[ 瘦身雜菜湯] Vs [ 會反彈? 減肥失敗?] ♡鄭秀文瘦身湯好經典 可能曾經有人真係用呢個瘦身湯減重成功。 但係都應該有血淚史！ 以下真人真事畀大家聽。❤ ♡大學同房的減肥戰績 喺大學一年班， 同我一齊住宿舍嘅同房， 成日都減肥。 有一日喺下晝一點鐘，我見同房攞住大包細包， 原來係好多蔬菜包括有西芹、蕃茄、椰菜、洋蔥等等。 接著她在樓層嘅廚房裏面洗洗切切，直到佢下晝2:35pm， 瘦身雜菜湯終於大功告成！ 同房即刻急不及待咁攞一大湯碗盛起蔬菜湯大吃大喝起來，看她食咗兩三碗後， 可能食得太急，她"er"咗一啖氣出來之後，就衝到床上大被冚過頭睡著了。 瞓咗差唔多大半個鐘，佢又突然間彈起身，即刻衝去書枱拉開櫃桶，如數家珍地攞曬啲餅乾出嚟狂食， 都食咗十幾廿塊才罷休。 我繼續做我嘅功課， 之後房間就變得一片寂靜，而我再冇見過佢飲呢個瘦身湯，煲瘦身湯亦都不了了之…… ♡成為營養師後常常想起的片段 估唔到我畢業之後我真係做咗營養師 ( 因為通常喺大學嘅時候,雖然讀營養,但係有好多同學都沒有做返呢一行)， 呢個片段無論係我同房嘅表情， 佢每一個行為， 都畀咗好多啟發我，點樣能做到一個好嘅營養師！ 雖然係一件小事， 但係我都好多謝我同房能夠比到個inspiration我，如今當客人減唔到磅返嚟嘅時候， 我一定唔會畀個薯仔瘦身湯/ 蔬菜湯佢飲， 因為咁樣只會徒勞無功！ #鄭秀文減肥蔬菜湯 #節食 #好寡 #滿足瘦 #營養師 #家營營養師 #營養師Kathy #好營養師