，咁樣每月負擔少D（唔駛交租加供樓同時進行）但係我成副身家攞哂去做首期，短期內做唔到其他投資。

我想問邊個方向較好，或者龔sir 你有無其他suggestion ？

龔成老師：

唔好因為其他人的情況，影響你的決定，最重要是你自己。買樓與否，最重要睇你的首期資金及負擔能力，如果本身有需要，而供樓等無問題，不會太大壓力，就可以考慮。

（2）會較好。

其實（1）最大的問題，係你唔清楚佢媽會住多久，假設年期好長的話，對你地會有一段好長時間，你要一邊供樓，一邊租樓，你的負擔會十分高。

至於（2）的方法，會較有效解決到你地自身的居住問題，而對佢媽又無影響，如果日後再有資金多，或有家庭情況改變，到時先將公屋轉綠置居。

------------------------------------------------

Q20979：

老師我想問下，我在新年的時候分別入了一點6988樂享互動（3.95入），451協鑫新能源（0.47入）。。

那時岩岩新手在高位時買了依2隻想問下我應該幾時要走呢？

因為我想拎番依2隻股既$去買老師你推薦的一些優質股去長期持有。謝謝老師

老師，我想參加您的課程，但係我是澳門那邊的，您有沒有一些是線上的課程呢

龔成老師：

樂享互動（6988）是中國的效果類自媒體營銷服務提供商，利用商業智能技術為行業客戶及自媒體發佈者提供服務。

睇翻近年的財務數據，佢增長力是有的，但上市前的數據參考價值較低。

相信佢長遠，業務都有增長力的，公司話佢自己能盈利高增長。如果你持貨不過多，可守。

至於協鑫新能源（0451）主要從事光伏電站之開發、建設、經營及管理。

生意增長力不強，可過盈利十分波動，股價上落大，高風險類，市場往往炒作多過實際。

要睇你承受風險的能力，股價有時會大升，但又可以跌得好快。整體的投資價值，未算高。這股宜減持。

長遠來說，你要投資更優質的股票，建立一個優質組合。

我最近同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：

http://bit.ly/3pP252j

課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。

至於股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q20980：

你好老師
1579,1833,853,6969
我重傷。請問呢幾隻係咪止蝕會好d

龔成老師：

你持有的股票，不是劣質的。不過，你集中持有近期較熱炒的，已出現了風險。往後在長遠，要建立翻一個平衡的組合。

這些股不是無得守的，長遠有增長力，但你集中持有，以及你之前在貴的價位買入，是最大的風險。你要睇翻有無邊一隻，是過份持股的，如果有，就宜減持。

而微創醫療（0853）股價上落都大，同樣唔建議持有太多。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【運輸署分階段安裝新咪錶　支援遙距繳泊車費】

運輸署今日（1月18日）表示，為配合推動「智慧出行」，政府將分階段安裝新的路旁停車收費咪錶。

新停車收費錶有三個主要功能及特點，包括支援多種付費方式繳付泊車費，包括八達通、Visa payWave、感應式MasterCard及銀聯閃付的非接觸式信用卡、轉數快、支付寶香港、微信支付及銀聯QR； 支援使用新開發的流動應用程式「入錶易」在現場及遙距繳付泊車費。「入錶易」將支援iOS及Android的流動裝置，並已在相關流動應用程式商店供市民免費下載使用；及 配備感應器以偵測停車位是否已被佔用，提供實時資訊協助駕駛者尋找空置泊車位，以減少車輛在道路上徘徊尋找泊位的時間及交通流量。

運輸署指，新停車收費錶的感應器以毫米波雷達技術偵測路旁泊車位是否已被佔用，而有關的實時資訊會經「入錶易」、「香港出行易」及「資料一線通」網站發放，有助駕駛者尋找可用的泊車位。

全文︰http://www.passiontimes.hk/article/01-18-2021/69713

#咪錶 #泊車

請支持PassionPrime：
http://passiontimes.hk/prime/

請支持熱血時報印刷版︰
http://passiontimes.hk/4.0/regform.php

請支持熱血文青課金計劃：
http://www.passiontimes.hk/?view=raise2

請支持熱血主持育成計劃：
http://www.passiontimes.hk/?view=raise

《熱血時報》 iOS，Android App 歡迎下載：

iPhone
https://apple.co/2IfgPoP

Android
https://bit.ly/2HqB4Q4
--------------------
成功之前，我們絕對不要放棄夢想！
Till our dreams come true, we'll fight on.

1) 本週活動，正式接受報名:
免費試堂分享會：https://moneyttab.wixsite.com/site/sharing-trial
入門班&初班：https://moneyttab.wixsite.com/site/course
其他活動：https://moneyttab.wixsite.com/site/activity

2) 我要做股神APP下載：http://onelink.to/mtapp

3) 緊貼我們社交平台，不錯過任何免費分析/教學：
訂閱YouTube頻道： https://youtube.com/channel/UCdWNwPuaS1o2dIzugNMXWtw?sub_confirmation=1
讚好Facebook專頁：https://facebook.com/203349819681082

==============================
本文內容：支付平台改變、誰是支付平台一哥、技術分析-阿里巴巴(BABA.US)

支付平台改變
現時支付平台慢慢融入我們生活中，過去沒在淘寶購物過的朋友都慢慢開始用支付寶去付款，平日消費都開始出現Apple Pay、Google Wallet及微信支付等標貼，未來人們可能不再需要用到實體貨幣，慢慢全都變成電子貨幣，電子支付，不用再帶銀包出門，支付變得簡單，這應是大勢所趨。電子支付在香港其實發展得相對緩慢，大家依然在用較舊式的電子支付，如八達通及PPS繳費靈等。究竟甚麼時候新一代的支付工具才會在香港普及呢？

誰是支付平台一哥
回看中國，支付平台已經使用得非常活躍，而且維持著增長勢頭。百貨公司會聯同支付平台舉辦活動，利用支付平台去購買投資產品、戲票及食品等。相信支付實的聲勢如此強勁，有很多朋友會以為支付寶是內地支付平台的一哥，其實支付寶在某些領域上並不是領導者。於中國的第三方互聯網轉接支付市場，支付寶是排名第二的，佔34.5%的份額，銀聯才是一哥，佔36.3%，而排名第三的是騰訊的財富通，即微信支付加上QQ錢包，佔13.2%。其實份額當中，我們最需要留意的是移動支付，現時中國第三方移動支付市場交易份額其實銀聯只佔約1%，其他基本上由支付寶及財付通瓜分，支付寶佔50.4%，財付通佔38.1%，但大家要留意市佔率雖然支付寶佔優，但在活躍人數方面，財付通是遙遙領先支付寶的，財付通有8.3億用戶，而支付寶則只有4億。因為財付通有微信此社交平台的支援，所以活躍人數會較高，而支付寶則有淘寶的支援，所以在交易額上會較大。可以留意未來財付通如能利用其人數上的優勢，追過支付寶並不是沒可能，而支付寶要進一步鞏固其領先位置，必須再增加其使用活躍人數。

技術分析-阿里巴巴(BABA.US)
阿里巴巴(BABA.US):早前形成了一個大型雙底形態，在突破後曾出現不錯的升浪，及後回落至頸線支持位置轉勢，現時可以留意阿里巴巴能否突破$100.8，如能突破上望$110，設$96.2止蝕。其實銀聯、支付寶及財付通可謂三分天下，三間公司在各自的領域中亦有優勢，在支付平台快速普及的情況下，三家公司只要能保持其自身優勢，應能同時受惠。如喜歡今天分析的朋友，歡迎比一個Like及Share給你的朋友。 =]

撰文：陳金