📣HACHILL年底清倉大特賣📣 全場$250 任㨂 , 至筍優惠又黎啦！ 聖誕快樂🎄Merry Christmas,普天同慶嘅日子及新年將至，Hachill 為大家準備了劃一價清倉大特賣，不計成本，務求令香港每一位客人可以已超抵、超值價錢購買到高品質、緊貼時尚潮流的品牌眼鏡。 *現場亦提供配眼鏡服務 詳情可致電26183093 或9658 6788 #hachill #hk #eyewear ============================== 尖沙咀店： 彌敦道132-134號Mira Place I 2樓210號舖 銅鑼灣店： 銅鑼灣崇光百貨3樓307C (chevignon 旁） 旺角店： 彌敦道580A-F 潮流特區2樓221號舖 ============================== Discover more: http://www.hachill.com.hk

黃色經濟圈並唔等同黃色義工圈，呢一點我仲係好努力去接納。要接納唔係因為我覺得做黃色經濟圈要係賺大錢，而係我要努力去接納黃色經濟圈唔單單係飲食業，當中仲有文創圈甚至去到衣食住行等方面都唔應該同黃色義工圈劃上等號。 . 呢個可能唔係主流，但我嘅觀感就係咁樣：只要唔係黃色餐廳，做其他黃色經濟嘅嘢就唔好賺錢，最好就係做義工/義賣。好似做文宣做插畫嘅，比較多人default咗呢類嘢係應該做義賣，就算係要收錢嘅唔該唔好多過廿蚊。即使係賣gear或者做返正常生意（配眼鏡、飄眉、紋身）呢類，如果用返市場價去做，好容易就會俾人標籤為「發國難財、人血饅頭」，但去到飲食業大家嘅容讓程度會闊好多。 . 呢個亦係我當初搵口罩批發再不加任何手續費嘅原因，因為我只覺我唔應該賺錢，好似收多一蚊都唔應該咁。但係有朋友非常好咁樣提醒咗我，黃色經濟圈唔係黃色義工圈。若然我自願貶低自己嘅價值，只會惡性循環令到更加多黃嘅加倍剝削自己。 . 就好似做freelance設計，點解咁多人提出唔好免費幫人做，就係因為好多街外人覺得創作好簡單亦唔應該收錢從而做壞咗手勢。所以freelancers 除咗要為自己堅持，亦都要維護整個行業嘅生態。呢一點係我掙扎咗好耐，仍然嘗試緊明白同接受。因為最難過個關，係自己。 . 聽落好似好誇張，但呢次幫手搵口罩訂口罩我真係好大壓力⋯ 我唔係想怪任何人（當然要怪政府），而係我一開始搵唔到個平衡。我知道同一時間喺同一口罩製造商拎貨嘅仲有唔少人同公司，佢哋以成本貨嘅十倍賣返出嚟，但我用返原價賣出嚟仲俾人話人血饅頭；周圍都搵唔到口罩嘅時候我終於買到，但仍然會有人嫌棄唔係最頂級；為咗方便記錄我就用我網站開放俾大家買，但仍然有人會話的藉機宣傳自己⋯ . . 喺呢啲時候仲要俾人猜度，令我都好質疑我做緊嘅嘢😅但好多謝有唔少朋友提醒無論我做啲咩佢哋（有如藍屍）都會照樣批評，咁不如我將精力搞好黃色經濟。最難嘅原來唔係得到其他人嘅認同，而係要認同自己嘅努力，並為自己嘅付出得到回報而不自責。好難，但盡做啦。 . #香港人 #黃色經濟圈 #黃色文創圈