🇭🇰九龍塘區 _______________________________________________________ 注意!! 又一城新分店限定!! 11月4日至10日所有拉麵買一送一!!! 重要野要講左先😆👍 東京取得米芝蓮一星的過江龍拉麵店 連續兩年奪得『東京米芝蓮』一星榮譽 當中的"帰"字，創辦人山本敦之希望令食客「歸來」回來再吃。 難得繼中環店後於九龍塘又一城開第二分店， 30/10 開張第一時間來體驗呢個知名拉麵。 涼拌黑松露紋甲墨魚頭 $65 上檯飄來黑松露微香， 墨魚爪咬落爽脆份量唔少， 加入富酸甜感的青瓜洋蔥一齊放入口 惹味開胃最佳小食。 拉麵總共有5款，必先試招牌湯麵， 沿用60斤新鮮大蜆熬製招牌主打貝汁湯底， 混合清魚湯及豚骨湯，既鮮甜又有香口層次感， 用上100％北海道特製小麥粉的蕎麥麵， 混入白松露油、牛肝菌醬、香草及煙肉碎。 幼平身麵質爽口彈牙，入口順滑。 貝汁拉麵醬油味$128 先用雙手捧起麵碗感受秋冬暖意， 再聞一聞，感受松露的香味， 呷一口湯頭，品嗜蜆與魚湯的清甜， 再將配料牛肝菌碎、牛肝菌油及黑松露醬混拌。 拉麵上的兩塊叉燒用上慢煮方法製成， 三層肉及叉燒非常軟腍質感各有千秋。 整體價錢稍貴，但以一碗用日本原材料空運到港， 有別於一般用豬骨雞湯作湯頭， 用純淨水高質講究的蜆湯做base的拉麵， 呢個價算是不能到訪日本的滿足慰藉。 ______________________________________________________ 👅美味: ⭐️⭐️⭐️⭐️⭐️/5 ✨環境: ⭐️⭐️⭐️⭐️⭐️/5 💫回頭: ⭐️⭐️⭐️⭐️⭐️/5 💡性價: ⭐️⭐️⭐️⭐️/5 💆‍♂️服務: ⭐️⭐️⭐️⭐️⭐️/5 🔍餐廳: #金色不如帰 🏠地區: #sharefood2you_九龍塘 🍽菜式: #sharefood2you_拉麵店 💸價錢: $228 📍地址: 九龍塘達之路80號又一城LG2樓25號舖 ⏰時間: 11:00-22:00 _______________________________________________________ #sharefood2you #食評 #九龍塘美食 #香港美食 #又一城 Disclaimer: ALL opinions are 100% Honest 相片經燈光處理攝影， 與現場光線可能有所偏差。