第一次做殺手（上） . 我接咗一個任務，殺手嘅任務。 . 聽落係咪好有型、好神秘，再加啲殘酷同恐怖？ . ， 件事係咁嘅，我叫阿成，人如其名，應該係一個好成功好傑出嘅男人。 . 但奈何蒼天無眼，我遇到嘅老闆，都唔賞識我，唔肯畀高人工我。 . 我都有Send過Email去啲跨國企業，問佢哋有冇興趣請穿我做總裁、副總裁、總監……但即使我將我嘅要求降到「經理」，都冇人請我。 . 只可以話，大公司真係好死板，講嚟講去都係講學歷、講工作經驗，咁樣咪會錯過我呢種真正嘅人才囉。 . ， 扯遠咗，總之，我暫時未做到總裁，我當然唔甘心打份平庸嘅工。 . 所以當我要用錢嗰陣，我就會去打吓散工，唔駛返工嗰陣，就喺屋企打吓機。 . 順帶一提，我打機好勁㗎，我鍾意玩刺客，來無蹤去無影，喺陰暗中收割對手嘅性命。 . 可惜，無論屋企人、朋友定女友，都唔了解我遠大嘅志向、過人嘅才華。 . 前排我女友詩詩仲話我冇上進心，我同佢嘈咗一場大交，分咗手，女友變成前女友。 . ， 唉，每個成功人士，喺成功之前，都難免被誤解甚至鄙視，我明嘅。 . 分手後，無人管東管西，我就有更多時間打機。 . 後來，我喺遊戲中識到一個朋友，佢叫孤獨的狼，係一個戰士，技術一般，不過課金唔少，出手都幾大方。 . 有一次，我同獨孤的狼傾遊戲技術，佢對我嘅技術讚嘆不已，然後講：「你分析力咁強，反應又快，現實中肯定係一個好勁嘅人。」 . ， 我有啲沾沾自喜：「係啊，好多朋友都好崇拜我，好多女仔愛慕我，不過我個人就比較低調，唔鍾意炫耀嘅。」 . 「你就好啦，我自細就手腳慢，讀書又唔叻，冇乜朋友。」孤獨的狼打出一行字：「如果唔係我阿爺留低幾層樓畀我，我早就餓死咗。」 . 我第一時間嘅諗法，係「留幾層樓畀你，仲唔算好，我都想有幾層樓啊」。 . 但我要維持高手嘅形象，只可以壓低心中嘅嫉妒，淡淡然咁講：「咁你都幾可憐，以後有咩要幫手，就出聲啦。」 . ， 「其實，真係有件事。」孤獨的狼突然講。 . 原來，佢上個月俾一隻芝娃娃咬親，雖然芝娃娃好細隻，但孤獨的狼都被嚇到落荒而逃。 . 孤獨的狼懷恨在心，居然想買凶殺狗。 . 「吓？」我呆咗。 . ， 「五十萬，買佢一條狗命。」孤獨的狼仲附上一張狗相，相中嘅狗好細隻。 . 我難以置信：「你講笑咋掛？」 . 然後，孤獨的狼買咗一萬蚊點卡畀我，話呢個係「誠意費」。 . 我感受到佢嘅誠意，但我忍唔住問：「咁細隻狗，你一腳都踢得開啦，點會俾佢咬到？唔通你有殘疾，定你好細個，或者係女仔？」 . ， 點知，獨孤的狼答：「從你接受任務開始，我哋之間就係殺手同僱主嘅關係，殺手唔應該知道僱主嘅身份。」 . 殺手，我係一個殺手！ . 呢個咁有型嘅稱呼，頓時激起我心頭嘅熱血。 . 而且，如果我賺到五十萬，我就可以證明畀大家睇，我係一個有本事嘅人。 . 話唔定詩詩都會回心轉意，返嚟我身邊，跟住我再用嗰五十萬做生意，賺五百萬、五千萬……諗吓都覺得正。 . 唔講咁遠住，我都係先研究吓，點樣賺到嗰五十萬。 . ， 我根據孤獨的狼畀嘅地址，去咗一間村屋，搵到「目標人物」。 . 芝娃娃養喺村屋嘅圍欄裡面，平時冇人看管，我試過從圍欄裡伸隻手入去，都可以摸到隻芝娃娃。 . 我影埋相畀孤獨的狼睇，確定得罪佢嘅，就係眼前呢隻芝娃娃。 . 孤獨的狼入咗五萬蚊畀我，算係「落訂」。 . 孤獨的狼仲建議，我可以喺肉裡落老鼠藥，丟落圍欄中。 . 總之，無論我用咩方法都好，都要拍片影到係我做嘅，再Send畀孤獨的狼，先可以收埋尾數。 . 待續... . #短故 #短篇 #小說 #陳美濤 #廣東話 #粵語 #tomatochan #第一次做殺手

#gfmurmur2402 【長文，希望有有心人睇完😊】 只期待後來的你能快樂 與你的相遇已早在三年多前，仍沉溺於失戀傷痛中的我，遇上了答應從陰霾中拯救我的你，一拍即合。 現在回想，愛情基於拯救心態，總不會是健康的感情吧？ 但我們也沒甚探究太多，就奮不顧身地進入了熱戀期，彼此也為大家做了許多從前自己不會做的事，以為這樣就會一輩子了。 一直過了五個月的甜蜜。 九、十月，世界彷彿在一刻間變了樣，香港開遍了黃傘，而那溫柔的你在升大學後也開始失了溫。矛盾、衝突、不解…不停在侵蝕我們的感情，我意識到再這樣下去會很快分手，於是便希望約你出來解開近來的心結， 『香港就黎死啦，你仲係到談情』是你的唯一答覆。 一會兒糖痴豆，一會兒冷如霜，就這樣大家捱了一年多。第二年的暑假，一直堆積在心底的不快爆發了出來，你當了組爸，ocamp當天你24小時沒有找我，我亦明白你的忙，只是事後不知哪句話得罪了你，你一個不快，就扔下我三天。 三天的不理會，任我如何澄清自己沒有怪責你，任我如何像個癲子在你家樓下哭成淚人，任我如何哀求你見我一面回覆我一句，亦等不到你一個表情符號。終於我直接踩上你家，等了哭了很久，你只叫我走，甚至我把頭也撞向牆了，糾纏很久，你才願離開電腦，向我道出你不瞅不睬的原因－壓力大。 當下第一個反應，是自責。怪自己明明想用盡所有力氣待你好、愛你，在你眼中原來只是chur你，是壓力。冷靜回想，一聲壓力大就可對自己的女人冷眼旁觀，任她多瘋多傷也不為所動，是一個怎樣殘酷的人？ 奈何我仍癡癡的留下，生活上與你相處的每個細節亦無限放大，以甜蜜包裝上載上ig，以填補心裡早以缺少的一塊。曾聽人說，愈缺乏甚麼，愈想炫耀甚麼，原來是真的。 暑假的冷戰後，即使沒有分開，亦知道有些東西變了質，我們的對話變得很空洞，甚至我也不敢找你，怕你覺得我chur。然後我常被困於你的冷落和我的熱情間的折磨，這種落差的痛，難以描畫，但相信不小人都身同感受。我好不容易才調較到自己生活的節奏，減少以你為重心，卻被你嫌棄我不覆機，說我變了。你憑甚麼不珍惜我的熱情，過後卻指責我變了？其實你是否懂得自省？ 就這樣，慢慢地大家都各自走，最後一次爭吵後，我有幾次想約你吃飯，你亦以忙推了，我都不忍心再劃破臉皮繼續主動。我竟選擇了等，等你有天會想起我的好，但最後原來我這兩年的付出，我們曾一拍即合的投契，亦不值你最後跟我說聲分手，正式交代一聲。原來在我仍在計劃如何氹回你時，你早就不負責任地獨自走了。 分手後，我努力過著自己的生活，你卻主動找我，並非帶著復合的動機，只是來分享你的日常鎖碎事，至今我仍對你的行為不解。我應該感謝你分手後的出現，每句亦在提醒我你早就變了，提醒我我們到底有多不合，才令我加倍速度走出失戀的痛，離開獨自幻想你有多好的世界及暫止妄想會再和你復合。 現在有時看你一些失落的ig post，亦會對號入座，曾經亦有『明明是你當初那麼得殘酷殘忍，現在憑甚麼在傷心，在搶做慘角色，在希望得到別人同情？』的想法。但我都釋懷了，畢竟一切都過去了，大家亦有自己喜歡的生活和追求的東西，我亦不想再困於你的印象中，親愛的前男朋友，別在回看了，可能你並無留戀我們的過去，不過再繼續糾纏對大家亦無益處。即使曾經有多恨你多愛你，如今我都放下了，別再任性地延長這段早已凋謝的感情，別再找我了，好嗎？原諒我此刻的狠心，是我對你最後的祝福。知道甚麼是分手嗎？就是此後兩人無論生老病死，亦互不相干。 曾聽你說過去兩任前女友的分開亦因為女方無故發脾氣，現在回想，可能你亦會為我們的感情下如此的結論。第三次失敗了，乖吧，乖乖的放下銳氣想想自己有沒有做錯過甚麼，才能令第四段感情開花結果。 以拯救為根基的愛，聽似浪漫，卻不實際，下一步曲，就會到感覺失蹤。 -- #hkig #hkcouple #hkgirl #hkboy #hk #couple #girlfriend #boyfriend #murmur #hkiger