【摸魚手札】政府冇錢，填唔到海？（渾水）

政府預測自己今年會出現巨額財政赤字，理論上，我講緊嘅係理論上，要繼續明日大嶼應該唔係咁容易做到，不過呢度要處理幾個思考盲點。

第一，咁多屆財爺從來對自己庫房嘅財政預測都係有極大落差，陳茂波係咁、曾俊華都係咁。基於量入為出嘅守財奴原則，大家都慣性報細數，講得慘啲。

第二，呢十幾年香港政府嘅非經常性收入係非常之多，所以從來預測唔準都有原因。我哋仲有賣地呢一招，香港實體經濟仆直，但資產市場唔係，所以必要時透過賣地或者相關地產嘅印花稅維持收入，唔係話做唔到嘅一回事，大陸都係咁，透過地產去頂住地方政府嘅收入。

第三，政府是可以發債的，當然我哋比較熟習嘅政府債券係通脹掛勾債券。雖然信貸評級將香港政府評級比較低一啲，但係相信如果政府肯發債，依然都係有人仆住來買。

政府要錢，離不開收稅或者發債，收稅係一門專業技術，17世紀鍾意用包稅制度，簡單啲來講即係搵利益團體幫手收稅，咁樣有尋租誘因，收稅唔夠有效率。英國曾經作為地球上最勁嘅金融中心，打得贏法國，在於佢發明咗一種有效嘅發債方式，借錢俾政府嘅有錢人同一時間亦都係英倫銀行嘅股東，控制左英國銀行嘅印鈔權。

香港政府嘅印鈔權係同外國勢力掛鉤，呢一種技術叫聯繫匯率。一般政府發債冇錢還，可以透過印銀紙找數，香港政府做唔到呢招，所以當我哋政府冇錢，理論上係比其他經濟體更加脆弱。

都係嗰句啦，我哋支持國安法，一定唔可以將港元勾結美元，要掛鉤就要掛人民幣，咁樣先係愛國愛港嘅炎黃子孫。國家最近重新推出數字貨幣呢種劃時代金融發明，一聽到就心都定晒，就好似全民檢測一樣咁有說服力。相信政府，冇事，除非有事。

渾水財經Channel x Fortune Insight 獨家眾籌出版《港斃。港完：國際金融中心崩壞史》率先網上預訂：https://muddywater.fortuneinsight.com/web/

你的支持，將會在香港金融史上烙下痕跡。

及早訂閲我，能早知天下國際金融事

➡️Water Podcast：陶傑跟我分享的股票老千陷阱，他對於一馬基金、納吉、劉特佐和中國首富的有趣觀察
https://www.patreon.com/posts/40767836

➡️Water Podcast：超技術分析證坊間多數財演或KOL不學無術，揭露3033ETF錯價真相和坊間謬誤
https://www.patreon.com/posts/40951778

➡️Water Podcast：拆解中鐵建董事長神秘死亡的含意，重溫鐵路系統的腐敗以及如何勾結港資本玩家操控殼股
https://prime.fortuneinsight.com/web/posts/488402

➡️Water Podcast：現代貨幣理論和金融政治學分析中國搞數字貨幣的來龍去脈，參考委內瑞拉和愛沙尼亞的經驗
https://prime.fortuneinsight.com/web/posts/488599

掌握最新最精闢金融經濟資訊，立即訂閱《金融經濟精神食糧》
逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署和每日金融財經Podcast，幫你補補腦
https://prime.fortuneinsight.com/web/muddydirtywater

Patreon: https://www.patreon.com/muddywaterfinance