有時我們會忘記，豢養是為了疼惜。 #於泮 #金魚飼養守則 #handwriting #手寫 #鋼筆 #万年筆 #lamy #tzu_writing

【中國也有灰姑娘｜#酉陽雜俎中的葉限】 你以為西方先有灰姑娘？其實中國都有灰姑娘咖！ - 《酉陽雜俎》係唐代段成式所寫嘅筆記小說集，總共有30卷，喺公元9世紀成書，介紹咗漢唐以來嘅生活狀態同思想狀況等。《酉陽雜俎》當中嘅〈續集．卷一．支諾皋上〉就出現咗葉限呢個人物，身世同灰姑娘好相似。 - 故事內容係講述秦漢之前，姓吳嘅洞主有兩個妻子。妻子一因為早死，佢嘅女「葉限」只能夠同父親、妻子二 (後母) 、同父異母嘅妹妹生活。葉限非常聰明，亦擅長淘金，所以父親都好鍾意佢。可惜好景不常，父親死後，後母經常虐待葉限，要佢去危險嘅地方伐木，又要佢去深水井到打水。不過葉限因而捉到一條金色眼睛嘅金魚，飼養喺池中。葉限每次經過，金魚都會浮上水面。後母知道咗後，著住葉限嘅衫走到池邊，等金魚浮上水面時殺死佢燒嚟食。葉限發現後好傷心，呢個時候神仙出現，叫佢將魚骨埋葬。只要對魚骨許願都會實現，令葉限享盡金銀珠寶同華衣美食。 - 某日，後母要參加宴會，並叫葉限留守喺屋企。不過葉限等後母走咗後，偷偷地著上翠綠色上衣同輕如羽毛嘅金鞋，跟上去，但中途被後母嘅女發現。葉限因為害怕而跑返屋企，就喺途中留低咗金鞋，並被其他洞人執到。洞人將金鞋帶到「陀汗國」出售，國王得知後，命令全國嘅婦人都要試穿，直到搵到合適嘅人，不過都係搵唔到。國王於是派人到處搜查另一隻金鞋，終於比佢搵到葉限。國王覺得葉限美麗動人，於是娶佢為妻，帶佢同魚骨一同回國。回國之後，國王經常向魚骨祈求財富，亦如願以償。不過第二年後魚骨就變得唔靈驗，最後就將魚骨埋葬了。至於後母同佢嘅女，就同一般壞蛋角色嘅下場一樣，被飛石擊中而亡。 - 睇完係咪覺得同灰姑娘真係好似呢？對於葉限嘅故事來源目前都眾說紛紜，有人傳喺由歐洲傳入亞洲。不過，普遍嘅人都相信係由亞洲傳向歐洲，因為段成式喺唐代寫呢個故事，即係公元約9世紀，夏爾．佩羅嘅《灰姑娘》係喺1697年寫，至於格林兄弟寫嘅《格林童話》中嘅《灰姑娘》就喺1812年出版。唔知你又點睇呢？ - ----------------------- -📖冷知識手冊《吾港唔知》各大書局有售 ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ------------------------ #Beginneros #冷知識 #hk #hkig