［苦樂全在主觀的心，不在客觀的事］春美阿媽，當然唔係叫春麗啦！

TL：DR—爛片搵亮點，先係重點。人生都係。

1. 冇乜心機寫文。但，球員冇心機就唔使踢波咩？歌手冇心情唔使開演唱會咩？最多唱第啲歌。（其實，主要係部碌卜個keyboard畀我打到神神地）

2. 01篇文，舊文，但相當好睇（https://bit.ly/2Ns8Eq8）。不過今日唔係講街頭霸王隻game（我可以寫幾十篇文，本人可係16隻都爆機，雖然好基本），亦唔係講本香港漫畫（我居然儲過七色封面）。（＊）

3. 而係，套戲，《超級學校霸王》。01個記者，應該都仲係太年青。或者冇睇套戲？定只係打錯字？佢話「I.T.老闆娘其實是春美，她媽咪苑瓊丹才是春麗。」—大佬，苑瓊丹，梗係唔係春麗啦！How Dare You！點可能唔記得！

4. 正如《等待果陀》並冇一個叫「果陀」嘅角色出場，《超級學校霸王》根本冇一個角色叫「春麗」。點解？睇落去你就明。但想知苑瓊丹叫乜嘅，維基話到你知，唔使好似我咁入場去睇套戲。未睇嘅，記住去睇，YouTube有成套睇。我諗冇乜人care版權，特別係王晶嘅版權，right？

5. 呢套戲，唔算係我一生嘅污點。我入場睇過嘅爛片不少，遠啲嘅有《笑詠春》（堅爛到仆街，自己上網搵），近啲有仲上緊，衞詩雅嘅《熟女愛漫遊》，完全就係一套東京版嘅《笑詠春》。呢套《超級學校霸王》，雖則爛，但都未去到嗰啲級數

6. 但呢套戲，絶對係香港嘅污點。我估仲係好多明星嘅污點。我好有興趣，羅美薇有冇睇過呢套戲（或者，佢地啲賓賓有冇睇）。

7. 套戲，我係在美麗華戲院睇嘅。就當然係香港！唔係台北！唔好睇咁多《春嬌救志明》。咁你大約估到了，冇錯係尖沙咀，諾士佛台個位。我而家先知呢間戲院歷史好短，93年開，03年執，應該唔少同我年紀嘅人去過。而我當年唔知，我去睇《超級學校霸王》嗰時，間戲院新開兩個月（93年7月）

8. 套戲有幾污點？其實好能夠代表香港。求其，惡俗，只講包裝，唔尊重版權，乜都炒埋一碟。就真係fuck that 當年啲戲好有誠意。呢套戲都收2000萬，咁其實都未入票房十大。

9. 你見，真係星光摺摺（特登打錯）。四大天王包咗三個，但郭富城只係出咗一陣（幾咁求其，係咪有第套戲拍？果年佢拍6套戲，得呢套過千萬票房）。仲有香港奇雲培根任達華，唔知點解做咗主角嘅張衞健（我估因為得閒？），奸角嘅鄭伊健許志安，睇女有劉小慧楊采妮。咁你鍾意睇邱淑貞都得。當然睇苑瓊丹都可以。

10. 老嘢，仲要有埋周比利盧惠光段偉倫吳耀漢同阿叻（點會冇佢？），有阿叻你就知真係香港精神。飾演聖育強中學運動會評訹，可想而知品味幾咁惡俗。但都唔夠苑瓊丹揭曉到底「春美」老母（即係佢）叫乜名咁惡俗。

11. 套戲有幾混吉？其實講故事，都唔係真係十分非常差嘅，係有情節的。

12. 但點解污點？首先，套戲，係完全冇拎授權嘅。香港人好尊重創作呀可？亦都因為咁，套戲根本冇「春麗」，只有「春美」。冇軍佬古烈只有掃把頭，冇域加／巴洛克只有鐵面，達賴爾變咗發達星（換著而家就畀人話歧視了），最正都係E Honda 變咗 Toyota．如果而家應該係　Tesla，或者Nikola

13. 仲有，呢套戲，完全係當年嘅香港精神，茶餐廳文化。乜撚嘢都炒埋一碟。何止有唔經授權嘅街霸？仲有叮噹！I mean，冇叮噹呢個角色，但有大雄！仲有忌安！—媽的，我幾肯定，呢套戲許志安從影多年代表作之一！真的—不過，明明個造型就抄阿福。是但啦。

14. 唔止，到最後（係呀，劇透呀點丫），張衞健，aka余鐵雄大法官，仲會變身做悟空！當然亦係冇拎授權，咁你可以話問吳承恩拎咗嘅。

15. 我唯一想知嘅係，呢套戲到底拍咗幾耐？我估好快手，大明星好忙。而王晶亦出名快手。而家當然人人話佢爛，但亦冇人可以否認，當年《賭神》《新哥傳奇》《整古專家》（早排先重睇！RIP 新哥！）十分好睇。其實《鹿鼎記》《新哥傳奇》（上下集！）《赤裸羔羊》都係92年嘅戲，可以講93年呢套戲，王晶就開始勁跌watt—但佢93年一樣都拍咗7套戲。固然而家啲乜乜文青導演十九幾年磨一劍，但掉轉頭，拍得唔好嘅，至少夠快，夠多，都係技能嚟的。明顯我講我自己。

16. 呀，勸世文嘛。十分慚愧，我好似睇咗套戲兩次。咁固然當年啲品味比較低（而家都係），但點解睇多次？就係睇，劉小慧同楊采妮！喂，show some respect，93嘅劉小慧楊采妮喎！固然唱歌十分難聽，但佢兩個嘅碟我都有買，兩個都唔只一隻，我就係fans（亦都fuck that 當年啲歌手好有實力）。喂，劉小慧同楊采妮著校服扮學生妹喎。你估下佢地老公有冇拎返出嚟睇？

17. 仲有，首歌，張學友嘅，《總有一天等到你》，亦係好歌，但張學友好似唔太多在演唱會唱。照計你搵人數張學友，廿首，三十首，甚至五十首，都未必首到呢首吧？

18. 教訓係乜？王爾德話頭，我地都在屎坑中，但有人選擇仰望星空。改變唔到世界，就改變你自己，改變唔到你自己，就改變你嘅諗法。

19. 再講白啲，今日端午節，屈原話嘅（其實唔係）。條河乾淨嘅，你咪洗腳皮。條河污糟嘅，你咪洗包皮！套戲好睇嘅，咪睇戲。唔好睇嘅，咪睇楊采妮睇劉小慧聽張學友咯。

20. 我是十分認真的，香港呀，政治呀，世界呀，都係如此。有啲人總係見到唔好嘅嘢，但我就見到啲美好嘅嘢，例如93年著校服嘅楊采妮同劉小慧。

21. 咁當然啦，其實93年，我係特登由屯門出到去尖沙咀入屎坑，然後先唯有仰望星空嘅。根本就可以唔跳入屎坑。拉什廸/魯殊廸（Salman Rushdie，友版飛田新地嘅偶像）話頭，well, you have done a lot of work to be offended （https://bit.ly/3dvZ7ci）

22. 呀，for those 懶過西嘅，苑瓊丹，春美老母，叫乜？自己睇，（https://bit.ly/31pA34v），1:25。

（＊）可能有啲人會少少奇怪，畢竟埃汾係學霸，而學霸好似唔會做呢啲嘢，至少我學校另外三大學霸都冇。但呢度唔係講埃汾天資幾高，而係想講，我係一個火麒麟（＊＊）周身癮嘅人。好聽啲就係好奇心旺盛（似企鵝），興趣多。我中學成績咁好，明顯因為未有得上網，我遲十年出世應該就唔會係學霸。證據？我去到大學成績就一落千丈，勉強拎個碩根撈華。原因？除咗溝女（中學都溝啦，溝唔到之嘛），主要就係因為上網。上網做乜？就係寫文。寫咩文？其實同而家冇乜分別，而家附注嘅東西，當年係正文。

（＊＊）無獨有偶，應該係93年7月，我睇《超級學校霸王》咁上下時期，我一生人第一次自己買嘅鹹書，就係《火麒麟》，明顯係佢召喚我。甚至唔係《龍虎豹》，而當年亦未有定未夠錢定未識咩Beppin之類。不如有機會寫多啲呢啲。但講返，我買完嗰本《火麒麟》，仲去咗華都（屯門）租咗套《天龍八部》返屋企睇。果然係《火麒麟》周身癮，又要睇鹹故（唔通睇相？）又要睇金庸。又，唔好膠，《天龍八部》（＊＊＊）當年係五本書，如果冇記錯，神鵰射鵰都係四本。

（＊＊＊）忍唔住再講。當年另一中學同學，都睇緊《天龍八部》。有次唔知佢串親我定乜，結果我爆咗《天龍八部》個結局畀佢知，踢爆咗主角身世之謎，佢掩耳都掩唔切。我深感後悔，唔明白自己點解可以做出咁惡毒嘅事。我好似咁耐都冇同佢道過歉。其實我地在中學同學whatsapp群都仲有傾計，希望佢睇到呢篇文。自此我亦明白咩係「劇透死全家」。但我估，佢應該唔記得咗呢件事。嗯，魯迅呀，《風箏》—　『有過這樣的事麼？』他驚異地笑著說，就像旁聽着別人的故事一樣。他什麼也記不得了。

————————————
多謝你睇到呢度，而家到你救我全家了。新搞作。同Homeblogger新合作，以往得文字，而家玩短片。第一炮當然係你最關心嘅，下半年個市點睇。港股，美股，樓市。暫時斷次買。80蚊，講足半個鐘。你請我食一次飯一定唔止，我好大食的，食你七八舊水都得。

入面有埋圖，有埋恒指標普目標價，教埋資產配置，有埋6隻心水股。有港股有美股有大有細。

請去呢度睇：https://bit.ly/37S4iC5

課程編號：CC002
客服whatsapp: 63832145

昨天記者會的報導出來了😁
謝謝蘋果日報小三姐、大智姐；自由時報德蓉姐；中國時報方綺姐、秀瑛姐；聯合報沛學姐、慧貞姐；ETTODAY思妤姐、小閃姐；NOWNEWS麗娟姐；東星娛樂珮瑜姐❤❤❤
真的很謝謝各大媒體的支持😀

這邊還有整理好的新聞連結唷快來看看記者會上我們還聊了什麼幕後趣事吧嘿嘿嘿嘿😎
蘋果日報：郭書瑤《劣人傳》跳懸崖 半露側乳壓驚
http://ent.appledaily.com.tw/…/entertain…/20160712/37304198/

蘋果日報：郭書瑤「領便當」自誇美　掀頭皮變夢魘
http://www.appledaily.com.tw/realtimenews/…/20160711/905573/

聯合新聞網：「結婚宣言」趕流行 郭書瑤：30歲後才要婚
http://udn.com/…/1821789-%E3%80%8C%E7%B5%90%E5%A9%9A%E5%AE%…

自由時報電子報：（影音）郭書瑤噁看掀頭皮 慶幸嘴巴免被縫
http://ent.ltn.com.tw/news/breakingnews/1759383

自由時報電子報：瑤瑤難忘掀頭皮 慶幸死得漂亮
http://ent.ltn.com.tw/news/paper/1009788

中時電子報：郭書瑤噁踩頭皮頻作嘔 網路劇搞《詭》不迷信護身符
http://www.chinatimes.com/newspapers/20160712000690-260112

NOWnew：洩美乳跪求生日假！郭書瑤X歲才要嫁金陽
http://www.nownews.com/n/2016/07/12/2165431

中央通訊社：劣人傳之詭計 劇情緊扣社會議題
https://tw.news.yahoo.com/%E5%8A%A3%E4%BA%BA%E5%82%B3%E4%B9…

Knowing新聞：靈異事件頻傳！不知名「鬼影」探班？
https://tw.news.yahoo.com/%E9%9D%88%E7%95%B0%E4%BA%8B%E4%BB…

Yahoo奇摩娛樂新聞：郭書瑤率俊男美女搞詭 死神鬼影都來探班
https://tw.news.yahoo.com/%E9%83%AD%E6%9B%B8%E7%91%A4%E7%8E…

http://ent.appledaily.com.tw/…/entertain…/20160712/37303481/ 郭書瑤大膽挑戰尺度 直言「人比鬼可怕」

http://star.ettoday.net/news/733261 獨家／《大學生》陳慕斷開利晴天！熱戀大7歲長腿辣姐姐

http://star.ettoday.net/news/733338 《大學生》陳慕暫退演藝圈！　解約蔡康永原因曝光

http://www.chinatimes.com/newspapers/20160712000690-260112 郭書瑤噁踩頭皮頻作嘔 網路劇搞《詭》不迷信護身符

https://www.youtube.com/watch?v=oXF7rOx9YpI 【蘋果Live】劣人傳之詭計媒體分享會_20160711

https://www.youtube.com/watch?v=T2fToEZ2VMw 東星娛樂 郭書瑤拍「詭計」靈異事件不斷 有機會想挑戰演鬼

https://www.youtube.com/watch?v=oxEBiUjsuBc 網路鬼后！郭書瑤挑戰恐怖網路劇 擔心撞鬼 東森新聞

自由娛樂：郭書瑤為連奕琦 首度接拍恐怖片
https://www.youtube.com/watch?v=TGszTD_ZxLM

Yes娛樂：郭書瑤露半乳宣傳驚悚片 衣櫃一陣涼風超恐怖
https://www.youtube.com/watch?v=KGzOc3XQVzI

維基娛樂：郭書瑤被騙來拍《詭計》? 盼大家重視霸凌問題
https://www.youtube.com/watch?v=G-CmYgEjJP8

eTV行動傳媒：郭書瑤不挑戰鬼后 因為人比鬼還可怕
https://www.youtube.com/watch?v=H3LN4H2tIc0

台灣蘋果日報：郭書瑤《劣人傳》跳懸崖 半露側乳壓驚--蘋果日報20160712
https://www.youtube.com/watch?v=ABqoYDMsz1E